Sisi sisi's Profile

兩個人晚市叫左個二人餐，有5樣野食仲包埋加一。我地揀左口水雞，上湯小籠包，砂鍋雲吞雞湯，紅燒獅子頭同招牌炸鮮奶做甜品，仲叫左個帶子炒飯，最後份量多到食唔哂要打包。上湯小籠包，二人餐有4隻，皮薄湯汁又多，呢個好食。紅燒獅子頭夠份量又好餸飯，配菜有冬菇，荀同小棠菜，紅燒汁味道一般到主菜砂鍋雲吞雞，兩個人都飲唔哂啲湯，湯頭奶白有雞味，仲帶有金華火腸既咸香。餐廳坐位唔會迫，岩哂同朋友傾計食飯，店員服務都唔錯，起碼唔會叫極都無人理。…Read More

逢係假期幾間鋪門口都排長龍，所以閒日去食就最好，唔洗排隊。鋪頭有分現金支付同電子支付，電子支付QR CODE落單揀完麵同餸之後直接比錢等食。閒日人小啲，職員都無咁燥😂麵有10款以上，餸有60款以上，有小食同自家製餃子，湯底有3款或者走湯。今次揀左油麵，沙嗲汁，玻璃辣魷魚，豬腸頭，牛腩，豬油渣。麵同餸份量都多，值得一讚係枱面好多調味料比你落，辣椒醬，辣椒油，浙醋，荔枝醋，花椒油，魚露等等，唔小得仲有炸蒜，原味同辣菜莆。…Read More

葵涌街坊必去之選，以家仲做緊3蚊舊三文魚壽司，每人限叫10舊堂食，三文魚亦唔會切得好薄，但只限堂食。店內除左刺身，亦有壽司，手卷，丼飯套餐，烏冬，拉麵，串燒，沙律，炸物，甜品，日本清酒等供應。100蚊左右就有丼飯套餐，包麵豉湯，前菜，主食，小食，份量十足。鋪頭衛生都合格光猛，因為係小店關係，每張格都唔會隔得好遠，亦都設有卡位。最鍾意係山下既即叫即整既壽司同炸物同三文魚腩刺身，怕套餐唔夠食，仲可以追加小食。…Read More

星期三夜晚7點去到，唔洗等位就入得，兩個人叫左A餐，每人$338加一，任食兩個鍾，半個鍾前last order。一如以往，無論刺身，涼拌，熱食，串燒，炸物，雪糕，甜品，冷熱飲品都有好多選擇，真係無一個食唔飽既理由。每次去都會飲佢既花膠蟲草雞湯，刺身三文魚唔係腩位有啲失色，松葉蟹腳偏咸，叫左兩隻就無再加單，主攻都係大赤蝦同帶子。A餐壽司有海膽軍艦，壽司飯唔會大大舊，呢一點抵讚，反而個焦糖鵝肝壽司就好一般。…Read More

我諗住葵涌既街坊都會識呢間石籬粉仔，我就由中學食到以家。呢啲天氣食碗熱辣辣既粉仔真係無得頂，連湯底都會飲埋，枱面仲有辣菜莆同唔辣既菜莆比你任落，溫提個辣菜莆真係好辣，粉仔細碗$26，大碗$35。每次黎都會飲佢地自家製既椰汁$15，琴晚就飲左椰汁沙冰$18。小食款式亦都有好多款，煎釀三寶，混醬腸粉，炸雞脾，陳皮魚蛋，牛肉球，炸雞翼尖，蒸或炸燒賣，炸雞球，雞翼，炸餃子，生菜魚肉，碗仔翅等等。菜莆同炸豬油渣仲可以外賣返屋企。…Read More