wewe's Profile

食石燒牛medium 起跳，自己切片燒想食嘅熟度。明白嘅。枱上每人一套餐具有匙羹有刀有叉，但把到係鈍到乜都切唔到。好辛苦先找到個侍應….. 搵極都無人，叫佢換把利d嘅刀，佢用好奇怪嘅眼光望住我，好似我唔識切扒咁！原來有剧扒刀囉，失覺晒。呢把先叫刀先切到片。 👎🏻👎🏻👎🏻👎🏻 其實大家樂見你剧扒都識執把利刀啦⋯⋯ 然後牛質真係極一般，叫入到口唔un係「拿」過。牛味就真心無。叫做有石燒玩下幾得意。跟餐有自助餐湯同沙律… 明明見早幾日食家分享有甜品可以加，有$10蠔可試。以上嘅今天都沒有，原因係今日過渡期餐牌未出得切所以無得做。👎🏻😓仲有，張兒童high chair係爛架，可唔可以維修一下先見人或者唔好用！阿侍應話可以唔用塊板，其實人食飯係咪都要一張飯枱呀⋯⋯ 不知所謂！！總結，無下次。…Read More

下午近六時到，打算食個early dinner。叫 了二人餐，餐內食物一吸引一般，需要加錢叫其他。忌廉肝菌湯，一般，只有兩啖份量。前菜+$18芝士蝦薄脆，味道正常，新鮮的主菜+$18 煙三文魚意粉👎🏻：意大利粉未能煮熟，中間有點硬，但勉強可吃，味道.... 就是煙三文魚牛油意粉，食物只是暖主菜+$10 日式咖哩吉烈豬扒飯，沒特別😐，豬扒很鞋....甜品+$10 oreo 雪糕waffles👎🏻👎🏻👎🏻👎🏻，waffles很硬很實，不像剛出爐，還是材料制作不好呢？沒有打蛋嗎？太失望飲品：+$18黑糖珍珠奶茶👎🏻👎🏻👎🏻👎🏻👎🏻，珍珠都沒有煮熟，中心有核的，可吃嗎？？這可是店的熱賣！！+$10 蘋果甘菊茶👎🏻👎🏻👎🏻👎🏻總之.... 不好飲，好奇怪...身為一間台店，基本的悠閒食品飲品都做不好，不知好評是從何來。Sofa位太低，5呎3的女子，坐著低了，坐著cushion才可，6呎壯男坐較合適。無下次。…Read More

一行三成人一個兩歲孩子，食中菜揀了這間多笑笑，因為孩子愛吃小籠包。😑😑上海粗炒=䜴油皇沙烏冬，炒得預了多油，但無鑊氣，上碟東丫西倒，似足大排檔大學canteen, 份量少，價格double.😩😩小籠包：又係勁肥膩，湯汁還帶甜味，味精太濃吧。而且有一個是破了皮，跌在台上肥豬肉一舊舊😑。😫😫黑松露炒飯= 油浸炒飯，食到底，油還可以倒得郁😱😕😕菜肉餃子麵：平平無奇，就是餃子和面條。菜都無 一條。🙂🙂炸/蒸銀絲卷：終於有樣可以讚，真是絲狀的可以慢慢撕下吃。但煉奶乾乾的，應是放進雪櫃很久吧.... 點不到... 🙂🙂糖醋骨：正常味道，蚊型份量。😤😤😤😤😤最後，侍應多，人客少（5點半入座），客人叫加水，叫一次加一次，我總共叫了三次，還有隔離台也是不停叫！茶只是微暖不足夠應付油膩至此嘅食物。收碗碟也很久，上菜呢，我這邊台堆滿食物，可放在隔離台吧！就硬要往我這邊堆堆堆，推推推，again, 可否用一點心呢？在照顧孩子還要照顧你們的侍應？😤😤😤😤😤還有，一位普通職位四眼黑框眼鏡男侍應，態度不良，他的言論應該去大排擋當侍應較切合其性格。👎🏻👎🏻👎🏻👎🏻👎🏻👎🏻實在不明白為何這樣多笑笑的食肆，頭不回。…Read More

Burgerhome, 搬前在灣仔ive對面舖位，前身是wowburger. 食了咁多年，一直覺得物超所值，材料新鮮，老闡親民友善。兩個月前去，第一次幫襯新舖，手打肉少了juicy, 牛味依然香濃。今日再去，點了最基本的芝士手打牛肉漢堡。頂層漢堡燶晒邊，打開一看，包面全黑的，不是吧，這樣也可給客人嗎？良心去了那裡？我給職員看他即時換了一個給我，還說了不好意思。我接受。但是，個包又硬又乾，是不是隔了很多天的面包？還是火喉太大了？從前從來都不會這樣啊....肉扒這次我需要全熟，也有心理準備會少一點美味。從前也食過全熟，但今天的全熟手打牛，好鞋，好乾，沒有牛味。而且醬汁也很少，好失望。整個包，整體來說，難吃。我仍然會光顧，因為我希望這次只是一時之失，希望不是退步。的確，許多時新不如舊，也許因爲廚房除了肥哥哥，平時短髮姐姐不在，變了另一人吧..…Read More

星期三閒日，早上九點入座入紙寫點心。首先張台執左兩個新位不過有一隻茶杯係舊嘅有一壺用過啦嘅茶。Fine, 個新位咁樣，開過一壼啦。入紙點甜酸炸雲吞，蒸金錢肚。足足半個鐘先到。 Fine, 食物是要蒸的。金錢肚只有少量煙，只是暖？放了多久？炸雲吞，個心是冰冷的。雖沒人說是即炸，但等了半個鐘就係等你在凍櫃拎出來，即整都炸起了吧！流沙包, 是唯一正常的食物，最基本，他是熱的。眼見架食物車上放左勁多野食，等埋一大大大堆先出去，兜大個圈搵客，盅飯無蓋吹到凍晒。要求已經降到無可再降。去灣仔稻香吧。基本是，食物是熱的。…Read More

當位處周記側邊的福緣轉左老闆，食左無十年都有八年了，一直質素平靚正，刺身新鮮大件不嗇色，食材較同類食肆講究，舖子雖小但服務貼心主動永無黑面，職員勤快落力整體感覺良好。兩年前，福緣易手，食過兩次，慘不忍睹，用肥豬肉做日式豚肉鍋都係第一次見，乜肉都無得食... 慳到... 仲好記得，佢地職員跣手掟爛左個蛋糕唔出聲原盒俾返我，回到家先知爛晒！我話呢世都唔會再去福緣。（可另看福緣食評）聽聞有新日菜，已想去試，仲話係福緣舊人，去到排見到是真的，樓面兩個加壽司台都是舊人，好感動。食物不用多講質素依舊幾好，我係第一輪入唔晒要由六點等到七點，中間佢叫左台幾次，都係叫d人唔好離開，六點半打後就企係門口等七點先入得，人齊先可入。我們三大一b，提出想要貼牆位方便照顧小朋友，幸運地真係有而且係角落位可以迫小朋友在角無得周圍爬。叫了268二人餐，加餃子雞冀夠三人食。質數份量竟然同以前一樣難能可貴！重點是👉🏻👉🏻👉🏻👉🏻餐內兩碗飯，我問可否一個轉烏冬俾小朋友食，雖然唔得，但佢主動offer我地煮半個烏冬😍😍😍😍，收返1x元，雖然唔係平但勝在有彈性又唔洗浪費食物，佢地話到事，好厲害！即使忙，加水無停，上菜收碟很快亦主動提供小朋友餐具。仲要免加一？呢d舖頭今時今日去邊度搵？…Read More

星期四閒日，三大一bb去食lunch buffet。一入座，個位勁大風，我們有老有嫩要求換台，其實無得揀只可搬過隔離。有要求過去餐廳另一較遠處，職員說問一下，問了十分鐘還沒回，追問下先講話個位唔俾得我 👎🏻。在搬緊過隔離台嘅時間，負責帶位果位小姐又行埋來不停問我show coupon, 係不停問3/4次！ 小姐，難道你見唔到我抱緊個bb，移動緊佢坐上high chair 咩？難道你見唔到你嘅同事換緊野呢？可能岡位不同佢無幫手，但係你摧乜野呢？👎🏻遲30秒會死人嗎？最後埋單時張單照原價👎🏻摧完都漏，咁摧來做乜呢？進餐了，取食物途中，若有侍應主動提出幫你手，真的是受寵若驚，若是視而不見，我都見怪不怪。呢間酒店，同美麗華都係後者。世貿mr steak嘅職員仲會話：你坐輪椅呢，就會幫你囉。（上次我真係有困難想佢幫忙，得到咁嘅回應！極品）唯獨是油麻地間逸東，不是什麼名牌酒店，但職員很主動，很窩心。去過皇冠buffet都知佢個場好細，但明顯人手不足，經常無人收碟，碟疊到上第三層先會收。更唔好講話加水和窩心服務。較高級的都做到燥晒聽到佢同低級員工口角又黑晒面。👎🏻食物質素以折後215/head價錢是正比，唔係突出，勝在有羊架和燒牛肉。沙律款式多也有ham, 味道幾好。甜品唔吸引，例牌杯裝H記雪糕，三色加芒果紅梅味。👍🏻其實去食餐buffet都係想relax下，成家去食就自然食出個服務質素，見到d staff 打仗咁衝來衝去你話為乜。❌…Read More

上星期和朋友一行6人來吃放題，星期一關係價錢平少少，時段是2045-1115pm, 即使叮訂了台都等了半小時才可入座。入座後第一，二round都是刺身，挺新鮮的但三文魚切法很怪很多根，唔滑又唔香，來㠭次都是這樣，可以不是。這裡有我最愛嘅希靈魚，帶子也很好吃。飲品選擇多，但沒有了我最愛的椰子水... 但可以揀果x先生的密瓜西米露和楊枝甘露飲品，由於唔再係放在飲品櫃好多人都睇唔到，可能係固意嘅😹因為成本較貴💀⋯⋯佢放左在甜品櫃。還有朱古力雪糕和froyo, 不過兩者都唔滑嘅～ 但有都好開心仲可以加碎碎，人多來吃係好選擇，有少我會選擇同區大喜x…Read More

2月頭，我買了個蛋糕去福緣，和身在外地的小孩壽星一起越洋慶生，facetime完，影完相，男侍應主動提出將蛋糕雪入雪櫃。進餐完畢，俾完錢走人，男侍應俾返蛋糕我。出到店外，我家外傭係咁叫我check個cake, 我一頭霧水，check乜鬼呀！check乜蛋糕？原來個蛋糕俾佢整爛左！😡😡😡😡😡😡😡😡🙁🙁仲要靜雞雞唔出聲要我久發現！！🙁🙁太過份了！我回店問究竟，男侍應說「不知情！不知道，我都唔想架」我陪返錢俾你。我見可能係小店雪櫃擠迫所以個蛋糕放歪了，所以接受佢嘅道歉同賠償。其間個男老闆聽到，個樣勁串話：賠返錢俾你囉！完全唔認為佢要了解整件事，什麼用錢解決都得，但我有小朋友在所以不能久留...但回家後從外傭口中得知個蛋糕是被男侍應跌在地上，然後拿起俾我！！！（先不要問為什麼外傭遲遲不說回家才說！）外傭說在場有客人和另一位女侍應都見到。那麼整爛蛋糕是事實，為什麼不認？做錯了事，還講了三次大話。男侍應除了沒如實告訴我蛋糕爛了，要我自己發現再追問。即使追問了還說謊：話自己不知情。最後，我好嬲，都等他們收舖再打電話向老闆娘講出成件事，原來男侍應有向老闆娘自首佢跌爛左蛋糕，老闆娘就以為佢賠了錢了事，但老闆娘唔知佢講左大話話自己乜都唔知，唔知佢明知自己掟爛左蛋糕但靜雞雞唔出聲😤😤你們想想，如果回到家我才發現個蛋糕係側到得返一半，要慶生，有小朋友，情況會變成點？一而再再而三有意隱瞞欺騙，已經唔係賠唔賠錢的問題，係責任誠信！出得來工作都係成年人，即使樣是後生可能不懂處事，都唔代表可以講大話瞞上瞞下，打爛蛋糕，當面告訴我個事實，我接受你道歉，還可以不用你賠，我立即去買過一個新的慶生！回家望住呢個蛋糕，又無奈又唔吉利，仲好嬲！附上數張蛋糕相大家來評評理！未轉手前一星期來一次，轉手後一個月來一次。用料人價錢都不及以前，再加埋一，吸引力是減弱了，但因為香港仔無同類型港式日本料理，所以都仲有生意要等下位咁樣。平時去一向食開角切魚生飯。鹽燒牛舌。質素ok。但就算幾無選擇，我都盡量唔會去呢度。…Read More

早年常常到意粉屋食～尤其去佐敦那一家分店，甚麼都好。芝士火鍋是最愛，愛他的香濃，配上法包，雞肉，西蘭花等，恰到好處。隔了好幾年，再來一試～ 滿有期望的因為三人都是愛芝士的餓鬼😂我們二話不說選了398的餐牌，說是有什麼芝士併盤,生果併盤，ham etc. 黑毛和牛帶子等等，這些通通不重要。芝士火鍋的芝士，用法包一點一吃：沒！有！芝！士！味！在碟上就見到芝士醬像是充滿著麵粉溝出來混合物一樣的感覺。任你俾幾大鍋芝士汁，無味就是無味.... 難吃便是難吃，滿口都是粉😶…Read More

~~~新鮮熱辣~~~ 今日下午五時排隊, 等35-40分鐘就到, 比預期快. 過六點無得食就會轉去X泰豐.人齊先入得, 因為限時一個半鐘. 姐姐並不見得特別親切, 就是會說普通話嚕.咖啡弄走的路線應是悠閒飲野談天吧, 總不能太迫太吵. 我們三人卻被招乎到入口前搭台的圓台.圓台只能坐四人, 怎能2人再加上3人? 太太太迫了吧, 於是拒絕了, 最後坐四人台.食物方便都叫了比較熱門的, 賣相和之前的食家的差無幾, 和menu上的相片相似度有八成: 贊 !迫住叫了三飲三食, 點解係迫? 睇埋下面就知:1) 法式麵包佐咖喱牛腩: 小小麻小小辣咖哩好味, 冷的法包包很un. 扣分.2) 米里肌芝士可頌: 即是芝士煙肉鴨胸牛角包. order 完五分鐘就有得食,  有芝士汁好味道. 可惜包是涼的.. 一早整定放左好耐吧... , 所以唔香, 扣大分.3) 抺茶紅豆鬆餅: 最好味  平時不吃抺茶制品, 但這個抺茶雪糕很香滑. 配上whipping cream, 紅豆醬和waffles, 很夾, 亦因為佢的4大塊waffles, 大家都飽左. 落單時姐姐主動提出有雪糕的這個遲上, 之後再問可以上未, 這個挺貼心  不過個凍冰冰既雪糕球黏實左個熱辣辣既waffles, 乜雪糕都溶啦..... 4) orea 沙冰: 夠餅碎, 但好似溝得多水左少少, 厚身D好飲D.5) 蜜桃沙冰: 真係有桃喎, 有日本feel, 好味, 好大好大杯...6) 冰鮮果茶: 這個好好味, 甜甜酸酸的, 食waffles太漏飲完這個清新晒  推介 ! 堅大杯, 亦是最貴的, 個jar底有橙, 青檸, 蘋果粒, 同梅一粒~ 總結: 試一次可以, 真的要吃, 就去台灣吧, 這種模式的食肆台灣還有很多很多... 所有過江龍來到香港, 最後恐怕只會演變成港式化.港式化包括: 迫, 吵, 快餐式 --> 快上菜快食快走快返枱, 限時, 食材大陸化, 食物份量縮水等.設最底消費 --> 無寫幾錢, 但一定要叫杯飲品 ! 齌食係唔得架 !  一人一個食物都唔得! 齌飲又得喎! 所以最後係一人一碟加一大大大大杯飲品. 親眼見到有一jar冰鮮果茶幾乎無飲過被棄掉, 好多枱的飲品只飲到一半. 咁又何苦要限人飲野???? 會折墮架.  其實佢sell飲品都是重點, 所以份量大, 價錢當然係starbucks 之上, 但加上食物就真的太多了.排隊多過半小時其實都唔會去, 排隊時間 > 用餐時間, 其實只係想飲杯野者..…Read More

香港仔難得有非大型連鎖集團的食店開張，一定會支持支持。南洋餐廳吃的是星馬菜，有肉骨茶喇沙等等。這次我們穩穩陣陣，叫了..1. 咖喱雞 : 咖喱汁稀稀的，沒有咖喱味，只有顏色，更重要是...佢居然用重粟粉打"Hin"來造汁，糊糊的.卻沒甚味道...... 我都係第一次食到咁既咖喱汁.... 2. 烤豬手：幾好味, 夠脆, 有點像食脆皮乳豬呢~~ 份量足夠，價錢相宜 (唔洗$100) 推介3. 薄餅：原味薄餅不過不失，夠熱，不過唔夠乾身，送那個Hin汁咖喱雞就...... 唉..4. 薑絲炒芥蘭： 好難食。 難食不再於調味，而是芥蘭本身係很老很老，即使廚部已將芥蘭枝切得很薄片，佢既皮都全部都係硬渣...... 係全部呀! 普通人去街市買菜, 是不會買這菜回家的，不明白他們可以在那裡買到這個質素的菜.... 真的真的是老得不能要的, 卻煮給食客吃.... 本來還覺得可以再去這裡吃家常便飯的，卻因為這個芥蘭，令我卻步了。會否因為菜的成本上漲了，才將價就貨呢？ 我請願那菜份量少一點也沒所謂，因為價錢也只是四十多元，然而他既然煮給客人吃，就是砸掉了自己的招牌...…Read More

幫襯這裡很多次了，人多都抵食，還有不用等太久~ 大顆兒開餐首選，可惜........半年不見肥天使，餐牌肥了不少~ 物價高漲，加價少不免，可是有一些食物本來有3個價錢可選擇的，叫小份就可試多幾種菜式，現在最平的價錢沒有了，硬要附上中價，份量就是小價的份量，有些食物什至只有一種價錢可選擇，分別太大了。我們四個人，點了carbonara, 黑松露菌意大利飯，醬燒豬肋骨，雜菜湯。送的麪包中，最喜歡是有三角色軟軟的那款~ 可是整個麵包籃的份量太多，建議只給少量，可添食。雜菜湯份量適中，large portion有三碗~ 材料足~不俗。Carbonara沒特別，煙肉不夠，亦不香口，份量少。意大利飯很香很好吃~ 讚。最惡劣是醬燒豬肋骨，r美式餐廳中，ribs是否一種代表作呢???? 佢都算表表姐，一點燒的痕跡也沒有。什麼叫燒豬肋骨?????一上菜見到個顏色已知不妙，這個ribs我只可說是用白烚, 或者蒸完的肉, 加上蜜糖芥末汁而已。這樣形容一點也沒有過份。又或者像煲完湯的豬肉，上面加醬汁，蜜糖芥未汁還是正常味道。肉，淡而無味，淋節節的，跟汁的野味程度亦差太遠，格格不入。送的tiramisu 亦沒有酒味，做法跟從前的不一樣。還有每次很難才找到一個侍應生。總括來說，以這個價錢，這個質數，這個服務，除非打個六折，否則不會再來。…Read More

呢個唔係食評, 係意見!! 請食家們留意兼小心選擇, 以免失預算.想早訂早到, 14/9 11點網上訂貨, 寫住16/9 12點前, 或17/9 3-4時送到, 自己網上話就話即日覆單, 當然無影啦, 15號打去問, 留左電話就無回頭, 16號打去問, 又話送唔到我要既時間, 無得揀喎~ 你唔得, 早D出聲,無人怪你, 客人亦可以及早arrange搵第二個收, 這公司真係無誠意. 訂其他公司都唔會無頭無尾架. 最後同佢地位女同事即時取消左張單 (應該係留左電話無覆果個), 佢一句唔好意思都無就cut線. 我而家驚佢果日就話無取消過張單, 又送來呀! 好心唔夠人就請人, 做唔晒就唔好接單累街坊. …Read More

想去食燒豬仔, 怎知有落場時間, 六點先開, 肚仔餓去了這裡醫肚, 朋友介紹的.上次食過茴香鮮肉餃子, 今日我地試:西洋菜鮮肉餃 : 西洋菜不是時菜, 有點硬和有骨的, 尚算多汁, 味道鮮美~但十居其八都爆口, 皮算厚蕃茄鮮肉蕃薯粉: 雖然感覺上蕃茄唔太夾餃子 (個人喜好), 不過幾Fresh~ 唔滯~ 不錯, 蕃著粉是透明彈牙的條狀東西, 不易咬, 胃痛的人可少吃.麻醬伴南瓜麵 : 一流, 麵條不是凍的, 是室溫, 亦沒有南瓜味道, 只是有橙橙色, 但麻醬伴著青瓜絲~ 真的簡單又好吃.兩個人,四時吃完, 八時都未肚餓, 是否蕃薯麵或餃子皮有點滯肚呢?街坊價, 沒有下午茶餐, 人少, 坐得舒服, 有大電視.祈待再試其他餃子和小吃.~~*…Read More