Peggyu128's Profile

婆婆一慣有食齋習慣，難得今日放假就嚟陪婆婆出去食齋。之前因為自己係食肉獸，所以就好抗拒食齋嘅，不過個人老啦，唔食得咁多肉，要注意飲食均衡。所以近排會定時同婆婆去食齋。而食得最多就係呢間新聚寶，味道真係唔錯，食物質素幾好，性價比都幾高。叉燒係差唔多間間素食店都有嘅餸，呢度蜜汁馬拉叉燒做得唔錯，幾惹味，肉嘅味道同口感都做得幾逼真。素菜都有幾款我覺得味道幾好，一個係梅菜蒸茄子，送飯一流。豆腐雜菜煲都好味。…Read More

有一排就好鐘意去九龍城搵泰國嘢食，但去得多，慢慢覺得味道其實都差不多。環境方面又比較擠逼，所以都係揀返近自己屋企嘅泰國餐廳食嘢好過，一開始以為商場入面應該好貴，但後尾發覺又唔會，價錢都正常。最緊要環境幾靚，幾闊落，坐得又舒服。我就無約朋友，一個人去食嘅，咁一個人選擇唔多，唔可以試好多嘢，不過我睇佢地菜單都幾吸引，除咗泰式嘢，都幾多西式嘢。我就點咗一碗泰式豬頸肉湯河，豬頸肉煎得香脆，唔會覺得油膩。湯底都幾好飲，唔會太鹹。下次會想試下其他菜式。…Read More

今日嚟到灣仔，距離上次嚟灣仔都好耐以前，記得次次嚟都係食燒味，因為灣仔真係好多間燒味店。今次就想試下日本嘢，朋友帶路，帶我去一間佢學生時期就經常幫襯嘅日式餐廳。入到去環境寬敞，裝修簡樸。幾似以前學生時期去嘅日本餐廳。睇咗下Menu，我就揀咗日式照燒雞扒便當($88)，睇相就覺得豐富,實物就更加吸引，一個便當有一塊雞扒，有沙律菜，又有中華沙律，仲有炸蝦，溏心蛋同餃子。真係好似小食拼盤。沙律菜切得夠碎，容易食啲。炸蝦炸皮薄，蝦肉爽彈。餃子內餡亦都好滋味。雞扒都幾香口，肉質嫩滑。朋友就揀咗燒汁牛肉拉麵 ($53)，我試咗啲麵，麵質爽彈，味道都唔錯。…Read More

我地無唸咁多，同好友好耐無見，都唔想就住就住咁食，一齊叫咗$328嘅套餐，打算飽吃一餐。 湯底可以揀花膠濃湯，身為一眾貪靚嘅女仔實係揀啲滋補養顏嘅湯底潤潤佢啦首先會有一份貴價海鮮拼盤送上，見到有驚喜，半個手掌咁多嘅桶蠔，生猛鮮蝦，大大隻鮑魚仲會有肥牛同黑毛豬。齋係食呢份都飽啦。不過未可以飽得，因為仲有十份配料可以揀，配料一啲都唔求其，選擇多之餘款款食落都新鮮。呢度嘅環境明亮，我地坐得都舒服，傾得又開懷，食得又滿意。…Read More

每個火鍋店都有佢嘅招牌湯底，今日我都係比呢間嘅招牌湯底吸引到山林道一嚐佢嘅滋味。招牌湯底就係——松山黑松露菌皇湯！我個人就好中意黑松露嘅香味，黑松露意粉就食得多，黑松露湯底打邊爐就無試過啦。之後我地又見到有黑松露餃，價錢仲貴過湯底，我話：真係無食過咁貴嘅餃子，朋友幾話：咁就真係要試下啦，用黑松露湯底煮出嚟嘅黑松露餃，哇真係好香黑松露味，感覺好似跌落咗黑松露嘅懷抱裡……肉類叫咗兩款，黑毛豬腩片同手切肥牛。豬腩片好味，黑毛豬果然唔同啲。肥牛就無需多言，打邊爐最啱，肥牛質素都唔錯，幾新鮮。逢親打邊爐，炸魚片同響鈴係基本必叫啦。仲叫咗一份蔬菜拼盤。好似叫得唔係太多嘢，但食得真係好飽啊。…Read More

一聽到係去諾士佛臺，就知道應該會有得飲酒，因為閨蜜中有人係比較喜歡品嚐美酒。佢介紹得呢間酒吧餐廳，相信一定有番咁上下水準。入到去地方好大，裝修靚，尤其是精緻嘅壁畫同佈置，大家馬上雙眼blingbling，不斷影selfie。今晚飲咗杯簡單嘅Sangria，喺西班牙喝過後一直掛念佢嘅味道，紅酒加上水果，感覺好light好清新。加咗幾款小食，有雞翼、炸魚、薯角。雞翼係單骨，唔怕食到好論盡，炸到好脆，我地爭住食。炸魚個他他醬好夠酸味，點完即刻冇咗油膩嘅感覺。梳化非常舒服，好有一種relax的感覺，可以坐上整晚。下次再去要試下玩鏢機，成日覺得掟鏢係好型。…Read More