joyjoyzz的個人專頁

兩個人食咗二十款食品，每份只有一人份量。胃口大嘅人要留意呢間餐廳唔係大件夾抵食嘅餐廳。但食開精緻同講求食物質素嘅人，可以考慮一試。蒟蒻子持、三文魚茶漬飯、沙椎魚、帆立貝(揚)、天使之海老係必食，其他都好味，但回味程度唔高。環境有d逼，人多好嘈，同廚房好近，油煙味好重，一開始肚餓就唔覺得有咩問題，當你飽左再聞會好難聞。裝修有日本居酒屋feel。最後要講係服務，認真麻麻，服務員講嘢態度唔好，反而廚師好好態度，好專業。…查看更多

約左一班好友黎打邊爐，每位店員嘅態度都好好，好細心。今次無試佢地d套餐，全部散嗌。本身諗整係嗌一個鴛鴦鍋，店員介紹多一個放中間做酒煮蜆鍋，店員先把蜆同配料加入中間既鍋，之後叫我地準備相機，佢就點火，影完相就加湯底煮蜆同打邊爐。鍋底好味，食材新鮮，環境好乾淨闊落，坐得都ok舒服！我地仲試左手工啤酒，一共有四款。我地試左兩款，好易入口，好香。店員都有介紹，跟我地嘅口味，推介幾款俾我地試。如果飲開手工啤酒，值得一試！…查看更多