tkofoodie's Profile

將軍澳新開法國餐廳，位於將軍澳海濱。裝修好新淨，環境衛生舒服，少至2人，多至8-10個都好適合。另外，酒水6-8都係happy hour，比鄰近餐廳仲平。Starter叫左5款，有生蠔，青口，水牛芝士蕃茄同帶子。4款食物質素都好高，都係比鄰近西餐更推。Main course就冇影到相，淨係叫左卡邦尼意粉同埋牛柳，但都大推牛柳。牛柳叫左7成熟，完全唔會un。甜品方面，叫左2款推介，歌劇蛋糕同crepes。本身自己唔係好食甜品，但都覺得個crepes好出名。 另外，餐廳員工服務態度好好，換碟加水都快手，又好nice。平日或者唔係特別節日都會有discount，推介大家試下，一定唔會有伏。…Read More

印象中經常觀塘海濱成日都經過依間餐廳今次終於有機會試下今日見walk-in都仲有空位，而且室外係狗仔都可以入餐牌選擇都唔算多，叫左main course會送包同餐湯。前菜先叫左水牛芝士蕃茄牛油果沙律，水牛芝士蕃茄牛油果加埋個醬都好好食，唯獨啲菜有啲硬主菜叫左蕃茄醬大蝦,帶子意大利飯，同我想像有少少出入，可能因為加左我唔鍾意食既酸瓜 小食方面，真係大推薯條同雞翼薯條非M記啲cheapcheap薯條，要唔要茄汁都好好食而辣味雞翼都唔係pizza hxx個種，係米線陣加麻辣粒粒個種，辣味還好(可能小朋友未必岩)，但個麻味好正So far，餐廳環境幾好，而且服務態度都好好，侍應執碗好快手…Read More

相信好多人都係為左個tea而黎，但我地一班人因為工作關係，只可以先試試晚餐。由於一早已經係openrice book左位，一去到7點已經入得，目測都幾full，所以建議大家要book位啊。前菜：生蠔，串燒拼盤生蠔叫左white pearl同gillardean，係個好nice既侍應推薦。上菜個位都有教我地先食white pearl再食gillardean，因為white pearl係比較清甜，後者就坐海水味少少，但2種都好新鮮。:)串燒拼盤都比預期豐富同多種類，而且有住濃濃既燒烤味，用黎打卡定食都一流。主菜：夏威夷pizza，威靈頓牛柳，鮮海膽蟹肉三文魚子寬條麵，北海道鮮帶子扁意粉Pizza芝士極多，比街外既夏威夷pizza更好食，但最推一定係威靈頓牛柳，但皮好蘇脆，肉質一啲都唔”孩”。另外，2個意粉未到好驚艷，但都幾好食。鮮海膽蟹肉三文魚子寬條麵雖然有一大舊海膽，但一啲都唔流，而北海道鮮帶子扁意粉就帶少少辣味，比較岩大人食。…Read More

朋友曾經係德國exchange，所以就提議係尖東食德國菜，好食有酒又有view。由於朋友係附近返工，6點左右已經去到坐低左，同埋7點仲有happy hours，叫德國啤酒都平啲。德國啤酒同腸仔當然好出名，但其實白蘆筍係德國都會成日出現，而且係香港都真係的確好少見到所以今次見到白蘆筍就已經即刻叫左，新鮮白蘆筍加上個類似忌廉汁既醬汁，真係好好食，再配上德國啤酒，就好似去左德國旅行咁。另外，當然唔少德國腸，依個咖哩腸既咖哩味比想像中少，不過不失，個人覺得薯角更加吸引。同時，都因為比”自家製”依3個字吸引，叫左個牛油麵團，個牛其實唔差，係啲汁撈啲類似通粉咁既野嫌為乾少少。整體上，都值得推介，價錢中大約有$150都係啤酒，食物大約$350左右，好岩星期五六一班人收工去chill一chill。題外話，個廁所係用商場廁所，都幾乾淨。…Read More

由觀塘區既朋友介紹去到觀塘熱門cafe朋友大約6點15分去到提早攞位，6點30左右入得。餐廳最好係唔洗齊人先入得同埋冇限時，當然人齊先入就更加好同朋友2個女仔，叫左2個小食，1個飯，1杯沙冰，同1份甜品~~小食有鹹蛋黃薯條同埋蜜糖芥末雞翼，鹹蛋黃薯條略嫌唔係好夠鹹，而蜜糖芥末雞翼相對酸酸甜甜似柚子醬多過蜜糖芥末飯方面就叫咗明太子忌廉大蝦燉飯，呢個十分有驚喜。個飯並唔會太creamy，一啲都唔”流”，乾濕度適中，而且啲蝦都大大隻㗎。呢個Oreo忌廉碎冰亦都不過不失，未去到必食但都幾推介。重頭戲就係依間舖頭最出名嘅梳乎厘，今次叫咗佢哋新出嘅日本香印提子梳乎厘班戟。首先因為佢啲啫喱都有酒精成份，所以未夠18歲嘅人就唔好叫啦佢朋友多次食梳乎厘嘅經驗，佢話依間蛋味冇咁重較易入口。而我就俾佢嘅白酒啫喱同香印提子深深吸引，雖然白酒味道較重，但整體口感同味道都好配搭。…Read More

星期五晚7點幾左右入座，如果要坐室外，可以先入去裏面坐底等，大約等左10分鐘已經可以出去坐。因為餐廳對住維景，坐外面當然更加分。因朋友生日既關係，首先開左支house wine (wildfire cabernet sauvigon)，$248一支，價錢都算合理。首先，我地都叫左水牛城雞翼，我心目中既必點小食，雞翼配上芹菜，同埋一個鹹芝士醬同辣醬。試食後，個人認為個鹹芝士醬好有驚喜，建議愛芝士人士可以一試。之後，都分別叫左個芝士狂人pizza (4 cheese pizza)同煙燻火腿餡角薄餅。芝士狂人pizza不過不失，加入了rose mary提味，令pizza有別於一般既4 cheese pizza，但個煙燻火腿餡角薄餅就好推介。餡角薄餅中間有啲類似白汁芝士啲醬汁，而且外皮係酥皮，兩者相輔相成。但提一提餡角薄餅大約都要等20分鐘左右，大家要比啲耐性等。…Read More

原本想去既餐廳滿座，係openrice求其搵左間好評餐廳。門口服務員似係韓國姨姨，好有禮貌，好快就可以入口。由於時間只係7點左右，在場人數唔算多，而且播曬韓文歌，幾有韓國氣氛。食韓國菜必點炸雞，所以先叫左個新出既蜂蜜牛油香蒜脆雞(無骨），蜂蜜牛油原本已經係經典好食既配搭，加埋炸雞真係好惹味，但如果2個人食都建議叫半份都夠食。另一個叫左既係芝士年糕拉麵，一上枱聞到濃濃既韓式辣味，加上芝士同埋魚糕、年糕、芝士獅子狗既配搭，真係絕配。飲品方面，叫左peach bottle米酒同apple cider rita。個人認為peach bottle好岩冇飲開酒/酒量弱既人，而apple cider rita主要以apple cider mix啲應該係青檸汁既味，都好值得一試。…Read More

去完做運動，辛苦左一日，好想食餐好啲，朋友就帶左我去依間餐廳試下。首先，我自己就叫左個煎帶子黑松露雜菌扁意粉，味道幾好。用黑松露黎帶出個香味，再加上個汁夠曬creamy。唯一可惜既位就係帶子煎耐左少少，但冇影響整體分數。而朋友今次就叫左菠菜蟹肉鵝肝意大利飯，一上枱已經比香味吸引，飯質好淋，菠菜同蟹肉既配搭都好夾。另外，餐廳枱會有一支水，而水杯個啲都會以自助形式去攞，同埋自助區都有好多唔同既調味料比客人選擇。…Read More

夜晚臨時臨急book既日本餐廳，open rice booking有8折。星期五晚大約8點左右去到，場內人數唔算好爆，餐廳為日本居酒屋風格，以紅黑為主，相當有特色。首先，推介既係sushi rolls，自己本身叫左2款，分別係amazake house roll同炙燒辣三文魚卷。個人比較推薦後者，因為前者會有少量海膽，比較腥，而後者比起某藍店元x同近期大熱xx郎既辣三文魚略勝一籌，始終都係一分錢一分貨。另一個驚喜美食就係鵝肝鰻魚炒飯，原本都同朋友都係為左飽啲先叫。當中仲有埋流心蛋，除左更飽外，亦都令個飯比較濕潤。最後，建議大家可以唔洗試鱈場蟹肉紫菜天婦羅，因為味道好一般，但份量極少，價錢相對算貴。Overall，餐廳性價比不算高，始終中環既餐廳，都有番一定價格，但水準都算中上，附近返工都不妨一試。…Read More

原本諗住旺角行個圈就走，點知心血來潮想食糖水，所以去左糖水街，搵間唔係連鎖店食。我自己本身叫左益力多棉花冰，配料比一般糖水舖更有特色，有爆珠，4色芋圓，椰果條。外貌相當吸引，味道真係帶點益力多味。另外，朋友亦叫左抹茶棉棉冰及抹茶心太軟。相比下，抹茶棉棉冰比較遜色，只有個甜字，抹茶味較淡。而抹茶心太軟就有較濃既抹茶味，但最後都係太甜，如果你本身好鍾意食甜野，都值得試下。唯一美中不足既地方就係坐左門口位，而店舖keep住開門，所以都比較熱…Read More

近年愈黎愈多人食川菜，今次就經朋友介紹去左試一試新野。本身都有book位，同埋食7點都唔算peak hours，所以一去到就入得。首先，飯前小食有麻辣青瓜，好開胃。之後都分別叫左幾個餸，當中我最鐘意一定係水煮桂花魚片。因為魚片大部分都冇骨，好岩懶人食辣度大約係譚仔3小左右另外，比較有特色既就一定係魚春魚卜鴛鴦煲，係街外都比較少食到。魚春味道似咸蛋，魚卜似爽身花膠，推介大家一試。其他菜式大部分都唔錯，辣椒炒土豆絲、炒虎尖椒、螞蟻上樹、辣子雞、原味焗蜆…Read More

中環半山扶手電梯一向係中環人既食堂之一，今次經同事介紹去左鐵牛同事介紹話飯會比麵好食，所以最後叫左個逢甲鹽酥雞滷肉便當+熱檸檬紅茶提一提，叫野食係要親自出去叫，順便比埋錢。野食一上枱就已經見到有好靚既擺盤，份量都幾大，特別係個滷肉飯，真係裝到好full，咁既價錢黎講，係中環算係唔錯。個人黎講，較少食台灣野，因為好少食啲煎炸野，但依個鹽酥雞既炸粉唔多，皮薄啲，好好食。另外，仲有3個小菜，分別係炒雜菜，蒜蓉菇，滷蛋，全部都幾好食。而滷肉飯既滷肉肥瘦適中，建議中意台灣野都可以一試。…Read More

早前因疫情關係，限左2人一枱。為左滿足對打邊爐既慾望，結果午市2個人去左。有食過台式火鍋既都知會有好多湯底簡，今次就叫左牛大人紅燒牛骨鍋。個人認為好好食，因為之前叫過麻辣同養生鍋都覺得冇太大驚喜。第一樣推介既一定係牛丸，但提番牛丸係要另外叫，餐牌未必有寫，晚市食最貴個餐就會每人送2粒。牛丸好彈牙，好重牛味，可以講香港最好食牛丸top3，一定有佢份。第二樣必食就係M5和牛，肉質入口即溶，好薄切，任食邊爐黎講係十分高質素。另外，提番M5牛都係最貴個餐先有，不過最貴個餐其實價錢都好合理，十分推介。其他大部分食物都不過不失，而飲品都好多特色茶飲，值得一試。最後想講番，比較落其實晚市係抵啲，因為選擇係多啲，但午市唔洗排隊，環境清幽啲。…Read More