添比撈's Profile

今次我同朋友去咗「湘聚」食湘菜，真係驚喜！一入去，環境好靚。潇湘三拼首先試咗佢哋嘅潇湘三拼，$78。呢道菜有花生、辣椒絲同醃菜，啱啱好開胃。特別係花生，咬落去脆脆的，配上辣椒絲，真係唔夠食！清湯燉小蚌仔跟住就叫咗3份清湯燉小蚌仔，$894。呢個湯清而不淡，咸香味重，最緊要啲蚌仔滑得嚟，真係唔可以錯過。陽雀湖辣椒炒野生鱔魚陽雀湖辣椒炒野生鱔魚，$580，呢道菜幾辣，但鱔魚滑得嚇人，配埋啲燜黃瓜，味道更加豐富。口味羅氏蝦配手臂油條口味羅氏蝦配手臂油條，$788，呢隻蝦大隻到不得了，肉質鮮嫩，個汁鹹鹹辣辣，配埋炸鬼，真係好掛汁，食完都想再嚟一份。老家米粉蒸肉老家米粉蒸肉，$268，米粉包住啲五花肉，口感特別，咸咸地唔會太肥，肉質又厚，食落去真係有種食糯米飯嘅感覺。青椒紫蘇瀏陽土豆青椒紫蘇瀏陽土豆，$148，睇落好普通，但食落去卻好鮮味，可能用咗啲特別嘅食材，咸咸甜甜，令人意想唔到。雲南建水龍芽開頭以為係淮山，點知食落好似京蔥，但又唔辣，一問之下先知叫水龍芽，幾特別，爽爽辣辣咁，出面真係未見過。白飯最後就叫咗2白飯，$60，雖然白飯冇咩特別，但搭配啲重口味菜式，真係必不可少。最後仲有冰粉食，幾爽滑～～整體嚟講，「湘聚」嘅菜式真係好正，好彩係朋友請，因為價錢唔係平，哈哈…Read More

【香港美食】赤柱人氣網美店「Pane e Latte」新推出的情人節限定麵包！仲有時間比你準備❤️赤柱碼頭地標Pane e Latte 最新情人節打卡草莓麵包好靚！2月限定精選「巨型酥皮點心」「牛角包及泡沫咖啡」，讓大家赤柱碼頭的用餐體驗倍增驚喜。2 月份的主角是紅粉菲菲的巨型朱古力面包搭配特大杯裝泡沫咖啡，實物超誇張！$168的巨形麵包超好打卡！而且份量很巨型，應該夠4個人一起吃！還有心型的麵包和草莓牛角包，非常美味又可以打卡拍照，相當不錯！…Read More

今日嚟咗愉景灣，遠離下城市繁囂，一落船諗住亂咁行下嘅時候，就比我哋見到呢間土耳其餐廳，佢門口擺左個menu，我哋就比佢啲食物吸引咗，餐廳有室內同室外，室內就比較暗，所以我地都轉返出室外坐，有feel好多，都幾日外國feel，天氣唔熱，會推薦大家坐戶外。門口仲有兩個心心情侶小雅座可以打卡，應該都係座位之一。我哋叫咗個牛肉薄餅，好好味呀，牛肉味好重，好多牛肉，個薄餅底又唔會太多，唔會好似食緊好多麵包咁，仲焗到少少脆，必食。仲叫咗個巨型土耳其羊肉包，超多羊肉，重羊肉味仲要無羊羶，好飽滿呀，最後見佢哋知羊肉咗好食仲追加咗一碟羊肉串同土耳其雪糕羊串佢有跟埋沙律同埋薯角，份量都好大份呀需雪糕口感同平時嘅雪糕好唔同呀，有啲咬口，但係開心果雪糕唔知點解係白兔糖味，藍莓味雪糕就正常發揮。…Read More

最近同朋友去左又一城睇聖誕節富士山公仔跟手去左附上Dan Ryan’s 食野朋友叫左呢個set dinner嘅封門牛餐前麵包有幾款，好食，無限食可以refill有個鬆餅幾好食又足料首先叫左個小食拼盤，份量真心唔多，咁細份都已經196，只有3隻雞翼 3個洋蔥圈 三塊薯皮 真心貴唔抵食味道係ok, 但性價比好低。我自己叫左個牛油果漢堡包，呢個漢堡只係158，相比個小食拼盤真係抵食好多好多，有個小沙律又有薯條，漢堡又大個好大個好厚實 有8安士牛肉嘅漢堡好juicy真心好好味今次主角係炭燒封門牛柳，我哋揀咗五成熟，廚師煮到啱啱好。牛肉都好嫩，好有肉汁, 仲帶啲炭燒味，肉汁加埋肉質，口感幾好肉味啱啱好再加上有埋煙燻味，跟埋嘅芥醬都好襯托到個牛，點埋個芥末醬加埋個煙燻味都好特別，我建議可以先食咗原味，唔好點個醬住，出面都比較少食到呢個煙燻味，配菜仲有個栗米同薯條，好夠份量呀仲可以揀跟埋餐，可以揀湯或沙律仲跟一杯雪糕新地，滿滿忌廉喺雲尼拿雪糕上面，好滿足，嗰球雪糕好結實，唔會嚟到就溶哂。…Read More

上一次我寫左個5星好評比佢，因為我果兜好多肉好好食，今次我就中左招，佢比左我最憎果兜「雞翼雞腳雞背」我，唔可以唔寫劣評！佢成兜野有50%以上都係雞骨！雞腳墊滿底，好心啦、雞腳呢d無肉食嘅野你都擺係度比人食、你當額外加料就話唧，佢真係當主菜咁上比你！仲有d雞翼識唔識斬架？斬到全部打斜d骨想插損人個口咩？？成兜都係雞翼 食皮！雞槌腳一開2 食皮！雞翼尖 食皮！雞背 食皮！雞腳 食皮！我驚大家睇相睇唔明，附有插圖解說。全部都係重骨部份，邊度有肉食呀？連雞髀個槌頭都有！究竟係雞髀槌定雞腳槌？我都分唔清啦，總之斬到好碎。咁樣做生意？一半雞都係無肉！我一見到佢上檯呢兜比我！就即刻叫佢換啦！佢仲要唔肯換！仲要兇返我轉頭！「d雞師傅斬 我唔清楚邊兜無雞腳 因為兜兜都有！我幫你唔到！」「喂，d雞勁多都無肉嘅，又雞腳又雞翼雞背雞翼尖，得一兩舊雞胸有肉食，有無搞錯」「你唔食雞腳下次叫走翼啦」咦？即係雞翼鐵腳配雞腳，但頭先又話唔知？我揭開我朋友兜雞胸，一隻雞腳都無。兜雞上檯後我掂都無掂過！一睇就知成兜骨啦！叫人點食呀？雞皮撈飯呀！人地果兜就成兜雞肉兩層滿滿！好大對比唧！仲有，識唔識斬雞架？唔該d肉同骨分佈平均d la!!!!補充 店主網上聲稱話可以揀雞髀/雞胸/雞翼，仲要唔駛加錢。但我以前次次落order前，都同佢講走雞翼雞腳，佢只會答我「我地有乜比乜，無得指定，盡量啦」最後都一定會照來雞翼雞腳，但情況無呢一碗咁惡劣，所以一直都忍氣吞聲，今次兜雞太離譜，不得不投訴。而家店主主張標榜自己態度差，其實粗魯唔代表惡，但佢連望都唔望下我投訴嘅呢一兜野，就話唔換+兇返我轉頭，我就真係搵唔到理由去忍。不過以事論事做人公道，我無批評過佢唔好食甚至難食，你要去食就全部一齊叫雞髀啦，反正佢而家fb話叫雞髀唔駛加錢架嘛，佢以前唔係咁講架，根本無得揀部位😅 人真係變得快…Read More

早排去左西營盤呢個SEOUL SOUL試左呢個韓國燒肉放題，超正！佢人均三百令蚊，雖然有少少貴，但佢D肉真係幾好。前菜先上泡菜+沙律菜先黎佢會上一盤乜都有齊的牛肉雜錦，之後食左一轉你就可以再ORDER其他食過覺得好食嘅肉~全部肉都係美國黑毛牛肉 (唔係黑毛和牛)有好多唔同部位唔知係咪韓國風格，佢有人幫我燒埋，幾好喎。燒完佢仲會擺埋一邊比我慢慢食，招呼真好。一次過燒好多野，職員燒到咁上下就會交返比我燒，我地食野食得好慢，所以佢好快燒好哂我都食唔切。呢個蒜蓉蝦好彈牙好厚肉，好好食，另一款係普通蝦。小食方面唔欣賞炸物，因為好乾韓式煎餅開頭以為會好大塊，點知細細塊，又OK，唔會太飽有個蒸蛋有少少DRY過熟，不過都幾好食。有個豬手薄薄地都幾好食，份量唔會好少多，可以每樣試少少點左個醬油生雞蛋飯，本來無期望，點知好好食! 咸咸地有少少麻油味好香甜，真係撈埋好開胃！有個芝士粟米，好正，我倒左落去個醬油飯度撈黎食，更加好好味！炸雞有韓式炸雞 芝士炸雞 同韓式大炸雞，我唔要原味，試左另外兩款味道咸咸地新鮮炸起幾好食，不過放題來講都幾HEAVY食兩舊都飽左一半，唔划算，我食少少就OK，我留肚食牛肉。韓式水冷麵都OK，凍凍地少少酸幾開胃。最後單點散叫左醬油蟹同醬油蝦黎試，味道真係好咸，係幾好食，但咸到要用黎撈飯先搞得掂！同埋我唔敢食生蟹，所以試左少少就算。最後仲食左好多支雪條。整體都好多選擇幾好味。整體性價比都合理，不過不失，唔算得上好抵食，但環境就肯定好過好多放題先，樓底好高好大好闊落，有高級感，所以如果同朋友食想坐得舒服我覺得係可以一試架。…Read More

同朋友去左大圍食晚飯，朋友話呢間係茶記扮扒房，貪佢就腳又唔貴，所以試下。我叫左個牛肉漢堡$97左右包野飲，個漢堡包好巨形、麵包好鬆軟，肉餅都應該係自家製好鬆軟多汁，薯條新鮮又長，好正好食！另外一個係明太子蟹肉闊麵，好濃好香，都好多蟹肉，唔錯，性價比好高。但闊麵要加$27先有餐，有湯有牛角包有凍飲，佢個牛角包好大個好正但無影相，整體都唔錯好高質，算係好難得。環境門面似扒房，裡面真係靚版茶餐廳，勝在唔駛加一服務費，正！…Read More

身為一個醉雞迷，錦田呢檔大排檔算係食過最好食。超入味，應該浸過夜，份量唔錯，價錢唔貴$51包飲品，凍飲+$3。醉雞汁超濃花雕味勁香超正，又甜甜的，好惹味好好食！必食！有跟個飯的，好飽肚😄但講返可以同佢講走腳走翼之類，因為我朋友成兜都係雞翼雞腳，勁多骨，我果碗就雞胸多肉，如果我食左雞腳果兜應該會好嬲。衰在熱辣辣要坐大排檔，無冷氣無環境，仲要山卡啦咁遠，會去嘅人不多，而且下午3點就收檔，食到嘅人就更少，所以食到都係一種緣份😆#香港美食 #hkfoodie…Read More

路過銅鑼灣搵食，見到呢間賣海南雞飯銅鑼灣黎講又唔算貴，即管試下佢個醉雞。店員服務真係好熱情殷勤，好少見咁好服務嘅女店員。醉雞算係最貴，比左雞髀我，好開心。但醉雞汁好淡，唔濃唔香唔甜，覺得個醉雞汁唔太好食⋯⋯⋯佢明明寫花雕雞，但又話用玫瑰露，即係兩溝？定唔係花雕雞？我都一頭霧水。雞就好肥，不過煮得好嫩，衰在無乜花雕味，當食普通海南雞咁。雞嘅份量好多，飯極少，圖中個飯碗係一個小飯碗仔！問佢飯太少可唔可以多d飯，佢就比多碗飯我，真好服務。不過個雞油飯真係有雞油味，唔係淨係得黃薑粉嘅色，無味、係真係好油潤好香，碗飯成功過d花雕汁。路過可以一試，特登去就不必。…Read More

最近同朋友們去左銅鑼灣，試左一個好靚嘅甜品！GARIGUETTE係售賣「拿破崙Mille-pressé」嘅日本過江龍超人氣打卡美食店！今次我地3個人，一齊share試左一個草莓口味，同埋一個SELFIE口味！乜野係Selfie口味？即係店員會跟據你嘅衣著黎安排好適合你嘅口味！店員見到我著到成個英女王咁，就安排左個藍莓口味比我！原味草莓 HK$165有好多stewberry同吉士，外皮係3層的焦糖拿破崙酥皮，食落好甜好香，價錢略貴，但新鮮即製而且都幾大塊，可以一開二Share食。開心果忌廉覆盆子 Hk$155呢個酸酸甜甜好開胃，但開心果味就唔多覺，桑莓味就好出！呢個仲好食！…Read More

去完買野 周圍搵野食 發現星期日原來鰂魚涌好多都唔開 好難先搵到一間似樣少少嘅餐廳 所以坐低左點左兩個餐 泰式炒金邊粉 + 香辣肉碎煎蛋飯肉碎超多 好大份 煎蛋都做到半生熟荷包蛋 不過肉碎係暖的 唔係熱辣辣即炒 又唔乾身 好濕 如果佢係即炒乾身熱辣辣我會滿意多好多之後再點左一份泰式炒雞肉金邊粉，好少係香港食到咁正宗嘅Pha Thai, 茄準底味，唔係豉油底，香甜酸酸地好惹味，呢碟就真係即炒，好食！另外飲品本身好唔滿意佢好細杯，味道又唔係太泰式，有少少印度拉茶d香草味，怪怪地，太細杯都好快飲哂。點知廚房煮野果位泰國啊姐走出黎問夠唔夠飲？唔夠比多杯我，然後我就得到左兩杯！無再額外收錢，好開心！唔怪之得個炒金邊粉咁正宗，原來真係泰國人炒，呢個最好食！強烈要求老闆個肉碎炒飯要即炒。另外室內環境有少少迫，坐得唔太舒服。不過港島區地鋪係咁上下，將就下。…Read More

老母介紹話佢成日去呢度食糖水，見滔滔排哂隊無位，唯有轉個彎粗粗地試下d糖水，本身都已經無期望，但估唔到係咁差。叫左個芋圓仙草凍 & 桃膠個仙草凍上面有一堆罐頭生果，芋圓呢？原來得3粒⋯⋯ d生果好難食，咪就係罐頭菠蘿囉！其實乜野都無味，淨係得糖水味，垃圾。然後食到一半太難食，打包半碗，問佢囉個蓋，問佢個蓋係咪唔駛錢？佢話唔收啦（因為淨係囉左個蓋，膠袋都無要佢）然後埋單走人，佢收我30+35+2。我問「佢果2蚊邊度黎？」阿叔兇我話「外賣丫嘛！外賣加$1你睇唔到架咩？」我話「外咩賣呀？我堂食架喎」阿叔話「你唔係用外賣碗咩？咁咪加$1囉，寫左架啦！」我話「我無叫過你用外賣碗喎 ! 係你自己用外賣碗！我明明坐係度堂食」阿叔話「你打包呢個咩黎？唔係外賣咩？」我話「我係將你個堂食個外賣兜囉個蓋咋wo 我堂食架！ 岩岩問你話唔駛收錢我先囉個蓋！」阿叔話「算啦唔駛比啦 咁計較果兩蚊」我話「唔係我計較！係你而家堂食屈人比外賣錢！」非常差嘅服務態度，食物又唔係好食，無下次。…Read More

聽人講永順個沙嗲牛肉好堅，所以今日試左。沙嗲好重甜味，少香，微辣，個人嫌佢太甜，但事實個醬真係落好多好濃，唔係少少好稀咁。但你話係咪好好食？我覺得大把茶記好食過佢。聽講要食蟹王麵先好食，但星期日無貨，先揀左通粉。另外點左個雞扒福麵，雞扒好薄好咸，食完會腎病咁，咸到痴線。另外再點左個炸豬扒芝士流心蛋三文治。豬扒好薄得5mm厚，鬆脆但又係好咸，頂唔順。雞蛋流水係正嘅但食到一手都係，好狼狽。芝士係普通卡夫芝士，無咩特吃，不值得吹奏。飲品叫左凍奶茶+凍奶茶紅豆冰。凍奶茶一般。奶茶紅豆冰$20，紅豆不太甜幾好。…Read More

跟朋友去西環吃飯，選了這家很多人光顧的小店Cafe 2 Oyster n Grill。我們各點了一份晚餐，價格不便宜，要$293一份，到底吃甚麼呢？先來了餐湯和麵包，中規中矩。餐前小吃我們加錢$20轉了軟殼蟹沙律，有整隻軟殼蟹，不錯，好吃！再加錢$24 轉了蒜頭大蝦，那個蒜頭油好吃到爆炸，我用來夾餐前麵包好爽，沾滿蒜蓉和油超香的，蝦子也很爽滑彈牙。主菜是燒鱸魚，口感很好，很扎實，有魚鮮油香，份量也很大！另一份主菜是辣肉腸薄餅，薄底很薄也不會裂開，做得非常好，味道充滿芝士跟茄膏的香味，帶有少少辣肉腸的香勁，很不錯！甜品有兩款，選了芒果奶凍+朱古力布朗尼雪糕，兩個都很驚豔又好吃。特別介紹布朗尼蛋糕用了鐵板上桌，把布朗尼蛋糕都煎香了，脆脆的口感很特別！但雪糕會很快溶掉，不能拍照拍太久啊！最後還有餐飲，不錯。這個晚餐雖然小貴$350人均，但水準真好，值得一試。…Read More

我成日都搵一間好食嘅檬粉 終於比我試到一間好食架啦！平時成日出去食撈檬，唔係檬粉太硬就有雪櫃味，一係個醋淡茂茂唔好食，一係齋甜唔酸，一係齋酸唔甜，呢兩年來無食過一間滿意，估唔到呢間連鎖店竟然比到驚喜我！叫左個晚餐set，$88 雞肉串撈檬+海蜇+三色咸檸七。個撈檬質地好軟身，唔會硬骨骨成抽野咁痴埋哂，好分明，彈牙爽脆；個醋甜酸度都好足！好好味！仲有乾蔥碎花生等等材料加埋一齊好好食！！！真係好好食！好滿意❤️小食海蜇好大碟，全部大塊又粒粒通透，好好食！超正！咸檸七有三種唔同檸檬，好味！朋友叫左海鮮湯檬，試左好鬼辣，無乜味道，辣到好難入口，個湯底又無乜味咁，麻麻地唔會再試。小食係蓮藕餅，細塊又唔好食，唔會再試。整體覺得撈檬做得好好，湯檬個湯無乜味道。衞生方面張凳好多油漬，同佢反映都好快好積積清潔，算係咁👌🏻…Read More