rainbow_catcat's Profile

抱著一個期待既心情同小寶黎到四季菊食鐵板燒,點了一個四季菊鐵板燒套餐,套餐有沙律,魚刺身,龍蝦,鵝肝,日本和牛,炒野菜,海鮮炒飯,麵豉湯,香蕉芝士蛋糕,另外單點了銀雪魚西京燒,天婦羅- 舞茸,炸野菜餅同蕃薯。燒物都保持自身既鮮味,沒有用太多調味,套餐中既龍蝦略嫌過熟,口感一般,不知道是那個品種龍蝦… …廚師推介厚燒日本和牛同5成熟,但上碟既和牛無不似預期,口感比較老,其中海鮮炒飯較為驚喜,有帶子在内提鮮,銀雪魚西京燒既份量適中,質感很厚實~3款天婦羅當中,最欣賞舞茸,它沒有油膩既感覺~這次既鐵板燒只能說不過不失,沒有傳說之中那麼驚艷~ …Read More

自從疫情就好驚嚮街食飯,今同食慣好西既朋友仔經過尖沙咀,極力推介食尼間拉麵,店面有用惡魔同鬼金棒做佈置,襯返個店名,佢用電話落單好方便~ 我其實好怕辣,見到餐牌有啲想縮沙,想叫飯......最後鼓起勇氣叫左一碗小辣味玉拉麵,尼個小辣可以接受啊,反而覺得個湯咸無乜辣喎,豚肉看似好肥,但咬落去完全無油膩感同肉質非常嫩滑,仲有好多芽菜啊~ 芽菜係即炒既,望到師傳炒到紅紅烈火,好有Heart而麵質係偏粗既拉麵,幾彈牙~我到最尾先食味玉,入面依然係流心,真心推介!…Read More

同事經常買來給我們吃,我最愛吃芝麻糕,後來水準很不穩定,還吃過酸味既白糖糕,而且芝麻糕還是以重量去計算賣價,不太喜歡這樣的銷售策略,之後就沒再幫趁了~今天和寶寶經過,寶寶扭食砵仔糕,所以我們又幫趁,那個砵仔糕,放在藤織的篩內,用半透明的膠袋袋著,拿上手輕飄飄的,我的手都不算大了,砵仔糕只佔我的手掌2/3......真的令人傻眼了!重點係個砵仔糕係凍的......賣$9個,味道很一般又沒有傳聞中既黃糖香......太貴了吧~…Read More

午餐時段和寶寶來到這麵店,店家沒有豪華的裝修,簡單餐桌,但人間美味~ 我們點了豬扒麵和魚蛋河（走葱）薄薄的豬扒半煎炸熱辣辣,大大既一整片～薄身既豬扒能做到鮮味有肉汁,好考功夫~米黃色既幼麵,還加了一些咸菜,賣相不錯!魚蛋河既魚蛋大大粒,彈牙有咬口~我說走葱,店家很好記得走葱,還配了生菜🥬,白色綠色,畫面青翠田園風,心情也好起來~而湯底是偏淡一點的,所以添加了腐乳通菜~還點了1枝樽裝麥精~全單只是$70,午餐時段人均$35,好味又平又満足…Read More

想試好耐既寶寶帶左我黎瘋鳥,講到好特別,一齊開心仔咁黎到~店家有很多小擺設,另外用咖啡生豆的袋子做了一個簾,遮擋廚房位置,可作點綴既環保♻️我地叫左2個餐配飲品~ 蕃茄汁意瓜煙三文魚意大利粉焦糖洋葱吉列豬扒漢堡配美國薯條飲品點了Americano 同 荔枝玫瑰花茶蕃茄汁配意大利粉味道不錯,蕃茄汁足夠~薄薄的煙三文魚全熟了,熟左既煙三文魚真係好咸啊⋯⋯個漢堡包既豬扒,餐牌寫係吉列豬扒,但來到的豬扒是煎豬扒唔係吉列豬扒,同埋成大件係肥膏... 肥到食唔到...咖啡師所挑的咖啡豆和一般連所咖啡店的不一樣,咖啡是帶酸的品種,喜歡酸味的可以點這個,而荔枝玫瑰花茶,有著濃濃的荔枝味但喝下去和英式早餐茶無異,而且茶壺內的水只有茶壺大小的1/3在內我傻眼了...店內是沒有洗手間,只能往對面的球場公廁,還有店家的抽風系統也做得不太好,油煙味很重。…Read More

夜晚想簡簡單單既野食,唔會飽得滯, 啱啱好又好味~ 寶寶帶左我黎麻甩佬,之前佢都有同我提過心思思想食~碰巧今日我想輕食,佢就帶左我黎~寶寶最想食就係狗仔粉,所以叫左碗大既狗仔粉,而我就叫左碗魚肉翅~店家好貼心準備好菜甫(有辣有唔辣),胡椒粉,麻油同醋,放嚮每張枱上,俾我地自行添加~店員送到枱上,已經香氣撲鼻,狗仔粉好滑,配料好鮮味,魚肉翅好足料~而個質地亦都恰到好處~真係好好味唷~我地仲每人追加甜品,凍豆腐花(黑糖薑湯)同熱香芋西米露~ 豆花夠薑味,香芋西米露又唔會過甜,而且店員每個都好親切又笑容滿面,大滿足~ !!!…Read More

話說有次睇左我食評既朋友仔,佢介紹我食尼間台灣人主理既店,雖然我同佢唔識,但我都係大膽嘗試既人,所以我帶左寶寶一齊黎食~店鋪俾我既感覺好似黎到潮州打冷店咁,有種說不出既獨特風味,佢食品款式唔算多,設有大套餐,小套餐同單點,著校服既學生或出示學生證仲有學生優惠價,我地兩個就叫左大套餐,套餐有主食,小食加飲品~ 叫左兩碗大腸紅麵線,小食:香滷雞脾同香滷火雞腎,飲品佢係送冷/暖冬瓜茶,但係我補差額要了熱珍珠奶茶,因為我見到佢店外貼上淡淡茶香,Q彈珍珠,見到Q彈尼個字就更加想飲~(我覺得佢既珍珠俾一般台式飲品專賣店既林,是因為正宗嗎？!)店家有兩種醬汁俾我地選擇(蒜汁/勁辣)麵線入面放左啲鰹魚片,已經好有味~我只放了一小匙蒜汁落麵線調味,味道確實提升了喲~ 佢另一款勁辣我就用黎夾住火雞腎食,雖然有好多辣椒粒,唔知係咪加左豆豉既原故,所以我就覺得佢唔係好辣,味道好夾~雞腎滷得好入味,口感似食緊肉,沒有分毫內臟感,杯熱珍珠奶茶係暖既~啱啱好係入口既温度,個人好鍾意熱辣辣既野,但在於飲品放面,尼個真係一個既貼心又加分既服務~…Read More

第一次黎既時候係食午餐,Sweetie係會員黎,有9折~尼度環境好,服務佳,食得飽又好味道!今次威威咁帶寶寶黎到温野菜既下午茶,我未係會員,但下午茶時段都有折扣,性價比非常高,真係超開心~店員開啟平板電腦給我們自助下單,我就叻叻豬咁教寶寶點單今次叫左北海道昆布湯配丹麥雞腿肉同丹麥皇冠豚梅肉,前菜有幾顆薯仔(我走醬放入爐加熱佢)佢個套餐有個竹筒裝住雞肉滑,雞肉滑有啲粒粒軟骨,咬落去好有口感~另外,有一盤菜,有旺菜,小唐菜,冬菇,啡金菇,仲有就係我最最最期待既紅芯蘿白,桃紅色好靚,蘸埋醬汁酸酸地,好正呀!!!我愛吃日本米,但烏冬可以翻熱黎食,所以我叫寶寶選烏冬,熱食好緊要啊 x3(重要野講3次!!!)飲埋杯餐飲熱柚子茶,大満足…Read More

新一年諗住”元気“一下,就同寶寶到元気壽司食個下午茶,繼上次個燉蛋等左成半個鐘以上先黎之後,佢既品質每況愈下⋯⋯今次點了幾款,辛辣長鰭吞拿魚壽司1客,蟹柳卷1客,甜蝦壽司1客,玉子壽司1客,海塩帆立貝壽司1客,腐皮壽司1客,燉蛋1個,炸蝦卷1客,吉列豬手卷1條,仲有個期間限定既天婦羅蠔花卷1客,佢啲壽司飯越來越細,最離譜既係件吉列豬扒手卷,非常之幼......係牙籤既一半size......下午茶時段叫左幾樣野食都接近2百蚊,份量細左好多好多,味道比以前差左,真心感覺品質要有改善!!!…Read More

經過梨滿圓韓國料理,見到入面坐無虛席,仲有人等緊位,Sweetie話佢2年前已經食過旺角嗰間梨滿圓,聽佢評價都唔錯喲,所以我地快快等位,嘆個下午茶先!未點餐時店家給我們一人一個冷盤前菜,有少少泡菜; 南瓜同豆角,我地叫左2個餐:1) 泡菜湯飯2) 石頭鍋飯(可選牛; 豬; 雞肉)餐飲送熱檸檬茶/ 奶茶/ 咖啡,我地叫左熱奶茶同熱柚子蜜,熱柚子蜜係特式飲品要加$5,泡菜湯有好多材料,韮菜、豆腐、金菇,仲有大大片既泡菜等等~ 雖然湯偏甜,但天氣凍凍的～大満足～石鍋雞飯好夠熱,拌既途中,飯焦已經好快燶哂🙈佢既雞好”鞋”,非常一般...額外加$5既熱柚子茶仲細杯過送既熱奶茶我地都傻眼了,下次番旺角店食先得!…Read More

我同寶寶都覺得食蒸飯感覺健康正氣,而且龍德樓仲有燉湯,冬天黎講,倍感溫暖!今次仲見到有個秋冬臘味飯,我放棄左叫蟲草花蒸雞飯,叫左臘腸滑雞飯,而寶寶依舊叫左咸蛋蒸肉餅飯,另外單點晚市燉湯- 黑豆栗子合桃腰果素湯,首先黎左我個臘腸滑雞飯,有1條臘腸幾件雞,臘腸好大陣玫瑰露既味,酒味濃,口感一般,雞件有5件,其中3件都係雞翼與雞翼尖既三角位,其餘2件都係皮包骨,完全無肉可言...咁大個飯,拆哂肉都唔知有無1粒麥樂雞咁大,傷心💔反而寶寶嗰個蒸肉餅就多啲肉,但嗰半邊咸蛋又係勁細,應該係切得唔好,大細邊,寶寶分左啲蒸肉餅俾我,同加啖湯先食得到個飯,素湯味道都一般般,淡到水咁…Read More

同朋友仔嚮美麗華1期食完午餐,再加追甜品,就來到了中村藤吉既店,早前Sweetie嚮日本買過中村藤吉,既抺茶丸子俾我做手信,抺茶味濃而香,我地嚮店外見到窗口位,由於太陽好猛烈,就問店員有沒有無咁曬既位,店員帶我地進店,原來轉角位別有洞天,有好多2人枱組成既木枱,未點品前每枱都有壹壺茶,茶壺好靚好重,好日系但略嫌枱與枱之間太接近,隔離枱不停講野,我地全程聽到哂🙈甜品我地各點了一款:1) 特製年糕紅豆湯 (特製餅入りぜんざん)** 紅豆湯甜度高,如不嘗甜的就不建議了.而紅豆確實好香好棉~非常棒!2) 軟雪糕 附迷你生茶啫喱 (ソフトクリーム ミニゼリー付)有2款味,友人就點了雙色:抺茶 + 焙茶(抺茶 と ほうじ茶)**我試過中村藤吉既抺茶,是有一定水準,而友人亦說焙茶既茶香好濃厚!…Read More

沙田新城市既假日真係超多人,到左晚餐時段周圍都等位,好想食草莓丹麥酥,所以黎左SimplyLife排隊,等左大概半小時終於有位喇!見住草莓丹麥酥由一盤到得番一個,即時拿拿聲落單啦~晚餐既主菜:烤蘑菇忌廉汁手製闊條麵. 香草雞胸. 醋漬野菌,是日餐湯 配自家冰茶(另加$30)緊係大聲落單叫1個草莓丹麥酥啦~餐湯先到,係蕃茄濃湯啊~ 酸酸地好開胃,仲有幾顆車厘茄, 幾好啊~跟住草莓丹麥酥黎到~ 好感動呀!啱啱等到位又食到最後一枚嗰刻,想叫出黎~士多啤梨;吉士;酥皮 既合體, 天衣無縫!!!而餐飲係凍橙茶,紅茶加半個橙浸住,今次好清新,好過上一次配血橙,好苦~(其實我好鍾意飲血橙汁,但上次真係太苦,今次既改良確實係唔錯)主菜味道好一般,而且個雞胸”鞋烚烚” !…Read More

凍凍地都想打吓邊邊,朋友c 選了漁牧,到達漁牧,看到其他客人叫的都是一盤盤滾著火辣辣既魚,因為唔係好食得辣,我地叫左個青甜椰青雞窩做湯底,個湯底係用兩個椰青水,椰青肉加1支細蒸餾水弄成,侍應等湯底滾起再放入雞煮20分鐘,湯入面加有馬蹄同竹笙,聞到陣陣青香,等了一會,我地每人一碗椰青雞湯,清潤無燥啊!真係鮮甜滋潤因為火煱料選擇唔多,我地只叫左: 墨魚滑; 萵筍; 枝竹; 紅薯粉,(但紅薯粉唔知點解係白色)另外仲叫左2個小吃:絕味雙菇 同 香甜爽口菜,絕味雙菇係雞脾菇同冬菇,小小辣幾好味,香甜爽口菜就係娃娃菜加日式胡麻醬,而甜品叫左: 豆沙窩餅,佢似台式太陽餅,與上海豆窩餅不同,我就覺得尼款唔係咁好味...飲品就點了酸梅湯1瓶,不錯的飲料喔~…Read More

又到左下午茶時段,我地朝住牛角出發~Weekday 既下午茶時段唔係好多人,店家設計優美,我地坐左嚮卡位座,望住一幅牛既解剖圖(顯示牛既不同部位),落單係用一部平板電腦,客人自助下單,對於我黎講係新奇有趣既~有趣在點單後,一定要去介面既其中一個位置按”點單”,確定下單,否則等到花兒謝了也沒有得食囉⋯⋯哈我地確定點了燒肉定食A餐 同 燒肉定食C餐,A餐:丹麥皇冠豚扒 1塊(可選燒肉汁 塩醬 辛味醬汁) 可選原味定食包括: 昆布湯/ 迷你沙律/ 白飯飲品選了 : 凍柚子茶 C餐:豚肉 及 雞腿肉 各4件(可選燒肉汁 塩醬 辛味醬汁) 選了原味定食包括: 昆布湯/ 迷你沙律/ 白飯飲品選了 : 凍奶茶 牛角既爈具很好,網燒唔會好大火同黏住啲肉,一邊燒一邊食好優閒好享受～開心的下午茶!…Read More