zipzipzoe's Profile

昨晚同朋友去完，好好食🤤🤤🤤🤤🤤推介👍👍👍👍👍1. 雞皮餃子❗雞皮好香，脆脆哋完全不油膩，一口接一口2. 凍柚子烏冬❗麵條有柚子味，真係充滿驚喜，非常清新的味道，夏天食真係好正，而且烏冬十分彈牙，再配合埋帶柚子香的麵汁，略粗的麵條可以掛多啲汁，真係好夾，會為咗呢個麵我會再嚟幫襯😃😋🤤。3. 天婦羅炸菜櫻花蝦餅❗以為炸菜會好乾？又唔係喎，帶啲芫茜香味，炸得好酥脆同埋夾埋櫻花蝦一齊係好夾4. 炸雞件❗好多時食炸雞都要點汁或者炸得太乾，但係呢度的炸雞面帶些椒鹽，雞件保留肉汁並與面頭的椒鹽味道好夾，唔駛點汁醬都已經好好味5. 凍蕃茄❗已去皮並且配埋青瓜絲，芝麻醬一齊，夏日必選的清新健康小食6. 海苔烏冬都係十分出色，夏日的又一清新選擇，帶點點海苔味，麵條同樣彈牙，配合薑蓉，芥末，蔥，芝麻的麵汁十分搭配😃整體而言好欣賞淨烏冬配搭多款小食，小食包括炸物及關東煮等，真係同香川縣嘅烏冬相似，凍熱烏冬+自選炸物小食，真係無諗過香港都有咁日式嘅烏冬口味。😃…Read More

之前路過見多人排隊無試。碰巧上週六下午茶路過只有兩個人排，等咗一陣就有位啦。因為我是一個人的緣故，起初坐在四人位，旁邊的兩個人差不多埋單，我見有些二人枱離枱，我未點菜，於是問侍應是否要調位，免得食食下要我走位... (一個人食嘢好多時就係咁...) 佢話唔駛，咁我就照坐。點知到份餐到咗時，真係要我調去二人位，我同侍應講我之前都講咗啦！！不過我都好合作調位，下一次就安排好啲，免得要客人食食下走來走去。先講講環境，裝修有點特色，座位主要是卡位，燈光有點昏暗的，傾計食下嘢好似唔錯...... 但牆邊好大塊剝落！？講番主要的嘢，就係食物。下午茶選擇頗多我點咗一份朱古力蛋白西多。從餐牌看來頗吸引的。可是送來的是這個樣......沒想過會炸到咁燶，賣相好差，而且十分油，每件都好多油。也因為分開一件件來炸，更加吸油。廚房可以做好啲先吸下油才上碟吧。即磨咖啡味道還可以。總體這個價錢來說，環境OK，食物則太差了。…Read More

認識這家餐廳是透過OPENRICE，故此也想在光顧後寫篇食評，讓其他食客來個參考。我和朋友二人惠顧。我早一晚於網上訂座，翌日中午職員來電跟我確認訂位，不錯。事實上我從未到過金雞廣場，第一次去到，個人感覺這個場地由等電梯到上到餐廳之前的一刻，十分麻麻，因為中途停的樓層都是上網網路城、桌球場、聯誼會...... 不過抵達十九樓後，一打開電梯門就見到雅緻的To-gather Cafe。即時感覺放心。原定的訂座時間是7:30，我早到半小時沒有問題，職員安排入座，態度友善。說回最重要的食物，我和朋友二人點了：1. 凱撒沙律（$65） 菜好新鮮（此餐廳可標榜菜源是元朗有機水耕菜！）煙肉乾脆脆的帶點鹹香、惜麵包粒不是蒜包粒，不脆。2. 主餐－－青口煙三文魚意大利飯（包餐湯及一杯$30或以下飲品）（柑桔綠茶）$90餐湯可能是麵粉太多，比較＂杰＂身。還好材料中有蜆肉及蔬菜粒，味道還好，但湯的整體水準有待改善。主餐特別在於飯，白汁濃度剛好，而且有菇菇增加口感，不過我吃不出是否意大利飯，也沒有留意。至於煙三文魚都是那種味，而主角青口，吃不出有什麼驚喜。3. 小食併盤 （$75）此小食併盤賣相佳及份量足。不過除了鹽酥雞及雞翼，其他如餃子、春卷、咖哩角、雞肉串、薯條都是現貨食材（不清楚蔗蝦是否現貨），廚師只是把食物炸熟或加熱，故此沒有什麼特別，當然，炸過頭也不成，薯條有點炸過，其他都ＯＫ；餃子加了木魚碎及醬汁也有心思。而我估計的非現貨食材－－鹽酥雞及雞翼都很好味，沒有炸過頭剛剛好。鹽酥雞鬆軟鹹香；雞翼面層有蜜糖，甜甜的很惹味。如果這併盤能加多點廚師自創的菜式會更吸引。4. 提子沙冰 （$33）最後，整體服務都很好，職員態度友善。飲品我先是要少冰，然後發現不太夠再要求職員加冰也很樂意，沒有黑面。請職員幫忙影相也樂意幫忙。…Read More