Kiwiwee's Profile

我哋嘅飲酒根據地🔥 今次嚟補祝朋友生日加開餐😁 點左佢哋嘅招牌麻辣雞煲🌶️ 個湯底麻辣得嚟又夠香，唔會死辣，啲雞件好嫩滑，勁正🔥之前食過安格斯牛肉盛宴圈，加$188就有一圈，食到好多款靚牛，今次當然都唔執輸，嗌返個🥩 嗰圈擺盤靚到好似藝術品咁，入面有安格斯牛肉粒、崩沙腩、薄切牛舌同美國安格斯牛頸脊，每一樣都高質到爆！安格斯牛頸脊輕輕烚幾秒就入口即溶，崩沙腩爽口，薄切牛舌又彈牙，真係食得好滿足！而且酒水選擇都超豐富，有清酒、白酒、啤酒、生啤，連果酒都有！🍻 我哋呢班酒鬼嚟到真係好似天堂咁，不醉無歸🥳最驚喜嘅係，佢哋而家生日慶祝，會送三文魚蛋糕！🍣 個蛋糕造型超靚，三文魚刺身堆成玫瑰花咁，睇得又食得，超級有心！💖 聽店員講，如果我哋夠六個人嚟，仲會免收一位，下次一定要拉多幾個friend嚟食！麻甩爐真係一個好岩同朋友聚餐嘅地方，可以食得咁豪氣，又任飲各種酒精免額外收費，最重要係無限時唔洗趕住走！真係無得輸，下次會再嚟🍻…Read More

前排去咗銅鑼灣本命鐵板燒，試吓佢哋個雜錦盛套餐，成件事好有儀式感，睇住師傅喺你面前showoff下，下下手起刀落，真係好正！( ´▽` )ﾉ 嗰套餐有齊晒海陸空，由前菜、甘鯛、大蝦，到和牛、蟶子，再到鵝肝，等你食到差唔多先整下一道菜，好細心💕必須讚！甘鯛真係好正！師傅ＣＬＳ，竟然燒到塊魚皮脆卜卜！而鵝肝亦燒到外脆內軟，油香爆發，食落去一啲都唔腥。同埋嗰個和牛，同埋啲蒜片一齊食，解膩又惹味🤤 食到尾聲有炒飯、吸物同炒菜，我食到炒飯已經太飽，為左甜品食唔哂😂 最後個焦糖多士配雪糕，一冷一熱，個焦糖脆卜卜，係個完美嘅ending！我個日去仲有個優惠：依家消費滿 $1500，會送一隻溏心瀨尿蝦✨ 望住啲溏心流哂出黎勁正！呢間大推比大家一齊去食🤤…Read More

襟襟下外賣，見到Pizza Hut出左海賊王批🤩 作為三層飾櫃都係海賊王figure死忠粉既我，即刻狗衝order💃外賣一黎到即check有無官方講既襟章⋯無襟章既⁉️係咪panda落單無得送😱 nami杯套/貼紙又無⁉️ 我唯一得到既周邊係薄餅盒，仲要因為放重野扁鬼左⋯唯有寄望野食⋯ 👒ONE PIZZA：海王芝士扭紋批🍕 一如既往，薄餅盒面一定放滿野，一如既住，薄餅撐得兩個，草帽扁哂😭 味道方面唔明點解會千島海鮮加西蘭花⋯係咪喻意草帽一伙終於到嗶嗶嗶嗶？（唔劇透啦） 係滿滿既海鮮草味⋯一言難盡🍃猛烤威靈頓豬脾皇，呢個真係個人口味問題，我覺得太濃，酥皮包兩大塊煙肉膽腌過既豬髀，仲要有埋啲醬，極濃味🤯 不過我家既食肉獸好like⋯🤡橘子鎮·橙柚梳打，正路野，不過再落啲橙皮先⋯？有橘子皮係底，好神奇😂唉，我都係乖乖叫返千島海鮮/錦繡至尊批🙈…Read More

清清相簿出食評！📸 呢張相嘅重點唔係個景深，係後面想入鏡嘅職員，望鏡頭望得幾專業！😎其實我真係好鍾意食雪糕，仲要係呢種綠茶味，每次都係兩球特大筒裝唔該！🫣 有朋友話過我，呢啲只係維記雪糕嚟，係「垃圾」嚟㗎！但我必須講，對我呢個 cheap 口嚟講，「你是最好der」🤤。專業少少講，佢個茶味唔會好出，係偏向奶香味濃嗰種，但勝在質感夠厚實，唔會好快融，重點係性價比真係高！🍦 雖然我喺日本都食過好多種貴嘢，食完一輪，最後都係鍾情呢種「垃圾」，我都係 cheap 口只愛食 cheap 野㗎啦，算叫忠於自己！( ´▽` )ﾉ如果你哋嚟西九龍中心，唔想食到肉赤，呢個平民雪糕真係可以試吓！…Read More

早排喺Threads度見到有間甜品店勁紅，話啲嘢食好正，搞到我個心囉囉攣！🤩 難得有日得閒，即刻約埋朋友去試吓佢！一入到去，成間舖頭都係貓貓🐱🐱嘅佈置同公仔，超可愛！😍 搞到我哋又影相又摸公仔，都唔記得叫嘢食添！坐低咗先發現 Menu 上面全部都咁吸引，搞到我哋有選擇困難症，掙扎咗好耐呀！🙈最後我哋點咗幾個招牌嚟試吓！首先要講呢個芒圓丸，一端上枱已經夠晒吸引！每粒丸子圓碌碌，外皮軟糯Q彈，咬落去內餡係新鮮嘅芒果肉，爆汁又香甜，果香喺口中瞬間散開，甜中帶點微酸，清新又唔膩。食完真係好似食咗成個夏天嘅精華咁，真係完美嘅下午茶或者飯後甜品呀！食完甜又想食鹹，蜜糖雞翼嘅金黃色澤同濃郁香氣真係令人忍唔住流口水！🤤 雞翼烤得外皮香脆，微微焦香，咬落去肉質嫩滑多汁，仲帶有蜜糖嘅甜香同焦糖風味。調味恰到好處，甜中帶點鹹，真係食到停唔到口！之後嗰個開心果窩夫（畫碟），又係一個令人眼前一亮嘅甜品！一上枱就用佢嘅賣相同香氣搶晒我哋眼球！窩夫烤得金黃鬆脆，外層微脆，內裡軟綿，口感層次分明。開心果醬嘅濃郁堅果香氣同窩夫完美融合，甜度適中，唔會膩滯，仲帶點淡淡嘅鹹香，令人一試愛上！畫碟嘅設計更加分，擺盤精緻，每一啖都係視覺同味覺嘅雙重享受！呢間店嘅嘢食真係有水準，環境同服務都好好，係同朋友或另一半嚟chill嘅好地方！下次仲想試吓佢哋其他新奇甜品，強烈推介俾鍾意甜品嘅你！…Read More