ywsit1's Profile

星期五接friend放工，之後去ELEMENTS搵嘢食，門口經過呢間餐廳播住好chill嘅英文歌，所以吸引咗入去。咁啱撞正有happy hour ，坐低飲兩杯Cocktail見到隔籬枱啲buffalo Chicken 好似幾正，送酒一流，之後就順便食埋佢個手工pasta，仲有女士最愛嘅甜品成間餐廳氣氛好正，一晚仲有兩圍枱生日，成班人圍埋一齊唱生日歌，啲外國侍應又好Nice好friendly，成個感覺好正九龍區都好少搵到類似嘅餐廳，食物又OK，又有氣氛…Read More

嗰日朋友講起 佢係黃金廣場食咗間鐵板燒性價比好高住屯門咁耐竟然冇聽過屯門有鐵板燒 ，梗係即刻要嚟試下佢啦！雖然今日落雨呀，但係見到outdoor既佈置，已經即刻話下次可以試吓食其他嘢，試吓佢outdoor 好靚 ，喺屯門好少見到呢啲啊唔係啲咩特別日子就簡簡單單嗌個set 食仲有刺身食就緊係嗌個刺身拼盤食吓啦好快就又中俾我同另一半清晒魚生款式多 又夠新鮮松葉蟹茶碗蒸啖啖松葉蟹肉 用料豐富帆立貝燒得啱啱好唔會太熟，個醬汁仲好開胃添🤩四元豚 不嬲都唔覺得豬會有啲咩特別，黎到另一半係咁讚得好食，食起上嚟又真係比我預計中好好多鮑魚如果生熟程度燒得好好，成日都話鐵板燒最緊要啲材料夠新鮮跟住師傅話，今日幫我哋upgrade咗由櫻花蝦炒飯，變咗做鵝肝炒飯，正常我係唔會食得晒個炒飯㗎，佢個炒飯又大碗，我忍唔住食哂成個飯😂好香口餐飯未食完，已經同另一半諗緊幾時要帶埋屋企人黎食，仲諗定帶佢哋食邊個餐😄😄…Read More

餐廳地點容易搵，喺連卡佛對面。一上到去，感覺餐廳氣氛一流，冇想像中嘅嘈吵服務好好，逐一介紹餐廳嘅主打菜同Cocktail同閨蜜各自點咗一個starter & main + cocktail Green: Koko Ringo - gin base + Pandan + Lime + Coconue mouse on top 泰式fusion 感覺，好飲Yellow: Bao Guk - Rum base + pineapple + chamomile + Cointreau 酒味比較濃郁，啱晒我閨Tuna Tartare： 好有特色，個牛油果打得好滑Truffle fries 用嚟送酒、傾偈飲嘢一流Crab pasta 對比起頭盤，呢個主菜相對失色Short rib - 最後先上，不過非常之有驚喜，慢煮咗之後肉味好重，咬落亦都好腍最後斷斷續續嗌多咗好多Cocktail，一坐就三個鐘，值得生兩知己下次再一齊嚟…Read More

位於跑馬地呢一間中菜，唔算太難搵，門口有錶位，都方便泊車。酒樓位置唔算好大，有一間房仔，6:30 去到，有一台熟客喺度飲緊嘢。侍應安排咗我哋入去間房仔，間房可以放到三張兩人枱。坐低咗之後，侍應好殷勤咁問我哋飲咩茶，叫咗菊花茶同水，亦都上咗花生🥜炒得幾脆幾好食之後就推介咗我哋「是日廚師精選」，叫咗薑蔥斑腩煲 - 薑蔥炒得好香，完全吸收晒斑腩嘅鮮味。斑腩味道亦啱啱好。成個菜色香味俱全、香氣撲鼻羊肚菌扒豆腐 - 豆腐炸得外脆內軟，羊肚菌亦都炒得好靚，好入味，碟旁邊仲加咗啲蝦子，非常之有特色瑤柱桂花炒魚肚 - 菜式賣相一流，炒得，亦都好乾身，好有鑊氣，可惜略嫌太鹹四喜紅燒翅 - 侍應不停推介，叫我哋試呢下呢個翅。雖然唔環保，不過呢個翅真係好好食，個雞湯煮得非常之好味，如果唔係咁飽一定會配一個白飯總括嚟講，所有菜式有少少重口味，但係勝在非常之地道，大部份菜式都好有鑊氣，唔係咁多中菜做到，值得推介…Read More

行過見到尖沙咀棉登徑附近開咗間新嘅日式居酒屋，門口仲播住日版鄧麗君嘅歌曲，就被吸引咗入去上咗樓梯之後，發現原來餐廳裝修真係唔錯，感覺好關西風地道居酒屋。店員好好咁幫我哋安排咗坐榻榻米話明居酒屋，當然要飲酒，同朋友一人叫咗一杯 high ball ，好足料👍🏼之後叫咗下酒一流嘅明太子玉子燒、我最愛嘅牛油果🥑芥末漬清酒煮蜆 - 蜆好大粒好鮮甜，仲飲晒啲湯鮭魚層層疊 - 個名聽落好吸引，所以叫咗，估唔到店員會喺我面前表演燒三文魚，感覺幾新奇刺身拼盤 - 全部刺身都新鮮肥美間餐廳最緊要係性價比高，又飲又食，埋單$1000有找正…Read More

Friend 成日講呢間餐廳，又話要特登上大陸食，見到香港開咗，即刻沖去試吓Airside 泊車方便，等位等咗一陣，大約15分鐘。一入門口，佢嘅服務態度已經令我有種賓至如歸嘅感覺😆叫咗佢嘅招牌酸菜魚，第一次食，估唔到佢嘅酸菜魚肉質咁鮮甜、咁滑。以前對酸菜魚一般般，鍾意食水煮魚多啲，但係呢度改變咗我對酸菜魚嘅想法。最可惜自己亦都冇追加麵食，如果加埋落個湯底度一定更加好食另外亦都叫咗兩個前菜，夫妻肺片同埋口水，夫妻肺片值得推介。…Read More

係商場行咗好耐，唔知食乜好，見到呢間門口望落去好似幾精緻，一於試吓6:30去到都已經差唔多坐咗一半人，安排咗一個梳化位係我哋兩個，好舒服。餐廳比想像中多選擇，搞到有少少選擇困難症，最後叫咗：Sour cream works chips - 超鍾意食呢個薯條，勁想encoreWhite wine mussels - 對比起其他餸菜，呢個稍為有少少失色，可能係因為其他嘢太好食嘅關係Sea urchin & scallop linguine - 色香味俱全Grilled lamp chop - 燒得好好，保留到羊扒嘅肉汁Foie gras burger - 正，非常之juice …Read More

非常之鍾意食順德菜，可惜香港冇乜特別好食嘅，曾經試過特登坐車去順德食。好耐之前去過順德聯誼會，識咗佢哋個經理，後尾原來經理自己出咗嚟開餐廳，叫咗我哋去咗呢間新餐廳試吓餐廳裝修大致上同一般順德菜差唔多，餐單亦都有相同之處。叫咗幾樣餸：糖醋小排、蠔烙、順德拆魚羹、魚飯(即係凍魚) 、海參柚皮。大部份嘢食都屬於正常之作，冇特別話好驚艷，不過個海參柚皮真係唔錯，芡汁整得幾好食，眾所周知，柚子皮一向難整，一唔小心就會整到好苦澀，呢個真係唔錯👍🏼…Read More

朋友講話九龍酒店地下商場開咗間新嘅日式居酒屋，搵咗好耐，原來有個地鐵站一出口就係。weekday 7pm walk in 去到唔使等位。餐廳嘅裝修好日式，同東京嘅居酒屋差唔多。餐廳種類包羅萬有，有爐端燒、佢都有串燒、刺身同熟食安排咗門口嘅一張梳化位俾我哋五個人，侍應服務態度非常好，我有兩個小朋友，唔使request，已經主動俾咗兩set 兒童餐具👍🏼侍應好快就推介我哋大人同埋小朋友嘅嘢食。叫左個udon 同玉子俾小朋友。叫咗幾個前菜，有爐端燒嘅蘆筍、青椒仔、西京燒魚翅，同埋蝦多士，全部都超水準😋呢個一人分壽司超級推介，有海膽、吞拿魚腩，食落口感一流呢個牛肋骨經過慢煮之後，亦都非常之好味，好重肉味，冇乜血水呢個爐端燒金目鯛，雖然等咗好耐，不過啲肉外脆內軟，口感一流，亦都充滿魚油味已經期待下一次再去啦，小朋友亦都好鍾意，價錢都算合理…Read More

夜麻麻新年冇咩餐廳開，呢間餐廳門口有得泊車，所以就試吓，冇乜期望咁入咗去餐廳係非常之地道嘅泰國裝修，同曼谷街上面嘅舖頭好似。餐廳有少少自助形式，播緊好多地道泰國音樂。餐牌上嘅嘢食有好多種類，有少少似泰國北部嘅菜，食辣嘢同肉類為主。點左個泰式炒肉碎沙律🥗、泰式炒粉絲、泰式奄列。全部都非常之正宗，因為太好食嘅關係，都唔記得咗影相，味道亦都好正宗，但係當然衛生情況有待改善。不過佢嘅收費亦都非常之合理，冇獅子開大口。所以完全可以接受👍🏼…Read More

新年特別多飯局，天氣凍特別適合打邊爐，同事book咗呢一間火鍋店，貪佢有間房，又有得唱K，特別適合公司同事之間年終聚會。店員特別好服務，好快已經係我哋去咗房間，房間都算乾淨同埋大，可能見到啲人多嘅關係，仲幫我哋免開瓶費👍🏼叫左2個花膠雞湯湯底，好濃郁，好有雞味，點讚👍🏼一如以往一定要叫牛，尤其是係腩包，廚房好貼心，寫好晒煮食時間，例如腩包咁樣，寫明只係需要五至六秒 cooking time 腩包肉味好重，好正😋最後埋單每人大概$800，好滿足…Read More

想買外賣食，行過見到呢間餐廳都幾多人，喺門口等外賣，所以就試下。雖然喺門口都已經見到餐廳主打係招牌雲吞，但係我又唔想食雲吞，所以選擇咗鯪魚球 + 菜肉水餃🥟配米粉外賣，就係咁惡夢就開始了。返到舖頭，先坐低試吓個鯪魚球先，點知完全冇鯪魚味，可能整嘅過程放太多粉，所以鯪魚球表面有多透明色嘅物體，之後油放太多。到個菜肉水餃，水餃皮超厚，都好多油。連米粉同湯底都好多油。成個米粉只係食咗半碗，已經食唔落去。真係冇下次…Read More

Book 左係尖沙咀呢間人氣日本料理，雖然唔係特別難book，但係 weekday 去到一樣爆棚，真心堅👍🏼雖然店舖內好多人，但係店員依然細心幫我哋推凳，主動俾咗兩杯茶，服務好好👍🏼因為唔食澱粉質嘅關係，所以叫左：鮨一沙律🥗 - 見到好多張枱都叫，所以都想試吓，份量好大，刺身都好新鮮縞蝦刺身 - 勁爆多蝦膏　特上錦繡刺身 - 有中toro、海膽、油甘魚、帆立貝、牡丹蝦、鯛魚、譏燒鮑魚、池魚雜錦串燒 - 朋友話想食熟嘢，咁啱呢間餐廳除咗新鮮魚生之外，仲有串燒可以食。…Read More

忽然好想食台灣牛肉麵同埋飲珍珠奶茶，所以去咗春水堂。自助搵位、QR code落單，非常方便。服務都算唔錯，主動俾咗兩杯水。我哋叫咗一碗紅燒牛肉麵、一碗麻辣牛肉麵、一碟鹽酥雞、一杯杯芽奶茶🧋，仲要叫佢比多隻杯，一杯兩個人飲，店員都冇黑我哋面，其實都算係咁。大約$120 一位lunch ，價錢喺商場來講尚算合理。可以再嚟。不過牛肉麵面底轉左，以前係比較厚身、類似刀削麵咁樣嘅質地。但係而家變咗幼面，所以都係以前個面底好食啲…Read More

去咗試太子新開嘅泓一拉麵，平日去唔使等位，食拉麵喺一個人食飯嘅最好選擇。餐廳比紅磡分店大，我order 左地雞醬油拉麵🍜，由於即叫即整嘅關係，等左10分鐘左右就上，時間可以接受。拉麵賣相可以，可惜麵底太過林，冇乜口感，我唔係幾適合。可能本人比較鍾意食清淡啲嘅湯底，所以覺得呢度偏油膩，不過味道適中，唔算太鹹、亦唔算太淡。雞肉可能用咗雞胸嘅部份，所以比較鞋口。不過整體來講，喺香港嘅話都算唔錯。唔使排隊嘅話，值得一試，性價比唔高，買單100+ 一位…Read More