白癡公主's Profile

朋友生日好碞食放題，野食選擇多唔使傷腦筋諗食咩，價錢又大眾化，又可以坐兩個鐘吹下水知道放工時間放題通常都好爆滿，事前有打去BOOK枱，放左工黎到唔使等就直接入座店面算大，地方走動都充足唔會迫到周身唔自在，食足兩個鐘，上野食幾快手，唔使等好耐同無漏單，呢樣好緊要，唔使成日追單同催單野飲自己去雪櫃扲，飲品選擇都係大路食物種類多，平時放題有既野食都有得揀刺身幾鮮，無雪味，質素唔錯壽司即包紫菜上枱仲好脆身，見壽司幾有水準，所以都點左唔少款式壽司炸物方面，食落竟然有即炸效果，熱+脆，特別係雞翼有外脆內JUICE鰻魚都好食，有微微既溫熱，入口溶化，推薦仲有一個推薦係密汁黑椒牛柳粒，唔UN，煮得入味，前後點左4碟雪櫃有迷你甜點同迷你雪米滋任食(綠茶、之麻、香芋、朱古力)，用機點雪糕就每人一杯(有MOVENPICK同Haggen-Dazs呢間放題價錢大眾，整體食物味道同素材唔錯，係生日或同朋友飯聚唔錯既選擇…Read More

星期六係旺角行完街，又到左晚飯時間，行過大廈見到個廣告牌，見到任食同比個價錢吸引左人均都係15X/人頭, 任食打邊爐黎講，旺角區真係幾抵上到去，店面唔算係大型既任食場裝潢，但都企理整潔，大約有20張枱店面雖少，都做到一應俱全，任食櫃面有，行出去自取，飲品櫃都有3個，仲有韓國飲品揀，可以任食兩個鐘，整體來說呢個價錢，係性價甚高如果揀兩款湯底就要另外加錢，我地只係揀左麻辣湯鍋(bb辣)，再出去翻去扲串串，放個鍋到，第一次咁樣食打邊爐，感覺幾特別。一口基本上=一串，所以出去扲串串既同時見到職員係度添加食材，另外枱上面有得畫紙點出面架上無既食材，都ok多選擇，d安格斯肉唔錯的說個人好鐘意金菇牛肉串同水魷串串夏日炎炎，行街行到累，有得任食有地方坐有冷氣涼，野飲又夠冰凍，$15X呢個價錢係抵食既一餐，還會再幫襯P.S.: 見到有雪糕任食，係阿波羅，屬於香港人既童年回憶，隻牛奶雪條同朱古力雪糕唔錯…Read More

同朋友行太子大角咀睇完裝修材料，行行下見到呢間泰菜，個名幾攪笑，泰國篤篤車個譯音，望入去真係見到個卡位係部泰國篤篤車，店面色彩繽紛幾搶眼見價錢唔算貴就入左去食，D碗碟幾有泰國地道懷舊特色食泰國野點都要整番個小食拼盤，D香口野真係好吸引，蝦餅彈牙同春卷好食咖哩串有半打，有豬同雞兩款揀，半打都揀晒豬肉一串有3-4粒豬肉，意想不到既厚切，一粒都已等如成串肉燒得幾入味，微微甜加咖哩香，一定要點個醬，係精髓所在唔少得點生蝦，蝦好新鮮，辣得醒胃，橙色汁酸甜醒神，綠色汁就太辣冬陰公湯好大鍋，入面既料都多，有兩隻開邊蝦、青口、蜆肉，冬天飲暖胃一流食左咁多煎炸野，點番個馬拉盞炒通菜平衡一下，份量都幾多，炒得入味同淋身，不錯飲品揀左芒果芝士奶冰，30幾蚊杯正常價，同市面上手調飲品價錢相若，但味道水準以上，芒果唔係死甜，無甜到漏或過酸，而個陣白色奶泡微微帶出芒果既甜，沙冰好錦密口感SMOOTH朋友點既龍眼冰正正常常，無特別店面雖細，食物味道不錯，價錢亦抵過旺區既泰菜價…Read More

星期五放工同同事去食串燒，疫情至今乃至限聚令之後都好耐未食過串燒了，好懷念果種氣氛好有日店居酒屋風格，暗黃色既燈令人有送鬆既感覺，但位置就省略嫌少少迫，不過迫迫地咁先有日式居酒屋風味3個人點左都幾多款，其中幾樣幾深刻:雞軟骨即炸好脆，香口燒菠蘿連住皮一條過, 汁爆會出黎, 夠甜 串燒牛舌，面頭帶有少少調味粉，幾惹味鹽燒雞翼外皮燒得脆，肉到汁幾JUICE，香口程度比蜜糖雞中翼好吃金菇肥牛串令我好驚豔，燒到牛肉油滲出黎，入晒金菇到，推薦原條蒜蓉燒茄子好多蒜，混和燒到軟淋既茄子食好香汁燒牛仔骨，有3塊，牛仔肉比較薄，但燒汁好入味燒雞泡魚好好食，配個蛋黃醬一流多春魚雖炸得金黃，但就省略嫌涼淡左D，可以再重手落多D調味伴燒，除此以外，其他串燒都好有水準價錢就同其他串燒店相若，但味道真係唔錯同好有氣氛…Read More

星期五晚放工即興飯局同同事食韓燒，一班人最好就係去食放題，條數襟計抵過點點好多黎到差唔多滿晒座，好彩仲有一張枱有3款放題價錢，揀左中間個餐$278既世子侍應會倒d蛋漿係爐邊，都係淨蛋漿，等到熟既時候食全力進攻肉類，我地主力揀左豬牛肉，肉類選擇多，亦有分有調味有啲冇，可以由淡到濃去食，有味道層次咁食出肉既唔同味，當然呢個只係建議，鐘意燒邊舊就食邊舊開心辣味五花腩味道濃郁，肉質都幾嫩油花好香，鐘意肥瘦肉層層相扣既人會非常喜歡夾唔夾配菜食都得，我個人認為就咁食肉味已好出，唔會覺得油膩, 五花腩，油花香好出，必點特別係厚身既五花肉脂肪比例非常均勻，放到爐上面燒，側面既脂肪會慢慢溶化，等到剛剛熟既時候夾起，肉質好軟熟，入口即溶牛肋肉一條條好易燒，牛味好出，肥瘦適中，輕輕燒到8成熟左右，已夠惹味牛舌燒完後， 好爽口香濃牛味世子放題仲可以任燒海鮮，選擇都唔少，當中我地不斷翻盤既係蝦同帶子真係好鮮仲有好多熟食同韓國小食主食可以任點，點左個泡同炸雞，不過我地都好清楚主要目的係燒肉食，所以留quota全力都係喪燒豬牛肉同海鮮。店員會好主動過來幫忙換爐鰻魚好食，送上爐到烤一下，熱熱地食最正飲品都係任飲，不過款式唔算多，都係韓國飲品為主貫徹番韓國主題環境裝修好似置身韓國既傳統特色烤肉小店咁，一邊聽住韓歌，一邊燒啊燒，連加一都係300蚊人均，食物質素對得住呢個價錢，無得輸…Read More

冬天殺到，四個人約埋一齊又係到左打邊爐既時間，任食打邊爐往往就係我地GATHERING既一貫風格。有次係女人街食完飯，行過見到呢間新開打邊爐仲埋可以同時燒烤真係未試可以一個價錢同一張枱有同時打邊爐&燒野食TOGETHER兩個體驗一坐店就黎左個雞煲，食完雞煲再出去羅料打邊爐，先講下個雞煲，份量好多個雞煲汁好正，夠入味，雞肉唔鞋，汁滲到入去D肉到，著實唔錯唔使羅紙畫，直接行出去扲打邊爐基本既料都齊晒有牛肉有豚肉同雞肉, 好多款肉既部位任君選擇, 仲有好多丸類同菜都有好多種, 都新鮮, 栗米超級甜同多汁FILL得夠快，出面差唔多無晒貨仔就REFILL而且仲有海鮮揀，幾新鮮，種類都唔少有蝦、魷魚、帶子青口，打邊爐有海鮮供應算得上係性價超值海鮮選擇都幾多而且好新鮮，我地扲黎燒D肉質都仲爽口同時都有扲肉來烤，烤肉又點少得點醬呢~呢度有好多種唔同醬自己調，烤肉有專屬既醬再再再來就係有魚生同甜蝦，感覺FUSHION埋放題，而且仲有熟食，得別情迷佢個鳳爪，真係好入味尾聲仲有雪糕同啫喱任食，有紅豆、朱古力、芒果同雲呢拿揀，因為前面食得太多，雪糕只食到兩飲品有得任飲仲有夠凍，食物款式多媲美放題，有4個大櫃，酒都有5-6類，鐘意飲酒既真係好易回本整體環境座位坐得好舒服，，豐富既一餐，埋單右埋中一個人都係180左右, 咁既價錢係旺角可以食到呢個質素既肉來講價性比非常高，一個價錢同時兩種食法，價錢屬抵！會同朋友再黎，真心…Read More

同男友放工係荃灣食飯，係熊貓酒店行下行下見到呢間拉麵, 裝璜好日式風味望下餐牌，晚市黎講仲情係抵食，所以衝左入去食我揀左鰻魚定食鰻魚真係好食到無話可說，燒得好香好金黃，入口啖啖肉，好正定食餐裡嘅蒸蛋，好香好滑，蒸蛋原汁原味，內含日式魚片，香菇。蒸得好滑溜呢定食餐跟支裝汽水，我揀左抹茶可樂，另加$24可樂味中帶有點點抹茶味，沒有原味可樂咁甜，但好飲過原味可妹好多，味道好特別種古早味，值得試珍珠飯軟硬度適中，份量足夠有餘麵豉湯濃郁夠味，有滑滑豆腐粒仲有什菜沙律呢個定食餐真的好食又抵食！性比價高，推介!!!!仲要包埋汽水及日式沙律，成個定食真係抵到爛，有此優質水準，真係要推介俾大家！燒雞翼d肉同骨拆到一字排開燒得夠平均, 又係有好香既炭燒味燒雞腎，正!男友點左豬軟骨拉麵一塊大大的豬軟骨，帶少少脂肪，一D都唔韌，湯底都好濃郁，再配埋荀片同海帶，一碗拉麵好大碗，拉麵真係軟硬適中，煮得剛剛好, 拉麵爽滑得黎，有適當既彈性個醬油湯底夠香吾會死咸總結，價錢相宜，抵食領錢，味道不俗，份量十足，忙裡休閒，晚市值選。…Read More

中秋同朋友飯局當做節，就決定黎呢度, 食放題永遠都係智者之選，一來埋單有數得計，二來食物種類繁多，大家都會有啱食既四個人有卡位坐，座位舒適，有梳化，長形枱刺身種類好多，而且好大盤，蝦，帶子係首推，鮮味壽司款式好多，味鮮有水準，點左成排翻點再點芝士焗蠔芝士焗到燶燶地，加埋啲沙律醬，好夾！蠔又大大粒一定要食，因為佢d芝士真係好多燒菠蘿菠蘿一口啲汁爆曬出黎，夠甜牛舌即燒爽口，面頭帶有少少黑椒，惹味。炸物即叫即炸，上枱嗰陣仲係好熱炸蝦同燒蝦都大大隻，肉質結實壽喜燒牛肉鍋好食呢個都要試下飲品同甜品放滿個凍櫃，自己出去揀我喪飲呢個~~好有消膩作用每人一杯雪糕我揀左哈根大師。總評：食物味道平均水準以上，種類多；熟食質素高，翻點左幾次，無漏單上枱快，值得再回頭…Read More

同事話搵到間唔錯既德國菜，就過黎試下啦，地點都ok就腳, 小店裝潢簡潔卻不失特色, 7點左右餐廳已經好爆，好彩有book位既然去得德國餐廳當然要點豬手啦我地揀左德國鹹豬手配酸菜及薯仔沙律上桌時已經把豬手斬件, 直頭已幫你切埋啲肉出黎, 可以慢慢食鹹豬手塊皮好脆，肉質唔會老夠嫩，份量夠多，外皮爽脆, 啖啖咬落去都有卡卡聲, 肉質又唔太靭 好大隻,4個人食都有淨,好多配菜芝士焗薯條 $88每次見到餐牌上有薯條都會忍唔住芝屎焗薯條 ，份量真係太多，夠晒4個人食有突，記得一定要襯熱食，一拮落去再卷起係好強勁既拉絲，唔錯放凍左就會唔好食, 記得要即食豬肋骨燒肋骨味道唔錯，上面嘅汁甜甜地，肉係好軟好林，易入口特別係隨餐附送既薯條，烤到超脆燒肋骨嘅份量都幾多，4個人share岩岩好了, 我計過每人平均食到2-3條ribs仲有煙三文魚caesar salad~~飲品揀左芒果汁、石榴汁同PEAR HONEY石榴汁坊間少見，所以點左，不錯的說4個人食埋單好抵平均人頭計落都係200一個人，大埋頭份量多，分享一齊食都仲有淨，真心抵…Read More

假日同朋友食飯聚會，放題係一個唔錯的選擇一來埋單有數得計，二來食物種類繁多，大家都會有啱食既。坐得都幾舒服，唔迫, 走動位足夠，基本上點野食都唔使行掃code落單夠晒方便，咩都唔使自己動手，行都唔使點就會自動送上前菜必點螺肉刺身有好多款式揀三文魚 吞拿魚 蟹棒 甜蝦講得出既刺身都有~有三文魚，松蟹棒，北寄貝，象拔蚌有頭甜蝦 等，大把揀。 話咁快，拼盤就到, 擺盤擺得幾靚我就集中揀自己鐘意食既三文魚好肥美，有魚油脂香而北寄貝、帶子、象拔蚌食落口感爽彈！其他都好新鮮燒菠蘿，又酸又甜，食左8舊，好開胃。炸物榴槤炸必食，不斷encore, 外脆內裡軟糯，好大陣榴槤香炸物當中芝麻雞翼都好值得一食再食燒牛舌，本身燘到好淋，味道不錯, 帶有少少黑椒，即燒好爽脆口感，惹味壽司都要推薦一下個人就偏愛火炙&手卷系列飯略有醋香，手握得幾實，一啖一口份量，可以試勻咁多款花之總都唔錯鍋物當推牛肉鍋壽喜燒，呢個好食, 我一個人隊晒飲品方面都有好多種類，仲有埋啤酒任飲真係好抵個人力推呢個荔皮烏龍茶，平時食放題唔係見好多間都有，唔會過甜又香荔枝味但飲落其實係茶，另類健康之選雪糕有一杯我揀左呢個milktop沖繩海鹽味，好食二百幾蚊任飲任食好抵又唔駛諗嗌咩送一大班人食就岩晒，飽住走, 個人覺得好食，呢間屬性價比極高既 。…Read More

原本打算食打邊爐，但當中有人臨時甩底得番兩個，就改路食西餐，朋友熟路食過呢間話唔錯地點都近廟街，靜中帶旺，要行上一條樓梯有D似樓上CAFÉ，環境坐得OK舒服，唔會太迫，一眼望晒一目了然，係OPEN KITCHEN7點黎到已好多人，好彩淨番一張二人枱近靠窗位置跟餐會有包+湯/沙律+指定果汁沙律夠健康，最緊要多胡麻醬點左7成熟，扒紋理清晰可見, 呢塊扒肥面積好大，含汁量高，值牛扒嘅味道香，肉質唔韌，仲幾厚身，牛味好出可以點汁食，但本身塊扒牛味好出，唔使點醬汁經已好夠味入口咬落肉質軟稔不韌得來仍保留到肉汁, 呢個扒肉汁好JUICE肉味香而濃，入口完全食唔到筋或者覺得UN，脂油花爆出係口腔好香，牛味亦好樣濃郁建議可以用供應既喜瑪拉亞鹽食，都食到原牛味鵝肝好大塊，差不多佔面成半個碟既面積，體積都好厚切，真係未試過食西餐鵝比咁大件，好震撼整個口腔都充滿住鵝肝香！味道濃郁，瑞士汁雞翼落單時店員有提過因為即製關係要等20-25分鐘，我地邊係邊等真係即製，上枱好熱冒晒煙，食得出係即整唔係翻叮或預先整熟再慶番熱上枱，真係即製既口感外皮好索晒D甜豉油汁，滷得好入味，口感一流，醬料好味少少甜，外層皮好香，入面肉都汴滷得入味，肉嫩，呢個好食！ 一碟有6碟，隻隻都唔係縮水雞中翼，呢個抵食，必點跟餐飲品有指定果汁，揀左蘋果汁，係樽裝，甜甜酸酸既正常蘋果汁野食有心思同水準，平時食西餐DINNER SET通常份量都係僅僅夠飽，但呢度D野食份量好足夠亦好入味特別D小食唔貴，估唔到油麻地有咁隱世既美食，重要係西餐黎講價錢都幾抵食味道滿意，經開廟街會再黎食menu:…Read More

本身係食肉獸嘅我，打邊爐+韓燒+放題都係日常愛做的事，而鋸扒亦都係我既FAVOUR。呢排見到石燒牛好HIT，一直心思思想試試今日朋友特登黎食，唔想排隊等所以早D夜晚六點到就黎開餐，但都一樣幾多人門口眼見主力賣石燒牛扒，要來要係門口點餐比錢，之後店員比左個送餐器我就可以入座自己揀位坐，個餐器一震就出去自己扲餐我地叫咗牛肩肉眼&西冷扒，都係點左要7成熟牛扒肉質唔錯，脂肪比例剛好，西冷扒肉質好嫩,肉質較厚 亦都好香, 肉味都夠！牛肩則比較有咬口呢款價錢相對前者較便宜，肉味相對前者為淡，但份量唔少同埋肉身都好有牛肉香以此價錢來說，個人認為不錯，絕對抵食！！隨餐會有一款醬，點牛扒時食，但個人最鍾意係張枱上面擺放左既岩鹽，無複雜嘅香料味，單單只係鹹味就可以將牛扒嘅味道提升一個層次，非常推薦大家一試塊扒放上燒到好熱嘅鐵板上，想再食到幾成熟就可以再放耐D，塊鐵板係食完時都仲熱嘅，要小心唔好掂到食扒又點少得點野飲，揀左可樂，夏天真係不可缺少既佳品+$25蚊可以有飯同飲品同湯/沙律食完都食客自行係自助放番餐盤係回收架上，全自坐形式~~一百大元左右就食高質素且有特色的牛排，值得推薦一下…Read More

呢日閒日放假，同朋友出左銅記食TEA。黎左百德新街覓食打番HIGH番個靚TEA，天氣寅在炎熱，呢條街既特色係露天地方可以輕鬆自在坐住食但耐何晏晝太熱一外面雖有風扇射住，我地當然係揀有冷氣涼既室內坐我點左鵝肝牛肉漢堡    漢堡一黎, 有D遲疑我地會唔會食得晒，因為一個漢堡已經咁大個我地仲點左兩個店很細心預先把漢堡分開一半，方便親們SHARE食，個包份量咁大真心要兩個人SHARE先食得晒芝士都幾澎湃下，個舊鵝肝以呢個價錢黎講著實厚得驚人，每一啖鵝香既油滋雖會產生罪惡感，但好想講真係煎好香呢個正，牛肉漢堡好厚切，咬落去好多汁。菜既份量都多朋友點左軟殼蟹牛肉漢堡，牛肉又係超厚但係係都係咁juice肉係有汁亦都烤到剛剛熟，肉質可以保持嫩滑唔乾身軟殼蟹酥炸到好脆身，夠香口，要比個讚一啖咬落去，相信各位親既櫻桃小嘴會塞唔晒，D餡會漏番出黎，可以想像D用料係幾咁澎湃同多另加小食黑松露芝士薯條黑松露芝士薯條上面陣芝士有拉絲效果，有黑松露既香味，配薯條夠百搭，薯條夠脆身辣雞翼個人偏愛既小食系列，雞翼皮烤到好脆，唔錯飲品我簡左杯，自家製的蜜桃冰茶，食漢堡炸物一定要配番杯酸酸甜甜既飲中和膩滯感，呢D天氣唔飲凍野真係對自己唔住。如果唔想點飲品都可以自助斟水飲呢樣好貼心漢堡配上芝士 蕃茄沙律菜，份量都唔少, 有減去肥膩感之用，真心全量好足，味道實在唔錯，價錢唔算貴，而且重點無加一，西餐無加一收費呢下好抵食，下次會同朋友夜晚黎食，嘗試另一番感受。MENU:…Read More

今日係公司LAST DAY，要派埋散水餅係總行呢邊番工既幾個特別要好既同事，之前係網上見到有得訂散水餅，見到包裝精美，有D特別，所以揀左呢間，反正都係訂，同時亦都訂多幾件同屋企人食，以下呢幾隻味正是同家人分食後之有感~~~店之外觀，成間店只係用橙同白對色好SHARP店入面都係橙+白，好醒神，簡約而突出包裝好方便，就到晒扲既手感且好環保，貼心既係每個盒仔上面有寫上NO.對番卡片上既NO.就可以搵到自己想食既味，唔係逐盒慢慢打開1號:牛奶朱古力柚子撻: 鐘意食朱古力所以揀左呢個，牛奶朱古力白而滑，朱古力唔覺得過甜，特別鐘意食中間果層朱古力醬，撻底為消化餅3號法式咖啡忌廉布丁撻: 咖啡味好香，忌廉滑身，餅底係牛油皮，焗出嚟頗鬆化，唔會死實實，非常香脆，撻皮鬆脆，甜而不膩，個人最愛5號士多啤利忌廉撻: 上面層士多啤梨醬食落酸甜，薄薄的忌廉不會太膩喉整件甜而不膩, 撻底係消化餅，夠鬆化唔會實的的6號:白桃忌廉撻:呢個係清新之選，桃有果香，桃同撻底中間既醬加了一層果蓉，唔會過甜，味道突出，呢個清新口感，撻底為曲奇，帶點酥脆，口感輕盈不膩9號黑芝麻抺茶撻: 撻底為朱古力曲奇，帶點酥脆，面果舊抺茶超甘，好重抺茶味口感夠滑，有D似ROYCE既綠茶朱古力，但呢個味口味較甘，中間夾心係黑芝麻蓉好香滑，層次多，呢個係我第二最愛。食食下抺茶撻時記得店入面有呢張CERT，個抺茶味道咁甘，先聯想起個師父真係係日本深造過家下普通西餅連鎖店一件四四正正既CAKE都差唔多接近30大元，高級精美D既CAKE  SHOP都差唔多40-45蚊一件。呢個法式撻精緻咁多且用料講究咁多都係平均45蚊件，唔算貴，一試之後真心覺得用料講究，味道食得出，有別於一般餅店製法，唔錯。…Read More

係豪華戲院睇完戲，睇完戲朋友話食過對面間蒸氣鍋，任食$268價錢同平時食放題價差唔多，老納未試過食蒸氣鍋，都想一試下新野7點左右好旺行上一層電梯就到，個場都算大，冷氣夠凍一開波就煲粥先，擺晒啲野係鍋底(准山雞粥)，然之後就唔洗理佢上面就開始蒸海鮮，旁邊有個計時器，店員會教食每一種海鮮就按幾多分鍾，確保海鮮唔會過生或過熟送每位乳鴿一隻，熱辣辣上，好有水準海鮮可以揀4款，點左餐無耐啲海鮮就黎到，好新鮮！見到店員係水缸到撈完就即叫即劏，唔會係整定放係到店員好細心幫我地放海鮮去蒸,原來蒸都有分次序,由清到濃,所以一開始係食甲殼類多蜆好甜大元貝彈牙爽口, 大大隻，都好彈牙聖子蒸味後勁 好咬口，鮮味好出鮑魚因為清蒸，食落味道較為淡，不過咁樣反而食到鮑魚本身既鮮味另外值得推介既就係依到既手打丸類！有蝦丸、梅菜豬肉丸同墨魚丸，雖然咬落既時候無”食神”入面楝晒汁咁誇張，但係都十分彈牙，同場市丸真係完全口感唔一樣手包攪都正肉都唔錯，蒸既肉都好入味最後蒸埋蔬菜，餐紙上面有好多菜類揀，有娃娃菜、南瓜、粟米、矮瓜、糕類未試過即蒸即食，每次食下停下咁反面可以有時間落下隔，食完唔會覺得飽飽濟濟 最後食埋呢個煲咗咁耐既准山雞粥，之前蒸海鮮蒸出黎既水都會倒返去粥到，所以啲粥亦到有曬海鮮既鮮味，吸收晒所有既精華，粥感好綿價錢合理，地方坐得舒服，食物夠鮮夠原汁原味，真係大滿足。…Read More