Min~*'s Profile

今日同朋友出去荃灣行街~大家都突然好想食壽司~記起哩到有一間''大作''....咁大家就去試下啦~~入到去~計埋我地2個人~都只係得4枱客~一坐低先叫左我地最愛 ''蟹籽沙律''~因為唔食生菜ge原因~我地轉左用青瓜絲~再叫 ''10片三文魚刺身''~仲有玉子壽司等~個沙律一黎到~我地已經打左個突...因為佢成個面都係''卡夫奇妙醬''...都算~我地撈好, 食入口~唔知點解會有一陣好怪ge味道...怪到唔識去形容~最後個沙律比我地放棄左~之後三文魚刺身~冇咩味...仲有骨...玉子壽司因為冇用紫菜條''綁''住, 一夾起就蛋飯分離...途中我地想再試下啦~比多次機會~想order ge時候...一個侍應都冇...原因係佢地坐埋一張枱吹水同織頸巾!!!要不停叫''唔該!'' 先有位姐姐仔好唔滿意咁行埋黎...叫多個下午荼餐試下, 係日式餃子 + 烏冬 + 汽水 + 中華沙律諗住食哩d一定冇死啦~~~之後個姐姐仔拎個烏冬同餃子黎ge時候...佢竟然就咁將餃子個碟放上碗烏冬上面....一隻手拎過黎..就咁放低就算數~我地當堂呆一呆 真係好想同佢講...個烏冬要食架~而家你實知係個碟係乾淨ge咩!?中途我見到隔離枱係食 ''任食'' ge~同個位姐姐仔講~有個三文魚壽司冇黎到~個姐姐仔只係講,,你地都冇點到~其實人地都係任食架喇~你加返單~出返比人咪得囉~做咩仲要走埋去同個客係到爭吵呢?反正你加返單比人~人地又會要比多左錢~你又唔係會收少d~最後我只可以講哩間野...不可一..不可再!…Read More

今日我地兩個專誠去試左 hot dog family 喇~確實真係無得頂!!我地誠意推介 蒜香煙肉芝士熱狗餐 ~我地自己今日就叫左兩客~分別係 A汁 同 B汁~A汁 : 茄汁同芥辣混埋一齊個隻味道好特別~夠香濃~麵包烤得香脆~加上溶左GE芝士~令人食過番尋味~B汁 : 香草加上微辣入口味濃~最O岩鐘意濃味GE人~正!!!食完之後~過左好耐都仍然留係口入面~真係齒夾留香呀!!!最後要特別推介佢杯榛子咖啡~榛子味夠哂香濃~但又唔會冚左咖啡ge甘香~喜歡咖啡GE人~真係不妨一試~最後一定要讚GE係~佢地真係非常非常好好禮貌~一行埋去~佢地已經好有禮貌咁介紹佢地GE食品~一知道我地專誠去試佢地GE熱狗GE時候~佢地仲要不停咁多謝~最重要係佢地全程都係面帶笑容~令到我地食都食得開心D …Read More

之前成日係KF見到間港城風味~見佢好多野食咁~咁我就試下係open rice 搵 港城風味 啦~見到好評比例都ok多喎~咁個日我就去試下啦~咁我地叫左一個 海南雞飯 同一個吉列豬扒拉麵 ~叫得港城風味~咁當然就試下奶茶啦~所以叫左杯凍檸茶同凍奶茶~一黎到~就試下奶茶先~...嗯.....冇甜味啦....同冇咩茶味~檸茶就一d甜都冇~咁唯有問下可唔可以加返d糖水落去啦~佢地ge服務都好好~係即時比兩杯新ge我地~不過可惜~比第一杯更差...奶茶連個少少ge茶味都冇埋~而檸茶係冇變過~都係咁~咁個海南雞黎左~先係個飯~係白飯而唔係雞油飯~d雞一d都唔滑~未試過見到我男友可以食哂碗飯都唔肯食d雞ge...到個拉麵喇~個湯都係冇味ge...唔知個日係我地兩個味覺有事定點呢~真係一d味都冇架喎~d麵都ok ge~個塊豬扒呢~好薄...外面炸到好硬~硬到好似食緊玻璃咁...''界''到喉嚨好痛~最後要係個都到勁加鹽同pepper先夠味...唯有快d o拿o拿聲食完走人囉~…Read More

話說個日同男友兩個人係旺角行街~之後有個男人走埋黎話開左間新餐廳~講到好好咁~咁我地兩個就走左上去試下啦~上到去~侍應招呼左我地去入面坐~放低餐牌之後~就再冇理過我地喇~因為我地坐左係入面~而佢地又唔行過黎ge關係~我地舉手佢地又見唔到~叫''唔該''佢地又聽唔到...都唔知想點...好辛苦之後終於落左order喇~一份T骨扒~一份雞扒~T骨扒好''林''~不過冇咩牛味~雞扒好咸~都係得個咸...羅宋湯係酸左dd~唔係都幾好味ge~最後本來都覺得ok ge~但係後尾佢有一枱8人客~咁就坐左係我地隔離~6人枱~其實如果同我地講~我地唔mind轉枱~不過個侍應係好大聲咁同人講~佢地走架喇!!嘩....小姐...你在趕客嗎?…Read More