mchleung's Profile

週末晚餐後大概八點半路過北河街，看見公和豆品廠還在營業，就進去吃了個宵夜。這家老字號保持著傳統的港式裝修風格，牆上掛了白底紅字菜單，地下也保留了懷舊的綠色瓷磚，整體乾淨整潔。我們點了大的無糖豆腐花和叄併拼盤（豆腐、豆卜、魚腐，各兩件）。豆腐花口感細膩，豆香濃郁，不加糖也能嚐到自然的清甜，適合喜歡原味的人。拼盤中的食品已炸好放在店內，上菜速度很快，下單後一分鐘左右就端上來了。三併中最出色的是豆卜，外皮炸得金黃酥脆，咬下去會發出"咔嚓"聲，內裡卻保持鬆軟，油香十足但不會太膩。豆腐釀肉餡料飽滿，魚腐有點彈牙及帶著淡淡的魚香。桌上配有泰式辣醬，蘸著吃更添風味。我們在九點左右開始收拾打烊，吃完正好離開。這家老店的豆製品水準穩定，想吃個簡單宵夜，這裡是個不錯的選擇。…Read More

早一點在下午茶時段吃個晚餐確實是個省錢的不錯選擇。這天在佐敦辦完事，經過「皇牌冰廳」時，看到他們的下午茶餐牌中的炒粉麵價格相當實惠，便決定進去試試。下午五點許走進冰廳，店內客人不多，有不少座位選擇。點了一份鰻魚炒飯，再加10元配餐包和羅宋湯。點餐後大概五分鐘，食物及飲品已全部送上，效率頗佳。羅宋湯酸甜適中，番茄味濃；鰻魚炒飯鑊氣夠，米粒分明，每口都嚐到鰻魚汁的香；餐包夠熱及內軟，蘸湯吃正好。雖然餐牌寫明是「輕量版」，但實際份量對一般人來說已很足夠，完全能吃得飽足。另外，見到餐廳還供應幾款跟蝦有關的餐點，像是美人蝦和芝士焗蝦煎麵底，看起來頗吸引，或許下次可以再來一試！…Read More

工作天的喘息來了屯門紅橋附近的BYOB吃個午餐。今天人不多，可以直接入座，餐廳是採用先付款點餐的形式（現金/八達通），所以我們在付款後就耐心等待送餐。我們各點了一份主食，上菜速度很快，下單後大概5分鐘就有了，先來到的是北海道帆立貝明太子意粉、大蝦寬條麵及蟹肉牛油果他他沙律。我們再分別點一杯喝料：焙茶鮮奶咖啡、焦糖脆脆鮮奶㗎啡及朱古力。以下幾個值得一提的：1)大蝦寬條麵蝦有四隻，而每隻外邊的肉也煎到有點脆皮，口感很特別，有點像煎餃子的皮。至於麵條，應該是用蝦頭油煮的關係吧，真的很香，吃起來也很creamy ，軟硬度又剛好適中，真的不錯！2) 蟹肉牛油果他他沙律 賣相不錯的，各食材一起食的話口感豐富，每一口也充滿蟹肉味，當中的蛋黃及蟹味較為突出。圍繞着的伴碟原來是小餅乾上放著切好的小葡萄，很精緻。3)熱朱古力看似平平無奇，但原來表面的朱古力奶泡很濃厚，很不錯。另外，餐廳提供的飲用水及餐具（义子)是要自取的，如果需要匙羹就要另外找店員吧。…Read More

最近去咗個位置於小福建（北角）嘅「小城鎮」食飯。即日喺open rice訂咗枱，好方便。餐廳位置唔太顯眼，不過都算易搵到。環境裝修有心思，有種懷舊嘅感覺，牆上掛著唔同國家嘅特色裝飾物，係咁講出哩都覺得好似去咗個小旅行一樣，哈哈。畢竟大家都差唔多成年無離開過香港去旅行，剛好餐廳個名又有幻想空間。今晚嘅食客唔算多，大概一半滿座，坐得舒服，唔會有種壓逼感，更重要嘅好乎合社交距離嘅準則。菜式選擇都算多，有得散叫或有多人餐。我哋之前巳經喺「K 碌」入面買咗二人餐去兌換，哩個餐牌係同餐廳本身嘅二人餐有少少唔同，店員溫馨提示我哋下次要電話提早預約咗先可以食到哩個餐，因為有啲食物要預先準備，感恩我哋今晚叫嘅食物最後都有。今晚只有一個服務員，睇得出佢好奔波，成晚不停走泥走去，真係辛苦晒，thank you !首先，所有嘅熱食上到枱仲非常熱辣辣，應該全部都係即刻整，我哋要攤咗一陣先食到。前菜我哋嗌左雞翼同埋肉丸。雞翼有4隻，尺寸可一啖一隻，趁熱食好香脆。肉丸配合個茄汁好香香草味同入味，好開胃。（我哋之後留返d汁沾薯條食。)主菜方面我叫咗香草芝士焗海鮮飯，雖然係白飯底，不過我覺得都OK，個香草汁好濃味。至於另一個主菜，我哋就叫咗豬肋骨，比預期中大份，不過就唔係每一條骨都好入味。至於甜品方面就比較驚喜，原來係一個大酒杯裝住Baileys Tiramisu雪山。一半手指餅吸咗酒，加上面頭嘅忌廉一齊食，先入口即溶，隨即係脆嘅口感，好有層次。最後，今次個2人餐仲有其他嘅甜品提供，但就每位每次只限兩份甜品，以避免浪費。我哋就試埋個是日精選蛋糕(朱古力芝士蛋糕)同埋芒果糯米糍各一件。前者好濃朱古力味帶偏淡嘅芝士味；後者偏厚皮，芒果唔酸，兩者都不過不失。以上嘅食物睇起嚟唔係好多，但我哋都已經好飽。埋單就俾番服務費$28就可以走得。下次再去嘅話，記得電話訂座！總括嚟講， 呢間餐廳嘅食物味道、座位及環境都不錯。…Read More

自從發現K碌做緊指定飲品有指扣後，今次已經係同一個月第二次幫襯，同上次一樣，無得少甜少冰。今次飲品嘅珍珠數量比較參差，有杯係特別多珍珠。我今次都係同上次飲一樣嘅飲品，珍珠味道較上次無咁甜，黑糖味已無咁濃。不過喺同一條街/附近泥講，唔計較服務質素$20一杯性價比依然好高，仍然值得繼續購買。推介嘅飲品會係黑糖珍珠海鹽鮮奶，表面嘅厚鹽味奶蓋同底部黑糖味嘅對沖真係好特別！…Read More

限聚令啱啱放寬咗六個人，又係星期五，一齊去食番個happy Friday lunch ！今次揀餐廳嘅準則係以價錢為主要考慮，一開apps揀，原來公司附近有間價錢相宜嘅新餐廳，就決定去試一試。食之前confirm 咗booking 先，店員服務好好，先send 餐牌俾我哋睇睇先。菜式選擇都算多，有lunch set 同 其他散叫主菜、小食同甜品。比較後發現lunch set(無加一）係性價比較高d。而去之前有上網大概睇睇內在環境係點，但入到去真係有好大衝擊 (視覺上)，冇諗過成間餐廳都係遍佈花海。餐廳入面有兩道掛滿花嘅牆壁，一道鮮紅色玫瑰花牆壁同一道粉紅色花瓣牆壁，而今次就安排咗坐正喺粉紅色嘅牆壁前面食飯。今日食lunch 時間，大概有8成位坐滿，食物同飲品上菜嘅速度都算快。每個飲品同食物上枱時都擺得好靚，都有唔同嘅植物主題伴碟。今次食咗呢幾樣係比較深刻嘅：1)來自地獄的意粉一放上枱就聞到辣汁嘅強烈味到，中西合璧嘅感覺 - 川菜味道嘅炒意粉。2)香蒜芫荽雜菌炒意粉比較驚喜嘅一味，原本以為係用番荽煮，但原來真係用咗平時打邊爐食到嘅芫荽，仲要係好足料，夠晒濃味，芫荽愛好者應該好鍾意，特別係d菇吸咗好多芫荽水，唔錯！3)紫薯牛奶鮮奶較為厚，飲落口嘅質感唔錯，不過略嫌多大粒嘅冰，同個人覺得枝細嘅透明膠飲管好似外觀上唔太夾。4)熱朱古力我哋叫咗兩杯唔同味道嘅朱古力熱飲，兩個表面都有層奶泡加乾花裝飾。值得一提嘅係其中一杯用白色杯，另一杯用咗好貴氣嘅藍金色杯，好靚!下次落單前會希望用後者嘅杯，影出泥好靚！5)蝶豆花青檸梳打蝶豆花差唔喺今餐每一樣食物或者飲品都有出現。呢杯飲品淨漸層色賣相已經好值得叫，味道就有少少酸酸地既梳打水，都適合夏天飲，同埋坐喺餐廳中間位置嘅冷氣都唔算大，所以叫凍飲都適合。 6）香草忌廉雜菌意大利飯 & 二重奏忌廉煙肉芝士貓耳朵都係用碟豆花嚟裝飾，味道不過不失，兩碟都creamy，睇落去覺得好細份，食完就覺得份量啱啱好。貓耳朵口感唔錯。最後，好建議去餐廳之前悉心打扮一下先，無論食物同環境真係一個打卡嘅好地方。下次再去會試嗰個特別嘅切餅(又甜又辣嘅蛋糕，唔記得叫咩名)今日見到附近好多人都叫呢款飯後甜品。另外，疫情關係餐廳已經用白色膠板分隔隔離枱。不過，如果改用上透明膠板嘅話，咁，應該可以更方便坐得遠嘅客人影到花牆。…Read More

一段時間無泥，今晚再次泥到佐敦嘅栢檔，未入去已經見到門口寫住做到今個月嘅通知，感到有點可惜。 一間係無論係自己一個 或者係 同其他朋友都會泥食嘅餐廳就嚟要結業，栢檔呢個名真係比我有好大嘅親切咁。雖然有其他分店，但佐敦呢間分店位置好方便，希望老闆可以襯最近其他街舖都減租，喺同區附近搵番個更好又租金相宜嘅位置。近排係非常時期，餐廳有做到用圍板去儘量分隔食客嘅距離，所以今晚坐得較為鬆動。至於食物方面，海南雞飯依然好食，同三色嘅雞汁好相配，油飯少油咗但無之前咁香。 今晚個湯有少少失望，因為平時飲開有好多南瓜溶，今晚個湯好似稀咗少少。…Read More

我哋訂咗平日6:30晚餐。係嗰晚第一枱客。一坐低就有香草味麵包條做welcome food。店員介紹一下餐牌內容。我地今晚叫咗4隻生蠔同幾款熱食。店員建議我地食咗生蠔先，其他菜式稍後叫起。生蠔各款的價錢相差不多，有幾款蠔半價（紅色點點）。我地叫咗：(1）MAJESTIC-鹹味唔重，肉質爽脆又鮮甜海水味，好新鮮！(2)Senrinwless (France) 開頭好鹹海水味，之後慢慢食到有d甜味，爽口又有少少脆口，仲creamy ，有濃厚口感 。(蠔嘅口感同味道同餐牌所形容嘅差不多。）食完生蠔後，店員會主動過來換碟，熟食方面：（1）牛心串燒首先來的是牛心串燒，面頭有少酸酸的介末，大約3cm x 3cm size, 爽口，少少似肝臟口感,很開胃的前菜。這是第一道就上的，很有計劃！（2）招牌蟹餅之後係招牌蟹餅，賣相吸引，餅本身淡口，沾少少伴碟的粉紅色，微微的水果味，帶出蟹味，夾少少蟹籽，又有卜卜口感，又啖啖蟹肉，正！(3)慢煮牛舌每一件上面有吸了麻油的蔥，牛舌面煎到脆口，入面好淋，厚切的牛舌，加強了口感。上面伴菜好味，係好薄，好脆的薯片，不過就要快d食咗先，因為放耐咗，d油味出咗泥，無咁好食。(4)鮮蠔湯碗湯一上枱時好熱，雖然綠色嘅蠔湯入面食不出蠔肉，但食得出係有好多蠔同薯蓉幫喺入面，飲完有少少飽。(5)肉眼扒最後係牛扒，我哋叫咗七成熟，落單時，店員有同我哋講要等30 min)分鐘。已我地切晒一條條, 薄薄地，份量剛好。扒入口有牛油香。而伴菜原隻蒜頭都好食，油比我之前食過嘅無咁油，唔錯。早點食晚餐的性價比很就，唔錯！…Read More

今日午餐跟同事們去了灣仔的餃餃餃子，一如既往都係要喺外面排隊，人齊先可入座，入去之前要點定食物。我們被安排到閣樓上的角落位，正好可好好聊聊！我們點了3個午餐，大家都不約而同叫了椰菜作前菜。拌著有少少蒜頭味的鹽菊食凍椰菜，真的很開胃，是一個不錯的選擇。主食方面，因為等一下要再食下午茶的關係，我選了輕食一點的烏冬，較其他選擇清淡。餃子就各人也點了8隻的chaochao餃子(主因是不用另人再加錢，哈哈)。一啖一口，下脆上軟，配上桌上的餃子汁，這個是一個不錯的Happy Friday Lunch !!!…Read More

平日的下午，跟同事去了灣仔的馬六食飯。好彩預早了少少出門，大概12:35去到，等了大概5分鐘就可入座 (搭枱平排坐）。之後就開始出現等位的人龍了。上次來過食海南雞飯的關係，今次試試另一款口味，我選擇了白胡椒肉骨茶的午市套餐，同事則選擇了較為高價錢的雙拼飯餐(海南雞飯 配上巴生肉骨茶)自上來的是飲品，我倆也點了不用加錢的熱飲(這個金屬杯的保溫效能很好，成餐飯都保持到熱度)馬來手工拉茶的甜度好像平時飲的泰式奶茶，茶味濃都係好甜，剛好可中和胡椒湯的辣，飲到尾時杯底有殘留的茶葉渣。喝第一啖白胡椒湯，感覺是胡椒味很重，不過湯就較稀。肉方面大概有5件左右 有d有骨，有成舊肉。肉質算淋及入味。我覺得淨飲湯有點辣嘅關係所以我最後變咗湯飯咁食，因為我揀咗油飯所以成碗飯係好油，所以次選擇白飯較適合。而於蒜頭，肉骨茶內有整個蒜頭，而醬汁碟亦有一蒜頭碎可以一齊食用。肉骨茶內的蒜頭，不知道是特意弄一刀，還是凹了，(加了隻眼之後)聯想到有寄生獸的感覺，哈哈。…Read More

 星期四放工後，跟朋友一起去旺角食飯，想起了還未試過忌廉烏冬 就去咗Kobekyu 吉列牛忌廉烏冬專門店食飯。去到餐廳，不用等位就可以入座，枱面已放咗一個燒吉列牛嘅石燒爐。感覺是提醒我們一定要點這兒的吉列牛啊！ 我哋散叫咗 吉列牛定食 及 咖哩忌廉牛肉烏冬 ，小食方面叫咗 骨付豬肉腸。 燒吉列牛的時候，表面的吉列皮很容易掉下，所以要小心一點燒。大概燒2分鐘就食得。燒完嘅牛肉無乜味，要沾提供嘅醬汁，跟豬肉腸碟上的芥末特別配合！ 至於忌廉烏冬新看起來平平無奇，但味道不錯。咖哩牛肉粒烏冬俾一層厚厚嘅忌廉蓋住，搞混後食好食，好juicy ，唔辣。而於小食骨付豬肉腸就不過不失，幸好上菜時還是熱的，食到脆皮的口感。 最後，燒完晒d 牛後，要叫店員拎番走個爐。餐廳環境不錯，座位算闊落，如果能提供放置隨身袋的空間就更好了！餐廳的油煙味較濃，但到後來就習慣了。 …Read More

週末郊遊樂，今朝同一班朋友一行6人行完摩星嶺後，返去堅尼地城嗰頭搵食，時間係下午一點幾又未到兩點，時間有d尷尬(介乎午餐至下午茶餐之間的時間)，好肚餓嘅關係，等唔到平少少嘅下午茶就入去嚕。平時喺香港各區行街都會見到金記，不過入去食都係第一次。入到去等咗5-10分鐘左右就有位，期間有位姓陳的女職員好有禮貌咁為我哋介紹同話唔好意思要我地久等。（我諗過會咁好招呼)坐了張大圓枱，大家各有各叫自己嘅食物。豬潤米粉不錯，沙嗲牛肉好食！其他食物味道不過在失。杯凍檸茶雖然要加$3，有5塊厚切檸檬片！P.S.有段小就係塊多士上面有隻扁咗嘅大蚊。好彩店員話換就真係更換成份俾我！…Read More

遲咗收放工，返到元朗後去咗又新街，排及等咗10分鐘左右，買咗魚肉生菜同燒賣返屋企食。返到屋企，見到門口地下一滴滴水，起初都無為意到關袋外賣時，點知道打開膠袋先發現裝住咗成袋湯，蓋完好合實，原來滾湯熱溶咗發泡膠外賣碗，同時，枝竹籤拮穿咗個袋少少。嗰時真係好真係好愕然。最後只係食左最上面既幾舊魚肉。燒賣嗰碗就無問題，正正常常，水準同平時差不多，都保持水準。 (我平時係企街拮住串燒賣食，不過嗰日太攰先買外賣拎走。)所以各位要注意，個碗頂唔到太高溫度，食嗰時要留意！要速戰速決，唔好放太耐。最後，希望「皇后」可以跟進及改善餐具器皿問題。返咗成日工想喺屋企慢慢食個飯，但睇得唔食得嗰種感覺真係好失落。…Read More

今日喺office竟然食到山長水遠喺元朗小確幸送到港島嘅布甸燒作為散水餅真係好驚喜。不同味道嘅布甸會印上不同的多謝字句作為分別（膠蓋上亦有小貼紙寫上係咩口味)。之前都喺元朗門市食過一次，都覺得唔錯，但覺得價錢有點貴，所以無再去食。今日送上門，當然唔客氣啦。原本每位同事一個，但有同事唔食嘅關係，我最後食咗兩個，分別係抹茶味 同 栗子味。食第一個時未發現有小紙碟提供，所以用膠蓋反轉做碟，倒出來後，焦糖漿份量剛好無流出蓋。食第二個就倒喺小紙碟，賣相較好但無咁環保，所以下次再食的話，我覺得好好善用膠蓋就可以。1）抹茶味保持到同上次我去門市食的味道，香濃嘅抹茶布甸配合淡口芝士蛋糕，兩部分一齊食，食到兩種唔同層次嘅軟熟。2)栗子味呢個味道我第一次食，有少少驚喜。首先，上層栗子味布甸加上焦糖漿係偏甜，入面食到少少已經磨成沙質嘅栗子蓉。再夾賣下層芝士蛋糕一齊食，就同頭先食嘅抹茶口味好唔同。今次偏甜嘅栗子布甸突出了芝士嘅酸味，令到甜品除左有口感嘅層次外，仲多咗個味覺衝擊！唔錯！…Read More

星期一的下午六點來了食一個晚餐，餐廳很少人令我們喜出望外，裝修有點像進入了時光隧道。我們每人點了一碗不同口味的拉麵及一個飯團。餅糰乾身，每粒飯分明及吸收了蝦湯。鹽味湯底突出蝦味好濃郁，不過味噌濃湯就覆蓋了主角，令味不明顯。而拉麵上的粒粒像蝦餅，很脆口。糖心醬油蛋的蛋白好入味。我們也叫了兩款不同的面，可以清楚看到兩者粗幼的分別。粗面會較硬。Ps我哋另外自製了餐單無的小食：拉麵上的义燒+桌上的蒜蓉=蒜泥白肉…Read More