xzy16's Profile

廚師特選壽司（10貫+手卷1件） $398
壽司整體都好高質，醋飯👍🏻刺身厚身新鮮👍🏻另外，每個餐都配小碗茶漬飯，裏面有鯛魚片同埋米飯，清香暖胃。真雕壽司：魚肉細膩鮮甜，入口滑順無腥。油甘魚壽司：油脂豐富，肥美較嫩。深海池魚壽司：肉質彈牙。池魚壽司：爽口，質感輕盈。赤身壽司：肉質緊實有咬口。帆立貝壽司：冇得輸，厚實彈牙，好juicy🤤魷魚壽司：魷魚爽脆，咬落有嚼勁。赤蝦壽司：鮮甜厚肉。蟹肉壽司：蟹肉綿密，蟹膏香濃。海膽壽司：海膽鮮甜爆汁，同日本市場食有得比。吞拿魚腩手卷：手卷海苔脆口，吞拿魚蓉綿密足料，唔會膩，正！😍火炙漁夫丼 $208
海鮮燒得好香，種類又豐富（應該有4款）。海鮮例如帶子、三文魚等火炙後表面微焦金黃，內裡鮮嫩多汁，同樣配茶漬飯暖胃。仲有蘿蔔漬係飯裏面，食落味道唔會太寡，賣相色澤鮮豔好滿足！Suntory蜂蜜蘋果酒 $68
好易入口！蜂蜜甜香配蘋果酸爽，酒精度溫和，冰涼清新～奇異果乳酸 $38
奇異果酸甜juicy，乳酸順滑氣泡綿密，同樣清爽。賣點🫰海鮮夠新鮮，雖然係bar枱但都坐得舒服位置唔算多好味度：8.6/10…Read More

各式燒物串燒，選擇多樣，從蔬菜到海鮮肉類一應俱全，最平$10起，仲有個熱盤擺串燒。餐廳空間幾大，每枱都有適當空間，岩gathering。🌟鴨屎香檸檬茶 $38
檸檬茶酸甜帶香，鴨屎香味道濃郁，口感清新，適合解膩。香燒翠玉瓜 $10/串
翠玉瓜燒得外脆內軟，少少牛油香，$10唔錯架鹽燒五花肉 $10
五花肉肥瘦分明，鹽燒後表面微焦，肉汁鎖住，唔算好濃味。蒜蓉燒冬菇 $10
冬菇吸滿蒜蓉汁彈牙。汁燒金菇五花肉捲 $10
五花肉燒得香脆多汁，照燒汁幾match。鹽燒雞腿肉 $15
雞腿肉肉嫩，鹽味均勻。麻辣雞腎 $15
雞腎彈牙爽口，麻辣調味入味，辣度適中，帶鮮味。燒汁秋葵 $15
秋葵燒後保持脆口，燒汁口感清脆帶甜。爆茜汁雞肩肉 $20
雞肩肉厚實，爆茜汁唔算好濃。鹽燒雞膝軟骨 $20
軟骨燒得脆口，鹽味均勻，咬落有嚼勁。鹽燒牛舌尖 $20
牛舌尖大片，牛味濃郁。汁燒金菇肥牛卷 $20
同五花片差不多。綠茶$20🌟牛油燒BB蘆筍 $28
蘆筍脆嫩，牛油香氣濃郁，燒後表面微焦，口感豐富。汁燒牛肋肉 $28
牛肋肉肥美多汁，照燒汁燒後肉質軟嫩。🌟熔岩炸蝦球 $38
蝦球外層金黃酥脆彈牙，內裡有芝士要小心燙，邪惡但好味😙🌟汁燒白鱔 $38
白鱔燒得外脆內軟，口感彈牙不錯。蒜蓉燒原條茄子 $38
茄子唔算好軟糯，但蒜蓉汁滲入肉質，正常發揮。蒜蓉燒珍寶生蠔（買一送一） $58
生蠔大隻又新鮮飽滿，蒜蓉燒鮮甜濃郁。🌟冷撈汁珍寶生蠔（熟）（買一送一） $58
個汁隻出色惹味！生蠔口感滑嫩，汁味滲入，鮮味突出。賣點🫰種類多樣（仲有主食）、即燒、坐得舒服（音樂唔算大聲所以適合傾計）、味道正常發揮好味度：8/10…Read More

空間感okay夠大，坐得都舒服，Airside拉麵黎講唔算好貴 橫浜終極Max拉麵（粗麵） $118 + 火炙叉燒（+$5）
拉麵有得揀粗/幼麵。湯底豚骨濃郁，油花厚厚但唔會膩，粗麵超吸湯，爽口有嚼勁！海苔香脆，溏心蛋流心金黃，火炙叉燒肥瘦均勻，表面燒到微焦香氣，離遠都聞到香～日式炒飯 $68 + 升級A5和牛（+$10）
一碗飯多啲嘅size，應該夠細食女仔食（唔想食太多澱粉）。粒粒飯香脆，蛋香+牛香撲鼻。升級A5和牛係唔同啲，和牛粒肉嫩又香，牛味同飯香完美融合，和牛炒飯呢個價接受到。唐揚炸雞三件 $38
驚炒飯唔夠飽叫多個小食，食多兩舊就飽。炸雞外皮金黃超脆，咬落「咔嚓」聲，內裡juicy肉嫩，唔算好油，三件都大件。賣點🫰性價比、味道好味度：8.5/10…Read More

朋友想食點心，於是揀左呢間外型幾sharp醒，風格又幾復古得黎又有啲卡通嘅龍點心。我地坐卡位，空間幾寬敞坐得舒服，可以QR code落單！蟹粉時蔬 $88
應下節，叫左蟹粉，同時又可以食吓菜健康啲。蟹粉香濃滑溜，啖啖肉。配菠菜苗定豆苗（？）翠綠爽脆，係我哋兩個都鍾意食嘅菜！兩者足料，夾埋入口鮮味爆發😍蘿蔔絲酥 $42
足料，飽肚。酥皮薄脆金黃，一咬「咔嚓」散開，蘿蔔絲軟糯微甜～龍遊精選燒賣系列 $70
燒賣賣相精緻，皮薄餡多，六粒都唔同味道。六粒都各有特色，味道偏濃味，包括有馬友鹹魚燒賣、蝦醬墨魚燒賣、黑胡椒蟹燒賣等等。欣賞佢嘅創意，仲可以一路試，一路同朋友估係咩味道🤣一試無妨！龍餃子 $48
圓碌碌賣相都係好可愛🤩 蝦餃皮彈牙，內餡鮮嫩，味道特別，例如：松露野菌晶瑩餃松露味出；酸菜魚喺蝦餃上面，酸酸地幾特別👏🏻豉汁排骨蒸陳村粉 $58
陳村粉煙韌吸汁，排骨軟腍，經典港味。餐廳門口仲擺放咗啲有關點心嘅紀念品，又可以宣傳香港特色，幾唔錯。仲有啲拉絲菠蘿包都幾吸引，不過我哋怕太多就冇叫，下次再嚟試！賣點🫰價錢合理、有創意又傳統、足料味道好👍🏻好味度：8.5/10…Read More

一凍真係鐘意打邊爐，今日終於試左屋企樓下嘅山見台式火鍋。本來諗住都冇咩特別，估唔到入面除咗空間好大，食物種類都巨多，味道都唔錯，無論係食肉獸定素食者，都一定有嘢食👍🏻佢仲可以揀一人一鍋，菜肉分開或者自己食都冇問題，唔使特別加錢👍🏻Lv3 極品吃到飽套餐湯底：鴛鴦鍋- 啱晒一邊淥菜，一邊淥肉- 上品蟲草木耳鍋清甜滋補；牡丹美人鍋奶白濃滑，兩邊都正，美人鍋就吸引啲😎賣點1：Lv3 好多台式食物 以為自己去左轉夜市 （sor誇張左少少🤣但比我食過嘅多😍）* 肉類：🌟月見封門柳嫩滑有咬口、🌟嫩肩里肌肉juicy、牛爽腩軟腍；仲有牛舌芯、梅花肉；台南烏雞卷、阿公花雕醉雞、🌟牛肉滑都係特別野～* 海鮮：水魷爽脆、鯇魚片嫩白、🌟松露墨魚滑好香、🌟澎湖蝦滑有咬口、牛骨髓爆汁、牛柏葉煙韌。* 台式小食：🌟蔥抓餅唔算好油、蚵仔煎少飽肚、手工糯米腸、古早麻辣鴨血、🌟藤椒魚皮惹味、宜蘭蔥肉餡餅、金沙芋泥球、香辣滷腩片、爆漿咖喱魚蛋、港式格仔餅幾脆。* 炸物：🌟🌟金沙蝦球正、響鈴卷、紫菜炸雞、惡魔雞扒、鹽酥雞、山見和牛蛋餃有牛肉味幾特別。* 甜品：華西綜合豆腐花好足料、黑糖豆腐花* 飲品：烏龍珍珠奶茶（Lv3或以上免費）賣點2：自助吧枱巨多食物任拎！* 🌟蔬菜：冰菜超脆、水蓮清甜、皇帝菜、水耕通心菜、蟲草花* 丸：魚鮮貝、豬肚丸、紫菜馬鮫魚丸、牛丸* 熟食：🌟椒鹽豬扒、午餐肉、台灣腸、🌟黑糖糍粑、滷水雞翼等* 軟糖、🌟台灣腸、爆谷* 王子麵、淮山刀削麵、紅薯粉、山見面線* 白果腐竹鵪鶉蛋糖水、碗仔翅、雲石芝士蛋糕、白土啫喱、紅豆水晶糕、黑芝麻貓爪、南瓜蛋糕、水果、🌟Da dino抹茶雪糕* 🌟飲品有幾個櫃。當中有台式飲品，包括白土烏龍冷泡茶賣點3：Lv3或以上送遊戲幣夾波波！我失敗咗，唔知入邊有咩拎呢🥹賣點4：現場可寫明信片寄俾自己或朋友，附$50 coupon（滿$600可用）賣點5：大鍋可變一人一鍋（免費分隔），每人獨享湯底，唔使同枱朋友搶味，口味唔同都可以聚聚！賣點自助吧枱選擇多、一人一鍋服務、多台式食品、空間大坐得舒舒服好味度：8.6/10…Read More

前排先去完呢間餐廳，點知九龍塘又一城分店最近就出咗個期間限定嘅USAHANA主題！搞到我又要跟風去多一次😎 入面真係好打卡able，周圍嘅牆都貼有USAHANA! 仲有USAHANA cushion! 各位朋友男朋友老公爸爸睇路呀！🙊🤣🤣 主題會做到2026年1月6日，只限又一城分店Walk-in排隊～花漾派對套餐 $168花花雞蛋飯卷好精緻可愛😍比較似輕食，蛋皮包住parma ham仲有海苔飯，上面仲有花花圖案嘅芝士同火腿，賣相吸引。呢個組合唔會伏啦，大人細路都會鍾意。彩虹軟糖乳酸西柚梳打首先想問，USAHANA樣（乳酪忌廉球）點捨得飲🤣 西柚加埋軟糖同乳酸，酸甜juicy，飲落幾清爽Refreshing。心動甜心派套餐 $208甜蜜香橙雪葩窩夫😍窩夫又係好靚！每個窩夫上面都有唔同嘅味道，包括藍莓香橙果肉、士多啤梨乳酪忌廉球同埋香橙雪葩。窩夫外脆內鬆軟，好香蛋味，大愛！香橙雪葩酸甜滑順；香橙果肉同水果又咬口；乳酪忌廉奶香濃郁，整體口感好豐富！朱古力泡泡朱古力係好飲的，濃郁creamy，泡泡輕盈，加埋USAHANA，讚🫶賣點Usahana少女心裝潢、打卡able、食物有創意得嚟係大路嘢好味度：8/10…Read More

同男朋友之前都食過犇殿下午茶，男朋友鍾意佢多台式嘢揀，叫做特別過一般火鍋店🙊 最近見到仲有個全農日本JA和牛嘉年華買一送一優惠，平均每人$359（連加一）歎A5和牛半公斤+自選肉類+台灣美食+海鮮+自助吧，所以我哋就再幫襯過😎 店員態度都好好，熱心友善，同熟客打招呼好親切！美白凝膚牛乳鍋
奶白湯底濃滑牛奶香，淥肉後都keep到creamy，仲有啲秋葵食吓～A5和牛半公斤
油花雪白均勻，淥幾秒就食得，入口好嫩又香牛味🤤🤤自選肉類（牛羊豬雞都有得揀）肩胛juicy彈牙、澳洲肉牛味濃、安格斯嫩、板腱爽口、牛胸軟腍、燒酒雞厚肉酒香入肉（淥熟都聞到陣酒香味）、麻辣豬頸肉微辣惹味（麻辣汁幾香口！）海鮮
海班片、鯛魚片細嫩、海蜆大粒鮮爆、澎湖花枝漿Q彈晶瑩、八吋蟹棒長條好咬😍仲有海蝦揀，不過冇叫到🫣其他
鍾意佢有好多台式嘢食揀，包括：台灣鴨血軟嫩、逢甲米血糕煙韌、蜂巢豆腐有咬口。仲有熟食：厚切午餐肉金黃酥脆、朱古力同榴槤炸彈炸得好脆又流心，少熱氣但又好味😆自助吧
台灣熟食（滷肉飯、鴨血、台灣腸）、蔬菜（估唔到有菠菜苗揀&羽衣甘、心內美蘿蔔、蟲草花等，好多款菜揀！）、甜品（杞子芋圓Q彈、Häagen-Dazs朱古力雪糕濃滑）、台式飲品高質（黑糖龍解茶、梔子花綠茶等）都係可以任飲任食，好多野揀！
賣點🫰服務、選擇、舒適度、A5和牛好味度：8.7/10…Read More

同家人打邊爐，佢地見到呢間都幾多讚，不過我本身因為個價錢比較貴，對佢有少少偏見🙈但係！食完都明白同理解點解佢哋收呢個價錢，同埋都真係值得🥹🙈👍🏻首先，呢間火鍋店裝修行宮廷風格，紅燈籠同木屏木凳風氣派十足，連個爐都有兩個龍頭係到🙈 一嚟到就跟人頭送咗個百香果梳打俾我哋飲，甜甜地又清爽，唔錯。自家製足料竹蔗茅根 $78
清甜，飲落爽口暖胃，一壺都夠飲（可能因為冇乜味精，我都唔覺得好口渴）婀娜多姿-養眼花膠筒雞湯鍋 $468
店員教我哋倒咗啲半生熟雞肉落去，然後等雞湯滾起，先飲一碗雞湯暖吓胃，然後先再食其他嘢（雖然之後加湯都係雞湯，但係冇第一次咁濃郁同埋始終有其他食材擺入去冇一開始咁鮮）。呢碗雞湯不得了，連我老竇飲完都忍唔住話好飲🤩🤩 雞湯金黃濃郁，極鮮甜同埋好香雞味，一定好滋補！雞肉嫩口唔嚡。花膠筒就散熱住乾冰咁到場，Q彈厚實。大滾友牛肉拼盤（細） $428
牛肉拼盤煙霧裊裊上枱，賣相精緻，每款肉質都顏色鮮嫩juicy帶有牛香☺️封門柳 - 肉纖細嫩鮮甜本地手切牛頸脊 - 咬口有彈性，牛味濃郁和牛牛展 - 軟嫩得嚟有勁牛肉粒 - 快熟又熟得均勻牛舌 - 爽脆帶彈性酒香陳年花雕浸牛肉 - 浸酒牛肉軟腍，花雕酒味香濃，淥熟咗牛肉都仲食得出花雕味，賣相紅潤誘人，所以我哋再encore咗一碟🙊手打蟹子鮮蝦丸四粒 $72
十分彈牙Q彈！內餡蟹膏蝦肉juicy爆汁大滾友雜菜拼盤 $118
都有幾多唔同款式嘅菜，配牛肉解膩一流澳洲帶子片$ 98新鮮！好有口感好有彈性！😍酒香陳年花雕浸牛肉 $138
份量都唔少🌝韭菜豬肉餃四粒 $78
正常，皮唔算厚，不過其他更加驚艷我吔😆最後仲會送甜品！火焰豆腐花！有得睇火之餘，豆腐花豆味道香濃，黃糖同糖漿都可以自己調節份量，呢點做得幾好👍🏻賣點食材高質、環境氣派、服務態度良好、湯底好飲！價錢就…有錢咪成日去，冇乜錢咪草錢去，我會覺得值嘅！btw我地有打少少底先嘅🙊好味度：9/10…Read More

去左間外型型格餐廳但其實服務幾唔錯店員又健談（全程仲係播Jojo的奇妙冒險嘅歌🤣）店員會落力講解食材，一開始仲好貼心會提供一條冰凍毛巾抹手👍🏻白子 $168
上次食完返尋味，繼續養顏🤟🏻白子入口即化，奶香濃郁，內裡綿滑唔腥。薯仔沙律 $40
薯蓉滑順細緻，加埋蟹籽同蕃茄，口感唔錯👍🏻自家製蜜糖年糕 $20/1
年糕外脆內煙韌，蜜糖甜香黏口，表面金黃色，男友都讚👍🏻豚肉溏心蛋 $39
散叫左呢樣夾埋雞肉軟骨棒食。幾得意，隻蛋係完整一隻蛋，比豚肉包裹住。溏心蛋黃金流心，豚肉juicy鹹香，蛋香四溢☺️Omakase Set $420叫咗個招牌set，由廚師發辦煮咩當日出色嘅串燒。- 半生熟雞胸：雞胸微微粉紅但肉質嫩滑，加埋柚子胡椒微辣清香。- 雞翼：皮脆肉嫩，燒到金黃香口。- 雞腎：好彈牙好好咬。- 紫蘇豬肉卷：紫蘇葉清香，豬肉肥瘦均勻，燒得微焦，夾埋都幾夾又juicy。- 豆腐：外層微脆，內裡軟滑，記得配埋醬汁鹹鮮，味道更出。- 味噌牛腸：牛腸煙韌，味噌甜鹹濃郁，好香口！- 雞蠔：稀有部位！一隻雞髀得一粒，好珍貴架！🙈 肉質軟嫩、多汁，帶啲彈牙口感入口，又長知識！😍- 冬菇：幾juicy ，菇香濃郁，表面微焦。- 鰻魚：魚肉好嫩，燒得好香，外焦內軟，有少少孜然味調味～- 雞肉軟骨棒：超脆口彈牙🤤拮爆豚肉溏心蛋嘅蛋漿黎食，蛋香四溢，很好！（記得繼續留埋蛋漿點飯團食更正！- 特製燒飯團：飯粒微焦變飯焦又香又脆😍可能我地唔係留左好多蛋漿，蛋味唔算好出。賣點廚師發辦嘅串燒、有稀有部位試、食材新鮮，師父認真好味度：8.9/10…Read More

糧尾要搵價錢親民又好食嘅餐廳！🤟🏻呢間小店環境簡單樸實，木系枱櫈配日式燈籠，坐低有種溫馨嘅居酒屋feel。最緊要係CP值高， 60幾蚊食到個炸豬扒熱石鍋烏冬😍蟹籽沙律 $42
份量多又新鮮，青瓜絲好爽口，滿滿都係蟹籽粒粒同埋蟹柳，配埋沙律醬， Perfect 日式炸餃子（四件） $32
外層好脆口，餡料夠juicy👏🏻 喼汁都唔使點啊！吉列豬扒熱石鍋烏冬 $68
店員積極推介吉列豬扒，又真係冇介紹錯！吉列豬扒香脆唔膩，又嫩又juicy，武藏野烏冬底彈牙吸湯，原味豬骨湯清清地，石鍋保溫食到尾都熱辣辣🙊🙊 海鮮石鍋烏冬 $88
特濃蝦湯鮮甜帶海味，飲咗好多湯都冇口渴嘅感覺！讚岐烏冬粗身有咬口，海鮮有帆立貝、大蜆、鮮蝦同蟹棒，烏冬份量都唔少，以我為例，都食唔晒，絕對物超所值！☺️巨峰乳酸梳打 $19
巨峰葡萄味濃郁較甜，氣泡爽口，$19大杯幾抵。鳳梨乳酸梳打 $19
正常甜又refreshing👍🏻賣點價錢抵、味道好好味度：8.5/10 …Read More

餐廳環境光猛舒適，落地窗望街景，空間感足夠，店員都好友善👍🏻Dinner set送是日餐湯、包頭盤同主食，嘢飲甜品有得減錢。(季節限定) 蟹黃醬手工意粉配松葉蟹他他 Dinner Set $198是日餐湯：椰菜花湯椰菜花攪勻後幾香又creamy～松葉蟹他他蟹肉好多又鮮甜！仲有好多魚子醬係面。他他醬、蕃茄、牛油果（底部）都好新鮮，同松葉蟹好match更提出蟹肉嘅味道！👏🏻蟹黃醬手工意粉冇諗過無論係蟹黃、蟹肉定意粉份量都咁多！蟹黃醬濃郁香滑，多到齋食蟹黃醬都唔心痛😚手工意粉幼身彈牙吸汁（質地大概似上海面🤔），會有少少膩，我地兩個人就食唔晒，但因為我地都鐘意食蟹，所以冇後悔仲好滿足！巨峰提子爆珠梳打 (+$41)
提子味濃郁，爆珠咬落勁爆汁，好特別！另外，氣泡爽口，清新解膩😍開心果巴斯克芝士蛋糕 (+$38)
巴斯克蛋糕係自家製，表面微焦，內裡creamy，開心果香濃，甜得黎係接受範圍內，好滿意😎銀鱈魚配馬賽魚湯汁 Dinner Set $238椰菜花湯同上～蒜香燒粟米配單骨雞翼 (+$28)見到粟米抗拒唔到😚🙈粟米燒得好香甜😻雞翼外脆（堅脆👍🏻）內juicy。最特別係附上嘅兩個醬，分別係西瓜辣醬同乳酪香草醬。西瓜辣醬其實食唔出西瓜味，但會有陣清新嘅感覺，少少辣嘅；乳酪香草醬creamy，都夾到雞翼。銀鱈魚配馬賽魚湯汁銀鱈魚好香！😍 個皮煎得好脆，肉質又嫩滑！重點，馬賽魚湯汁魚香、番茄洋葱味好香濃又特別，呢個濃郁嘅味道同銀鱈魚好match，更突出銀鱈魚嘅味道🤤凍開心果拿鐵走 cream（轉Oat milk） (+$43) (+$5)
開心果好香濃🤤Oat milk順滑，冰涼好refresh，懶健康走cream，加埋cream相信口感更豐富🙊胡蘿蔔蛋糕 (+$58)
胡蘿蔔蛋糕甜度還好，濕潤香甜，質地唔會太柔軟或者紮實，口感唔錯！賣點：樣樣都滿意、有創意、環境光猛舒服、上碟都好快、gathering唔會失禮好味度：8.8/10…Read More

餐廳有韓屋設計木系同暖燈好特別，仲要一入場左手邊就見到好大個兒童遊樂室，入邊有唔同嘅玩具仲有好大個波波池，小朋友見到勁興奮！食嘢都聽話啲，因為急住要去玩🙈🤣 前菜落咗燒肉order之後，店員好快就上咗幾款小菜（泡菜、薯仔沙律、酸蘿蔔、芽菜）、生菜同埋沙律。除咗沙律，其他都可以refill! 烤盤側邊仲富有有蛋汁同埋粟米芝士，兩樣都係可以refill，其實食呢幾樣嘢都飽🤣好有誠意！荔枝牛肉串串 $72
有創意，牛肉入面包住荔枝，店員話成支拎上去燒就得。我哋嫌燒得慢，最後都係拆件燒😂 牛肉串上荔枝烤有陣微甜果香，入口鹹甜交織，幾特別！壽喜燒牛空腹 $88
冇諗過韓燒會有壽喜燒出現，覺得幾特別就叫咗。等壽喜燒汁滾之後，就可以將牛空腹擺入去燒。然後就可以將牛肉撈埋蛋汁同埋飯一齊食。牛肉幾香，壽喜燒醬汁甜鹹惹味，撈埋蛋汁同白飯食都唔錯，如果有埋紫菜就仲正啦😆熟成黃油雞腿 $125
雞髀店員可以幫手燒。黃油香氣濃郁，烤到皮脆肉嫩。王者牛肋骨 $298
出色！（都係可以搵店員幫手燒）牛肋骨厚肉多汁，烤得外焦內嫩，牛肋骨醃過，味道出，配埋生菜、大蒜、辣椒等等一齊食，好味！☺️肉肉蛋糕（生日優惠） $0
朋友正日生日，早幾日book枱前講定，餐廳會有個生日優惠送肉肉蛋糕同埋海帶湯😆（唔記得有冇指定消費）。蛋糕其實用牛肉砌成蛋糕形，賣相都好可愛啦，大人細路見到都鍾意！仲要肉質都唔差，燒到好香又Juicy🥰手打鮮橙茶 $48
鮮橙茶用新鮮橙搾汁，仲有西柚、青檸等等材料，飲落清新酸甜，大杯又解渴！菠蘿梳打 $38
爽口，菠蘿味濃郁，都好襯韓燒。衝刺到底小跑車兒童套餐 $168
叫兒童餐會包埋入兒童室嘅遊戲券同埋一個扭蛋。我哋叫咗呢款跑車兒童餐比小朋友食（製作時間預大概10分鐘）。呢個餐包括玉米，腐皮紫菜飯、西蘭花、火腿同埋炸金絲蝦。我覺得都算兼顧埋營養嘅，叫做有啲菜呀嘛😂 兩舊腐皮紫菜飯size都大舊，份量會夠一個小朋友食（我地仲有燒肉呀嘛）。火腿仲要𠝹得好靚，有pattern，唔係一片過咁簡單，幾有心思。味道都有調節過，唔會好鹹👍🏻 送埋波波池入場券，當去playroom咁，小朋友食完即刻去玩！😂賣點🫰超大波波池同遊戲室（記得要叫兒童餐）🫰環境-韓屋設計氣氛好🫰生日優惠有誠意🫰店員友善，餐單有心思唔算近地鐵站，但接受到好味度：8.5/10…Read More

同朋友決定一個揀Menu Sun (1380)同Moon ($1580)再share，用料味道環境都值得讚！😍 餐廳仲有包廂座位，啱晒I人淨係同朋友傾偈🙊 店員都好親切，一開始都會問清楚客人有冇嘢唔食。直接講就OK，師傅一定幫到你😆Omakase Moon 先付 
先付有落花生、鹽焗銀杏、龍珠果、秋刀魚同水雲（食用海藻）。銀杏香脆，龍珠果清甜，秋刀魚鮮味魚嫩，水雲酸酸地幾清爽開胃。刺身5款* 真鯛（甜蝦他他）：真鯛包住甜蝦他他，灑上竹炭鹽同魚子醬，食落口好有飽滿嘅感覺，又鮮甜！記得唔好咁快食啊，店員仲會配液態氮同食用泡泡，感覺入左仙境咁，賣相打卡一流！* 象拔蚌：有兩款，一款爽口清新彈牙，一款口感厚實，兩款都好鮮。* 海膽搭配魚子醬：海膽鮮甜濃郁🤩魚子醬加鹹香，但唔會好鹹，犀利！* 鱈魚白子：第一次食，望落怪怪地，口感都怪怪地，不過味道唔怪仲係養顏野！😍白子綿滑唔腥，入口化開，不過配上蔥花蘿蔔，味道更提升，好特別！* 煙燻鰤魚：煙燻香氣濃（唔會覺得臭），魚肉肥美，微鹹惹味唔錯～御料理 銀鱈魚朴葉燒熱辣辣銀鱈魚散發出朴葉清香，味噌同清酒等調味，令魚肉口感豐富，加上皮脆肉嫩，好有驚喜！壽司10貫 * 深海池魚：魚肉嫩滑，帶海洋清香，入口鮮甜細膩。* 銀鱈魚：油脂較豐富。* 金目鯛：肉質結實，帶淡淡甜味，口感清爽。* 鯖魚：魚味濃郁。* 地甲（？唔記得係咩）：肉質幾彈牙* 鮫鰈魚（燒魚邊）：魚邊燒得微焦，香脆帶煙燻味，口感豐富。* 喜之池：魚肉細膩，帶點油香，入口順滑。* 醬油漬赤身：赤身浸醬油後鹹香濃厚，肉質結實有咬口，偏濃味。* 拖羅：油花均勻，肥美鮮甜超滿足😌* 北海道海膽：大愛this!😍 海膽配淡雪鹽（其實係好淡味嘅鹽）幾夾，鮮甜爆汁。加上店員上碟時先會噴灑食用金箔，視覺效果勁加分，好豪華！😆10款壽司都好新鮮，各有特色！☺️ 飯量較少，可以突出魚肉嘅鮮，亦都岩我唔想食咁多飯（不過廚師發辦，份量應該可以調節？）吸物 
大蜆清湯湯底清甜，蜆肉鮮美，暖胃解膩。甜品 
赤肉蜜瓜同提子，蜜瓜睇顏色已經好吸引，的確超級清甜，提子都甜，不過比下去🤣 完美作結！好味度：9.2/10賣點：食材新鮮、美味、服務、環境…Read More

餐廳近南昌站（喺凱樂苑對面），對住超靚海景，中午陽光有啲熱，下午茶時間去最啱，吹海風食韓式菜真係好chill！其實想食呢間餐廳好耐，今次去朋友屋企附近，終於試到！仲見到舖頭同社交平台有優惠（分別做到31/10 同埋8/11），如果會去食，不妨玩吓！😆韓式豬手（半份） $148
豬手煮得軟嫩肉腍又大片，骨膠原滿滿(雖然都係脂肪🙈），配韓式辣醬、蒜頭、辣椒，包埋生菜，絕對可以媲美燒肉😆 生菜仲可以refill ！半份都夠兩個人食😍雞蛋多過飯的蛋飯卷 $138
雞蛋飯卷係幾啱我呢啲鍾意食蛋嘅人，蛋香幾濃，蛋皮厚滑，的確係多過啲飯嘅😂但係份量都幾多，又大嚿，所以兩個人食都會飽。韓式烤牛肉奶油意粉 $115
烤牛肉幾香，而奶油醬creamy同埋都幾濃，入到意粉，係幾特別，會想食多幾啖，同辣奶油又唔同味道，不過食多咗會感覺有啲膩（有可能因為我哋嗌得太多食唔晒🥹）。開唔開心試咗先知嘅開心果蜜糖窩夫 $138
窩夫蛋香味濃，外脆又甜；開心果碎同醬香濃，做到成個開心果海；仲有好多配料，如cream、蜜糖脆脆，但因為窩夫幾多，所以唔會好甜，有埋雪糕就仲開心🙈😍飲完唔會手指指餅咖啡（凍） $58
凍咖啡配手指餅，咖啡順滑好香，雖然有cream，但咖啡味都仲係出。帶點驚喜的香印提子奶蓋綠茶 $58
綠茶清香，奶蓋滑順，香印提子大粒多汁，睇落好靚，夠解渴😚店舖學生優惠：憑成績表/GPA換優惠 （做到30/10）2025年9月1日至10月31日，學生憑成績單即可獲得專屬獎勵，中學生按班內名次、大學生按 GPA計算。中學生班內頭3名/大學生GPA 3.8-4.0有全單7折！記得睇埋其他條款🙊社交平台優惠：一匙即中$3000旅遊禮券（做到8/11）
社交平台見到呢個優惠，食滿$500畀一條鎖匙，$1000畀兩條，如此類推。店內有個鎖住嘅寶箱，入面有$3000旅遊禮券。20條鎖匙得一條啱！然後會畀一張卡同30秒你睇鎖匙樣，之後你可以喺20條鎖匙揀一條試開。開到寶箱即贏$3000旅遊禮券（一個名額），就算無開到，仲有5個「全單免費」名額，都幾易過$500可以玩下！😆賣點：🫰海景超靚下午茶好chill。🫰豬手幾推。🫰店員服務暖心，Fusion菜創新，冬天再訪！另一度大門當日比較敏感，打開時附近位置會有啲熱，但過左中午時份就ok好味度：8.2/10 （海景超加分！）…Read More

Happy friday同同事食個long lunch，揀呢到因為環境高雅舒適，燈光柔和配木系裝潢，好有高級感。同埋最平$160.6就有得食semi-buffet lunch!佢哋嘅Semi-Buffet Lunch $98/人（另加一個主菜，附是日廚師餐湯+餐飲），可以坐90分鐘，任食沙律吧同甜品，喺cwb嚟講真係幾抵食！Semi-Buffet Lunch 
Semi-Buffet選擇都唔少，有幾款唔同沙律（Caesar salad、Pasta salad、Potato salad、Waldorf salad、mix green salad），新鮮蔬菜配多款醬汁(有煙肉粒同麵包粒任筆！），隨心混搭好開心，啱晒眼闊肚窄嘅我！Salmon mosses tortillas清新鮮甜，炸物有麥樂雞同炸薯條，都幾脆，refill都幾快。甜品有可麗露、朱古力蛋糕、檸檬芝士蛋糕等，可麗露一開始食落覺得幾硬，但食食吓又覺得幾好咬，甜度都接受到。朱古力蛋糕好鬆軟香濃，忍唔住食咗幾粒🙈是日餐湯：甘荀湯creamy甘甜，質地濃稠綿密，應該係新鮮即榨，份量都唔少。香煎金絲魚柳配檸檬牛油汁 （+$108）
欣賞佢嘅擺碟同醬汁！魚柳煎得外脆內嫩，魚肉鮮甜唔腥又冇骨，配檸檬牛油汁酸甜香濃，同魚柳好match!🤤 蟹肉花甲意大利飯 （+$148）
花甲鮮甜、蟹肉融入飯裏面，食落都有蟹香味，仲有呑拿魚味（應該係個sauce?）😂 飯粒飽滿，芝士微溶好味但會有啲漏。餐飲：凍檸水同熱檸水 （唔使加錢）佢個executive lunch 4道菜，感覺都唔錯，semi buffet唔岩都可以食～結論🫰Semi-Buffet選擇都唔少，任食沙律同甜品超值！食左我一個禮拜嘅菜量🤣🤣🫰環境高雅坐得舒服！🫰openrice有啲折扣好味度：8.2/10 （CP值幾高）…Read More