ky900803's Profile

最近我去上環，因為之前喺其他分店食過都覺得好好食，所以就再encore多呢一間。今次我們點咗龍鳳松茸湯餃、野生松茸煎素餃，還有一份上湯松茸時蔬，飲品方面則選了一杯冰涼的蜂蜜檸檬薏米和一杯熱的自家製山楂雪梨。整體來說，餃子皮薄餡美，同埋都偏大隻，堂食的時候還有醃蘿蔔可以搭配，並且提供了兩款不同的醬料供我們選擇，我自己就最鍾意佢嗰個嘅菜脯辣醬。首先，龍鳳松茸湯餃，咬落去肉汁四溢，湯底鮮美，完全唔係味精湯，唔會過於乾身，搭配上松茸的香氣，真係好濃郁嘅松茸味。至於野生松茸剪素餃，口感依然香脆，餡料豐富，入面有唔同蔬菜，健康又美味。…Read More

去尖沙咀搵嘢食，今次去咗呢間尖沙咀樓上餐廳，個環境好有氣氛，感覺唔錯。我哋嗌咗一個松露炸薯條，一碟松露蟹膏意粉，一份小食海膽三文魚他他多士。餐廳仲有其他套餐選擇，不過今次我哋唔係好肚餓，所以就散叫。我哋最鍾意嘅喺海膽三文魚他他多士松露炸薯條，啲薯條好好食，份量好夠兩個人食，黑松露醬亦味道好濃郁，啖啖都係黑松露真係好正。松露蟹膏意粉，一上碟已經聞到勁香黑松露味，賣相好靚，肉眼都就咁見到啲蟹肉，算幾足料。直落意粉軟硬適中，口感好濃郁好Creamy最推介嘅係個海膽三文魚他他多士，賣相已經勁吸引，海膽好新鮮，再加埋三文魚他他，口感好有層次，多士咬落脆口…Read More

黎開葵芳 唔想成日食大商場既連鎖餐廳 就黎左呢間近葵廣既日式餐廳餐廳入面裝修好多one piece 😂老闆一定係one piece迷 用qr code落單 menu有太多選擇 心大心細 好多都想試我叫左呢個人氣雜錦海鮮拉麵 唔係急凍海鮮 有燒多春魚 帆立貝同蟹柳 好好食 $68唔係食急凍海鮮 唔掛之得係人氣之選！老公叫左京都便當 有芝士漢堡扒同炸雞 炸雞外脆內軟 口感唔錯👍🏻額外再叫灸燒蟹柳同灸燒三文魚壽司 食完好滿足😌燒翠玉瓜都燒到勁多汁 好好味下次一定會再嗌！…Read More

觀塘工廈出咗名好多隱世食堂，一直都book mark住呢間牛霸王，今晚約咗朋友食夜晚。我哋叫咗手打和牛漢堡扒丼飯，呢個飯係每日限量，好好彩我去到嗰陣都仲有。和牛漢堡扒肉質鮮嫩，食落好Juicy，搭配秘製漢堡汁，真係好正。撈埋佢隻蘭王蛋真係勁滿足，配菜我就揀咗日式泡菜，少少辣，好爽口，我諗過同和牛漢堡咁夾。另外我哋嗌咗個豚肉壽喜燒，天氣凍食啲熱辣辣嘅嘢呀非常之好。豚肉壽喜燒的湯汁香甜，忍唔住真係飲多咗幾啖，豚肉嫩滑可口，啲配菜吸收了湯汁的味道，口感非常好，同埋都多配菜，有豆腐，蘿蔔，冬菇，芋絲，大蔥。日本小食我哋就嗌咗一口芝士，總共有七件，外脆內流心，佢加咗少少七味粉喺面，好惹味，兩個人食啱啱好。…Read More

今日中環做完嘢 見到呢間車仔好似唔錯咁就入去一試！入面光猛乾淨 坐得舒服！揀左自選5餸車仔面（咖哩魚蛋、玻璃魷魚、生茶、溏心蛋、蘿蔔）米線加秘製醬汁配凍檸茶 米線係我鐘意既口感 唔會太淋一pat 野但好易入口 湯底好似係滷水汁 甜甜地加埋d餸又幾夾！溏心蛋好好味 早知叫多隻🤤5個餸入面最推薦係蘿蔔！好甜好大舊又無渣 好耐冇食過咁大舊既蘿蔔啦 仲要煮得咁入味！魷魚都唔錯 彈牙得黎唔會老 配埋醬汁 愈食愈滋味下次想再黎試下佢其他餸！…Read More

今日約左朋友交收手信 呢間之前食過覺得幾好食所以再encore!凍左好多 最岩食熱辣辣既生熟牛肉河牛肉唔鞋口好夠淋 河口都煮到岩岩好食完暖笠笠好舒服！青木瓜沙律 醒神開胃！呢個素春卷撈檬夠灑fresh 鐘意佢勁多菜 食落零負擔感 岩灑減緊肥既我！老闆力推牛油果沙冰 果然冇推介錯 飲落好creamy而且唔太甜 好好飲 而朋友飲既芒果沙冰都唔錯 好清新 小食叫左芒果軟殼蟹米紙卷share 味道都幾好 芒果竟然好甜最抵讚係老闆同員工既服務好周到 下次會再黎！…Read More

去開女人街附近食夜晚，見到呢間門口排晒長龍，同埋價錢都ok，晚市都要排一陣就有得入啦。今日叫咗一份曼谷火車炒飯，一碟泰式炒芥蘭，一份冬陰公湯，仲有一杯泰式奶茶。曼谷火車炒飯，佢食落去有少少辣，接受到嘅辣度，越食越惹味。冬陰公湯佢係沿爐直接上菜，所以熱辣辣咁樣飲，別有一番風味，嚟緊天氣凍嘅時候飲就真係一流。味道幾好，唔似係味精湯粉，同埋大蝦都好新鮮。泰式炒芥蘭，菜值得一讚係新鮮嘅，食得出有鑊氣。泰式奶茶一飲落去就好似返咗泰國咁，味道幾正宗。整體嚟講嘢食質素高，餐廳環境亦都好有泰國風味，所以都幾值得排隊去試吓…Read More

去完會展 同老公試下呢間泰國餐廳環境好有情調 好岩拍拖同朋友黎聚會😍叫左個泰式炒金邊粉 賣相好靚 有層薄薄既蛋衣鋪喺面 靚得黎又好食 金邊粉味道酸酸甜甜 十分惹味而且份量夠大份 兩人食好夠飽！泰式炒椰菜仔 清清地又幾好味 岩岩好可以balance下其他重口味之選😂泰式炒蜆 估唔到係咁大隻既花甲 炒得好惹味 而且粒粒都好新鮮同無砂 味道唔錯！椰青好大個夠灑清甜 次次食泰國野必嗌！餐廳侍應大部分都係泰國姐姐 服務好周到 一叫即到👍🏻…Read More

去葵興揾食，搵到間高層cafe，menu都幾吸引。今次同朋友兩個人食晏晝，叫咗一Season招牌雙蟹肉特制蟹餅，一份西班牙海鮮炒飯，一份煙三文魚牛油果意大利包配薯條，一杯西柚冷泡烏龍茶，一杯富士山下。招牌雙蟹肉特製蟹餅，食落去啖啖蟹肉，煎得來有幾香口，唔會好油，蟹肉味濃。西班牙海鮮炒飯好足料，有帶子有青口，兩隻大蝦好多肉好新鮮。煙三文魚牛油果意大利包，健健康康嘅配搭但係好好食，最驚喜嘅係個薯條，脆得來好乾身，同埋食到薯仔味。兩杯嘢飲都好靚，尤其係富士山下，睇得有好飲，甜度適中。整體食物質素高，味道唔錯，份量都足夠，景觀都開揚，週末過嚟chill下都幾好。…Read More

今晚去開土瓜灣，順便買埋夜晚返屋企食，見到呢間茶舍好多唔同選擇，方便同屋企人share嚟食。叫咗一份白汁芝士焗西蘭花，一份魚子三文魚蛋炒飯，一份米蘭肉醬焗意粉，另外加咗錢去特飲，叫咗一樽綜合水果紅茶。白汁芝士焗西蘭花，芝士味濃郁，西蘭花都幾新鮮，仲有一啲配菜例如蘑菇同埋煙肉，都幾有性價比。魚子三文魚蛋炒飯勁香，啲飯粒粒分明，配菜都係有蘑菇，感覺都幾健康，同埋都炒得幾均勻。米蘭肉醬焗意粉，味道唔錯，有蕃茄嘅酸甜酸甜，幾開胃。綜合水果紅茶，好足料，睇到有唔同生果，同埋飲落味道係健康嘅，冇落好多糖，有水果嘅甘味。…Read More

經過旺角，見到呢間新開嘅豆公館，應該係比較新式嘅買豆製品餐廳，感覺係有少少新意喺入面。同朋友一行二人叫咗唔同嘢食一齊share，一份魚肉煎豆腐，一份滷水豆腐豆卜，一份老乾媽炒米粉，一份招牌麻婆腐皮蛋餅，一人一杯無糖豆漿，然後甜品就一人一碗豆腐花，我揀咗黑芝麻豆腐花，朋友揀咗薑汁豆腐花。魚肉煎豆腐，魚肉勁香，淡淡魚肉彈牙滷水豆腐豆卜，入味得來唔太鹹啱啱好老乾媽炒米粉，小小辣幾惹味招牌麻婆腐皮蛋餅，餡料豐富，咬落去好有層次，同埋呢個蛋餅好有創意，食落比想像中飽肚兩碗豆腐花都好滑身，黑芝麻本身都甜甜地唔使額外加黃糖，薑汁豆腐花，薑皮濃郁，冬天食應該勁暖身…Read More

今日約咗朋友尖沙咀，經過見到呢間台灣牛肉麵鋪面幾靚，Menu都幾吸引。朋友就叫咗半筋半肉麵，揀咗台灣粗麵，我就叫咗一碗麻辣乾拌麵，揀咗中辣，加咗啲配菜，有糖心蛋同埋甜不辣，另外嗌咗個小菜酸黃瓜，飲品我哋就揀凍嘅荔枝烏龍茶同埋一杯養生嘅冬瓜檸檬茶。食物質素同份量都唔錯，呢度嘅牛肉麵選項都好多，可以揀半筋半肉，湯底味道肉味濃郁。碗麻辣乾拌麵，啱晒鍾意食辣嘅我，辣得嚟有少少麻，幾惹味。台式小黃瓜，酸酸辣辣，喺食主菜前之前食又幾開胃。…Read More

上次食過荔枝角間分店，咁啱今日去太子始創嗰邊買嘢，見到呢間餃掂快線，諗起上次食完覺得幾高質，今次同朋友又再食多次。今次encore番龍鳳松茸湯餃，野生松茸剪素餃，一份上湯松茸時蔬，飲品叫咗一杯凍蜂蜜檸檬薏米同一杯熱嘅自家制山楂雪梨。總括嚟講佢啲餃子皮薄餡靚，份量偏大隻嘅。堂食仲有醃蘿蔔食，同埋都有兩款醬揀。食物質素都係咁好食，先講個龍鳳松茸湯餃，咬落去啖啖肉，分湯上，但係唔係烚到乾身，仲充滿肉汁，連埋啖湯去食，充滿咗肉汁同埋松茸嘅味道。另外煎餃都係咁好食，真係好鍾意食素餃，佢嘅餡料都好充足，食到有唔同種類嘅蔬菜，超健康。飲品方面，兩杯都飲得出係健康同養生，啱晒秋天滋潤身體。…Read More

聽朋友介紹觀塘有間食豉油雞好出名嘅餐廳，秋意，今日特登約埋佢一齊去我地叫咗一份秋意去骨豉油雞，一碗酸菜魚麵，我哋兩人一人加咗一隻酒釀糖心蛋，然後再嗌咗兩樣小食，香辣蓮藕角同埋芝麻醬伴油麥菜。飲品就叫咗自家製嘅羅漢果低糖菊花茶，同埋無糖嘅白桃烏龍茶。去骨豉油雞，真係呢間舖頭嘅招牌菜，口感嫩滑，豉油醃得入味，但唔會覺得好鹹，拿捏得啱啱好。酸菜魚麵亦都好足料，湯底唔錯，好開胃。酒釀糖心蛋都食得出有少少酒味，容易入口。然後小食都幾高質，最鍾意佢個香辣蓮藕角，切到一口size所以食落都唔會太辣，幾惹味。整體嚟講嘢食幾高質，如果想食成隻雞嘅話要早啲去，我哋晚市去到嘅時候已經所剩無己，勁搶手，留返下次有機會再試。…Read More

知道太子新開咗呢間泰國菜，主打特色粉麵，今日終於有機會約到朋友一齊嚟食。我們叫咗一碗泰北烤雞金面，面底係全蛋麵，醬汁就係餐廳自家製嘅金醬，見到佢哋餐牌上面介紹係用大量新鮮香草同香料在手工研磨制成，佢嘅味道似咖喱醬，不過就更加回甘。食之前個炸麵要敲碎佢，再撈埋一齊食，口感又幾過癮。另外叫咗一碗冬蔭雜錦乾撈麵，我加咗$3多芫荽，呢個配料好豐富，有魚蛋雞肉丸，炸得好香脆嘅豬皮。醬汁味道酸甜，幾開胃。然後我再額外嗌咗份魚餅拼蝦餅，total有6件，魚餅有冬陰功味好正。 飲品方面，今次就叫咗好似好少飲嘅檸檬草南姜，飲完喉嚨好舒服，唔錯。…Read More