annaforgod's Profile

今日同朋友來飯晚餐，叫左和牛三文治，和牛本身好Juicy又炸左，夾埋外面的木炭麵包真係冇得輸，口感好好，好好食，地方幾高級，在中環地鐵站附近真係太方便了，服務態度非常好，不過係全英文的餐廳，可能英文不好就麻煩啲了。…Read More

叫左個二人海鮮拼盤，啲貝啊，海鮮啊，生蠔都好新鮮，好好食，個帶子墨魚丸非常鮮味，響鈴有好好食，服務員又好努力，未叫已經識主動加水好多次，地方都古式古鄉，環境不錯，最後佢會俾啲夾公仔機俾俾客人玩，有質素的一間餐廳呢～…Read More

呢間嘢都幾難訂位，最初想去佐敦嗰間，我係平日星期三中午去食，早成個星期去訂竟然冇位，最後要去九龍灣。啲海鮮係在生的，會動的，勁好食，啲蟹可以交俾師父幫手開邊，好方便，蝦都養過，條蝦腸冇糞，蜆好甜，又冇沙石，其餘啲嘢食都好味，唔知係佢勁定係我好彩，我最喜歡嗰幾樣佢都有齊：海鮮，榴槤，雪糕（名牌的和自助軟的），啲員工都幾勤快，我未食都想攞走了🤣🤣🤣，最後食得勁飽勁好味，食足三小時只收每位$320。完美，下次200%再來…Read More

同家人去左屋企附近食呢一間嘢，真心高質，啲肉都好好食，手工牛肉係我之前食過最好味的一次，以前食過幾次都比較硬，呢次出其好食，不過相對牛，今次覺得最好食的係黑毛豬，超級好食，而羊肉都好好味，羊味都重，但就是好味。另外，荔枝味手工啤酒又係非常推介，我本身唔多飲酒，不過呢隻酒精唔高，甜甜哋好好入口，重要唔貴。最後服務員超級Nice，好值得去，不過一分錢一分貨，啲確唔平，但原來佢啲肉係可以食半份的，和二人食火鍋係有優惠的，咁樣好好多，喜歡食高質肉的人好推介。地方唔大，所以可能早啲來或訂位好緊要，地方俾我感覺好懷舊，係一懷舊的高級餐廳咁。…Read More

鮑魚係全日最好味。而啲服務都好好，侍應都有禮貌，好快手，啲碟一冇嘢，立刻有人收碟，重會提醒我哋食雪糕，都算價錢反應質素，正常合理，不過俾我，我會比較喜歡食大喜屋，平靚正啲，不過呢度主打食牛，啲牛真係好正，可惜我本身唔太好牛，只食左一碟，感覺賺唔返，大食男人過來會好啲。…Read More

今次朋友請我去Funky Town超級無敵開心，我本身超喜歡唱歌，聽到可以上台唱超開心，可以表演下💖💖💖我沒想唱到尾的時候，台的兩邊竟然係會放煙花的，開心到爆，好靚呀！好有氣氛，而且係個個唱歌都有得放的💖💖💖而環境都ok,幾新淨，暗暗地好適合飲下酒傾下嘢，食物都正常泰國菜，份量正常，其中豬頸肉，燒雞翼特別好食，必叫，重有特別1元一隻的生蝦優惠，放到勁靚，可以打卡，唔叫就笨。最後埋單食左$700左右，兩個人飽到爆（覺得夠三個女仔一齊食）。我覺呢間嘢性價比都幾高，有喜歡唱歌的朋友一定要帶佢來，生日來好正，我下次一定會帶埋朋友來。…Read More

銅鑼灣啲鋪頭成日換，見到這間竟然擴充規模，就知道有啲料到，今日食佢的味玉麻辣牛骨拉麵，整體食落唔錯，塊牛肉唔會硬，半生熟剛剛好，啲牛筯好淋又入味，佢又加左好多蔥花和洋蔥碎令到個拉麵冇咁油，粒玉子就正常味道，不過佢個蛋黃好橙色的，快紅色一般了，最後拉麵軟硬適中，所有嘢都是不錯，加埋一齊就覺得成碗拉麵令人好滿足了。下次會再去食。…Read More

今日無啦啦～阿爸話想食星馬嘢，就去左呢間，叫左魚蛋喇沙，味道不過不失，唔驚喜但不差，和價錢相對，不過魚蛋出奇好味，牛油㗎映土司幾好食，奶茶都幾滑，好味過茶餐廳嗰啲，地方比較迫，攞食物時行路都好怕撞到其他食客，呢度就唔適合約朋友特意來吃了，平時經過不帶期望來吃才ok。…Read More

本身因為減肥，食茶餐廳都會叫雜菜煲，平時雜菜煲因為要煲熟啲菜俾你，都會要耐啲時間才出的，今次去呢度食海皇雜菜煲，勁速上菜，本來好開心，但一看個煲，發現全是不用煲，加熱水就食得的東西，這個跟本不應該叫煲吧～叫雜菜加湯吧～平時出面食雜菜煲都係好熱，啲湯都好有菜的甜味，這個食到一半已經開始凍了，非常失望，以後不會再來這裏叫雜菜煲食，不過其他食物還未食過太差，係這個真係差，89元都唔算太平呢～…Read More

呢度地方都舒適，感覺坐成個下午都ok，有得自助攞水，一個香草雞胸煙肉牛油果沙津賣$78，冇包嘢飲，份量中等，一個女人都食唔飽的份量，減肥就差不多，其實一餐來說都唔平，不過平時啲沙津就係咁鬼貴，不過呢度算比較多選擇，自選沙津重可以Mix幾款來食，味道都好味，不過啲沙津就凍左啲，要飲住啲熱水來食（自己體質唔太食得到凍嘢），少少貴，不過我自己想食沙津就會來呢間。…Read More

成班朋友都怕肥，又唔想食蛋糕，又要有蛋糕打卡，呢間嘢真係好好，平平地有個幾靚見得人的蛋糕，話晒間嘢個名係英文，好睇過美心，而且重有得即場寫名，好緊要，我多時當日才想起要送蛋糕呢～所以而家有朋友生日都會優先找左這間店先，好好呀～…Read More

呢間嘢其實銅鑼灣都有，但唔知點解呢度係特別有Feel的，見到就覺得正，想食，我去親都一定會食燒菠蘿，勁好味，$25唔算貴。咁我今次就食埋其他款式，串燒魷魚和白鱔都好味，不過我覺得今次海縵細塊左啲，成$65，得好細塊，有啲唔值，聽朋友講話之前大塊啲，另外還叫左大蝦木瓜沙津，$75都幾大份，味道都ok，兩個人一齊分剛剛好，立即冇咁熱氣。下次經過都會再去。…Read More

朋友gathering約去呢度食，最初見有不少唔好的食評有少少驚，不過來到覺得很不錯呢～第一，地方好舒適，佈置好可愛，有不少有心思打卡位，啲馬仔佈置都好得意，地方夠大，喜不喜歡賽馬的人都會喜歡。第二啲食物都幾好食，賣相又唔錯，我叫左日本煎蠔意大利飯，好Juicy，好好味，又叫左杯crazy chocolate，賣相好有心意，又幾好味。最後，原來佢食飯嗰層下面係有得打機的，勁多game，其中一款game重有得坐在馬仔上玩（超累），還有飛鏢game，真係好驚喜，不過啲game係要入左會才玩得的（好普通賭開馬仔嗰種會吧～），但不會check，只要你答自己係會員就玩得。呢度真係好值得再去，下次一定會帶埋朋友再去呢～…Read More

呢間鋪頭啲嘢食都唔平，環境唔係太好，地方又窄，嘢食就比平時出面酒樓食開的點心難食少少，有得選都唔好來，不過就勝在方便，快快趣就有得食，而且食物選擇都唔算少，我一路以來都唔太喜歡這間嘢，不過有時真係好想飲茶（想食粥），又趕時間都會去食。…Read More

最初見呢間茶餐廳好似冇乜食物選擇，所以開左好耐都冇入去，今次剛巧想食雞扒，又見呢個係佢主打就食下啦～啲雞扒真係好好食，我估係慢煮掛，好嫩滑。另外，因為我係唔喜歡食飯的，佢有得選用菜代飯，重可以選熱定涼的，真係超好，下次一定會再去。…Read More