annakellyly's Profile

食物同隔離街x城大同小異, 但係就平差不多一半, 見環境ok咁就瀨野一去到差不多full哂搭枱無問題, 坐左一陣剛剛叫完野食就有人走, 想轉枱, 問唯一一個識聽&識講廣東話既侍應轉枱, 一口拒絕話"唔得"兼夾講野無尾音, 當堂哂咀, 而且佢仲要係大聲, 攪到其他客人望哂過黎以為發生咩事tim呢方面已經有d減分前菜好港式, 無咩特別隔左5分鐘左右, 一個中年韓國嬸嬸送上食物, 但係就唔理您張枱有幾多空間, 隨便放低就走人, 我叫既係海鮮豆腐鍋, 又熱又滾, 點可以隨便放係枱邊就算ga, 淥親邊個都唔好啦全部侍應都好生手好似未做過飲食行業咁, 基本禮貌都無, 另外一個韓國女士耐唔耐就出黎睇電視, 仲旁若無人咁笑到好大聲, 加上電視開得又大聲, 都幾吵耳, 如果想安靜食一餐, 呢度一定唔係首選, 個人認為比較適合一個人去而全程黑面既侍應竟然在收錢時展露出笑容, 因為有貼士, 唉...咁快就學到香港人既勢利…Read More

之前因為覺得服務好混亂, 所以都有一排無去過, 今日見好耐無幫襯, 就俾次機會佢啦, 原來呢個決定真係超錯首先係坐位安排方面超差, 一去到門口已經有8-9個人等緊, 其實只係3班人, 其中一班係5位女士, 即刻向四眼恤衫男士登記2位啦, 以為佢會俾飛仔我但係無...無問題, 因為見佢有mark低, 之後等左10分鐘, 5位女士都入埋去, 得番我同honey, 之後四眼恤衫男士就消失了, 其間一個著制服男子不斷放d一位無登記嘅入去, 我都算數無出聲跟住就有一個女同胞企喺我面前同我胸貼背咁大叫3位, 四眼恤衫男士就出嚟俾飛仔佢我honey即刻出聲話點解我哋嚟先都無飛仔???佢先識俾張飛仔我, 我再偷睇佢本簿, 原來佢劃鬼左個2 位個record, 唉...擾攘一輪終於有位喇一坐低發覺好似無咩冷氣咁, 再望下d侍應就知瀨野, 個個大汗疊細汗, 大佬...出面三十幾度呀, 即時胃口大減叫左一個雞藕天成飯&一個榮式燒雞扒飯, 一嚟到見到塊雞扒, 即刻同honey講點解咁淺色既???淨係得頭同尾係脆的, 失望再試埋個藕餅...d肉霉ga胃口無哂, 飲埋罐雪碧走人…Read More

初初開既時候幫襯過兩三次覺得都唔錯, 係d service做得唔夠, 但係可以接受, 點知今日再試, 真係唔想再有下次首先講下個師傅手勢先, 坐低嘅時候佢已經serve緊一枱客到炒飯階段, 見佢炒到周圍都係已心知不妙, 仲有幾粒飯可以炒到飛嚟我面前, 唯有認命啦一直堅持食鐵板燒要叫個貴d嘅餐, 因為覺得就算個師傅失手, 都仲有食物新解搭救, 唔會衰得去邊, 點知呢個諗法完全不適合呢間鐵板燒店呢位黑色帽師傅(應該係Junior)明顯功夫未到家, 手勢唔純熟就不在話下, 動作粗魯兼而有之, 攪到佢範圍內周邊都係佢fing出嚟嘅食物碎食物方面蝦:過熟, 有點"鞋"鮑魚:心仍是冷厚燒牛肉:麻麻地, 燒得唔夠火喉炒飯:可以再乾身點, 相信會香口d炒野菜:叫做好過無炒lor食物已經唔多得, 服務簡直令人咋舌, 事緣埋單時一名穿西裝女經理(估計係)的人遞上賬單時"提醒"我哋話<<我哋唔收加一服務費>, 即時哂咀, 咁樣"R"貼士法好核突lor, 其實平時honey都係比開$550($268x2 set lunch), 佢咁樣講完, 放低$540即閃~另外, 又唔主動提客人戴口水肩(圍裙), 個湯唔提佢都唔攞嚟…Read More

食咗是日拉麵 - 芝士味噌拉麵+餃子($56)賣相真係very good但係原來係<<金玉其外, 敗絮其中>>, 大大塊紫菜插住碗邊, 賣相好似好pro咁, 點知撕少少試下...淋pat pat既, 溫泉旦非常mini, 麵質完全feel唔到佢係日本貨, 總結碗麵完全係港式拉麵, d味精多到無朋友, 食完條脷有種麻痺感覺跟餐餃子都唔見得好好, 第一啖已經食到好大陣油"益"味, 好似用萬年油煎出黎咁款, 第二啖仲大獲, 點解d肉好似有陣味, 鼓起勇氣食第三啖...算...放棄..., 結果食剩一隻半(total3隻)整體黎講, 回頭機會極微, 冷氣不足, 枱面及餐具油淋淋, 凡此種種都係致命傷…Read More

唔知係咪d人貪心, 成日都問佢地攞手抽紙袋, 發現近呢一兩年買親野佢都唔會比紙袋您, 我由$15.5兩個muffin早餐到而家$26兩個muffin+drink, 我都一樣咁支持, 因為我覺得好啱我口味, 但奈何...佢d muffin越來越細, service又越來越差, 仲越賣越貴, 真係好難留住d fans今天我又如常買早餐B, 佢竟然用個紙袋仔袋住兩個muffin, 然後將支橙汁+紙袋仔放喺個紙兜上面比我, 因為要挽住個手袋+一袋野, 根本無手"托"住呢兜早餐, 而且出面開始落雨, 我問佢有無手抽袋(可能太早未訓醒, 一時唔記得佢d紙袋要收費), 佢就話要收$3, 我就話要個膠袋(係一個透明無手抽)得啦, 其實佢地(公司)應該諗下一d方便客人嘅服務, 而唔係令職員同顧客都會出現尷尬的情況double chocolate muffin : size細咗, d朱古力粒又少咗, 但味道依然好, 口感保持一貫作風 ps.服務一分係比佢地嘅公司policy的…Read More

瘦身材+短髮+中年女人, 超級無禮貌亞婆想買燒鴨(有分上裝&下裝), 但係唔係好識睇個水牌問多兩句, 個收銀超"悔"氣+無禮貌咁答佢, 講野又要無尾音, 仲要眼啤啤"掘"住亞婆, 亞婆有錢俾ga又唔係乞您, 太過份啦事實勝於雄辯, 街坊們如果有受過不禮貌對待, 麻煩留言~…Read More

星期日同最愛的爸爸和媽媽出街食飯, 諗住試一間未食過晚飯嘅酒樓, 點知就瀨咗野咕嚕蝦($68) : 唔夠甜又唔夠酸, 總之就唔湯唔水, 加上超厚粉, 仲有幾隻係"霉", 問您死未金銀旦菠菜($50) : 大大碟, 賣相唔錯, 可惜連愛吃淡味的媽媽都話"好淡", 可想而知...京蔥雞球紅燒豆腐($68) : 不過不失, 但係...豆腐好細件粟米班塊($78) : 超唔掂, 超厚粉, 超少汁, 仲要唔夠熱晚飯期間, 周邊都有好多人手持"$1多寶魚"券想使用, 得到的答案是"只可在星期一至五, 8:45pm前使用" , 我們一家終於都明白點解一間食物質素咁差嘅酒樓會差不多full哂, 就是被一張並未有列明"只可在星期一至五, 8:45pm前使用"的"$1多寶魚"券吸引, 不得不在此讚賞一下爸爸的英明, 因為早兩日爸爸飲下午茶時已經問咗門口個知客, 星期日可唔可以用...哈哈...叻仔另外, 隔離枱after 8:30pm叫野, 乳鴿又無, 片皮鴨又無, 就連豆苗都無, 都唔係做生意嫁…Read More

真係頸都長哂ar, 終於都嗒到您啦~ 一盒8個迷你奶黃月餅盛惠$208, 其實都貴貴地ga, 但係真係會一試難忘, 自從幾年前開始之後就無法自拔, 就連平時無咩意見嘅爸爸一臨近中秋都會問訂咗嘉麟樓月餅未呀? 就知道佢嘅魔力啦包裝: 其實都唔使點講, 一句講哂"入得廚房, 出得廳堂"...哈哈餅皮: 鬆脆得嚟又唔會油淋淋餡: 誇張d講句, 直頭有齒甲留香嘅感覺呀其實我仲想講, 嘉麟樓月餅同半島月餅原全係兩回事lor, 識食嘅一定食得出有咩分別…Read More

大大話話都有成年無嚟過lu, 諗住近近哋, 比多次機會佢la, 點知都係失望lor由於係即日訂枱關係, 所以只有鐡板枱, 無問題, 因為預咗~但係去到reception, 佢竟然即時call入去問鐡板枱有無人走, 唉又係咁, 結果我又戇戇居居咁呆企咗over 5分鐘銀鱈魚西京燒 - 以前係兩大件, 而家係三小件, 最大問題係唔好食, 仲有d腥tim厚燒牛肉 - 要5成, 哈哈...不過明知佢係儲埋一堆炒, 所以特登要生d, finally 8成因為碗飯係以前嘅3分2, 所以唔係好夠飽, 雖然飯係free, 但係唔想食唔哂會浪費, 最終都係無叫到, 總括嚟講, 短期內都唔會回頭ps.坐鐡板枱比我發現咗一個小秘密, 就係原來鐡板銀鱈魚係一早燒定, 然後雪入雪櫃, 有理由相信係隔夜的, 因為我見到師傅係小心翼翼咁喺個盆度一件一件"meet"出嚟ga, 雪到硬哂軑, 好似大力d都驚會散哂咁ar…Read More

曾幾何時呢度嘅炸豬扒真係令我著迷, 一個星期唔食番一次都會"蘿蘿攣"...點知今日再食, 唉...何以落得如此地步呢首先講下等位問題, 完全理解因為地理問題(春園街係一條又窄又多車經過, 企4至5個人就塞鬼住條路, d人仲要成日行出馬路嘅街), 所以門口成日都人頭湧湧, 但係唔係好明佢點解唔派籌叫number, 單靠事頭婆&佢個仔記住, 老實講真係唔係好掂lor, 有時d人同佢講幾多位, 轉個頭佢個仔又出嚟, 同個仔講完, 個仔又同事頭婆講番, 攪到7國咁亂, 已經試過一兩次俾人遲來先上岸, 今日又係咁唉...都費事出聲, 真係好想同事頭婆講, 其實妳d記性唔係真係咁好ga咋講番個咖喱豬扒飯, 咖喱同平時無咩分別, 但係個豬扒就出事啦, 竟然熟唔透, 入面仲係粉紅色ga... 叫人點食呀, 而且碟飯越來越少, 我已經無叫少飯, 都係得嗰兩碗仔...係碗仔ar, 一個大男人邊夠飽呢, 加上今日我碟豬扒又偏少(經常發生豬扒分贓唔均, 我試過比人多3分1份量嘅豬扒, 睇您好唔好彩), 加埋嘢飲無$60都落唔到樓, 都係少食為妙…Read More

第一次嚟鴻星飲茶, 有d期望, 可惜...山竹牛肉 - 一般酒樓水準, 無咩特別焗脆皮叉燒包 - 超唔掂, 凍冰冰不特止, 仲要d皮咬第一啖就甩哂, 係全部甩哂, 枉佢仲叫"焗脆皮"...d皮淋ga 蝦餃- ok馬拉糕 - 唔錯, 最鍾意深色馬拉糕...hehe(唔記得叫咩拆肉石頭魚羹)石頭魚羹x2 - 其實味道係ok ga, 但係個賣相好差下lor, 用食粥嗰種闊口碗嚟裝, 其實我係expect 佢用個盅仔上的, 話哂都$3x一人個ga ma, d魚肉要搵放大鏡先撈到幾舊service唔係差, 不過好似唔係好夠人手, 雖然唔算好殷勤, 但係唔會扮睇您唔到, 以咁嘅食物質素, 都係覺得偏貴咗d~…Read More

我係超級珍珠奶茶迷, 繼<臺北站>後難得MOS再開多間<貢茶>, 當然一定要試下啦叫咗一杯少甜少冰(for me)&一杯微甜走冰(for my lovely mama), 真係第一次飲到真正"少甜"嘅珍珠奶茶啊, 試過好多地方"少甜"就即係等如"正常甜", 有d驚喜, 但係"少冰"就係正常冰囉, 而且我覺得佢嘅珍珠奶茶嘅奶係"偏多", 因為我未試過飲到3分2就夠喉, feel到脹脹地...媽媽個杯無試, 所以no comment地方超唔就腳, 近通x琴行, 要MOS友先會知, 而且排隊地方都幾狹窄, 好在隔離有間影碟舖, 可以one road read and one road wait...仲有就係, 可能新開關係d姐姐有d d亂, 我買兩杯珍珠奶茶cashier姐姐就比咗一個stamp我, 我問佢係唔係兩杯先有一個stamp, 佢就想比多一個我, 突然有另一個姐姐就話本stamp book已經有一個, 咁我就即刻睇下啦, 都無既, 梗係拿拿聲問佢攞番, 個cashier姐姐先至話貼好咗嗰d已經派哂lu, 比番一個我~…Read More

奇趣的豆沙燒餅曾經是媽媽的最愛(當然我才是媽媽的最...最...最愛啦哈哈...唔知羞), 曾幾何時媽媽差不多一星期便嚷著要出旺角買一次, 今次已經闊別了大半年, 不知是否希望越大, 失望更大, 媽媽吃完第一口就同我講"都唔好食嘅", 我都試咗一啖點解會咁ga...我同媽媽嘅結論係"比以前甜咗d, 口感差咗d, 少了以往煙煙un un, 吃起來有點兒"削"..."令媽媽失望透了~而我每次想買都買哂嘅雞旦糕, 終於都有啦~yeah...殊不知...唉~連普通的麵包店也不如, 自問是一個甜魔, 吃起來亦覺得略甜, 而且越吃越覺得有一種粉在口中, OMG總之食到個口好粉啦, 唔掂呀~如果呢種叫好食, 大同就係好好食, 榮華就係超好食...哈哈anyway, 短期內無回頭…Read More

今日去食lunch照舊係至愛嘅"菜扒飯+凍奶茶", 落單時哥哥話"菜扒飯$43+凍奶茶$12"......唉, 橫豎都嚟咗, ok la~ 一加就加$4, 好似食水深咗d bor, 再望下牆上d價錢, 嘩...全部都加哂價ar, 就連豬扒飯餐都加咗$2, 午餐又加咗$4(唔sure以前係唔係$28)...最慘就係我今日食咗一碟"麻麻地"嘅"菜扒飯"(因為以我經驗佢10碟就有一碟係差d)等位耐, 等食又耐, 都係少吃為妙啊!!!最低工資都得$20, 幾十蚊食碟豬扒飯...太奢侈lu …Read More

2月10日星期三上午打去book星期五lunch, 指明一定唔坐bar枱, 女侍應稱"無問題"...兩日後...(即星期五11點29分)女侍應打嚟re-confirm我係唔係今日1點鐘兩位, 一心以為享受豐富的午餐4分鐘後...女侍應再打嚟, 竟然話無預枱俾我, 要我坐bar枱...我當然問佢點解la, 佢嘅答覆竟然係"因為今日有幾張大枱, 所以無細枱比我, 要我坐bar枱"...嘩...真係有d火火地...乜唔係先到先得ga咩???原來係有大食大, 即係唔使理d二三人ga la, 咁樣叫人點會番轉頭ar, 平時lunch都係靠我地呢d小貓三四隻撐住ja, 做生意要有d良心, 唔係一味淨係掛住搵$$$,之前聽聞佢想喺台灣開分店, 奉勸閣下都係安守本分, 一間小店的管理亦淪落至此, 何必要急於求成呢!!!其實之前有個女侍應好smart ga, 話頭醒尾又有禮貌, 不過好似幾個月都無見過佢lu, 應該無做, 而家呢個就真係好鬼趕客, 況且食物質素會因為客人太多變質, 明顯因為是粗製濫造的結果, 近期更加了價, 叫人怎可再回頭呀!!!食物固然重要, 服務質素亦相當緊要的...中環還有更多差不多類型的小店, 請好好珍惜現在擁有的~緊記"不進則退"…Read More