samtang06's Profile

今日行完合和新Mall，朋友即興話要同我地黎一間好正的居酒屋食晚飯。呢間位於灣仔上樓居酒屋，門口都爭少少搵唔到🤔，好在有朋友帶我地行。雖然上左樓，但估唔到都爆晒場，裝修係好傳統日本居酒屋style，懷舊感十足。坐低先知呢到主要係食好少眾ge日本串揚(即串炸)，出邊真係極罕極少有，所以我地都集中火力試串揚！🤭當中有好多串都好特別，好有驚喜，好領會串揚係日本關西真係「萬物皆可炸」之一門美食，例如有炸咖呢飯，我地落order時都相當之好奇，咖呢飯都可以炸???😮點知真係炸得！被磋成腸仔形狀，咬開真係好香好香咖呢飯，好新奇好好食！呢一個炸鮮蠔又係必食，下面配左他仔醬，同個蠔好match! 炸紫蘇雞串揚都係我推薦之一，因為我係勁愛紫蘇陣味！👍🏼👍🏼👍🏼最後大推個高湯雞蛋卷，同出邊食開ge蛋卷好唔同，首先呢個係咸的，以前我對蛋卷個認知一定係甜甜地工少少硬身，唔會juicy，但呢一個係爆juicy，店員話呢個配方係此店獨有，高湯比例比出邊一般做法多，食呢個要等15-20分鐘，一底一底做，個人覺得必食😘。總結呢餐所有食物都勁驚喜，比起天扶良、吉列個皮，我覺得串揚個炸皮係比較中我胃口：第一，串揚個炸皮厚薄介符係天扶良同吉列之間，第二，個皮有少少甜味，好好食！呢間餐廳我真係想打滿分😌，唯一想彈下個洗手間門好難開，有少少年代感。…Read More

中大伏🚁🚁🚁🚁🚁🚁🚁以為日本開過黎就一定好食？太天真了，早兩日去試一下攻港不久的篝，地理位置係出色嘅係k11 Art mall IKEA嗰一層。抱住巨大期望同空空如也嘅胃，7點左右直入餐廳冇隊要排。黎到第一件事當然係order返個雞白湯拉麵，我仲要左高級版嗰一款有埋黑松露，朋友係抹茶控所以要左抹茶湯。兩碗上齊，未食都感受到懸浮於面的油層，當下我都安慰自己：無事無事，雞油就梗有。食入口就知大獲，真係可以稱得上又油又無味，擺盤精美都無用，我無勇氣食晒碗嘢，正常唔會咁掛？唔講油過多呢個問題，湯底無味係更離譜嘅問題，似罐頭湯多過自家煲🤦🏽‍♀️麵又唔好食，一蘭好食過佢多多聲。朋友個抹茶湯同樣唔OK，好古怪，又係淡口到爆，入口苦苦地又無雞湯味，似食緊暗黑料理，我地係極失望，又唔係平，好彩唔洗排，否則我會發癲！😤😩…Read More

呢間白雪雪日本麵屋好搶眼，係元朗yoho mix，環境乾淨舒適。今次我地試左明太子忌廉撈麵同豆乳叉燒拉麵🍜兩樣都超好食呀！呢個撈麵係好得意嘅，因為有多重食法：首先佢係冇湯， 一開始將個面」麵撈勻食，食少少再加入黑胡椒，食到剩返三份一，可以再加啲黑醋落去。三個味道完全不一樣體驗，好有層次！如果食晒個麵唔夠飽嘅仲可以問店員拎一小碟免費嘅飯撈埋啲醬汁食。我自己就覺得好飽啦，因為呢個叫咗大size！另外個豆乳叉燒拉麵，朋友都話超級好食，我試咗個豆乳湯，非常濃郁，有好香嘅牛油同奶味，最緊要係豆乳味都好出，麵條超滑口，同埋叉燒片好多，性價比好高，。最後仲order咗一個大杯嘅抹茶新地，呢個我真係幾推薦，一層層好多嘢食，食到最底係一舊芝士蛋糕嚟，有啲意想不到！抹茶雪糕係用3.7北海道牛奶做，味都好香，好滿意嘅一餐！推薦比大家 🤩🤩🤩…Read More

係廣州開完個會夜晚回港，累到無心機返去煮飯，一落高鐵就拖住疲憊身軀坐係站內遇見小麵打算食個快手的一餐。呢個品牌出名平，係high traffic 到爆的高鐵站內，應該保持到食物個流轉度、新鮮度同員工熟手程度吧？！ 一陣分享下我個食物各位就知點解我咁請。好喇，成間嘢個set up係好大陸時下連鎖餐館風格，QR code落單，自動比埋錢，等個「服務員」比餐你，調料倒水都係自助式，完。我落單要左個肉丸小銅，都40幾蚊定50蚊左右，無思考因為太攰。上菜見到個麵，少到啊媽都唔認得，我嗰個係薯粉嚟嘅，我問嗰服務員係咪有得無限續麵呢？因為你哋好似有呢一個服務承諾， 點知佢話我嗰隻無😤份量，我算了!反正個人攰唔食得太多。點知成兜嘢係凍架，咩小鍋會係凍？涼麵嘛？包括肉丸都又凍又硬！去張相比大家望下，個蕃茄膏完全溶唔到就知咩料……（個兜幾薄呢真係）呢個唔係鍋，極其量係一個有丁點深度嘅碟，目測三爬兩撥食完。味道呢…..個蕃茄湯連啲汁汁醬醬都未「叮」溶當然無味🫣想去調味架加少少辣，個辣醬盒公家野無蓋，上面仲有烏蠅盤旋中😰……..麵算了，我怕食完肚痛。追加個串燒隊飽自己算。串燒正常，起碼熱。頭先一開始講到，覺得呢度應該有一定客量，食物質素應該要keep到，唔會食到放係到幾日都賣唔出啲食物掛？點知出到嚟個效果都咁差….😡伏爆，永不再去！…Read More

格價係師奶仔天性，look 下look下個OpenRice ,比我捕到呢一間係銅鑼灣嘅手工意粉西餐廳經open rice 訂枱就可以獲得主menu 75折，即刻book !! 作為朋友們之御用試伏員，我今次去左之後可以話比大家知道，係無伏嘅！以為係啲拍烏蠅粲廳先搞Promo啦，點知當日係平日晚上去，餐廳都坐滿五成六成客，以上樓餐廳黎講好唔錯。雖然呢到主打手工意粉，但有折頭𡃓，緊係叫返個扒先啦下話？跟埋個菇菇，好香手牛油味，正！扒都做得好食👍🏼七七熟剛剛好，咬落非常之juicy添！仲有個煎香麵包，好滿足。當日我地仲點左黑松露pasta,可惜冇影相。埋單果下真係明碼實價打左75折（唔係57折）幾開心，有優惠都幾值得黎。…Read More

呢間nana's green tea開店果陣都幾多人排，熱潮過晒後完全可以直入。對比係同區另一間又係做類似Muji風的日式輕食，佢唯一優點係開在商場。Lunch Set好似好多choice，Main+甜品+飲品，係好唔錯之策略，起碼返工人士會覺得包晒唔洗煩🙂。價錢$88-$158，呢區黎講絕對OK！今次我點了個鮭魚昆布絲柚子茶漬飯，飯量還好的。成盤上感覺好似好多野食，起碼會覺得抵先。但個茶漬飯味道就真係好一般，好似自己屋企整咁上下，淡口，飯又太一pat pat，我朋友笑稱好似比病人食咁😅食左2/3都無食了，另外可以讚下就係跟餐飲Matcha Latte果D不用加錢👍🏻，算有良心。但味道過於平凡，所以回頭率都幾低。🙄…Read More

性價比過低，都幾確定唔會返黎。話說一早出銅鑼灣開會，早左完結，同事好有心地book埋餐廳一齊食個lunch，查實都係是但揀，就睇中呢間有很食釜飯，我地比開門時間早左少少去到，成個餐廳無人，無樓面，我心諗：開工前清潔呀、搞下D訂檯果D都無人做? 唔理啦，我地都好識做，企開一二邊等到開門時間(我地早左3分鐘到...)。搭正個開門時間，繼續無人出黎.....我都唔好意思咁大聲叫入廚房，格左一陣至有人黎理下我地，但佢個樣似係個廚師行出黎招呼住先咁...都無緊要，終於叫坐底左，可以望下個menu，我地光速有定案，一人要左一款釜飯，一個叫肉眼，一個叫松葉蟹「些牙」試下。先黎個沙律頭盤，呢碗菜仔好搞笑，係甜的。等了10幾分鐘出左個飯，留意返，上檯之後要保多5-10分鐘左右架，我地之前出差去過日本食，真心念念不忙，等到飯食得，打開蓋望下，喂?個賣相真係好麻麻，😳🥲上面D木魚碎覆蓋晒個飯，無乜香味，好難有食慾。唔好理又試下先講，同個樣一樣，真係得木魚味...飯同食材無一種融合感，好似係電飯煲煲好半再放食材響個面到咁播....好難收貨。成碗野無味，只係得木魚碎味，同埋自己加醬油個味😩that's all！食個煲仔飯 / 韓式石鍋飯我都無唔嬲，味道等同將煲好之白飯，放入呢個有造型個鍋仔入面，放D肉上面蓋埋個蓋係咁易煲一陣叫你食咁....慘，仲要呢個價，比佢個裝修呃晒了，我同同事都係食左幾啖，就放棄埋單...🙄…Read More

以前大排檔一定係好街邊好地攤feel ，無冷氣衛生又麻麻地，無乜女仔人家鍾意去。現今大排檔已經唔同晒，走晒乾淨企理路線，客路一定多左，我呢種潔癖人士都可以品嚐到小炒鑊氣風味美食！地址在大埔，平日晚市去人都唔少，菜種都幾多，一時間都簡到眼花花！我不嬲都係肉肉愛好者，辣野又係我心頭好，個人認為可以安哥的一定係個麻辣雞腳，麻香同辣味恰如其份，大家都無搶晒大家鏡，味道恰到好處，跟啤酒飲就真係一流！龍蝦伊麵就係我由細到大之至愛，略嫌麵有DD太淋，龍蝦份量都算OK多。仲有個懷舊欖角冰梅骨，聽個名就好吸引幾特別，個汁係少少咸咸甜甜，好食，但呢個小菜就一定要跟飯食先得。再黎叫埋個川味水煮肥牛，滿足晒我辣野同肉按ge願望！炒多個芥蘭，仲有一兩個小菜咁，結尾係飽到上心口咁走。大致上呢到D食物都屬中上，環企企理，下次想試下個菠蘿鮮果咕嚕肉，賣相好colorful好靚，不過今次真係太飽了🤪…Read More

無乜事我都唔會去D坐得唔舒服ge餐廳食野，但黎呢一度真係例外🤭🤭香港老字號之一，主打清真牛肉料理，黎到一定要點佢地個牛肉餅，自己個人覺得係香港應該搵唔到另一家店做替代品😏因為堅係好味，個餅襯熱食❤️❤️❤️肉餡又超juicy，好鍾意個皮，咁多汁都唔會變淋咗。另外水餃都係正都不得了的，我自己會喜歡羊肉餡，又係因為第二度好少羊肉餃可以食。朋友今次叫左個牛肉咖哩，佢食到姆指豎起👍我自己就覺得麻麻地，有少少太油，女仔會有點卻步😳同埋一定要跟飯食，如果唔係會好滯。小籠包都係中中挺挺，合格多D，都可以一試。黎呢到一定係食包呀食餃就ok，其他食品我就會Skip了。…Read More

真心好耐未試過食飯食得咁盡興啦，早幾日同事提議收工去食飯聚吓腳，佢挑選左呢一間食西餐兼嘆吓比利時啤酒🍻位置非常靚啦喺灣仔北，大大個露天地方，又有風景，又好坐，感覺相當有情調。頭盤揀咗個牛他他配多士，呢度啲麵包好食到不得了，件件都好脆好香口令人食唔停🥰另外仲叫咗個焗蝸牛，蒜蓉味好重，非常之野味，不過冇乜肉地細細粒，當前菜食冇問題嘅，係非常好嘅下酒菜！😎之後重頭戲當然要嗌返個大大份嘅白酒忌廉青口， 呢隻藍青口肉質非常之嫩，全部都係BB青口嘅口感（冇老青口咁硬骨骨）☺️☺️☺️最正一定係啲汁， 識食嘅話，一定要用麵包點埋啲汁食， 頭先有提過嘅麵包，基本上佢每一道菜都會跟少少俾你，唔使驚唔夠食，開心仔。重頭戲一定係佢個牛扒，大大份，煎得啱啱好，非常滿足。每一餐嘅最後，梗係唔少得食埋甜品啦😍馬上開啟第二個胃，我哋叫咗個焦糖燉蛋仲有心太軟蛋糕，雖然都係啲簡單嘢，但味道就相當出色👍🏼👍🏼👍🏼兩樣甜品都好好食，黎呢度不得不試其實係佢哋啲多款口味比利時啤酒🍻今日我哋都試咗椰子味同熱情果味， 非常適合女性！滿足度100分！…Read More

好難得揾到好地方同家人飲個靚茶😀今次到訪大角咀銀海一號附近呢間中菜廳。裝修華麗新派， 一行到入去就見到大大舊魚翅放喺客廳中央，非常奢華。莫雲呢到好多包廂，好適合一Group 人黎聚餐，特別係喜歡私隱嘅人士，呢到大廂小廂不應俱全。點心好多選擇，今日食到好多都出乎意料，驚喜地高質，首先個生煎包，一半翡翠綠色一半白色，講賣相都已經夠晒吸引，入邊有係黑椒和牛餡料，非常有睇頭；餃子大大隻好有誠意，入面豬肉係新鮮嘢😍好正，仲要係粒粒脹卜卜；個龍蝦湯同小籠包更是精美，連埋個小火龍一齊上好有儀式感呀，一咬開仲要極多汁；黑松露燒賣大大粒，真材實料，完全冇肥膏，餡料亦夠多；炒麵係最後加，好香口，麵有咬頭，不錯👌香港難得遇到咁有誠意嘅中菜廳，價錢屬於中上，可回頭…Read More

今年開年，Boss同我地成條Team去飲茶開年，食得好D就簡左王子飯店，Southside分店好靚好新淨🥰，環境高級又舒服。Lunch點心選擇不算太多，但都叫精緻。我地點了王子蝦餃、公主燒賣、黑松露餃，發財好市湯，煎腸粉、小籠包、陳皮牛肉球、仲有糯米雞！種類太多不能盡錄，當中我最喜歡一定係個煎腸粉，有個XO醬放則邊比我地點，好香口。黑松露餃都好好味，入面主要係爽口類蔬菜，黑松露味好重，好滿足🤩。蝦餃都做得好精美，入面有兩大隻蝦，好爽口好彈牙添！成餐飯大家都讚不絕口👍🏻🔥，真心高水準，不過可以Lunch Time太忙，員工招呼都係麻麻地，唔夠茶水好多次都無乜人理我地，係呢一度略為有少少美中不足🥲。…Read More

是日放工想揾地方嘆個early dinner，同事想食pizza就黎左我地好耐都無黎過的pizza express 食😀平日lunch總是人多，傍晚黎就剛好可以enjoy下呢度超高樓底嘅空曠環境😉一場嚟到必食Pizza先啦，我地試左個經典嘢亦都係佢哋嘅招牌方形pizza - 卡拉布雷斯薄餅（個名勁長😅），入邊有好多拿破崙辣肉腸，蕃茄醬底永遠都係最好食，仲有辣肉醬，青辣椒等等，加埋我最愛嘅火箭菜呢個Pizza冇得彈，同埋重點一定要趁熱食啊！小食我哋就揀咗個芝士焗蘑菇，又係蕃茄芝士嘅組合，經典又好啱口味😌之後仲叫咗個少食，兩個女人仔份量啱啱好，原先真係好想食埋佢嘅麵包球，不過真係好似太多澱粉質了，唯有等下次先啦！…Read More

我係超級like 西日風裝飾，勁buy西日合壁果種優雅感。呢一間餐廳位於K11 Art Mall內💛易揾又有靚裝好啱我🌝一人晚餐都幾chill ，由於我係Hojicha迷，點都要黎一杯Hojicha Latte先，嗯，幾唔錯茶夠香！食物我點咗蟹皇蛋包飯，個名夠晒邪惡呀，晚餐加錢升級有埋個飲物同前菜，唔平但都好過散叫。個蛋包飯就聽落正食落一般，主要飯太乾身，蟹粉又百少少腥味，埋單我記得都要$22X😳 唯一可以讚一下個Manager幾nice…Read More

段純貞最出名是牛肉麵🌟我今次都係慕名而來。繼續係黃竹坑新Mall食，今次我好叻叻，避開Lunch時段過去，唔洗排，即入！😝呢到用QR code 下單，少左同店員互動，亦唔會有人行黎介紹食物，可能D員工好新，我嘗試問下各款牛肉麵之間有咩分店，可以話係無人答到我。🥹🥹🥹唔緊要，隨心點。我叫左一個經典牛肉麵，少少辣。有得簡普通台灣麵同手工麵，我就簡手工麵。🫢飲品種類都好多，成本好似珍珠奶茶店一樣，千簡萬簡要左杯烤茶Latte。上菜時個店員第一次係比錯食物我，上左個麻辣麵，之後至比返經典牛肉麵我，之後上飲品又係咩都無講就放低了...轉身即走，可以話係0 service，同埋水都無杯，勁！講返個經典牛肉麵，個牛是OK的，但個麵真係一言難盡，我平時勁愛粗身麵，上海年糕都係我杯茶，點知呢個搞唔掂，一餅一餅，好似食麵粉同香口膠😰。有幾條仲要痴實晒，口感好似未整熟一樣🥵，唉，😣😣😣個湯就得個咸字，杯奶茶反而還好。食完埋單，外面排晒隊，呢個食物質數真係對得住條人龍????本餐美味指數：🌟🌟🌟/10…Read More