yanzifoodie's Profile

茶里唔係第1次飲，之前2-3次都幫襯開銅鑼灣分店，評價唔錯！茶里揀選透明飲品杯喺十分岩嘅決定，佢哋啲飲品全部都好色彩繽紛，好吸引到客人幫襯，又可以俾大家影相打卡📸。今日行開荃灣經過見到有茶里又好想再飲😆同男朋友每人一杯（無改變甜度同冰量）而落單店員非常有禮，值得一讚👍🏻👍🏻👍🏻鳳梨泡泡四季春(左) 💲28 +6（700c.c.）$28喺500c.c.價錢，大杯裝700c.c.加多$6。呢杯第1次飲，都分有驚喜！無論菠蘿、熱情果，抑或茶香都能夠同時喺口腔入面試到晒，無話邊隻味蓋過另一隻味，飲落成件事好和諧，好舒服。甜度亦啱啱好，有淡淡甜味配搭返茶香已經好夠！消暑解渴，值得推介🔥雪芝紅心火龍果(右) 💲32 +6（700c.c.）個人都非常鍾意芝士奶蓋，由於呢杯之前喺銅鑼灣飲過，真心覺得銅鑼灣做得好啲！奶蓋嘅岩鹽味道淡，咁啱我飲呢杯紅心火龍果唔甜，感覺只係飲緊無咩味嘅沙冰😅講句公道說話，其實店員都唔知火龍果甜唔甜嘅，by chance姐🤷🏻‍♀️不過有樣好，就係知道店員係制作過程唔會加太多糖漿代替生果本身甜味，令我飲落好放心，罪惡感大減😈🙊。。。…Read More

位於觀塘工廠大廈附近的Bentley's Cafe，場內裝橫當然離不開Bentley元素，餐廳環境倍感時尚氣派。前日難得可以相約小學同學食飯聚舊，遷就大家放工時間揀咗1900用餐，入座時職員有講用餐時間有1小時30分鐘。可能撞啱係平日餐廳當時客人唔算多，我哋傾談自覺地亦要降低聲量，不過都無阻我哋交談，傾得不亦樂乎😌。墨西哥卷餅配炸蝦牛油果莎莎💲128首先賣相相當吸引😍相機食先完就即刻攞起🍴，莎莎甜甜酸酸好開胃，而牛油果味好香，無得輸！加上炸醬唔厚，而且🍤夠大隻脆口👍🏻推薦前菜必點之一！炸薯條配松露蛋黃醬💲82薯條炸到金黃色，好脆夠熱。沾醬味道更好，蛋黃醬入面仲加咗沙律醬同松露油。觀察到在場每枱都有叫一客😆香煎鵝肝伴黑松露野菌意大利飯💲158鵝肝都幾大夠，入口熔化，若然可以將外表煎到金黃脆口就Perfect啦！意大利飯非常creamy非常濃郁，飯粒食到上湯嘅味道，口感軟稔帶啲煙韌，食完已經飽7成。好正👍🏻黑松露帶子意粉配蟹籽忌廉汁💲158帶子煮得啱啱好又好食，而帶子上的黑松露醬稍作點綴之用。意粉配蕃茄、洋蔥、青瓜絲、蟹籽一齊煮，味道好清新，好健康🌿因配菜加入使烹調過程出水，明顯忌廉汁較為稀身，食完唔會好膩。…Read More

講咗好耐約出嚟食飯，因為種種原因，最後卻只能補祝生日😌夜晚喺OpenRice Book咗呢間比較有氣氛嘅餐廳餐廳。龍蝦櫻花蝦明太子意粉💲277叫Set嘅關係所以有跟沙律菜+忌廉南瓜湯。紅菜頭沙律幾好食，朋友怕草腥味食唔到，而忌廉南瓜湯質地好水，唔creamy。意粉賣相唔錯，有半隻小龍蝦🦞。麵質一般，做唔到彈牙口感，而且汁水比較稀身，無辦法掛係意粉上面，有少少失望。味道方面正常，份量足夠！帶子泡菜蜆肉意大利飯💲188首先意大利飯放上嚟賣相都係一般，而且飯邊仲有氹水圍著，飯食落淋淋地無咬口，好明顯煮意大利飯落得多好多水，廚師無無乜機煮😐帶子OK，無過熟，加埋泡菜蜆肉一齊食唔錯。Deluxe House Burger🍔💲168驟眼睇感覺有啲普通，覺得喺擺盤方面可以做得更好。食落Burger意外地Juicy，有驚喜。而我個人食薯條都比較鍾意落黑椒，餐廳都有提供👍🏻，不過要主動問先會俾。🍟薯條夠熱夠脆！👍🏻最基本要求都做到，配搭黑椒+茄汁當然非常好食！唯一要改善就係擺盤可以花啲心思。Berry's💲42朋友生日當然唔少得叫個甜品，Book呢間餐廳都喺為甜品而來！賣相相當吸引，擺碟十分吸睛，#igable ❤️ Happy Birthday牌仔手字都幾靚，加分👍🏻！配以士多啤梨🍓+食用花🌺做裝飾😍切開見到裡面係慕絲餡，味道唔錯。…Read More

環境適合影相打卡、傾計、Hea下Tea下🥰不過一眾女生們記得帶件外套仔，冷氣比較凍❄️ 泰式小食拼盤💲128拼盤有泰式蝦餅、豬頸肉、香茅雞翼、雞卷丸，附有泰式辣醬和芥末蛋黃醬。蝦餅味道唔錯，沾泰式辣醬更好食！豬頸肉正常，唔肥。香茅雞翼係單骨，方便進食，而且又好食。最出色係雞卷丸，啖啖肉夠juicy👍🏻 整體份量夠大，拼盤必叫！！ 珍珠蠔蛋餅💲88珍珠蠔份量唔少，炸醬夠薄夠脆，咬落唔會成口粉，係略嫌少許油膩（🤔唔知喺咪唔夠大火炸？） 黑松露忌廉bb菠菜煙肉意大利麵💲128黑松露好香，味道唔錯，麵條口感彈牙！椰香咖啡💲42聞落除咗有淡淡椰子香，驚喜飲落都有椰香味，同味道咖啡好搭👍🏻咖啡容易入口，無苦澀。紫薯鮮奶咖啡💲42唔講以為呢杯叫紫薯鮮奶，因為飲落無咖啡味道🤔只有淡淡紫薯同鮮奶味，如果紫薯同咖啡味出啲就perfect啦😛…Read More

位於上環新開嘅餐廳，環境舒服。有唔少喺附近工作嘅OL幫襯，眼見鋪面都幾旺場。除咗提供茶餐廳大眾化嘢食外，另一大特式係全港第一間中西式fusuon菜😍以鮑魚花膠結合西式主食，非常新穎。花膠雞扒湯烏冬💲88雞扒本身會另上，加埋花膠蕃茄湯烏冬。由於食得出用新鮮蕃茄做湯底，味道唔會太濃太勁蕃茄味，反而清清地食到蕃茄嘅原味，健康之選👍🏻花膠有一大塊，係有厚度嗰種，無任何腥味！💗細心位：雞扒另上保留到雞皮仍然十分脆口，雞肉夠juicy，十分抵食。古法麻辣花膠意大利麵💲98入口第一啖感覺非常惹味，隨之而來就有麻麻辣辣嘅感覺，辣味同麻味取得很好平衡，好欣賞調味做得好有層次。麵質恰到好處，咬落仲幾彈牙😋花膠亦唔係hea你得一小塊，而係足足有3塊，花膠吸收晒麻辣汁加埋膠質，依家諗起都流口水！必點！. 性價比：4/5總結：店員親切殷勤，有創意又好食😍.‼️留意到最近IG 有推出自家製辣椒油 $58/支，真係好期待想試，可惜已經光速售罄😩。…Read More

香蒜蜜糖炸雞 ℍ𝕠𝕟𝕖𝕪 𝔾𝕒𝕣𝕝𝕚𝕔 𝕊𝕒𝕦𝕔𝕖 𝔽𝕣𝕚𝕖𝕕 ℂ𝕙𝕚𝕔𝕜𝕖𝕟💲178除咗炸雞之外仲會有薯格、薯角、薯條，另會配多4個醬汁，豉油(左上) 、蜜糖芥末(右上) 、香蒜蜜糖(左下) 、醬甜辣醬(右下) 。我同男友都係最鍾意沾蜜糖芥末醬，所以決定下次叫原味$168一份，仲可以平多$10😄以前我哋有幫襯過，對比今次炸雞份量感覺比以前少，記得以前好鍾意見到有海量蒜粉同香蒜蜜糖醬淋面，食落真係超級滋味！事隔一段日子，無論雞件份量、蒜粉、香蒜蜜糖醬都少過以前，難免有啲失望。👍🏻值得一讚，食物質素仍然keep到，夠熱夠脆！一份唔夠飽唯有叫多少少嘢食啦...飯團 𝔻𝕀𝕐 ℝ𝕚𝕔𝕖 𝔹𝕒𝕝𝕝💲45呢個DIY飯團係一碗上，有奉上一對手套俾你搓飯團，我就整咗6粒呢個大細嘅飯團，食到飯入面有落麻油，混埋蟹子和紫菜，味道不錯😋性價比：4/5總結：環境好浪漫💗鍾意炸雞力推🙌🏻#黃店 #nofilter #yanzifoodie#yanzi_mkhk@outdark.mk…Read More

店員係跟據你嘅Order Sheet落單，全店共有4款麵，每款都喺💲88。😌男友揀招牌蝦湯拉麵，我就揀咗特濃蝦汁叉燒拌麵。🦐招牌蝦湯拉麵一放低碗拉麵，已經聞到陣陣蝦味，湯麵顏色相當刺激食慾😆。湯底同預期一樣有好濃郁嘅蝦味👍🏻粗麵質感很好，溏心蛋賣相同味道都OK。🦐特濃蝦汁叉燒拌麵拌麵有紫菜、叉燒、蔥花、溏心蛋，底部會有蝦汁，攪均後食到每條麵都沾上蝦汁，味道唔會過咸。粒粒叉燒好食😍唔會好『鞋』口，推介一試！我哋另加小食叉燒3片💲30，餃子5隻💲35，雞髀菇一小碗💲22。叉燒可選一粒粒/一片片，我哋揀片，試完異口同聲覺得粒粒叉燒好食啲！餃子唔太熱，感覺放咗陣先送過嚟，唔係算juicy亦唔算好乾，一般。雞髀菇有木魚放面，但味道很好，食得出係炭燒，可惜量少，唔抵食。…Read More

疫情稍為轉好，唔想日日留係屋企，唔少人都選擇去Cafe坐坐。我亦唔例外，今日相約朋友到呢間Noc Coffee Co. 飲杯嘢傾下計。呢間Cafe鄰近紅磡渡輪碼頭，裝橫簡約清新，室內環境寬敞，職員態度十分親切，即使部分顧客坐得耐，店員都無俾任何壓力要你埋單。大門外設有少量outdoor seats，適合假日帶埋寵物一齊嚟放鬆一下。對正大門口就喺客人落單同預備食材嘅主要Working Station，坐低後睇過Menu選擇唔算多，我同朋友都每人叫咗杯 𝐅𝐥𝐚𝐭 𝐖𝐡𝐢𝐭𝐞💲40，另外我叫多一份 𝐀𝐩𝐩𝐥𝐞 𝐓𝐨𝐚𝐬𝐭💲68。#nofilter ☕咖啡頂層奶泡綿密，奶泡量唔多，拉花圖案可以，鐘意飲落牛奶味唔會蓋過咖啡味👍🏻非常容易入口。🍎而Apple Toast喺市面比較少見嘅多士，我未係其他地方食過。蘋果肉每啖充滿焦糖味，果肉雖經過浸泡一段時間，咬落仍有口感，唔會太唸。多士選用亞麻籽酸麵包，麵包面抹上意大利芝士，麵包酸味同果肉甜味非常夾，每啖都有淡淡芝士味，加埋粒粒合桃一齊食，口感好豐富，實在為午後時光畫上完美句號。😋特別推薦大家嚟到要試下Apple Toast！性價比：3.5/5總結：休閒放鬆必去！@noccoffeeco#yanzifoodie#yanzi_hhhk@yanzifoodie …Read More

呢間餐廳無華麗裝修但係食物質素的確唔錯💚每次去食都離唔開『火車頭湯河粉』火車頭湯河粉💲42一碗份量夠曬大，食完一定飽 (我唔細食😋) ！火車頭河有生牛肉、蘿蔔、牛腩、牛丸、扎肉、芽菜、香菜配料，材料豐富。湯底真心鮮甜，飲落唔似味精湯，食完之後唔覺得口渴👍🏻。😍最出色係河粉同牛丸！河粉吸收咗湯嘅鮮味，好新鮮好滑，所以通常好早就售罄，而牛丸又彈牙又有牛味🥰😌生牛肉唔會太老、蘿蔔夠味、牛腩半肥好食、扎肉普通、荳芽截頭截尾(即無荳芽同尾**心機位**，啱晒我男友🙋🏻‍♀️有無人同佢一樣？)總結：好值得食！🔔如果你哋想食就早啲去試啦✨記得要先打電話問下有無開鋪，因為鋪頭有不定休息日！…Read More