yckcobey1998's Profile

最近喺疫情影響下，少咗人出街食，好多黃店都告急，所以有機會出街食飯都盡量幫襯黃店💛 今次呢間餐廳喺牛頭角一個橫街小巷，離最近嘅地鐵/ 巴士站都要行10-15分鐘，所以都幾隱世下😂 不過7:00pm嚟到已經有幾個人排隊，2個人等到7:30pm先入座我叫咗個伯加利雞扒扁意粉+轉set (南瓜湯+ 蒜茸包+ 燕麥奶）$62+18 南瓜湯正常，都算creamy, 但無咩南瓜茸蒜蓉包焗得好香脆，蒜蓉味都好香，浸一浸埋湯好夾 餐飲可以揀燕麥奶，夠晒特別😚 主菜伯加利雞扒（唔係好記得個全名😂）有兩大塊，焗雞扒上有開胃嘅蕃茄汁+ 拉絲芝士，吸引到忍唔住食晒兩塊雞皮😂 雞肉都好juicy，但扁意粉似係烚完即刻嗶上嚟，令到碟有啲水，溝啖咗d汁，而且意粉唔係好夠熱意粉嘅沙律菜都好新鮮，份量都唔吝嗇🥰 男朋友叫咗個鐵板牛腱扒(prime級）配薯條試咗少少牛腱扒，牛肉味好香濃，絕對對得住佢價錢！呢個餐嘅沙律菜份量更多，鐵板都有啲翠肉瓜、鴻喜菇，唔洗驚食得太多肉而無菜食😂 唯一要挑剔嘅係薯條上菜唔夠熱，睇嚟呢間餐廳真係要好好manage食物上菜嘅溫度😣 …Read More

喺華都商場一樓走廊最尾 鋪位唔算起眼 但偏偏去親都會有好多人等位 我諗一部分係想落力支持黃店 另一部分就係食物質素值得排咁耐🙇🏻‍♀️2個人大約等咗20分鐘就入座 侍應姐姐年輕有禮 一坐低就俾餐牌我地 問佢嘢又好有禮貌咁答 覆單亦很用心 👍🏻 叫咗個唐揚炸雞扒咖喱蛋包飯，送是日特飲（凍荔枝紅茶）$66炸雞扒咖喱蛋包飯份量豐富，賣相吸引！炸雞扒有兩大塊，肉質好嫩滑甜咖喱好香，勁好送飯，配有一舊煮得入味同腍嘅薯仔🥔蛋包飯嘅蛋份量都好多，炒得啱啱好，唔會好老整體嚟講成碟飯嘅賣相同味道都令人好開胃，勁快就清晒😆😆 而lunch set會包飲品，凍熱都唔洗加錢，嗌咗嘅凍荔枝紅茶大大杯，有清甜嘅荔枝味，飲完即刻清晒口腔嘅咖喱餘韻😂 …Read More

良心餐廳加藤屋以牛肉飯起家，但我最鍾意佢地嘅雜炊飯，天氣凍凍地時食最窩心💕今次第一次去安定呢間分店幫襯，環境都幾寛敝，除低口罩食飯都不至於太擔心😉一如既往叫咗個壽喜燒雞肉雜炊鳥冬，跟玄米茶（$42）配料非常豐富同健康，有滑雞肉、豆卜、蟹肉棒、獅子狗、雞蛋、金菇、粟米、木耳、海量嘅娃娃菜，真心夠晒營養，口感又豐富😚我+$2由飯轉咗烏冬，因為佢嘅烏冬絕對唔cheap, 食落似係讚岐烏冬，口感煙韌又唔易斷，而且無酸味，分量又多！而壽喜燒湯底甜甜地，有啲似以前吉邊果隻湯底（好耐無食😂）不過較其他湯底多油 真心好鍾意呢間連鎖黃店，希望大家多多懲罰，愈做愈大，比啲骨氣唔好幫襯對家呀！💛…Read More

而加係元朗坐低食個飯 閒閒地都要$4、50蚊先埋到單 今日下午有野趕住做 想搵間快靚正嘅黃店食個lunch, 就即時諗到去肥仔海南雞食，叫咗個去骨海南雞飯（$32）坐低唔夠5分鐘，老闆娘即刻送上例湯同雞飯例湯較油，但雞味幾濃，有幾粒煲得好入味嘅冬瓜粒，冬天飲落好暖胃而海南雞去咗骨啖啖肉，雞皮同肉質都好滑，一向唔食皮嘅我都食晒😍 蘸埋佢地嘅薑蓉同甜酸汁都好夾😂 而油飯飯身乾身，粒粒分明，一邊撈黑豉油，好唔覺意就清晒成碟飯😍 搭碗嘅3塊青瓜都好fresh, 解膩一流！整體普通size嘅雞份量大約半個手掌，男士可能要加雞（+$15）先夠飽；但我覺得飯量都算多，食晒飯都已經飽飽地🥰總括嚟講，全港最平嘅去骨海南雞飯應該只此一間，想食個平靚正雞飯可以去試試💛…Read More

良景市集俾我感覺都係一般領匯街市 以為無咩特別野食 點知今日經過呢間喇沙皇見到一碗喇沙都唔洗$60，比出面平咁多，就一於堂食試下佢先全店係得老闆娘一個包辦落單、煮餸，我叫咗招牌雞扒喇沙摻摻（$40），可能肺炎無咩人堂食關係，坐低大約10分鐘就有得食喇😍老闆娘捧碗麵果時同我講碗湯可以飲晒，無落味精。而湯底椰奶味幾香，唔算好辛辣，飲落都幾順口，我飲咗好大都完全唔覺口渴，應該真係無落味精，夠老實！而雞扒份量十足，差唔多鋪晒個面咁滯；而且皮脆肉嫩，好耐無食過咁正又咁大塊嘅雞扒😍而麵底我揀咗傳統嘅摻摻，即係米粉mix油麵，麵質同份量都正常，唔算好掛湯！另外，喇沙配有好索湯嘅豆卜，係好出色嘅配菜🥰總結嚟講，雖然街外人迫住要係街市堂食，環境唔係咁好，但用咁抵嘅價錢可以食到咁高質嘅喇沙湯底同雞扒，我覺得都值得！…Read More

小鍋米線係元朗都算出名 係西裕街果間長期都好多人幫襯 而今日就試下水邊圍果間呢間人流無總店咁多人 坐得都比較寛鬆舒服 叫咗個雞扒招牌小鍋米線 （$38）配料同總店一樣豐富 有肉碎 生菜 腐竹 好好味嘅甜酸菜 但薯粉口感太腍 唔夠煙韌 食落好怪 又唔索湯 下次都係叫番米線 而雞扒份量較少 雞皮香脆但較肥較多油 米線另送一杯豆漿 甜度適中 豆香就一般 …Read More

呢間餐廳位置係荃灣嚟講都算隱蔽 但搵好西就唔介意捐窿捐隙🥰單叫咗一個蘑菇芝士牛肉漢堡（$55）麵包烤得香脆同有牛油香手打牛肉夠厚 又不失肉汁 配搭車打芝士感覺好豐富 醬汁、蕃茄同生菜夠新鮮同爽脆 中和番牛肉同包嘅飽滯成個burger好足料 疊得好高 食果時好失敗咁要用刀叉逐層切嚟食😣 另外男朋友叫咗個型男漢堡（$65），加飲品就送薯條配茄汁 佢比classic burger 多咗流心蛋同紅菜頭，一樣配搭得好rich 💕 薯條粗身 調味啱啱好 唔會過鹹 食物整得好用心 值得下次再嚟食呢度嘅隱世burger 🤪…Read More

呢度嘅鋪面同廚房都係開放式 有啲係吧枱 坐得會較迫狹 好有係日本屋台食嘢嘅地道感覺😂 叫咗個魚介湯叉燒沾麵（$82）魚介湯濃而不膩 個人覺得就咁飲都唔算好鹹 而沾麵質感彈牙煙韌 非常掛湯 細看之下麵條仲有粒粒小麥嘅物體 應該係自家製作😍而兩塊叉燒肉質較腍 燒得有油脂香 糖心蛋蛋黃亦夠流心，附有嘅筍都好清爽😍 總括嚟講，成碗麵都整得好有心機，拍得住日本食嘅水平；而侍應都好後生同有活力💪🏿…Read More

上星期去行山之前去咗呢間小店食 門面唔算好起眼 但入到餐廳個環境都幾大下 有個廁所方便食飯前清潔雙手 我叫咗個牛肝菌汁雞扒意粉（$45，學生$40）牛肝菌汁多到鋪滯成碟意粉，食落去都幾香蘑菇味，而且個汁仲有好多粟米同蘑菇，口感夠晒豐富😍而連皮雞扒係切開左四舊，份量剛剛好，雞扒略多脂肪，但肉質都算鮮嫩😍意粉份量稱得上係海量，好彩汁夠多，食到最尾意粉都有汁送入口，夠晒飽肚 😍而午市嘅餐飲仲可以升級到紅豆冰😍 紅豆份量豐富，粒粒分明有咬口，甜度較低，啱晒健康人士😂 另外，呢度嘅侍應姨姨服務應度好好，好親切，值得再嚟支持！…Read More

我叫咗個香茅雞扒肉燥飯 ($44) 雞扒份量勁多 滿滿一大碟 炸得唔油 但食落比較乾 附送嘅甜酸汁都幾香 伴碟嘅青瓜剛好中和雞扒嘅飽滯 😇而飯份量都差唔多一碗半 肉燥汁味道普通 較重芡汁味 肉燥較瘦同健康 不過餓起上嚟都夠我撈咗差唔多成碟飯 😁 午市附送例湯、菊花茶；例湯標榜無味精，飲完唔口渴又唔油膩，仲非常足料，大大舊雪耳🥰 而菊花茶係用即棄膠杯裝住，甜度適中，又有消滯作用😉 總括呢一餐性價比真係好高，會繼續去食同多多支持！🥰…Read More