farfeifar's Profile

油麻地新開式日本Shabu Shabu，門面同裡面裝修都好靚，睇落好似貴店，但一睇menu，$69都有交易，痴線真係茶記價！一人一爐，擺盤又靚（最鍾意兜菜），咁嘅價錢牛肉質素真係掂，自己一兜湯底，鍾意點溝都得，唔駛就人哋，整體價錢，味道，質素都絕對唔錯！我哋幾個人都叫咗幾個唔同嘅套餐，又可以Share一齊食；食完淨返個濃湯底又可以打埋個飯落去，成個餐真係可以全部食晒唔會嘥😂😂😂（個人最鍾意埋尾個飯）食到平又靚嘅嘢，即刻變開心仔！🥳🥳🥳…Read More

大門橫丁-之前都食過好多次，分店都係喺九龍嗰邊，住新界唔近，所以唔會成日去到，知道荃灣開新分店，近好多了！一定要食佢嗰個《串丼》，$69已經有4串串燒，大大串，堅食得飽，其他推介吉烈嘅食品，所有都係即燒即炸，好食好多～佢哋仲有好多烏冬，沙律，小食都好味，一大班人叫到一枱都係，食到勁飽圍起都係百零二百蚊一個人，好過食啲日式放題（好多都唔係即整）都要2-300蚊。…Read More

今日試咗間好得意嘅餐廳？超市？？成個格局就係一邊係超市，買各樣打邊爐同BBQ食材；而另一邊就係可以將啱啱買嘅嘢堂食，好攪笑！整體價錢真係唔貴，重點係見咩新鮮同靚先揀嚟食，同阿女玩埋超市遊戲，自己買自己煮，好過癮！仲要堂食冇最低消費，自己一個都可以入去食！最後做咗會員（免費）新張期網上買仲有折添～成件事就係堂食試食之後啱食就可以喪買返屋企，或者再自己網購屋企開餐都得。香港哋都未有呢類咁嘅食店，幾好玩幾得意，同埋抵食嘅！…Read More

鍋心粥底火鍋已經食過好幾次，所以對佢姊妹店鍋心八鮮蒸鍋都好有信心，適逢老豆生日梗係帶佢黎食好野啦!整體海鮮一貫新鮮，份量足到爆（食唔晒），師傅自家製嘅醬料好好味，唔係度度食到，同埋佢分三個時段，我地食6點至8點半，6點半先齊人開始食，因為真係太多海鮮，大大兜係咁上，食完飯甜品連切蛋糕食埋坐多一陣已經夠鐘，食嘅時候侍應已經全程幫晒我地擺菜蒸海鮮，但時間都係岩岩好，所以book咗位唔好太遲到呀!真係抵食，好過去酒樓食一圍圍個D生日套餐，仲平仲抵食！…Read More