Eva19951230's Profile

👩🏻‍🍳 七福神廚師發板（$399/位）🥙煙三文魚牛油果沙律配黑松露沙律油牛油果偏生，口感相對較硬同味道偏淡，配上帶煙燻風味，鹹味嘅煙三文魚同黑松露沙律油，味道豐富之餘啱啱好🥢活赤貝海膽刺生四品盛有赤貝、半板海膽、三文魚，甜蝦同飯團；海膽鮮甜口感順滑，三文魚新鮮仲要係厚切，赤貝口感彈牙🍣海膽A5和牛西冷壽司A5和牛肉質軟嫩，油脂豐富，入口即化；面頭放上少許海膽，無搶味之餘，口感層次更豐富🍱特盛Toro卷拖羅帶有濃郁而甘甜嘅魚鮮味，油脂豐富，口感軟滑，同醋飯完美結合🍤虎蝦天婦羅用上大大隻虎蝦做天婦羅，炸得金黃香脆，炸漿薄身🥩網燒澳洲西冷店員好貼心先問客人想食幾多成熟，我哋今次揀左medium well；西冷牛扒肉質偏結實，juicy肉味濃郁；面頭加上酥脆嘅炸蒜，非常夠味，如果鍾意食濃味嘅朋友可以連埋醬汁一齊食🍛關東風原條鰻魚玉子飯好少食到咁長嘅鰻魚，鰻魚肥美，玉子厚身，口感偏扎實，炒飯用上木魚花同紫菜，炒得粒粒分明，香氣四溢，令人食指大動🍨炭燒咖啡Affogato一上枱就聞到好香咖啡味，將咖啡淋上雲呢拿雪糕，冰火交融，雪糕嘅奶香味同咖啡嘅苦中回甘好夾，面頭加上焦糖餅乾，口感豐富🗻富士山乳酸梳打用咗帶微咸嘅芝士奶蓋還原富士山嘅雪頂，藍色部分用左乳酸梳打，味道唔錯之餘打卡一流💚鮮柑桔青提子梳打鮮柑桔份量比較多，味道偏酸，加上甜嘅青提子啫喱同梳打，酸甜平衡得啱啱好，不過飲嘅時候小心，因為柑桔核數量都頗多…Read More

🍛牛油帆立貝湯咖哩（單點$148，加$20升級套餐配沙律及飲品）湯咖喱味道甘香唔辣，而且有成400g唔同種類嘅蔬菜做配料，有西蘭花、茄子、秋葵、蓮藕、紅蘿蔔，南瓜，薯仔同洋蔥，有4粒肉質細嫩嘅帆立貝，如果鍾意食辣嘅朋友建議加埋佢地嘅Masala，令咖哩帶微辣之餘，增加風味同香味🐑成吉思汗炒羊肉（單點$98，加$48升級套餐配飲品同雪糕）肥瘦適中嘅羊肉片加上洋蔥、芽菜，紅蘿蔔一齊炒，鮮而不羶，惹味而且送飯一流🥔明太子薯仔沙律（$40）明太子嘅鹹香啱啱好，唔會太濃，同口感綿滑嘅薯仔好夾，味道清爽而不膩🍨北海道雪糕（單點$48）有原味、芒果，藍莓同咖啡味選擇，今次揀咗芒果味，雪糕用左北海道牛乳整，牛乳味濃，口感比較似Gelato 濃稠綿密，面頭淋上芒果醬，芒果味道偏淡，食到最底竟然暗藏蕨餅，有驚喜🍧 Haskap木糠布甸＋三色蕨餅&十勝紅豆（$68）木糠布甸表面放上咸香嘅杏仁碎，酥脆嘅餅乾碎同柔滑嘅士多啤梨忌廉層層疊加，口感豐富；甜度適中，唔會過於甜膩蕨餅係自家製，質感軟糯唔痴牙；黃豆粉香味濃郁，抹茶味適中，加上黑糖同十勝紅豆，口感層次豐富之餘唔會甜膩🫐北海道藍莓梳打 （套餐+$20，單點$48）口感清爽，而且唔會好似坊間嘅梳打咁甜📷 鰂魚涌嘅經典打卡點「怪獸大廈」附近隱藏咗好多好嘢食！其中一間推介就係 Asiri，佢係由一位熱愛香港同北海道文化嘅日本店主開嘅，靈感來自兩地簡寫「HKD」；餐廳牆身放有179個城市嘅標誌性照片、特色設計，仲會播放北海道嘅電影同風景影像，令客人好似置身系北海道咁，有機會去怪獸大廈打卡嘅話記得順便去試下啦～…Read More

🐓鹹酥雞 $40鹹酥雞份量多好抵食，仲要即叫即炸，外皮酥脆，內裡雞肉保持鮮嫩多汁，而且唔會調味過鹹🥚肉鬆起司蛋餅 $38蛋餅皮扎實酥脆，入面包左滿滿嘅蛋，肉鬆同芝士，非常足料🍚手工滷肉飯 $40除咗滷肉之外，仲有甜甜哋嘅醃青瓜、酸菜同原隻滷蛋；滷肉肥瘦分明，好腍好入味，而且滷肉汁鹹甜適中，帶有淡淡嘅胡椒味，撈飯一流🍜古早味牛筋牛肚湯面 $60牛筋軟嫩Q彈，骨膠原滿滿，牛肚好腍；朋友揀咗配牛骨湯麵，仲有新竹米粉、滷肉飯同油蔥拌麵可以選擇，麵條用左烏龍麵，Q彈而且份量多，仲有大大嚿入味白蘿蔔🍧招牌綜合芋香剉冰 $45無諗過呢個價錢可以食到咁巨型嘅剉冰，份量絕對可以2-3個人share，有珍珠、紅豆蓉、綠豆、薏米、西米、芋圓、地瓜圓，芋泥同小丸子，冰塊顆粒較粗糙，口感較粗，而且剉冰淋有蜜糖，甜度適中🍰 食嘅時候望見隔離枱叫左巴斯克蛋糕好吸引，除左抹茶味仲有外面較少見嘅芋泥味，無奈今次真係太飽試唔到，唯有下次再嚟…Read More

🦑 Calamari Fritti （$78）魷魚圈炸得金黃酥脆，炸漿厚薄適中，面頭撒上印度香料粉；加上印度優格醬一齊食就更惹味🥩 Steak and Frites（$198）牛扒我哋今次揀咗Medium，肉質軟腍嫩滑又juicy，牛味香濃，鍾意食濃味嘅朋友可以加鹽/醬汁一齊食；薯條炸得金黃香脆唔油膩，仲可以無限refill🥘 Chicken Makhani（$138）雞肉份量唔少，食落柔軟juicy唔嚡口乾柴；醬汁有厚實醇郁的奶油香氣加上蕃茄同唔同嘅香料，濃郁惹味，用嚟送飯或者配Naan食一流，而且佢係唔辣ga🫓 Garlic Naan（$36）Naan 嘅外皮焗得酥脆，內裏鬆厚柔軟，蒜香味十足，配上奶油雞一齊食更係天作之合🌹 Gulab Jamun（$58）佢係印度傳統甜點玫瑰蜜炸奶球，甜度極高；炸奶球表面扎實，咬落去軟綿濕潤，口感有啲似浸左落糖水嘅麵包，有帶淡淡嘅奶香味🥭 Lassi（$48）佢嘅口感好似奶昔，好幼滑；佢用芒果加左糖同鹽打成，鹽淡淡嘅咸味中和左芒果嘅甜膩，所以甜度無想像咁高🍹 Lychee Mint Fizz（$48）味道比Lassi甜，蘇打水好夠氣，飲落有好香甜荔枝味同淡淡嘅薄荷味，好清新✨ 餐廳空間感十足，用上唔少藝術品做裝飾，有特色之餘又俾到chill嘅感覺客人，無論三五成群定同朋友食飯都非常適合；順帶一提，餐廳職員主要係用英文溝通…Read More

🍴Weekend Brunch Buffet (小童:$388；成人$538）朋友慶祝我搵到新工，帶我嚟呢度食自助餐；原來餐廳係亞洲特色餐廳，中式、西式、日式、韓式、泰式甚至印尼菜都有，冷盤熱食都一應俱全，唔同口味嘅人都滿足到🦞海鮮區有龍蝦、長腳蟹蟹鉗同蟹腳；龍蝦多膏，肉質彈牙，長腳蟹蟹鉗同蟹腳肉質鮮美🍞餐包前菜鹹甜餐包都一應俱全，連Parma ham，多款芝士都有🥗冷盤沙律沙律選擇多，仲有蜆、青口同鮮蝦；泰式粉絲沙律酸酸辣辣好開胃，四喜烤麸吸附濃郁的醬汁非常入味，意大利麵沙律非常清新，客人可以按自己嘅口味𢳂配料自製沙律🍽️熟食區有印尼炒飯、咖喱雞，港式燒味，沙嗲串燒，三文魚柳，澳洲烤牛肉等等，甚至可以叫廚師即煮泰式船麵🍰甜品有唔同嘅西式蛋糕、中式嘅杞子桂花糕，仲有泰式嘅蛋糕仔、千層糕，斑蘭蛋糕等；蛋糕做得精緻小巧，甜度適中而不膩；泰式千層糕突然間聽到鈴鈴聲，原來係職員會即席派朱古力脆皮雪糕批，仲可以自選topping，雪糕用咗Häagen-Dazs士多啤梨雪糕，咬落去仲有淡淡士多啤梨果肉，朱古力脆皮夠凍同厚☕️ 飲品除左常見嘅coffee and tea，仲有橙汁、蘋果汁同罐裝飲品，連香茅薑茶都有，仲可以自製泰式椰汁冰🤵🏻 餐廳座位寬闊坐得舒服，而且唔嘈可以傾偈，職員收碟同refill食物嘅速度快手💰而家系Savvy嘅官網訂座仲有優惠…Read More

🍢 串燒拼盤（$188）一個串燒拼盤有齊哂雞皮、雞肉、牛肉、豬肉、豬頸肉、雞翼，魷魚鬚同牛仔骨，配上三款各有特色嘅泰式酸辣汁，泰式海鮮汁同花生味濃嘅沙嗲醬，食到舔舔脷👍🏻豬頸肉燒到有脆邊之餘唔乾柴，雞皮燒得香口，魷魚鬚香辣惹味有嚼勁，牛仔骨惹味得嚟肉質偏韌，其他串燒都燒得入味保持juicy🥘 冬蔭功（$98）冬蔭功真材實料，落左滿滿嘅香茅、檸檬葉，蝦同草菇，味道偏酸辣好開胃，兩隻大頭蝦夠大隻之餘蝦肉結實彈牙🦀 泰式青咖哩軟殼蟹配法包（$118）青咖喱椰香味重，仲有茄子、豆角，翠肉瓜等豐富配料，味道偏甜唔辣，唔食得辣嘅朋友都食得；軟殼蟹啖啖肉，包住薄薄嘅脆漿炸得金黃香脆，法包配埋咖喱汁一齊食，yummy 🐓 去骨海南雞（半隻）（$128）海南雞唔好睇佢係半隻，份量比我想像中多，雞肉肉質嫩滑而不肥膩，同埋佢哋嘅海南雞係去左骨，啱晒我呢啲唔鍾意噒骨嘅人🥬 泰式炒通菜（$75）通菜炒得爽脆，加上蒜蓉同辣椒一齊炒，非常惹味，送飯一流🍽️ 泰式甜品拼盤（$123）甜品拼盤可以一次過食晒佢地有嘅甜品款式，有焦糖燉蛋、香芒糯米飯、椰汁千層糕，椰汁西米糕同泰式椰青糕；焦糖燉蛋好燉滑，面頭嘅焦糖係即叫即燒，非常脆；芒果好香甜多汁，仲好貼心咁切好哂一塊塊方便食用；椰汁千層糕煙韌唔痴牙；泰式椰青糕有椰子肉之餘好清甜；椰汁西米糕中間仲夾有芋頭粒，有驚喜🍹 百香果綠茶特飲（$36）🥥 椰青水椰果特飲（$45）…Read More

🤤澳洲和牛海鮮燒肉+榴槤放題-120分鐘（$324/位起）有前菜5款，多款牛肉、豚肉、雞肉、白鱔、虎蝦、帆立貝、蔬菜、炸/燒物、飲品，雪糕同馬來西亞D24榴槤任飲任食🐮澳洲和牛M7牛板腱有4款唔同口味（黑椒鹽、果汁口味，韓式醬汁同蔥味）油花分佈平均，肉質軟嫩；美國安格斯封門柳厚切，juicy肉味濃；荔枝牛肩胛串，荔枝嘅香甜多汁中和左肉嘅油膩🐖豬頸肉脆口，五花肉肥瘦分明好入味🦐虎蝦大大隻，肉質爽口；白鱔片新鮮唔腥啖啖肉；帆立貝嫩滑鮮味🍤佢地嘅炸物小食都非常唔錯，乳鴿炸得皮脆肉嫩；厚切鵝肝多士鵝肝肥美細膩，多士香脆；芝麻雞翼肉質嫩滑，外皮帶有焦脆感💚馬來西亞D24榴槤口感綿密柔滑，帶有奶油嘅順滑感，入口即化不黏膩；同埋貓山王榴槤醬同燒薄餅放埋一齊原來味道好夾🍶飲品除咗汽水、無糖茶之外，仲有清酒梅酒可以任飲🍧甜品有Haagen-Dazs 雪糕，Da Dino Gelato 同能得利雪條🤵🏻‍♀️職員上菜速度快，態度友善；餐廳用上日式小燈籠同唔同燈牌做裝飾，非常好氣氛…Read More

🍲 翻雲覆乳-香濃豆乳蜜瓜龍躉雞湯（$328）同朋友見到湯底poster覺得好吸引同特別就點左，湯頭用左自家浸製雞湯上加入大量新鮮豆漿用慢火熬煮而成再加入蜜瓜提鮮，估唔到湯底加埋蜜瓜無違和，充滿豆乳香味之餘鮮甜唔膩，龍躉魚片好嫩滑🍡大滾友肉丸拼盤·十粒（$158）有櫻花蝦豬肉丸、手打鮮牛丸、手打鵝肝墨汁墨魚丸，手打蟹子鮮蝦丸同龍蝦墨魚丸，可以一次過試哂佢哋手打丸嘅款式；每款丸好彈牙足料🥟大滾友餃子拼盤·八粒（$138）有韮菜豬肉餃、黑松露蟹肉餃，蟹黃餃同牛肉餃，粒粒都皮薄餡料足🐮 大滾友牛肉拼盤（細）($428)有肉質柔軟、肉味濃郁嘅封門柳，油花分布平均嘅本地手切牛頸脊，口感軟Q有嚼勁嘅和牛牛展，牛肉粒，牛舌，同花雕酒浸牛肉；用左花雕酒浸嘅牛肉聞落好香花雕酒香，食落好嫩滑之餘帶有淡淡嘅花雕酒味💛大滾友響鈴拼盤($88)有鹹蛋黃醬響鈴同普通響鈴各三件，鹹蛋黃醬響鈴可以即食，酥脆仲有細膩嘅鹹蛋黃香，而普通響鈴涮煮過後索左湯底好惹味🫖自家製足料竹蔗茅根（$78）打邊爐必備，清甜解渴，仲用左典雅精緻嘅紫砂壺盛載，非常有儀式感🫙醬介（$26/位）🏰 餐廳以中國宮廷風裝潢為主，設有包廂同卡位，有私隱之餘又坐得舒服，仲設有兒童影院，五歲或以下嘅小朋友仲可以免費獲得一份兒童餐，八歲或以下嘅小朋友仲可以免費夾公仔，完美照顧大人同小朋友嘅需要…Read More

🍱四款刺身拼盤（$280）有牡丹蝦、帆立貝，吞拿魚同深海池魚；牡丹蝦大隻，鮮甜有濃郁蝦膏；帆立貝肉質彈牙味道鮮甜；吞拿魚厚切，肉質結實，油脂甘香；深海池魚肉質緊實爽口，甘香細膩🦪仙鳳趾生蠔（$68/隻）生蠔肉質飽滿結實，味道鮮甜肥美滑口，海水味比較重之餘唔腥🐮鐵板味噌牛腸（$88）一上枱就聞到好香，牛腸軟腍中帶有嚼勁而且無腥臭味，加上甜中帶辣嘅味噌醬，非常惹味🐟魔鬼魚翅七味燒（$78）魔鬼魚翅灑上七味粉再燒，金黃香脆惹味🦪吉列蠔小茄子滑蛋煮（$78）吉列蠔麵衣酥脆，內裡蠔肉鮮甜多汁，小茄子口感柔滑軟綿，加上煮得啱啱好嘅滑蛋，三者嘅味道層次豐富，送飯一流🔥蒜香牛肉粒炒飯（$98）炒飯乾爽粒粒分明，牛肉粒份量多，蒜香味突出又唔會搶左牛肉味🐓免治雞肉棒（$38）雞肉棒嫩滑多汁，雞肉同雞軟骨比例啱啱好，月見汁更添美味🐓汁燒赤雞橫隔膜串（$36）橫隔膜口感爽脆帶嚼勁，甜中帶鹹嘅燒汁同橫隔膜味道好夾🐮美國牛小排（$72）燒得啱啱好，肉質鮮嫩軟腍，牛味香濃🍚米味雪糕（$42）雪糕好幼滑，味道似極淡嘅雲呢拿雪糕，中間夾有偏硬嘅米粒，帶有口感💛柚子雪葩（$48）柚子雪葩食到柚子清新嘅甜味同帶有少許柚子嘅苦澀味，去除食飯後嘅飽膩感🍶五勺係以清酒做主題嘅居酒屋，卡位放滿唔同清酒做裝飾，亦掛左唔同清酒樣式掛旗，非常好氣氛，店員亦會主動推薦菜式，服務態度值得一讚…Read More

🥔 芝士薯仔包（$34）我同朋友都不約而同俾佢😏個樣吸引左，麵包好鬆軟，而且餡料份量唔少，芝士同薯仔味道好夾又唔會搶左對方嘅味道💜 芋泥麻糬日式麵包（$29）麵包外型好可愛，好鬆軟，芋泥甜而不膩，麻糬煙韌唔痴牙，如果餡料份量再多少少就更好🍒 莓果波波大福蛋糕（$68）大福蛋糕係用左麻糬皮包住紅莓乾，忌廉同海綿蛋糕，面頭放上罐頭車厘子整成Jellycat車厘子造型，非常吸睛；大福皮厚度適中，軟糯煙韌，酸甜嘅紅莓乾加上忌廉同海綿蛋糕食落開胃又唔膩🍰 薄荷朱古力布朗尼蛋糕（$48）蛋糕面頭放左Andex薄荷朱古力同罐頭車厘子做裝飾，由黑朱古力醬、朱古力蛋糕，薄荷朱古力忌廉，朱古力脆脆同布朗尼組成，薄荷朱古力味濃郁，口感豐富，布朗尼偏硬身，薄朱控必點🍵 凍日本焙茶拿鐵（$48）佢地嘅焙茶拿鐵唔會好似外面嘅咁甜，口感順滑之餘有好香濃嘅焙茶味，牛奶比例相對較少，鍾意茶味濃嘅朋友必定要試下🍹凍水果茶（$38）水果茶用左百香果，香橙同蘋果，味道酸甜，清爽又解渴💚 餐廳除左麵包之外亦有提供其他主食，仲提供少量座位供客人堂食，無論食正餐，下午茶定甜品都非常適合…Read More

🍲 限定套餐（$698）可以自選湯底，套餐包括黃金響鈴、貴妃出浴，一款4粒手打丸同飲品🍲 湯底方面，我哋揀左康熙花膠雞湯同嘉慶椰子藏雞濃湯，兩款湯底都用充滿龍紋嘅御膳尊鍋呈上，造型美觀又充滿儀式感，瞬間提升用餐體驗！湯底都係大廚每日新鮮特製熬煮，花膠雞湯入口鮮甜濃郁，滋補養顏；椰子雞湯充滿椰香，清甜順口💛 黃金響鈴（秘製鹹蛋黃醬）一上枱就聞到好香鹹蛋黃味，響鈴金黃酥脆，食落口啖啖都有濃濃鹹蛋黃香🐮 貴妃出浴其實係本地手切牛肉，搭配泡有玫瑰花瓣嘅牛奶，店員貼心建議將牛肉浸泡牛奶30秒後再淥，牛肉經過牛奶浸泡後，口感變得更嫩滑，牛味濃郁而不膩🦑 手打珍珠帶子墨魚丸手打墨魚丸彈牙，鮮味十足，仲食到原粒帶子，非常足料🍱 五福臨門拼盤（$228）包含黑牛柏葉、白牛柏葉、豬皮，水魷同牛黃喉；黑牛柏葉爽脆，白牛柏葉則較軟嫩；豬皮吸收湯底後味道濃郁又Q彈；水魷厚實有嚼勁，鮮味十足；牛黃喉爽脆中帶點韌性🍺 足料竹蔗茅根一渣竹蔗茅根甘甜清涼，有清熱解毒作用，而家夏天同打完邊爐飲就最適合不過👸 餐廳以雅致嘅中國宮廷風裝潢打造別具一格嘅用餐氛圍，令客人彷似置身皇室盛宴；餐廳特設電影空間俾小朋友坐定定睇卡通，令家長可以安心享用美食，完美照顧一家大細需要；門口仲精心擺放龍椅同中式服裝供賓客打卡留念，增添樂趣…Read More

🎇 焰月套餐 ($980)20道精緻菜式，涵蓋先付、季節刺身、手握壽司，手卷吸物同時令果物一踏入菊月町立即被店內嘅雅致氛圍吸引今餐由興師傅親自主理，開餐前仲會細心問客人有無唔食嘅嘢，非常貼心套餐以湯葉揭開序幕，三文魚子、北寄貝貝柱位同腐竹嘅組合，綴以金箔點睛，視覺與味覺兼得。三文魚子嘅鮮鹹同腐竹嘅清淡相得益彰，北寄貝嘅爽脆口感更係錦上添花跟住係前菜，有清甜爽口北海道白粟米，配上豆苗用嚟清新口腔；水母刺身以柚子醬油提味，酸香突出，慢慢滲出醬油嘅鮮美；蟹膏豆腐濃香嫩滑北海道厚岸生蠔肥美多汁，海水味淡雅，搭配酸汁啫喱同海葡萄，層次豐富粒貝（日本響螺）以麻油和鹽輕調，爽脆有嚼勁，點綴少許wasabi更添風味燒鰻魚灑上山椒粉，酥脆不膩，搭配海藻鹽食用，完美化解微微苦味北海道喜知次先蒸後炙燒，魚皮香氣撲鼻，肉質嫩滑，魚油濃郁，配以芝士甘筍汁及烏魚子，甜美與鮮香交織，正大拖羅赤身係焦點，師傅即場以蘋果木煙燻，大拖羅灑上海藻鹽炙燒，赤身則刷上醬油與wasabi，搭配紫菜、沙甸魚乾同紫蘇葉，油脂同清爽完美平衡，口感層次令人讚嘆梅子素麵粉嫩誘人，淡淡梅香開胃又清新池魚爽脆鮮甜，柚子醬提升鮮味赤貝細嫩鮮美，青檸增添層次感甜蝦別出心裁，師傅將蝦肉剁成蓉，加入昆布製成漬物，鮮味濃厚，肉質彈牙梭子魚連皮炙燒，魚油滲入壽司飯，甘香無比，柚子胡椒平衡油膩感，令人回味鯖魚搭配少見的芽蔥芽，清香與鮮味相輔相成，視覺與味覺雙重享受馬糞海膽手卷亦係亮點之一，師傅毫不吝嗇堆滿海膽，獨特包法讓每一口都食到海膽，令人滿足鯛魚湯代替常見嘅味噌湯，湯底濃郁醇厚，鮮味十足甜品同樣用心，蘭王蛋長芋玉子燒鬆軟濃香，香蕉雪糕最中清甜可口，抹茶蕨餅煙韌帶綠茶香，完美為這呢場盛宴畫上句號餐廳除左omakase之外，仲有提供鐵板燒選擇，已bookmark下次再訪…Read More

❤️玫瑰醬海鮮年糕($92)有6隻大大隻嘅青口，爽口彈牙嘅蝦肉同八爪魚，年糕用左長年糕條，口感Q彈有嚼勁；玫瑰醬偏濃稠，由辣醬加上茄醬同奶油而成，香辣惹味又帶奶香🍗韓式炸雞（無骨半份）($108)炸雞有多款口味可以選擇，今次揀咗蜜糖味，蜜糖味香甜突出而不膩，炸雞啖啖肉，香脆內嫩唔乾柴，仲有煙韌嘅年糕同炸到金黃香脆嘅薯條🐖燒醬油黑毛豬白切肉配大醬生菜($182)黑毛豬白切肉肥瘦分明，切得厚薄適中，就咁食食到醬油嘅鮮味，包埋清爽嘅生菜、生蒜片、紫蘇葉，甜酸平衡嘅泡菜同咸香嘅大醬🍴Banchan & Cook 提拉米蘇($68)第一次食到Tiramisu 入面係有紅豆，第一啖食到紅豆突出嘅香甜然後到咖啡味滲出，味道層次豐富，口感綿密細緻🍫溶化朱古力（$42)🍑白桃甜蜜梳打($46)…Read More

💕 古法養顏燉桃膠（$42）用料十足，桃膠份量多，加上桂圓肉，紅棗同杞子一齊燉，味道清甜，好滋潤💜 法式紫米露（$42）最表面用咗黑加倫子味啫喱做裝飾，第二層係椰汁，然後到紫米露，最後係法式燉蛋；紫米露連埋椰汁一齊食，紫米有咬口而且椰香味濃，燉蛋好滑蛋香味濃，建議同紫米露分開食，唔會遮蓋燉蛋嘅蛋香味🥄 古法雙皮燉奶（$36）唔好睇佢表面皺皮，燉嘅火喉啱啱好，食落去好嫩滑帶奶香🧋 紅糖撞奶（$28）用上椰奶，芒果粒同紅糖果凍；職員好貼心提我地記得攪勻後先好飲用；第一啖先飲到椰香，然後到鮮甜嘅嘅芒果，最後到紅糖凍，紅糖凍帶有甘蔗嘅甜味同焦糖香，甜而不膩；整體味道口感層次豐富😋 而家佢地仲推出左秋冬限定放題，$38就可以享用1小時任食經典糖水；仲有消費滿$50可獲得擲銀仔機會一次，估中銀仔向上嗰面仲可以獲得折扣機會…Read More

🤍 白雪女皇（$49）其實係腐竹桃膠糖水配燉蛋白；燉蛋白好滑溜，腐竹用左樹記腐竹，煲到融哂系糖水，桃膠份量多，甜度適中，同埋有凍熱選擇🥭芒果女皇（$49）楊枝甘露加上芒果爆珠同蘆薈，芒果香甜多汁，食落無傳統楊枝甘露嘅酸苦，芒果爆珠同蘆薈令口感更豐富🐮香辣牛粒（$36）有7粒；牛肉軟嫩多汁肉味濃帶有少少韌，加上自家秘製辣粉，好惹味🥢XO醬炒蝦米腸（$36）一上枱就聞到好香，腸粉份量十足，煎得金黃，仲食到有唔少嘅蝦米；XO醬係手工製，香得嚟帶微辣🍡擂沙可可（$33）用上軟韌軟糯嘅芝麻湯圓蘸滿可可粉，估唔到可可粉嘅微苦同芝麻嘅味道好夾…Read More