ipchristina's Profile

早餐去買外賣，店內冇咩人，天氣幾熱，我企在收銀處等外賣想少一點出汗，突然一位女侍應叫我出門口企，話我阻住佢做生意，我說你俾個位我坐一會，好拒絕。其實店內還有很多位。查實要否做到咁呢？講返食物，叫左吉列魚柳煎雙蛋配油豬，魚柳唔脆，煎雙蛋還可以，但個脆油豬好難食，又凍又硬，未食過咁難食既飽，牛油少得很。仲要無餐具提供，叫人點食呢？支持環保都要問下個客架？呢餐真係好慘，貼錢買難受。現在經濟唔好，生意淡薄，想支持下但遭遇這經歷，唯有下次去第二間。…Read More

話說疫情嚴重影響到酒樓生意，稻香集團為了增加收入和客源，推出外賣餸在下午4:00-8:00售出。這天見放工返到元朗不早，也希望幫襯下食店，故去了稻坊叫了兩個餸。5:07出單收錢勁快，叫我轉頭來取，我便在附近另一小店買了炸雞翼和薯條，打算回家早點開飯，5:15回到稻坊外賣仍未有，我想太快回來未有正常，便繼續等，約十分鐘5:25後我問職員，他們叫我再等，我便再等，到5:32我再問，才見廚房開燈，一位阿姐仲講：你5:00黎買人哋食緊飯，係要等架啦！奇怪在這個外賣是說供應時間是4:00-8:00？！？我即回應這位阿姐，如果5:00-6:00唔做生意應註明，唔洗搞到我等咁耐，一輪交涉後，最後5:47才出到我兩個餸，足足等了40分鐘，我的炸雞翼和薯條也變得一點也不炸。回家立即開飯，確實兩個餸係整得好好味，一個是魚香茄子，一個是菠蘿咕嚕肉，送飯一流，可惜我的炸雞翼和薯條就變得凍晒。正常等15-20分鐘的外賣都可接受，但今次搞左40分鐘，還要俾職員講到我呢個時候黎買係我唔岩。這叫我決定要將我的錢投放在唔洗令我勞氣的食店。現在間間食店都要幫...自己選邊間要幫襯吧。…Read More

經openrice訂桌，老公與仔先到，職員未問清楚就假設我們三個人叫兩人餐，將人數減至2人。叫了三個午餐，先來牛排，七成熟。牛排都入到口但$88不要期望太高。煙三文魚賓尼廸蛋配沙律，個賣相不錯，入口也好食，賓尼廸蛋整得很靚。牛肉芝士漢堡，好鹹，不好食。整體食物是可以，但服務不好，想要杯水，叫了兩次，第一次話等陣，第二次再叫，職員態度不好，跟第一次的對話：都話等陣囉。但不知要等幾耐。後來叫野飲，都係要叫兩次。其實水係人生存基本權利，我們又叫左三個餐但想不到受這樣對待。…Read More

一家三口來這店晚餐，被店門口寫有肉骨茶食吸引，入到去見隔離桌碗面好大碗，就問侍應是什麼，他就介紹這是喇沙龍蝦鴛鴦面，於是兩樣野都叫左，但由於碗面是辣的，故不太適合小朋友，叫左蒸肉餅俾小朋友食。碗面黎到，見到隻龍蝦，是波士頓龍蝦，份量十足，抵食。味道也整得很野味。勁鍾意。肉骨茶好大碗，好多肉和骨，有白飯配埋，但我覺得少左一種在星馬食時的味道，但也不俗。蒸肉餅軟硬適中，小朋友都愛吃。不得不提，他們自製甜豉油，好好味。同埋招呼很好，好像屋企咁。店內還提供濕紙巾，方便食龍蝦時使用，很細心啊！美中不足是有隻蚊滋在場內飛來飛去，有點影響。…Read More

經過佐敦想搵間坐得舒服的店食午餐，選了這間，但有點失望而回。這間店說訂座送小食，我也不知。去到職員當然當無件事。我後來才知原來係有優惠。食物水準都可以，叫左個意粉、一個扒和一個沙律的午餐。忌廉湯淡而無味、意粉傷量適中、沙律都可以、扒沒什麼驚喜，配菜薯條好像炸了很久，不夠脆和熱。我叫左杯熱檸檬蜜但蜜糖勁少，接近無有幼兒同行但侍應沒有俾小朋友餐具，這點不太理想。其實這類餐廳應了解客人需要作出主動提供，可惜沒有。…Read More

因工作經過佐敦未食午餐來這間下午茶，入來見到只是兩三張桌，相信好快有得食，叫左個上海粗炒，點知一等等左廿分鐘，催了三次，侍應態度悠閒，唔理客人。眼見其他後來的食客都食緊，肯定的是他停做了後來的客的食物先。終於碟野黎到，好細碟、面太淋，唔好食。仲要連肉都無條（已不期望有塊，只期望是條都無），真係好搵笨。野飲叫左杯凍檸茶，連茶味都無，這間店真係加埋侍應的態度，一句不好意思都無，這間店下次一定不會幫襯。…Read More

星期日想早點5:30食晚餐，經過銅鑼灣廣場，原想去樓上的店，但經過牛陣，見地方都幾寬敞，故入去食，點知情況不如理想：座位：入到去其實只有一張桌有人坐，侍應就要我地坐在他們隔離，兩張四人桌，得一小條空位可行出黎，感覺很迫。後來隔離桌走了，感覺好好多。點知唔足五分鐘，侍應就安排另外四位過黎坐，但全間店直到那刻只係得兩張桌有客。不明為何要客人咁迫。隔離桌的人不斷出出入入，好騷擾好迫。服務：打邊爐要用紙巾應是常識，但這間的紙巾是配給的...侍應態度也麻麻，有位疑似主管既阿叔好不友善，唔想你叫佢咁...配料食物：極少，連粟米、白蘿蔔、紅蘿蔔、芋絲呢d都無，相比牛x鍋或牛x(x一）真係少好多野食。特別個飯，真係好恐怖，佢有白飯和健康飯，都是好爛，落左好多水煮...而撈飯食的咖哩更不堪，咖哩應是結身，但這兒的咖哩汁是水黎，賣相一點都不吸引也不好食。雪糕雖是Haagen Dazs,但問題係硬到根本「不」唔到出黎😱牛肉：牛是全店唯一可取，我叫了最平的$179餐，但牛的味道仍不錯。7:00食完離開但其實仍只有少數桌有客人，不明為何各方面質素都是令人失望。…Read More

星期日晚上6:30去這店，大靚位，原打算去牛涮鍋，但要等好耐故去左這間，但中伏了。叫左個蜜桃豬扒飯，點知除左個鐵盤是熱，飯和豬都唔熱既，仲要鹹得很。叫左個溫泉蛋卡邦尼意粉，無個飯咁鹹，但都係鹹。薯條是正常的。叫左兩杯野飲，其中一杯係凍檸茶但完全無茶味，真係從無飲過無味有色既凍檸茶。食左45分鐘後，那職員就在執野，砰砰boom boom,目的係趕我們走，其實我由入去到走都得45分鐘，一小時都無，但服務卻是這樣。總結：食物和服務都不值再去。…Read More

我對食物要求不高，正正常常放得入口既都食，但黎到呢間店，真係頂唔順。話說我叫左碗牛丸金邊粉，首先金邊粉是預先煮好咁，係客人黎時加湯，因為金邊粉一點都不熱。其次牛丸係有縮味，牛丸真係好難係壞，我跟職員說他們換了另一款給我，我選了豬扒但都係凍既。結果我接近成碗無食過。至於我爸叫左粟米班腩飯就似樣點，班腩是剛炸好，係熱既，我爸說好食。或者他們的飯是ok,是我叫錯野食，後來觀察全店的客人都是食飯。可能真係我既錯…Read More

五點幾想食少少野，原想去這間店食個甜品，但見到竟然初四仲有平日的下午茶餐，$58有窩夫全份和一杯特飲，非常超值，跟老公叫了一份再加一杯雜莓乳酪$42。首先來杯冰凍杏仁咖啡，咖啡是結左冰，另外有杯杏仁汁給我們自己倒落去，好有誠意。好有杏仁味，可惜份量只有給我們隻杯的一半紅豆抹茶窩夫都很好味，真係全份無偷工減料。除了窩夫下午茶餐，還有薄餅下茶餐，可惜我覺得叫兩份太飽了，故另外叫左杯雜莓乳酪，計晒卡路里，對體重控制的朋友是一個不錯的選擇。…Read More

生日跟老公一起到一糖食宵夜，10:00左右到達，室內已滿，職員叫我們坐房，但一入去就有種好局既感覺，故選擇坐露天，職員也很願意給我安排。我們點了一杯白黃橙特飲和一份抹茶紅豆窩夫。先來特飲，有點乳酸味，不太甜，我們都喜歡。至於抹茶紅豆窩夫，有四件窩夫咁多，幸好我們只叫一款甜品，否則一定不能吃完。脆度適中、味道也很好，雪糕就略欠綠茶味，紅豆好好食。整體感覺很好，因為難得在天水圍找到高水準甜品，地點也蠻方便，西鐵站過去只是五分路程，但要入對入口，否則走冤枉路。唯一不太舒服是食物來到後，侍應就來收錢，不知是否怕會走數，但那種感覺是好快餐feel.另，吃完前有兩頭狗在開戰，作為怕狗的我，是有點驚驚地。不知店主有冇辦法叫客人可得安全感一點。…Read More

他們的食物很新鮮，我們叫了一個海鮮煲（$208），海鮮應是新鮮海鮮，很有鮮味。野菌意大利飯（$118）軟硬適中，味道也很好吃。千層肉醬麵（$118）份量比預期少，但每人食少少都開心既。黑松露薯條（$68）份量也不少，小朋友食得很開心。見到隔離桌叫了碟豬肋骨，份量好大份，我地都叫左，真係好惹味，也易入口。正飲品（$58）略甜，如淡少少會較好。最後叫左個甜品拼盆（$168），包括心太軟+車厘子金寶和芝士蛋糕，好有驚喜，一人食一點，好滿足。小朋友爭著食雪糕，很開心。總之，這店環境和座位是很舒服的，如果平日來ae卡仲有折扣優惠，我們聖誕假期來故要付原價。下次要再來。…Read More

因買了百老匯表演的套票（$200一套，包兩張最平的門票、$100美食儲值卡和$200百老匯賭場劵）。買完票還有時間，便落百老匯地下的食街看看有什麼食，一來是想用左張儲值卡，二來想消磨時間。我們四個人，有$200儲值卡的金額，故都是找間點飲野或吃甜品。見到這間，價錢約$40-50一碗，非常合適我們的預算，便入去了。我們四人都是食馬蹄沙，因在香港較少機會食，只是大家叫四款不同的配搭，真係好好食。我自己食蛋白馬蹄沙，只有熱食，馬蹄味十足。老公叫左個椰汁桂圓馬蹄沙，粒桂圓超好味，很想再食。四碗埋單$193，用儲值卡還有$7餘下來。但如果無儲值卡的贈送，未必會幫襯，因中式糖水來說是十分貴，紅豆沙都要$34一碗，較難接受。😅…Read More

慕名而來，想一試他們的乳豬海鮮火鍋，但其實心裡有點擔心勁油，因始終係乳豬。平晚去不算多人，6:30只是一桌有人，直到8:00離開時才坐滿，如過左7:00去的朋友最好訂座。一行四人坐下就找乳豬海鮮火鍋，單叫$298，後來發現有個套餐，$398另加三種食物，由於朋友不想熱氣，故放棄他們的炸雲吞，改要鮮腐竹，另還有蝦滑和蟹柳。火鍋來到時，大家都很興奮，侍應說這火鍋足夠三人食，但我們覺得是四人份量。原本很擔心因乳豬搞到好油，但吃下去一點也不油，不過味精很重，但食物是很不錯的。環境也很舒服，幾位朋友一起食是很開心，地點也很方便，在巴士總站附近，很容易找。我們另叫了碟鮮牛肉，很好味，加埋野飲，四個人$501埋單，超值。…Read More

係船屋附近，人人都想去船屋，但澳門人推介這間銘記，是不起眼的店，但裡面的食物卻好食到不得了。我們四人叫左五樣餸：豬手又脆又唔肥，好好味。葡國雞撈飯好食。牛柳入口即溶，好軟。燒排骨都是肉質不肥。真係好好食！埋單每人$100都不用。…Read More