平日夜晚同朋友嚟到 佰古嗲，原本以為會好清靜，點知都幾多人。餐廳有兩層，今次安排咗我哋坐上層，環境舒適，冷氣足，座位之間唔逼，傾計好自在。今次試咗幾款招牌菜：🩷🦞龍蝦麵海鮮濃湯蝦麵 湯底香濃，海鮮份量十足，有原隻龍尾，仲有帶子同青口，全部都夠新鮮。麵質彈牙，大大碗食落超滿足😋。🩷牛油咖央多士 外脆內軟，牛油同咖央比例剛好，一定要趁熱食！冰火交融既口感邪惡又幸福🍞✨🩷雞肉沙嗲串 / 豬肉沙嗲串 烤得香口，沙嗲醬濃郁但唔膩。豬肉唔乾柴，雞肉亦入味，兩款都好啱口味🩷肉骨茶（豬脾骨） 豬脾骨嫩滑，完全唔柴。湯底藥材味香濃，飲落暖笠笠，好舒服🫶🩷🦐 黃金醬虎蝦 — 咸香蛋黃醬炒虎蝦，香濃惹味，蝦肉份量足，鮮甜滿足。🩷飲品揀咗 冬瓜龍眼茶，清甜解渴，食完重口味嘢飲一啖真係好正🧋。唯一小小願望係如果可以再大杯啲就更好。✨ 整體感覺：同朋友聚餐好適合，食物水準穩定，特色菜式選擇多。下次想試埋喇沙系列同黃金醬系列。平日夜晚都幾旺，建議早啲嚟慢慢享受😉。🔔 溫馨提示：店內只接受現金或八達通。…Read More
