yanbe-1314's Profile

今次因為同朋友補足生日，我選擇咗位於銅鑼灣的Mr. Steak 自助餐，一向以高質自助餐聞名，從沙律到熟食、海鮮到甜品，選擇豐富且品質出色，絕對係食肉獸同海鮮愛好者的天堂！平日嚟到都好full，餐廳景觀開陽，窗邊仲可以睇到海景。座位間隔適中，坐得舒服，食得更加舒服。海鮮區有生蠔、龍蝦、蟹腳、青口、鮮蝦、螺肉等等。每人每次可以攞一隻龍蝦，次數無限制。生蠔好新鮮，食落海水味重。龍蝦肉質彈牙，鮮甜味十足，肉質紮實。蟹腳有濃濃嘅海水鹹香味，食得好過癮。鮮蝦新鮮彈牙，味道十分鮮美。刺身有三文魚、北寄貝、八爪魚、吞拿魚等等。我試咗三文魚，鮮味十足，帶有淡淡嘅魚油香。旁邊仲有各款熟食壽司，例如蟹柳壽司、腐皮壽司、玉子壽司等，選擇非常豐富。頭盤方面有香煎鵝肝配陳年黑醋醬，鵝肝外脆內嫩，油脂豐腴，配上酸甜黑醋醬，味道一流。沙律吧選擇多樣，既有清爽嘅雪燕水果蝦沙律，搭配鮮蝦同水果，口感豐富又養顏；麻辣豬耳黑木耳同泰式無骨鳳爪沙律則香辣開胃，適合鍾意重口味嘅朋友。水牛芝士蕃茄沙律同華多夫沙律都做得唔錯，芝士濃郁，蔬菜新鮮。熟食方面，餐廳而家主打佐賀和牛，有鐵板燒佐賀牛、慢烤鹽麴燒佐賀牛扒、炎燒壽司。鐵板燒佐賀牛入邊有炸蒜粒，食落香口，牛肉薄薄地，充滿油香。而牛扒質地較紮實，肉味濃厚，仲有和牛帶嚟嘅油脂感，可以自由配搭炒蘑菇、翠玉瓜、薯蓉等配料。師傅會即場燒和牛壽司，香氣四溢，質地柔軟。其他特別有北海道白樺豚壽喜燒同鵝肝多士。豚肉壽喜燒吸滿醬汁，甜甜地，底下仲有娃娃菜同粉絲。鵝肝多士油香四溢，食落好Creamy，多士中和咗鵝肝嘅油膩感。甜品方面選擇多樣，可以要求店員喺碟上寫上祝福字句，幾有心思。而且不同類型的酒可以任飲，包括紅酒、白酒，真係非常過癮！ …Read More

今個月是朋友生日，所以今次專登搵咗一間位於銅鑼灣駱克道的「壽兵衛」，係正宗關西風嘅壽喜燒。店內環境以傳統日本木系吧枱，環境優雅舒適。**前菜三點** 首先是磯煮鮑魚，質感剛剛好，軟硬適中還帶點嚼勁！然後是水雲草，酸酸甜甜的，吃起來特清爽。最後是螢光魷魚，鮮美得讓人驚喜，每一口都爆汁，真是不錯的開胃菜！**刺身** 北海道的帆立貝肉質超嫩，甜甜的；鰤魚刺身口感滑滑的，味道鮮美；牡丹蝦彈性十足，鮮甜又有嚼勁；拖羅更是入口即化，油脂豐富，所有刺身都新鮮得不得了。**穴子茶碗蒸** 這道滑嫩的蒸蛋裡加了鮮美的海鰻，香滑味道好。**壽喜燒** 師傅先把厚燒牛舌煮了，配上很多洋蔥、酸甜的醬汁、淡雪鹽和蔥，牛舌煮得剛剛好，外焦內嫩，口感彈牙，洋蔥的味道也很清新。**仙台A5霜降和牛西冷** 每人有兩片仙台A5霜降和牛西冷，分兩次煮，每次一片肉加一些蔬菜。和牛的油花分佈得很均勻，切得薄薄的，只要煮一分鐘就好，肉質嫩滑，油脂豐富，入口即化，還可以搭配生蛋，口感更滑。值得一提的是，壽喜燒的醬汁調得甜鹹剛好，味道不會太重。白飯和烏冬可以幫助減膩，還能讓人飽足。舞茸菇的清湯湯頭清澈，香氣濃郁，喝起來特舒服。最後來碗開心果雪糕，日本蜜瓜香甜口感細膩，甜而不膩，真是為這頓飯畫上了完美的句點！…Read More

今日朋友帶我黎左呢一間位置TST厚福街的一間「主打豚肉串燒」的居酒屋🏮去得居酒屋，點少得飲返杯先呢🍻餐廳晚市酒精飲品買一送一，岩晒我同朋友，可以邊飲邊傾計。入面環境寬敞舒適，裝修以木糸為主，充滿日式居酒屋風味，還設有吧枱位置。九條蔥卷九條蔥再配合豚肉薄片，燒到外層香脆，帶有香濃嘅蔥香味，勁Juicy黑豚豬肉腸肉汁相當濃郁，每一口都充滿肉汁，令人回味無窮豚肉鵪鶉蛋外層燒至香脆，加埋鵪鶉蛋唔會太油膩，每啖都食出豐富嘅層次感白金豚肉豚肉燒至金黃酥脆，味道濃郁，肉質鮮嫩多汁飯團 （明太子/三文魚）外層燒到微微焦香，夠惹味，口感層次豐富豬大腸口感爽脆，食落唔會太油膩，值得推介…Read More

近期身邊太多朋友去日本🇯🇵旅行，令到我都有思鄉病發作，所以忍唔住就約埋朋友去食返餐omakase🤭今次揀咗位於尖沙咀H-zentre既「鮨燐」，日式餐廳設計高尚，以傳統日式木係吧枱，環境優雅，座位舒適。最近仲做緊週年祭正價65折，季節限定晚市14貫壽司套餐👍🏻提提大家如果想去的話，記得要預早訂檯，因為都很Full ，當日都係滿位的。 首先送上廚師特製的開胃前菜:慢煮鴨胸，新鮮腐皮配松葉蟹，昆布絲赤水母醋物。*伊佐木 脂肪豐盈，肥美甘香，味道鮮甜彈牙*帆立貝 肉質厚實，口感滑嫩爽口*深海池魚 肉質鮮嫩肥美，入口魚油甘香細膩*紅獅魚 帶有油脂香，配上麵豉醬，肉質細嫩，味道層次豐富*火炙右口魚 左口魚邊火炙過之後油脂感提升，食落軟滑甘香*北海道赤貝 經師傅拍打後，令肌肉收縮，更彈牙爽口，再配上青檸，柚子皮，帶來清新又爽甜感。*車海老 口感彈牙，肉質鮮甜，加了柚子皮，鮮味咁突出，勁清新*火炙金目鯛 肉質細膩，油香滿滿。*火炙梭子魚 磨碎芝麻 肉質細嫩，味道鮮甜*黑陸魚 魚皮火炙過，迫出魚脂甘香*中拖 鮮味又帶魚油香，油膩非常豐富*吞拿魚 加上蔥薑花鹽，入口肉質細嫩*北海道橙馬糞海膽，質地柔滑細緻，鮮甜無比*火炙大拖加京蔥 油脂感豐富，入口即溶，並以京蔥提香最後以自家製抹茶奶凍作為甜品，為今餐盛宴劃上完美句號…Read More

今日閨蜜帶左我去慶祝生日，今次去左尖沙咀H Zentre 既日式雞尾酒會「Room 3」，餐廳融合日式居酒屋料理同現代酒吧風格，環境時尚有格調。*Pink Christmas充滿節日氣氛cocktail，入口花香味，加上西柚同青檸，清新容易入口*無花果脆薯蟹籽沙律沙律配上青瓜絲，蟹子，蟹柳絲，同埋新鮮無花果，上面還加上脆卜卜既脆薯，口感有一番層次，令人更加開胃*吉列日本蠔新鮮炸起金黃酥脆，勁鮮甜*雞翼釀鮑魚用無骨雞翼包住鮑魚一齊燒，啖啖肉非常惹味*北海道辣味魷魚肝汁松葉蟹肉意大利麵新鮮松葉蟹肉，十分鮮甜，帶少許辣，十分惹味最後燒菠蘿和日本芝士蛋糕都令人驚喜，為晚餐劃上完美句號…Read More

好友知我鐘意食係日本野，特意揾左呢間位於尖沙咀H Zentre 的高質日本餐廳「炑」，本主打日式割烹料理，但改為 omakase 。餐廳裝修充滿日系風格，以木糸為主，簡潔舒適。餐廳全吧枱的設計。設有14個座位，非常建議食客要提前訂位。*汁煮白梅貝前菜先來一個口感爽脆，味道鮮甜清新的白梅貝作開胃前菜 *茶碗蒸 以瀨尿蝦作主角的茶碗蒸，口感嫩滑，富蛋香 ，配上北海道瀨尿蝦蒸蛋，加入咗瀨尿蝦，所以特別鮮味～再加上有少許柚子皮，好清新嘅感覺*薄切深海池魚肉質非常鮮甜，最適合用呢啲酸酸甜甜嘅醋汁更開胃*赤崎蠔生蠔好Creamy 帶點海水味，還配上帶少許有羅白蓉+酸辣汁更加帶出好味嘅鮮甜～*白醬煮北海道北寄貝北寄貝十分鮮甜，入口清新爽口*松葉蟹春卷 北海道松葉蟹炸卷，炸得香脆不油膩，材料除咗松葉蟹肉，仲有蟹膏、洋蔥做餡料，鮮味十足。 *野生獅魚脂肪分布平均～口感細膩，風味鮮甜，腩位脂肪咬落入口即溶*炙燒野生獅魚鮫炙燒後獅魚，油香用紫菜夾住，口感一流，魚油香久久未散。*A4近江和牛，茄子和牛肉味濃郁，而茄子吸滿咗和牛湯汁後，味道更佳*北海道帆立貝炸得外脆內軟，唔會油膩，勁鮮甜美味*炸富有柿天婦羅平時唔食杮的我，今次真係第一次食，完全想像唔到，可以做成炸天婦羅，外面鬆脆，內裏多汁鮮甜，值得一試*是日釜飯蟹肉 、江之島白飯魚、三文魚子八方飯底有雞肉 甘荀，兩人share一個釜飯，有飽足感 *麵豉湯 最後配上一碗暖和的麵豉湯暖暖胃 最後以日本蜜柑果凍作為甜品，口感清甜，為今餐盛宴劃上完美句號…Read More

為左同好閨蜜👭慶祝生日，就俾我揀咗呢一間位於中環都爹利街的煤氣路既高級餐廳「A Lux」 ，步入餐廳，充滿浪漫氛圍，環境古典優雅。呢度嘅廚師團隊都好勁，曾任職米芝蓮餐廳大廚，出品有保證！而家仲係週年慶特別優惠，午市，晚市全單有八折😍同埋會送上三款不同款嘅包，有牛角包、芝士脆片、香草法式麵包等，另外配上橄欖油加黑醋👍🏻特別一讚係香酥既牛角包🥐牛油香氣濃郁😋前菜係蟹肉撻，鮮味蟹肉先打開味雷😋Burrata Cheese, Parma Ham, Fig, Walnut Vinegar鍾意Burrata Cheese，入口creamy軟滑，裏面奶香十足，加上Parma Ham十分好食，再加上無花果、合桃醋層次，味道更豐富Spanish Pork Pluma, fresh chorizo, Romesco SauceIberico pork pluma 係黑毛豬豬肋眼，中間肉色帶粉嫩，外面已變褐色，常被稱為豬中和牛，味道香濃，口感柔軟，Pork Pluma 加上西班牙Romesco Sauce 紅椒醬味道更上一層樓，旁邊加上幾塊Chorizo 西班牙臘腸風味十足Strozzapreti, Braised Duck Ragout, Wild Mushrooms, Baby Spinach家鄉燜鴨野菌手卷意粉意粉，用上香港較少見的手捲意粉，簡單地與新鮮番茄醬同野菌煮成，加上手卷意粉彈牙口感，整體味道酸甜好開胃栗子提拉米蘇入口充滿幼滑香濃的栗子忌廉，入口滿滿忌廉香，加上脆脆外層為整個Tiramisu 增加口感，甜品絕對可以媲美高級酒店質素！後後小食Petit Four有Hazelnut macaroon 、松露朱古力、Madeleines最後一杯earl grey tea 劃上完美句號…Read More

今日約咗啲姊妹嚟呢度聚會。舖頭裝修係復古中式風格，可以品嚐到傳統酒樓嘅味道，店員服務態度好好，服務好貼心周到～功夫湯 用嘅係赤肉熬煮嘅，可以感受到店家用心熬煮咗幾個鐘嘅味道，湯底好濃郁，用料十足又鮮甜，每一啖都係精華。燒味雙拼叉燒同燒鵝。叉燒有燶邊超正，甜甜地，超級香口，肥瘦相間，忍唔住一舊接一舊🤤肉質好嫩，食完都唔會覺滯。燒鵝都好味啲皮燒到脆卜卜，入口濃香，鵝肉嫩滑，一吃就會愛上這味道🤭主菜我哋揀咗乾逼拆蟹肉粉絲煲。滿滿嘅蟹肉，真係份量十足！蟹🦀粉絲吸收咗煲底嘅精華，食落去每一口都係海鮮嘅鮮味，真係讓人食得意猶未盡😍最後仲加咗個燒汁木魚花茄子，茄子燒得外脆裡嫩，配上木魚花嘅鮮香，味道豐富，食落去回味無窮。家庭聚會或者同朋友聚餐都好啱。地方好大又乾淨企理，最緊要梗係啲嘢食好好食😋…Read More

聽朋友講大埔L’AMOUR好高評價，原來中環開左分店，終於有機會去試下！門口似酒吧，其實係一家法國菜餐廳，一入餐廳門口有白色透明鋼琴同大朵玫瑰花，中非常吸睛。昏暗的燈光環境感覺有情調帶點浪漫，非常適合打卡約會午餐有set lunch ，2 course $238，3 course $258，4 course $338有wine pairing，House wine 易入口餐包好鬆軟，配香草牛油前菜：自家製手工意大利鮮蝦雲吞前菜：焦糖法國鵝肝撻外層撻皮香脆，鵝肝慕絲入口鵝油香味四溢乾式熟成紐西蘭法式羊仔架 Dry Aged New Zealand Lamb Chops +$68羊架都幾厚，同牛扒一樣入口有炭香，羊肉帶有少少脂香，亦唔會羶味，烤到7成熟，裏面剛熟之餘依然JuicySeafood Pearl Barley with Lobster Sauce 法式龍蝦湯海鮮薏米飯海鮮湯鮮味，再加上有鮮味大蝦、青口，另外薏米飯有口感，整體味道好夾好好食最後放鬆一杯咖啡，為午餐畫上一個完美句號…Read More

難得同朋友夾到同一日放假，又冇乜野做，見好耐都無去過東涌既Outlets 行下，今日就同佢去shopping一下🛍️行到肚餓，就俾我發現有間日式既居酒屋😍見環境寬敞，入面裝修以木系為主題，比人感覺好舒適。呢度仲要有三種唔同嘅二人餐俾你選擇😋而我同朋友就揀咗個豪華二人套餐🫶🏻溫泉蛋慢煮日本雞肉凱撒沙律🥗沙律菜好新鮮，日本雞胸肉好嫩滑，加咗麵包糠脆脆有口感大海老天婦羅 🍤即叫即炸，炸得非常酥脆鬆化，肉質鮮甜Firebird 名物重量級火焰原隻雞腿呢個係餐廳嘅招牌菜「火焰原隻雞腿」一上枱店員就會淋少少洒係面，然後會再點火，視覺效果滿分，之後店員會幫手將雞腿切件，方便我哋食。雞肉燃燒後仍然嫩滑多汁，辣辣地好惹味精選刺身盛合（5品）有三文魚，油甘魚，帆立貝，三文魚子，甜蝦刺身非常鮮甜火山熔岩鮭魚卷鮭魚卷炸得香脆，內裏鮭魚軟淋，再配上黃芥辣，沙律醬及山葵，微辣，層次豐富，呢個係必叫之選Cocktail 🍸 「Berry Kisses,Tiffany Sour」賣相吸引，加上有少少酒味，容易入口。雨滴餅日式甜品，配上黃豆粉同埋黑蜜，食落唔會太甜。…Read More

放工就梗係搵個地方同朋友happy hour🍻同朋友就揀咗喺銅鑼灣食飯，傾吓偈。見到呢個環境都唔錯，以霓虹燈做裝飾，裝潢型格時尚，好岩放工chill下。🤩頭盤係蕃茄🍅蒜味沙律，溫室蕃茄, 好新鮮, 爽口味甜, 吃得健康, 配醋汁, 蒜子, 蔥, 好開胃!梅乾威士忌Highball梅乾威士忌🥃割水，威士忌味道香濃，再加上梅乾既酸甜，口感獨特。螢光魷魚🦑螢光魷魚漬，日本料理常見菜都系用酒醃製，酒味濃郁但又蓋唔住螢光魷魚鮮味，帶少少咬口，配酒真系好正🍻👍🏻避風塘茄子🍆避風塘茄子以蒜，辣椒等調味，帶有微辣既風味，飲緊啤酒個時，非常愛追住食，一啖啤酒一啖避風塘茄子，令人勁開胃。明太子御好燒 出名御好燒，今次就叫咗明太子口味的，鹹香味十足而且食到多重口感，有椰菜嘅爽脆，明太子沙律醬嘅香濃，御好燒嘅軟綿綿，另外可以自己加埋紫菜同埋紅薑。口感層次豐富又惹味豬茜卷🤪豚肉片包住炸蒜、蔥、芫荽，芫荽愛好者一定要叫，非常Juicy。🤤鐵板活北寄貝 😍北寄貝，勁鮮甜又juicy，帶有濃香既牛油味，十分美味…Read More

今日放假去左茘枝角做下Yoga,知道附近新開左間日式居酒屋，就約埋朋友去試一試。可能剛剛新開的關係，人流不算多，但環境真係唔錯，裝修充滿日式風情，氣氛好舒服。首先黎番杯梅酒飲下Relax 下先啦月見宮崎和牛卷呢個和牛卷，上面加上蛋汁，口感多左個唔同層次，好食，但分量如果多少少仲開心秋田煙煄蘿蔔薯仔脆脆沙律好重薯仔味🥔再加左脆脆，口感都幾特別月見薄燒宮崎和牛飯呢個真係必叫，一黎到都即刻嘩一聲，之後會有店員再親自幫你燒，再自行選擇自己喜愛既調味，勁好食🤤最愛食牛的，一定要試下。金丼。月見海膽三文魚籽拖羅蓉滿滿的三文魚籽再加拖羅蓉海膽，真係無得輸啊勁鮮甜海膽天婦羅呢個口感都幾得意自家製雞皮蝦外係雞皮內裏係大蝦🍤外面燒至金黃色，外皮又香又脆，內裏肉質保持鮮甜彈牙，值得一試…Read More

香港人幾耐無去過日本，有幾掛住日本新鮮海鮮？幾掛住日本居酒屋？朋友知道我好想好想食日本水產，帶路下去到位於尖沙咀棉燈徑浜燒地方，食材新鮮，完全有日本居酒屋店內濃厚日本居酒屋色彩，令我想起那年沖繩旅行，一邊飲酒一邊食浜燒梅乾燒酎 居酒屋一定會飲返兩杯，我order 最喜愛梅乾燒酎，有梅淡淡香氣，酸酸甜甜，好適開胃大蝦鬼殼磯燒大蝦鬼大概4寸長，燒大幾分鐘，大蝦入口鮮甜，蝦味濃而且非常厚肉芝士蟹肉甲羅燒松葉蟹加芝士、蟹膏、蟹籽、蛋燒幾分鐘，未食已經好香！入口粒粒蟹籽脆脆口感，蟹膏鮮味無比，仲有陣芝士香三文魚壽司拼盤三文魚壽司有唔同配搭，有三文魚子、黑松露、海膽海膽軍艦海膽都唔少！海膽鮮甜慢慢口中融化感覺，真係好正！甜蝦刺身刺身都幾新鮮，特別蝦頭膏入口甘香無比…Read More

去完日本耳油未盡，掛住日本食材，如果唔係朋友帶到去尖沙咀漆咸，我都唔識黎。Omakasa lunch$530 十二貫都幾幾抵食，幾百蚊都食到Omakasa，lunch幾百蚊環境仲比築地幽美，掛住日本時候去止下癮  店內只有10個座位，平日午餐時段客人不太多， 壽司師傅專心serve 我同朋友，坦白講感覺好過日本 我order 12貫廚師發辦 $530，有12件壽司、茶碗蒸、湯 同 甜品  第一道菜是蒸水蛋，入口滑仲有粒大蝦食完茶碗蒸就開始12件壽司 1. 鮮帶子上面灑上柚子皮、柚子鹽帶出鮮味2. 石鯛上面自家調配新鮮紫菜醬3. 真鯛先燒魚皮加梅子醬4. 金木鯛先燒上魚皮再加上炸京蔥絲5. 間八上面蔥蓉6. 池魚上加蔥同日本薑蓉，入口有微微麻油而且薑蓉只有香而唔辛口7. 甘蝦上面有燒過蝦頭膏，入口甘味無比8. 熟成拖羅燒過後上加washibi 菜苗，入口油香四溢9. 赤海膽入口即溶甘香無比10. 小肌肉質細嫩味道鮮美再加白昆布調味11. 右口魚非常大件，首先灸燒出油香，再包紫菜，入口油香四散，非常回味12. 干瓢卷係加了秘製的醬油處理過胡蘆瓜，進食時唔需要調味料都滋味十足 最後有湯、甜品抹茶厌餅拼雪糕，厌餅唔會好甜，食完先食再食提子冧酒雪糕，好滿足 我個人最欣賞因係師傅小心思，食完濃味壽司甘蝦會整鹿兒島金吉仔連皮食，refresh 味雷，準備下一道壽司…Read More

朋友約午餐去Chez Bistro，店內裝修有歐洲feel，同平日繁忙銅鑼灣好唔同，入到去好似平行時空咁好chill 食午餐
$162起就有齊沙律、餐湯、主菜、餐茶叫完野食，店員拎左籃餐包，仲有幾款揀，牛角包熱辣辣好好食，蒜蓉包好香口，好食到都食左幾個麵包沙律有片法國煙燻三文魚，配牛油生菜，BB 菠菜沙律，加上甜甜地柚子蜜糖汁，都幾好食是日餐湯係北海道南瓜忌廉湯，入口好香滑香煎澳洲穀飼去骨羊鞍配羊肉燒汁羊鞍粉嫩粉紅色，入口肉質柔軟 juicy，中間有層少薄薄羊脂，肉加少少羊脂更香最後加杯餐茶，為午餐劃上完美句號…Read More