伊利近帝's Profile

我幫襯過小時光兩次，兩次都接近爆場。首先服務方面，其實無乜服務，你都係要好似快餐店咁自己出去買同拎，咁都無所謂，買完佢會比部機仔你，響就返黎攞。果部機仔唔知佢地有冇試過響係有幾大聲呢？我就覺得仲大聲過手機鬧鐘，不停咁BBBBBB.....成個場不停咁B，你想食啖麵果陣你隔離枱又B , 嘈雜既人聲加埋此起彼落既響機聲，真係以為去左交易所，小時光都變大時代。何況佢食物其實唔算出色，只能算係不過不失。間野本身都只係食裝修同環境⋯我會搵間靜少少既餐廳，至少唔駛再次經歷大時代。…Read More

第一次食蒸氣鍋，感覺唔錯，地方企理，至少感覺係乾淨。自助食品區分開肉類同蔬菜，肉類有一般肥牛、雞件、亦有排骨同大腸等呢啲適合蒸煮既食物。海鮮都有啲鱔、鯇魚片、蠔仔等生蝦就另外比錢買。蔬菜就有豆腐、豆卜、南瓜、竽頭等等每枱送一兜蜆。少入廚既朋友唔駛擔心唔識蒸，佢張餐紙上有教每種食材要蒸幾耐。可能因為蒸煮，覺得蔬菜類比肉類更好食。我地將啲肉舖係南瓜竽頭上面，等佢吸收下肉味更好食。最後蒸埋啲蜆同埋估唔到果一碗米水就煮到咁大鍋粥，個粥底吸收左食材精華，加上用蒸氣鍋煮足個幾鐘，粥綿得黎相當鮮甜。雖然飽但都堅持食左三大碗，屋企人都相當滿意，下次會再黎。…Read More

韓燒小店，除左各式韓式燒烤拼盤外，亦都有石頭飯同炒粉絲等食品提供。店內座位不多，但我剛好係晚飯時間早少少到達，所以唔駛等位。烤肉黎講推介各式牛肉，一口牛同醃牛肉都唔錯，反而牛脷就較為韌了，韓燒中較少見的豬大腸也不錯，但要燒耐一點，等佢乾同脆先至覺得好食。熱食試左炒粉絲同爆脆飯卷，兩樣都合格好食，下次會幫襯再食其他野食！…Read More