dadacheukying's Profile

該餐廳的環境非常好，讓人感到舒適和放鬆，而且非常適合打卡。然而，當我品嚐了食物之後，我感到有些失望。除了蛋包飯和雞蛋布丁之外，其他的食物都只是一般茶餐廳的水準，缺乏創意和誠意。特別是厚多士，我個人非常不推薦。雖然價格便宜，但是食物的品質和口感不夠好，讓人感到有些失望。不過，該餐廳的服務質量還是不錯的。服務員非常熱情和友善，讓人感到受到了尊重和重視。總的來說，如果您只是想找一個漂亮的地方打卡，那麼這家餐廳是一個不錯的選擇。但是，如果您想品嚐高品質的食物，我建議您可以考慮其他的餐廳。…Read More

每日都見到好多人排隊，Book位book到幾個月之後，懷着一個好高期望嘅心去食。只可以講係好食，不過唔係特別好食，未去到米之連級數。咁嘅普通質素來講，係好貴。首先講個螃蟹荷葉蒸飯，個蟹係好新鮮，好多肉，個飯都好有蟹味，但係完全食唔到個荷葉味。個飯嘅質地係幾好粒粒分明，但係真係好鹹。個個嚟到都話要點叉燒，個叉燒送到上嚟嘅時候，有個專人幫手搽醬，然後用個火槍燒熱個面。搞咁大壇嘢，以為個叉燒入口即溶，原來係名過於實。舊叉燒太大舊。普通大排檔，或者燒味舖，都有機會買到更好食個湯唔夠足料，或者係煲得唔夠耐。唔係好夠入味。最後，可以一試，但係唔會有下次…Read More

位於工廠區，環境好清幽，樓下好容易搵位泊車。叫咗一塊慢煮西冷扒，七成熟岩岩好，入邊啲肉係粉紅色冇血水。好多肉汁，口感一流。而且份量好足，在配埋薯條同埋沙律菜，男仔食到夠飽。唯一可以改善嘅地方就係把刀可以利少少。另外叫咗個白酒蜆肉蒜香意粉，一嚟到好重酒味，完全冇偷工減料。差唔多每一啖都有蜆肉。我最鍾意佢個意粉嘅口感，軟硬程度係偏硬身，係適中嘅炒意粉嘅硬度。蒜蓉味重，但唔會好鹹，真係值得一試。嘢飲方便我哋叫咗兩杯。一杯果皮冰糖檸檬冷泡茶，見到個配搭咁奇怪忍唔住要試吓，出奇地覺得好夾，少少苦澀味，再用返啲冰糖中和，係更有層次嘅港式檸檬茶。而另一杯係提拉米蘇咖啡，個底係齋啡，上面有一層好厚嘅忌廉，面係朱古力粉。可以先食提拉米蘇，或者溝埋啲咖啡一齊飲，兩種都好好味。總括而言，喺九龍灣附近做嘢嘅朋友放工可以嚟試吓，唔係住附近嘅都可以揸車嚟。第一間幾有質素嘅西餐廳。…Read More

位於成河街，環境清幽開陽，門口有位泊車，室內外都有位置。可惜招牌軟殼蟹多士一早已經賣晒。淨係飲咗兩杯drinks , 香橙益力多咖啡，香香地好清新，益力多同橙極其地夾，而且咖啡味唔苦，比例剛剛好。令一杯凍朱古力，就係普通同朱古力。值得一提嘅係，個杯係幾靚嘅。如果由地鐵站行過嚟就會好遠，住附近嘅都不妨嚟試吓。價錢就每杯四十零蚊，嘢食都係正常價錢。位於成河街，環境清幽開陽，門口有位泊車，室內外都有位置。可惜招牌軟殼蟹多士一早已經賣晒。淨係飲咗兩杯drinks , 香橙益力多咖啡，香香地好清新，益力多同橙極其地夾，而且咖啡味唔苦，比例剛剛好。令一杯凍朱古力，就係普通同朱古力。值得一提嘅係，個杯係幾靚嘅。如果由地鐵站行過嚟就會好遠，住附近嘅都不妨嚟試吓。價錢就每杯四十零蚊，嘢食都係正常價錢。…Read More

依家好多Cafe開到成行成市都係主打精品咖啡嘅。呢間就係喺咁多間之中我覺得算比較差嘅一間。之前試過去深水埗嗰間已經覺得麻麻地，今次諗住你依家俾多次機會佢，點知都係咁。叫咗一杯摩卡同埋一杯陪茶鮮奶，兩杯都係有同樣嘅問題，就係個杯係普通Starbucks嘅tell嘅size, 但係入邊嘅咖啡只係得半杯，好似俾人飲咗一半飲。而且個味道係十分之甜，個人感覺就係本身咖啡冇乜質素所以要用啲甜味去改過知佢。呢間咖啡仲會提供一啲嘢食嘅，就好似意粉啦同埋有啲漢堡。我哋就冇叫啦，但係見到隔離枱有食嗰個意粉。都係一啲好低質素嘅意粉買到九十幾差唔多$100總括而言如果你係想來打卡嘅我覺得呢間野都唔錯…Read More

今日放工又去打邊爐！今次就去左碼頭故事火鍋店！ 我地今日早左小小到6點幾，呢個鐘數真係冇乜人，環境唔錯，中式嘅裝修，都幾別緻！我地叫左一個麻辣同豬骨，個鍋係有個細位，俾你放麵或者啲易散嘅食物，好貼心！個湯底對我黎講唔算好麻辣，但就算濃，所以都唔駛再點汁！食物我地就叫左個小食叫蘇肉，我自己第一次食，朋友話係佢兒時嘅小食，好好味呀！！😍😍我地仲叫左魚片，蓮藕，准山等，好爽口！好好食！中意食辣嘅朋友仲可以加辣！好惹味！…Read More

今日同朋友去咗深水埗一間叫做紅番茄餐廳嘅地方食飯。地方就喺元州街位置，位置非常方便容易搵到。餐廳裝修非常有特色，我哋揀咗5:30去所以冇乜人。我哋叫咗二人晚餐，有餐湯，沙律，雞翼做小食，主菜有豬手，同埋揀咗比目魚魚扒。豬手外脆內嫰，份量非常足，味道都唔錯唔會太鹹。二比目魚個份量亦都係非常之大我哋兩個人都食唔晒。另外個餐仲包甜品同嘢飲，我哋分別叫咗凍檸茶同埋薑水。甜品我哋叫咗意大利朱古力蛋糕，細細個，有士多啤梨醬係面，好味！…Read More

今日同男朋友仔去左大角咀食西餐，位置係地舖黎架，都幾容易搵！食物我地叫左一個軟殼蟹漢堡包，賣相非常精緻，係原隻炸左嘅軟殼蟹上。而且個sauce 係酸酸甜甜，好開胃，個包係自己好中意嘅牛油烘底😍😍成個餐配菜係有驚喜，反而隻就遜色小小啦！我地仲叫左個鰻魚飯，非常大碟，幾好食，醬汁都係唔錯架，抵食！甜品就叫左waffles，佢里面加左木薯粉，口感係好煙‘un’，😍😍 雪糕係豆腐味，好正！配士多啤梨同綠茶蛋黃醬，推薦另外叫咗兩杯嘢飲Chocolate smoothie 同strawberry soda, 朱古力有驚喜， 似茶餐廳嘅凍朱，唔太甜！ 另外士多啤梨就似藥水味，哈哈！…Read More

今日同朋友去左尖沙咀韓屋，間舖嘅位置非常容易搵， 而且裝修好特別， 係文青風！很適合鐘意影相既人，但係店內不是很大，只有幾張枱。食晚飯就記得早小小去啦！！食物我地叫左人參雞湯，個湯好濃，隻雞係溶左係啲湯裡面，同係韓國飲既完全無分別 ，推介！佢地風格係行零味精，養生路線！適合喜歡食得健康啲人士！😋😋我地仲叫多左個牛肉芝士拌飯，呢個份量很足，拌飯啲配菜很多，而且很香！2個人 一個拌飯一個人參雞湯，夠哂！！😍😍…Read More

今日同男朋友仔去左觀塘一間西餐，位置都幾容易搵！就係中海日升中心上2層食物Pizza 就比較普通，火腿菠蘿芝士。唔知係咪因為冷氣太大所以個Pizza好快就到凍哂。不過勝在夠厚身，食完個Pizza已經飽。Chicken salad幾好食，有少少芒果汁係面，再有少少beetroot 切條，健康又清新芝士薯條都唔錯，好大份，配個黑松露沙律醬，好味。牛面肉十分好食，好重牛味，同埋有啲肉質好林。鍾意食牛展嘅人呢其實可以試吓，因為佢個口感頭展都有啲似，不過佢就再林身少少。推薦另外叫咗兩杯嘢飲Mango smoothie and Strawberry smoothie, 雖然係藥水味，但都做得唔錯，唔會好甜。…Read More

近上環喺PMQ嘅對面，一棟住宅大廈嘅地鋪。個設計都係好簡潔嘅，室外法外有一個小平台都有10幾個位，車流唔會好多感覺都幾chill叫咗一杯普通latte 同一杯Spanish latte，後者係用condense milk, 係比較甜, 中意甜嘅我就揀左 Spanish latte la ❤️👍🏻👍🏻 so nice 👍🏻 咖啡豆方面，佢可以比你揀blend or single origin, 前者就比較濃味d，後者就果香味重d。…Read More

呢間餐廳喺百德新街入邊，兩幢樓中間，中間係一條行人路啦，係唔會有汽車經過，所以個環境係好清幽，非常之適合拍拖，or 放工happy hours呢間餐廳主要係飲手工啤同埋食串燒嘅，係呢個地段來講個價錢唔算好貴，一串全燒大約都係20-30，而且係好食嘅。呢間餐廳仲有一啲日式嘅料理嘅，你可以點其他日式嘅飯，例如親子丼。兩個人埋單都係每人2-300，咁嘅環境我覺得係超值。手工啤方面佢有好多唔同嘅款式啦，而且佢會用啲顏色貼紙，去令你容易啲分。而係食物嗰個Menu嗰度，亦都會有相應嘅顏色貼紙，咁係配合返你飲咩啤酒就食飯乜嘢類型嘅食物，就會比較夾啲。所以一點我覺得佢做得幾細心嘅餐廳有分室內同室外啦，比兩幢大廈夾住，咁唔會有啲陽光直接曬住。而且亦都好近海邊，其實坐喺室外就算夏天都係好舒服。…Read More

今日放工又去打邊爐！今次就去左銅鑼灣重慶劉一手火鍋店！ 我地晏左搞到9點幾先食，呢個鐘數真係冇乜人，我地坐左上面個層，環境唔錯，中式嘅裝修，都幾別緻！我地叫左一個麻辣同豬骨，個鍋係有個細位，俾你放麵或者啲易散嘅食物，好貼心！個湯底對我黎講唔算好麻辣，但就算濃，所以都唔駛再點汁！食物我地就叫左肥牛，竹笙，冬菇等，同油炸鬼魚滑，墨魚麵！！個墨魚麵係值得推介，好爽口！好好食！中意食辣嘅朋友仲可以加辣！好惹味！整體唔錯啦！！最後，我地仲叫左甜品，紅糖糍粑，脆卜卜，好香口！😋🤪…Read More

呢間餐廳出名每樣野都整到精緻一開頭我地點左兩杯咖啡囉，因為呢間餐廳呢係以咖啡為主題嘅。咁我哋就點左一杯black 一杯white，兩杯都好好味。而且佢旁邊仲有配其他小食例如係藍莓乾啊或者係一啲果仁，係幾有心思嘅。第一味菜係一個慢煮嘅豬肉啦。係外邊燒燒脆左個面，有少少炭香，入面係真係好林好juicy。而且味道好好，不過個肥瘦就唔係話好均勻，可以改進下。之後就嚟咗一碟鰻魚飯鰻魚。上邊鋪左一堆鮮花，好靚，靚到係唔想咁快食，想影多幾張相。下面有相俾大家。而個鰻魚呢系非常之厚啦，而且係好肥美。like最後我哋仲點左一個牛油果他他多士，呢個多士好清新啊，因為佢仲有加咗啲紅菜頭睇入邊。又係值得推薦…Read More

呢排好想食牛，所以今日就同朋友黎左呢間食熱石牛扒房食牛扒！🤤🤤地方都算易搵，一上到去已經有一股好香嘅牛肉味飄出黎！好期待啦已經！環境上到去都幾寬落，坐得幾舒服！食物我地叫左300g 牛柳，牛肩胛同無骨小牛排🥩😋！三個同set叫，加30蚊，有埋野飲同沙律，唔錯！野食好快就上，好大件呀，如果細食嘅女仔唔好叫咁大件，我都算大食都覺得有啲多！牛肩胛係好腍，幾唔錯，而個無骨小牛排個脂肪多啲，有啲太漏🤪牛柳就普通小小！自己最中意係個牛肩胛！😝😝…Read More