龍崗JOE's Profile

小弟由細到大都很喜歡食麵,尤其雲吞麵.金黃湯清味濃湯底,再加上三口完成的蛋麵,一口一隻金魚尾雲吞.湯面必定有韮黃,再泛起少少豬油香味.真正西關大少上身近期頗火紅的十大碗,聽聞很不錯.我自己家住佐敦,2間“麥”字已吃悶,以前中環上班也吃麥字.但大多數同事厭太細碗,我用盡知識去解釋.雲吞麵係食巧不食飽的。所以當年我很討厭$10碗的乒乓波雲吞麵,簡直侮辱了一碗藝術品.這次一人淺嘗一下,一碗細蓉,一碟四粒鯪魚球.麵一端來立即看湯色,對辦先喝口湯,虾殻的鮮和大地魚的香恰到好處麵的爽滑更勝某間麥字分店.走鹼做得好,所以當然零鹼水味！當然吃到碗底朝天另一碟鯪魚球,外層鬆脆,內裡肉質軟滑而鮮.不是街市貨可能比美.完美.下次約多D腳去試埋其他野！…Read More

其實他們開店不久我已幫襯,第一次食時係小辣大腸麵,驚為天人麵粉味與口感軟硬度合哂我心水.結果一星期去了3次,由於我極喜歡辣,最後連大辣也可以飲哂D湯.其次是他們的小食,價錢超平,10多元也有一款.所以通常2人都2個麵,3個小食.真心希望現在疫情下小店能撐住.…Read More

其實坊間已充斥大多米線店,本來不用多說.二哥,啖仔,小夏天,深水埗雨雲米線,其他咩雞湯花膠,都食過哂.但終於搵到一間正宗.小弟十多年前係四川,佢地其實好痴線(當然一鄉水土一鄉情),朝早都食辣米線.今日,終於比我搵到.但勸大家叫小辣(本人食辛辣麵都剪2隻指天椒的)個湯,不得了!!…Read More

    我唸好多食友都有同感,愈係出外搵食年資愈耐,就會發覺d餐廳野食愈來愈平凡,好難搵到令你覺得好好味,有發現新大陸的感動..繼小弟重新食牛肉後,上次發掘的牛腩飯後,其間試過很多牛肉食店,有正常,亦有強差人意的終於,昨日比我有番一路食,一路讚的興奮呢間小店坐落係大家一定不陌生的商場內,"地獄壽司".."斜椅"等奇怪野都成話題,而我也是第一次踏足呢度food court店鋪大字表明"安格斯牛扒",6oz只賣$42...foodcourt會有安格斯,仲要咁平??好!!唔好食都係輸一次,問老闆我想食生d得嗎??佢問要幾成熟,我話"5成"!,佢話你想3成都得,(心唸,怕你質素問題,太熟會過硬咋,3成係我最like)取飯後老闆問要咩汁,蒜蓉/黑椒.聞上去有日式燒肉店燒牛肉的香氣,心中已打個突,先揭開中間一塊,生熟度對辦再放入口,不得了!!!!完完全全係一塊和牛口感(你有在吉豬島買過一d和牛片便知)入口鬆化,充滿油香,完全唔係梳打扒的味道(我原本唸住佢咪又係金鳳d豉油扒質素)牛扒油花分布均勻,完全無渣,因為係西冷位,邊位有根,飯係偏軟,汁夠濃一路食,一路笑,我又搵到了!…Read More

去蘭香我自己其實都係為雞腸麵而去,不景香港又好難食到一碗雞腸麵...當然,無咗佢碟黑豉油又唔得!雞腸肥膏已去了大部份,只能嘗到爽口口感,而油香欠缺,這是蘭香的欠陷....黑柏葉切成細條,配上蔥花豉油一絕!!…Read More

其實小弟雖然愛食粉麵,但公仔麵一個月都食唔到一次,係有時睇完訑韓劇會鈎起條根,切兩隻辣椒,煮個辛辣麵提起公仔麵,早日踏車遊南生圍後就順路醫肚,又去番"成記",佢個無敵雞球飯小弟真係無本事KO,見隔離枱剛來的豬扒炒公仔麵極吸引,老婆就我唔食飯就我食麵炒公仔麵+$2,跟餐連凍飲$37,我自問要分開兩餐先食得哂,炒麵沿用黑豉油,乾身很香,有芽菜,洋蔥等..豬扒3大塊,件件手掌咁大..清碟!!…Read More

呢排每星期都會設計一下單車遊,元朗,流浮山都踏勻,今次由元朗踏去濕地公園,雖然開住地圖,但仍然走了很多怨枉路.回程又再行錯路但就誤撞入鄧氏宗祠,旁邊便是"華嫂",版友楊兄早已開過POST,估唔到可以拜會一下.平日的4點,山卡啦地方景然要派飛,佢都算利害.坐底剛ORDER完更話豬扒,雞亦沽清.其實食物真係無甚特別,佢個蕃茄湯底同我自己煮烏冬時的一樣,重點只係用多D鮮茄,(我煮兩個烏冬用6個蕃茄的),而招牌菠蘿包鬆軟...路過必試!!…Read More

雖然小弟好少食米飯,但就有幾間會專程去過口癮的,灣仔再興"肥叉雞膶飯",鵝頸街市惠記"咖哩羊腩飯"跟住就只有係泰國時的海南雞了,見老婆放幾日假,咁耐無飯到肚,今日讓比佢,睇佢食完呢碗飯仲敢唔敢食飯其實個滷肉飯好好食,山東大肥米,有咬口.個滷汁濃而不咸,塊塊肉都完整而入口即溶.隻糖心滷蛋雖唔夠糖心,但亦是入味非常.份量很足,我搏埋老命都係食唔哂$28一碗,合格有餘了!驚喜是口痕多點份小食"吉列炸蠔",炸粉外一滴多餘油份也沒有,內裡蠔汁飽滿,功力勝過不少日本店,要讚!!$15/3大隻.後記:如果味架上有一d如"辣菜圃"供應的話,相信會更開胃...食完呢碗野飽左7個鐘!!…Read More

冉年的確食勻元朗食店,新開唔過2個星期我都通常會試咗,亦因為"賴野"指數太高,所以經常都只會食最愛的牛腩/牛根.唔肚餓就整串"雞羅友"便一餐 未發現"許記"前,我的確只識去嘉x園,而家??no!!慳埋夠飲2鑵金牌嘉x伯,牛腩質素其實差不多,係湯底淡dd,但一定唔會好似嘉x園咁重味.當然...你要咸酸菜炒牛歡喜就一定無供應但爽腩,肥腩一樣照乎得到.呢間係我近幾年幫襯得最多之一.要到今日才寫食評說來慚愧,但又加價了!!…Read More

小弟對牛之瘋狂可謂已入膏肓,牛什,內臟,牛眼,面珠,通通都愛早一排忽然很想念以前常吃的"焗牛脷飯",但發狂的網上尋找,無意間看到openrice中的推介,便立即動身,而這次已是不足3星期內,第2度光顧,真得極讚這份午餐,無論羅宋湯,主菜和cofee都是同級餐廳之上級水準(同挑剔的是沒有供應餐包而是餅乾條),但仍只收40多元一客.慶幸餐廳離開屋企不遠,否則這種質素在港島區的話,不賣過百元也會怕老闆被地產霸權消滅…Read More

地方好大,坐位大家樂格局,坐就唔好坐,唔可以講有裝修.以現時茶記的下午茶普遍$28,+2凍飲...$88想點論下午茶放題,以前小肥羊都係sell點心,但明顯大飽口福優勝,不過都係嗰句...呢d點心都係大陸做再運來番蒸..全hk一樣味咁劑(除咗舊式酒樓),不過蝦餃,牛肉球,鳳爪都係水準,唔差!點心款式7,8樣,保証熱辣辣,因為實有人等攞,但會沿沿不絕供應,下午茶當然無龍蝦,但有即燒青口,平時一定覺得佢垃圾,望都唔會望..今次試下吧,無縮水情況,(急凍貨一燒就標水,然後縮水變un)但景然軟熟,彈牙,調味極像深圳燒蠔,我估佢午/晚市的燒蠔,燒蝦應不會差了!要讚的是類似粉麵檔,又似火鍋檔..自選菜,配料(我揀了6樣1魚1菜都無問題),師傅好禮貌,旁邊有火鍋醬料十幾款自行調醬.讚的!!菜很新鮮(我食西洋菜)再讚的就估你唔到的甜品,我一向唔食甜,但今次要試就食下...款式數過十多樣,行貨芝士餅,奶凍,雪糕(自助8款口味,我食了薄荷朱古力味),日式甜品幾特別,唔太甜,食番d原本生果味,因為今日正正坐係甜品檔旁,睇到師傅都有心機的.有款"葛軟糍"好得意,個樣唔靚,但口感,味道都好好!另外,生果,飲品,果汁,..飯,麵..炸物,燒味...通通齊全,遲d再試晚市!…Read More

鴻星跟我由結婚擺酒後就結下了不解緣,原因外母一家都鍾情他們不時會推出新菜款和套餐,價錢相宜且味道不俗.順理成章,今年團年亦由鴻星主理了幾天前已訂了枱,否則小命休爾當晚所見,九成九已坐無虛席是晚點選"龍騰歡聚鮑參翅宴",因為8:30分八折,原價$1888,折後$1510,又可多叫2支啤酒了 整體上菜速度正常,唯獨最尾炒燸米飯等得較久(15多分鐘),味道雖無大驚喜,但乎合賣相預期.份量充足,捧腹而回!!下年再會了!!…Read More

上月開始已間斷地開始嚐試不同拉麵,好早已聞"達磨"大名,但怕了明星效應,又想將眾人推薦的留到較後位置才去嚐試.由於,過去的經歷都未能令我動心,終於把心一橫,決定先挑戰這間人氣拉麵 時席2點,刻意避開午飯時段,果然門外不見人龍,亦剛好有2位有看過open rice都知,它的人氣麵"一品叉燒豚骨拉麵",當然不作他選!不到十分鐘,拉麵端上,熱度夠,一看湯面浮上少許油花,心中已暗讚,很怕一些連半點油也沒有的拉麵,連一丁點豬油香也沒有這個賣相已給了我信心.先喝口湯.....嘩!真的非常濃郁,正如各食評所提給的"膠質",忍不住連喝幾口便吃麵,由於本人鍾情硬身,爽口麵條,這次,麵質稍為淋身,但仍很彈牙,掛湯能力不遜!整碗麵份量是過去食過中較為少的(不知是否太美味關係),但對於輕食的我已可飽肚."碗底朝天"是個指定動作,但這次速度和滿足感最快又大!…Read More

是日要在市廣場去旅行社,見太耐無食醉雞了,一問有位便即入座,午市人頭湧湧是必然,上菜速度也未算太耐,唯獨上了3個菜才送上豆漿,這一點需改善(但我亦沒有催促過,因為他們的確很趕忙) 食物份量沒變,但明顯質量在下降中,已不怎吸引,已貼近一些無名小店,作為快餐過下醉雞癮還可以的.…Read More

又新街附近食店小弟無一未嚐過,就獨欠了此間開了多月的小店,當日又沒有吃過下午茶,時籍6時多,便試試看!價位的確便宜,但經歷過"殺你亞"的慘痛,對於呢d太平的意大利店,不存祈望.點了2人餐,百多元有pizza,Lasagne,著仔.其實本身對呢3樣野都好鍾情,熟悉.可惜....味道只能算騙得到學生哥或少食西餐的港人,相信老細需要親身到外國跑一圈,一必去領教,只要周圍食下,便會知道,亦必定會有所進步.支持小店精神,望加努力!…Read More