et720的個人專頁

已經第二年響黃金海岸嘅秋香慶祝生日，貪佢環境同氣氛都幾舒服，服務好窩心，送上小蛋糕，仲有精美嘅畫工，又肯幫忙影相，啱晒我哋幾個港女，哈哈，嘢食精緻好味，商場亦提供Tesla免費叉電，之前都去過另一間秋香分店，都係鍾意黃金海岸呢間多啲👍值得推薦…查看更多

差不多每年都會去The Market慶祝結婚周年，除咗食個情懷之外，最重要係佢啲嘢真係好食，Buffet來講佢款式唔多，冇生蠔，冇和牛，但勝在樣樣野都好食同埋精緻，不過今次有啲失望，因為感覺開始食到厭，冇乜選擇，希望佢哋可以保持水準，設計多啲新款嘅菜式，例如加設生蠔同和牛，增加佢嘅競爭力。…查看更多

流浮山食過幾次海鮮，通常都係白灼蝦、龍蝦伊麵、蒸扇貝⋯⋯呢啲傳統菜式，估唔到海鮮都可以做私房菜，而且仲可以做到咁出色👍真係好好味👍佢個豬潤炒鵝腸真係不得了，外脆內軟，超級Juice，鵝腸又索晒味，極度推介俾大家😋另外炒龍躉球好入味，正👍見到咁多位朋友都食到舔舔脷，大家都讚口不絕，話一定要再嚟食，我都好期待😌我睇到隔離枱個個餸都同我唔同，個樣又好似好鬼好食咁，下次要試吓冰鎮賴尿蝦，同佢個燉湯先😋🥳…查看更多

呢間餐廳坐得幾舒服，同朋友傾計、gathering 一流，燒肉店黎講呢間空氣最清新，食完唔會成身煙味，食物質素唔錯，價錢亦都OK，推介：刺身夠新鮮，鹿兒島和牛，炸生蠔，炸芝士，可以再嚟…查看更多

中伏！！四位朋友一齊去食，一致通過超難食！已經upgrade咗安格斯牛肉，但唔明點解可以所有牛肉都無牛味，似冰鮮完沖水後攞出嚟，好淡嘅一舊肉，我夠膽講，呢餐燒肉係我食過嘅最難食嘅一間，不停加鹽，都係無味！再講其他食物，亦都好少款揀，總之肯定唔會再幫襯！…查看更多

講真，過黎之前睇到評價麻麻地，都有啲想縮沙，但係食完覺得真係唔差喎，環境幾舒服，我食燒海鮮類別，服務員細心講解點樣燒，再主動幫我地燒，我推介燒生蠔及帶子，唔需要加任何調味料，直接加清酒燒，會食到重海水味👍🏻，全程service好好，環境舒服，嘢食好味，滿意！…查看更多

有驚喜，先講食物：睇落平平無奇嘅一碗泡椒牛腩麵，清湯底⋯⋯估佢唔到原來係勁辣，仲越食越想食，尤其是嗰陣泡椒嘅清香味，上癮了～依家好多食物調味料都係外掛上去，咬落裏面完全冇味，但係佢呢個泡椒牛腩，啲未會慢慢滲出嚟，相信大廚響牛腩方面一定花了不少功夫，抵讚～另外推介手撕苞菜，食落似韓國嘅高麗菜，清甜環境及服務方面：我想點嘅幼麵賣晒，估唔到個店員好有禮貌咁介紹我試其他麵，依家香港地真係少有囉，欣賞佢哋有heart 🤔，另外環境方面，屬於寧靜，有音樂，都OK。一定會再嚟😋…查看更多

生煎包0k，多汁但底餅厚，出面好多都好食過佢，所以唔可以叫生煎皇！其他嘢食一般，最特別係個蒜泥白肉，好似細個去雪櫃偷隔夜燒肉食咁，五整熱就咁食落口，簡直係雪櫃隔夜餸！呢個係我食過咁多間蒜泥白肉最差嘅一間！可以唔使試！…查看更多

有驚喜的一餐，由頭盆、麵包、小食開始，他們主張的是一道道菜的上，傾計一流，食得好舒服～很多餐廳只着重廚房的品質，但這間餐廳不只廚房手勢好，還做到食物及服務兩方面都一流，真的很難得…查看更多

第一次試呢間，覺得幾好味想介紹俾大家😊 一向以為呢啲外國式嘅輕食店，應該係食極唔飽，估唔到好食得嚟又飽個喎，今次想同大家推介佢嘅沙律，沙律夠多款，一碟可選四至五個款式👍🏻我試四個款都好好味喎～仲有三文魚餅👍🏻意大利飯👍🏻鬆餅👍🏻朱古力酥👍🏻堅好味😍…查看更多

食咗咁多年大閘蟹，以為大隻先會多膏好食，今次經驗令我對細隻嘅大閘蟹改觀，原來細隻都可以咁多膏👍🏻，真係超驚喜😱頭盤、醉雞、羹、之後就開始食蟹、大閘蟹有五款、凍蟹、燕窩、糯米、清蒸，任食，我個人推薦凍蟹👍🏻整體來講大閘蟹雖然細隻，但都算OK，缺點係淨食大閘蟹好(流)，食咗好多隻都唔飽，建議套餐內應加多個乾炒牛河及蟹粉小籠包咁就好喇😊😂…查看更多

一進場就見到兩層樓高嘅全落地玻璃維港景色，已經加晒分，餐廳裝修唔錯，服務都幾好，我選擇嘅係Sunset Dinner ＄498一位3 course ，食物推介：頭盤天婦羅配以黑松露醬，有驚喜👍🏻，主菜推介肉眼牛扒，甜品揀咗full set拼盤，可寫上生日祝福語，慶祝生日情調一流，值得推介…查看更多