yoyo_lmeauknog's Profile

Layback Cafe & Bar 係一間超有格調嘅西式咖啡店兼酒吧，店內裝修簡約工業風，水泥牆配埋熊啤啤、草泥馬公仔同埋張國榮黑膠唱片，感覺好有故事性。座位唔多，最好就book位先去。食物方面，Layback 以fusion菜式為主，融合西式、日式同韓式元素，每道都精心烹調，賣相一流。必試招牌「日本和牛粒」，和牛新鮮多汁，入口鮮嫩，散發濃郁牛肉香。另外叫咗款海膽帶子扁意粉，彈牙有嚼勁，帶子鮮甜唔搶味，用海膽汁煮有海膽味又唔會太漏，好層次！飲品選擇多樣，知道自己最尾會食甜品，所以點咗個花茶消滯。甜品推「開心果芝士蛋糕」，唔會太甜係香港人對甜品嘅最高評價😂，同埋佢勁有開心果味，不過食甜品真係要留肚，因為一件都已經好夠兩至三個人食。服務態度親切，店員效率高，雖然地方細，但氣氛熱鬧舒適，感覺好relax。價錢中檔，單人lunch約$150-200，性價比高，整體來講係會再去嘅一間Cafe。…Read More

何車車仔麵係香港一間備受歡迎嘅老字號，創立多年以嚟一直以物超所值嘅美味吸引唔少食客。佢哋嘅湯底清淡且鮮甜，唔會過鹹，特別係啱鍾意簡單自然口味嘅人。叫左個乜餸都有啲既十餸車仔面，餸料豐富，有經典嘅豬紅、蘿蔔、雞翼、陳皮魚蛋、雞翼尖、豬大腸、豬頸肉、炸魚片頭、魚肉春卷、炸腐皮蝦卷，款式多樣且新穎。當中我最欣賞既係陳皮魚皮，細細粒陳皮味又唔會令魚味冇左，蘿蔔煲得超入味，雞翼尖炆得好腍，入口即溶嘅感覺，雖然我唔係好食得辣，但係我都好鍾意食，但如果有得揀唔辣嘅就最好啦🥹而我覺得佢哋最特別嘅係可以揀撈麵同埋蕎麥麵，而且，餸料份量充足，性價比高，尤其係經濟套餐非常適合打工仔食晏。服務方面，員工態度熱情有禮又細心，當日員工見我食得慢個湯都冇曬既時候主動加湯俾我，真係好好。雖然經常人流多，但等待時間都唔算長。整體嚟講，何車車仔麵以其優質嘅食材、豐富嘅選擇同實惠嘅價錢，都會令我再想光顧！…Read More

係香港尼個時候做飲食業仲要係開酒樓，其實真係好唔容易。襟江酒家最近在旺角家樂坊重開，聽講百年歷史的老字號，而且主打以全手工製作點心為賣點，堅持不用任何預製菜，保留新鮮和懷舊的味道，所以靜係尼點都已經想試，食過之後更加覺得值得一試！酒家的裝修風格極具懷舊風情，有以前推車叫賣點心既車仔，不過環境當然冇咁大可以周圍推住問人食咩，多數都係見食客自己岀去拎想食既野。點心分6個價位，從25元到48元不等，見佢有多款少見的經典點心，好似豬膶燒賣、豉汁蒸魚雲、冰花雞蛋球等。而我自己試左其中一樣特別中意既係雀巢芋角，口感勁鬆軟，入面足料芋泥仲有少糧肉粒芋頭粒，勁有口感，係岀面啲酒樓真係好少食到🥹雪山叉燒包，又係岀色地鬆軟。蓮蓉西米焗布甸新鮮出爐。蝦餃燒賣去酒樓都必叫，仲有馬拉糕，尼三樣點心係係最突出到佢點心真係人手整而非預製，因為蝦餃燒賣個皮好薄，而且蝦同肉都鮮脆彈牙，馬拉糕係軟綿綿個種，唔係實的的個種，自己係幾中意。自己覺得最值得讚嘅係個糯米糍，可能因為的自己本身中意食尼類食物就特別有要求，糯米糍係即刻包，個皮唔會太厚，有包得晒啲餡，糯米糍係芝麻餡，用咗芝麻打碎再加砂糖，好有口感，又唔會太甜👍🏻👍🏻👍🏻😍用餐環境潔淨友善，但係細左少少，不過香港寸金尺土既地方都明白酒樓已經係盡咗力，設計都有用心保留以前酒樓有一對龍鳳喺埲牆，真係有年代感，打卡一流。服務態度親切，不過可能真係新開，問啲員工野既時候係會有少少迷惘🤣。同埋始終新開都好多人去食同排隊，建議可以打定去訂位咁就唔洗等。總括嚟講都係一間好值得去既酒樓，野食都好食，價錢都比起大酒家係貴少少，但手工點心尼點都會值回票價，所以表示極度支持，值得去試👍🏻…Read More

古今是一間非常值得一試的日本料理餐廳，係雅蘭中心個間既裝修比較現代風格，一啲都唔似日本餐廳，感覺很放鬆。本身book 左7點半但早到，待應都肯俾我入去坐住等，態度親切有禮，效率也很高，不過要留意既係平時如果多人既話都有限時90分鐘既用餐，如果想同朋友促膝詳談就揀其他餐應啦。餐廳的食物品質穩定，無論是刺身還是壽司，都相當新鮮。我地兩個人叫左個「今」二人餐，有一個沙律，一個小前菜，一個小鍋物，一個壽司卷，一個五款既刺身，最後有杯野飲同甜品，最後埋單六百幾蚊，價錢合理。沙律正常發揮，用料都新鮮，爽脆的沙律菜，層次感十足，令人印象深刻。小前菜揀左燒茄子，面頭有勁多櫻花蝦，勁正。鍋物要左個壽喜燒牛肉，份量足夠，係啲牛肉質較韌，但味道係唔錯。卷物揀左個富士山，融合了鰻魚、蟹柳碎、芝士和脆片，口感豐富且配合得恰到好處，十分開胃。魚生雖然冇得揀款，但佢都係選擇左普遍香港人中意食既三文魚、帶子、生蝦、油甘魚同北寄貝，用料新鮮，口感甜美。最後甜品係紅豆仙草，做結尾唔錯。正當我地食完曬所有主菜，叫待應上甜品既時候，待應上左個刺身俾我地，先發現原來未食刺身，若果刺身早啲上俾我地會更好。總的來說，古今是一間能讓你品嚐到多款創新與傳統日式料理的好地方，無論是朋友聚會還是拍拖約會都很合適。下次想再試其他創新菜式，值得推薦！🍣✨…Read More