christy_cheung的個人專頁

行K11經過，見到呢間泰國菜，之前有人推介過，就試下睇下好冇食。當日係去食lunch。叫左個泰式金邊粉，再加錢配個燒魷魚。個泰式金邊粉好足料，有豆乾，青口同大蝦，啲粉好有咬口，係屬於寛身少少既粉，我覺得粉可以濕番少少會更好。小食方面，魷魚燒得香。…查看更多

早前見到有post介紹呢間，就決定去試下。入到去位與位之間係有距離，好舒服，適合I人。食物就叫左個黑松露炒蛋配比利時pancake,再加薯餅。炒蛋佈滿黑松露，on top再有啲黑松露醬，一上菜已經問到濃濃既黑松露味，炒蛋個質感頗滑，配上下層既pancake連微微甜既糖漿，有濕潤感又唔會乾，突出左蛋既香。薯餅就係普通既香脆薯餅。飲品就叫左朱古力同抹茶，好用心既製作，每款都有唔同圖案。適合拍拖或者溫書，舒緩心情。…查看更多

今次第一次黎呢間cafe,地理十分方便，西營盤地鐵站一出過對面就係。我同朋友叫左一個法式牛柳拼炒蛋，一份tiramisu,飲品就叫lol jasmine green前黎係飲品，裏面有jasmine tea同lime，一啲橙乾，成杯飲落去好清新，茉莉花味道好出，如果檸檬同清檸味道出啲會更好。主菜就係牛柳拼炒蛋，炒蛋唔算太滑，而牛柳雖然唔算嫩，但勝在肉味夠重帶有微油脂香。甜品tiramisu方面，質感唔會過濕亦唔會過乾，啱啱好，味道bailey酒會重過咖啡，終於酒香既人會鐘意，份量好足。…查看更多

全黑既cafe看似平平無奇，野食原來有水準我同朋友叫左2個main,分別係口水雞磨菇忌廉捲捲意粉同炸黑炭包豬扒印度香飯配瑪撒拉。飲品就分別叫左黑糖焙茶鮮奶同竹炭黑芝麻鮮奶。炸黑炭包豬扒外脆內軟，估唔到豬肉嫩得黎保留肉味，外皮唔會過厚而香脆，好有驚喜。微辛香料既瑪撒拉醬配飯，香料味唔會過重。口水雞磨菇忌廉捲捲意粉，口水雞既香料味係有，反而雞肉味唔出，而捲捲意粉煮得啱啱好，食落去有咬口，再配creamy蘑菇忌廉醬，唔錯。飲品方面，黑糖焙茶鮮奶同黑芝麻鮮奶既焙茶同黑芝麻好出味，有水準。總捨黎講，不論主食定甜品都好有水準。…查看更多

今日同朋友去試呢間日本店，全部職員都係日本人，做出最正宗大阪燒既味道。我地叫左蒜香和牛炒飯同熱溶芝士大阪燒。蒜香和牛炒飯融合左和牛油香同蒜香味，食落去唔會感動好油膩，飯粒有咬口，係和牛粒就少左啲同細粒啲🤣熱溶芝士大阪燒，用高溫融左啲芝士，淋落去個大阪燒，好吸睛。食落去有微微芝士香又唔會搶到個大阪燒味，反而令到個口感帶有濕潤既感覺，而且大阪燒個份量比例唔會係食到全部都係面糊，材料好足。食大阪燒一定要落海苔碎！…查看更多

今日去左油麻地試點心，之前見好多人排隊。夜晚冇人就去試。叫左蝦餃4粒，牛柏葉，燒賣2粒同香辣排骨飯。香辣排骨飯大大兜，愈食啲辣味開始出黎，好惹味。蝦餃分別有4粒同2粒揀，叫左4粒，每粒份量大，個皮有啲厚，蝦味可以再出，但夠爽，配辣椒油好食好多。牛柏葉，好有薑味，份量都算多燒賣有大大粒蝦，啖啖肉，唔錯。甜品就叫左個楊枝甘露細細碗，不過不失…查看更多

同朋友經過top新開餐廳，聽講係人手製pizza，就入去試。我地叫左個二人餐，二人餐揀左一份巴馬火腿沙律，湯就加30蚊要龍蝦湯，主菜要卡邦尼意粉。另外加一份瑪格麗特薄餅。沙律就冇咩特別，龍蝦湯既龍蝦味好鮮，但有啲鹹。而個個卡邦尼意粉較啖，意粉汁少，以至意粉唔掛汁同不太creamy。瑪格麗特薄餅方面，薄餅皮厚度適中，有咬口，芝士同茄汁balance唔錯。飲品就係士多啤梨奶昔同朱古力奶昔，味道少啖。最後有個是日甜品，就係抹茶布甸，布甸口感香滑，抹茶味道濃。…查看更多

呢間位於上環信德中心中澳門廣場唔顯眼既東南亞餐廳。 唔好睇佢唔顯眼，野食份量足夠，味道偏少濃。今次叫左全日特餐，沙嗲牛肉出前一丁配牛油厚多士，火腿奄列配飲品。先唔講味道，就咁服務已經一流，佢本身幫我落單，問我要唔要辣椒油，我話我自己網上落單亦可以減1蚊。我忘記係備註寫辣椒油，估唔到店員記得幫我攞埋辣椒油。而且話驚我路途遙遠，怕倒寫啲湯汁，特登包好哂，店員十分貼心。美食方面，意想不到沙嗲牛肉個汁咁濃，份量又大又多，起碼7到8塊以上。湯汁分開幾次落，等啲沙嗲汁同湯底慢慢融落麵到。最後加啲辣椒油，同時食到沙嗲濃香亦油辣椒油香。火腿奄列都係份量十足。以上環黎講，50幾蚊有啲咁既份量，服務同味道質素好，好值得試…查看更多

之前bookmark左呢間burger,係銅鑼灣附近就去試。Sick burger價錢唔平，咁就分別叫左魚柳同招牌burger，另外加洋蔥圈同朱古力奶昔。我朋友就試招牌burger，蛋就轉左炒蛋，個漢堡扒都juicy，佢就覺得個蛋未係最滑既，對比某間eggxxxx牌子既滑蛋係唔夠滑。整體中規中矩。魚柳漢堡有好多塊既炸魚柳，入面有啲酸瓜同沙拉醬，包面軟熟，酸瓜能去油膩同增加口感，係稍為覺得重味左以至於我咬落食唔到個魚柳味。洋蔥圈，有3大舊，一咬落去，好失望，成口厚炸粉，完全成唔到洋蔥味。奶昔就叫左朱古力口味，超級濃郁既朱古力味而且唔太甜，好足料。…查看更多

坪洲一日遊，選擇左呢間cafe,叫左烤肉卷，creme brulee cheese cake,飲品叫左London fog同cappuccino 烤肉卷帶有酥皮香，入面好多料，而且食落去唔止有肉仲有啲藜麥，好有口感。creme brulee cheese cake ，即燒焦糖，所以焦糖部分做得好好，cheese cake口感十分細滑，可惜芝士味不足。Cappuccino 就係平時既味道，唔多介紹。London Fog係超有驚喜，London fog係用Earl Grey tea再加上牛奶同奶泡而成既飲品，伯爵茶既茶香再配上幼滑既奶香，清新又帶有milky既味道，加上玫瑰花既香味，更升華，推薦…查看更多

見到呢間新開有人介紹就同朋友試下。入到去環境簡約而乾淨，有bar枱同他他米2個area。咁就揀左bar枱坐。我地就分別叫左廚師發辦，天婦羅魷魚龍蝦汁忌廉意粉，牛肉壽喜燒飯同埋餃子大阪燒。首先係個天婦羅魷魚龍蝦汁忌廉意粉，因為mix埋忌廉所以好creamy,龍蝦汁係好鮮，但有啲過鹹。另外讚賞魷魚除左係天婦羅做法，另一種係純炒，兩種口感，同埋唔腥。牛肉壽喜燒飯，份量好足，牛肉帶有牛香，不過同平時食既壽喜燒冇咩太大既分別。另外餃子大阪燒，餃子配上大阪燒汁，個汁係唔錯，不過汁過多，所以食落會有啲油膩。…查看更多

同親戚慶祝生日就book左呢間餐廳，環境比較簡約風，位唔多所以一定要book位。最靚係可以見到成個海景，係真係好靚既。野食方面就分別叫左北海道明太子帶子意粉，呢個意粉好creamy,再配埋蟹籽蟹柳，口感豐富，仲有3粒帶子，尚算腍既。另外再點左個七咪味粉薯條配黑松露醬，份量好多，薯條就會見到好多炸窿左，好多黑色，同埋黑松露醬唔重黑松露味，有啲失望。最後係服務同餐廳安排方面，精選甜品冇得單叫，只可以套裝先可以有精選甜品，有啲牽強。其他餐廳通常精選甜品都可以單獨order，唔知點解呢間係會咁。另外我地坐左咁耐，都有叫野食，但黎左咁耐係連杯水都冇比，唔知係見唔到定點，其他枱係有水既。服務需改善…查看更多

公司聚會就去左呢間牛霸王食，聽講漢堡扒好出名。同事大多叫手打芝士安格斯漢堡蘭王蛋飯，一上枱就已經見到塊扒係好厚身，仲配埋啲泡菜，同事表示蛋配漢堡扒好夾，漢堡扒係好juicy，有牛既油脂香，配泡菜又係另一種味道。我就叫左蘭王滑蛋吉列雞豬扒飯，份量好足，啲蛋唔係乾乾爭既蛋，同樣吉列豬扒保留濕潤感，唔會有豬臭味，呢方面做得幾好。另外同事就叫濃茄野菌燉牛肋肉飯，佢就覺得一般般，牛肋肉好牛腩feel，同埋啲汁太稠。總結漢堡扒係值得黎試。…查看更多

我同朋友隨意入左去甜牙牙食甜品，每人平均最低消費係要$50， 咁我地3個人就叫左2個甜品，啱啱過左$150。首先叫左抹茶窩夫，窩夫係半份，有抹茶雪糕，紅豆，cream. 我覺得窩夫如果再濃抹茶會更好 所以咁樣食落較普通。另外叫左tiramisu鬆餅，有2舊鬆餅同oreo 雪糕，仲有tiramisu蛋糕。 個鬆餅唔係一食就融哂純空氣感個隻，會有啲鬆化既感覺，最好係個蛋味超香，連埋tiramisu食係兩重層次。tiramisu可重番少少酒味，蛋糕質感幾滑。…查看更多

呢間韓國餐廳好多人排隊，今次就第一次同親戚過黎試試。我地分別叫左2個combo set,就一款小食+主食。我地就叫左辣牛肉湯麵同雞湯麵。雞湯麵同牛肉湯麵係要加多10蚊。首先雞湯麵set,就揀左一件既泡菜餃子，泡菜餃子就係平時係超市買到既個款大泡菜餃子，一般般。雞湯麵set會有2款拌菜，仲包一碗飯，份量係超級足。成隻雞既份量，超大，肉質少少柴，湯底唔係淡淡既清湯，係帶有雞肉鹹香既味道。牛肉湯麵set配紫菜包飯，都有2款拌菜。牛肉湯麵係有驚艷到，牛肉份量超級多，食極都仲有，而且牛肉好腍，最好係個牛肉湯，好甜帶有牛肉既油香，連埋刀削麵一齊食，刀削麵既煙韌帶上牛肉軟腍既質感，個口感好好。總結，以呢個價錢黎講，有咁既份量同味道，我同親戚都覺得係香港既韓國菜黎講係好高質…查看更多