miulmf's Profile

以前popcorn的大食代都有銀咖哩，可惜裝修後就無左銀咖哩，今日同屋企人去開apm,屋企人話食左早餐就無食野，拉左我去大食代食野，佢就叫左銀咖哩的炸蝦咖哩飯，望到就好懷念以前間唔中食銀咖哩的咖喱飯。我通常都會加雞蛋，甚至加芝士，簡單拌咖哩就已經覺得好好味。但搞笑地炸蝦係串起左放在白飯上，而咖哩就另外上。由於我之前無叫過炸蝦咖喱飯，唔知係咪一向咁。屋企人就比左隻炸蝦我試，食落外脆，內裡的蝦質地都是彈牙的，感覺都真係幾日式，同食日本料理的炸蝦差不多，我覺得呢個就是銀咖哩的好處，平民價錢，就食到有返咁上下水準的食物!屋企係咁叫我陪佢食野，催我買份飯一齊食，但當時我真的不肚餓，為左陪佢食，最後買左芋圓豆腐花來食，買時收銀員話要買滿40蚊先可以用優惠價買，否則就要計原價30幾蚊，剛好屋企人份咖哩飯44蚊，可以用到29蚊優惠價買，真係好lucky😂豆腐花都算大份，上面有幾款不同顏色的芋圓，糖漿有得選不同味，我就選左桂花味，味道可以，當下午茶食幾好，但不是銀咖哩買的，是另一間店買（D字頭 門口位賣雪糕果間店），搞笑地係收銀櫃度見到優惠資料，而非佢地店度見到。…Read More

我同屋企人不時都鐘意去食大門拉麵，可能鐘意佢隱藏於aeon內，十分方便食前或食後行下aeon睇野，而且環境舒適，仲有一大片窗睇山景，望住靚view食，真係好寫意。今次我都係如常叫左大門拉麵，有豚肉、竹筍、紫菜、蔥係面，整個賣相都好吸引，而且拉麵粗度適中，唔會太幼，食落口感好又彈牙，對比起幼身拉麵，我覺得呢間的拉麵好食啲!而另一碗係屋企人選的沾麵，但我唔記得係咪我之前食過果款沾麵，但湯汁偏紅，我試左湯汁發現係食落辣辣地，但我覺得都是大門拉麵好食啲和吸引啲😋😋😋…Read More

今年中秋節好開心可以食太興盆菜應節，對比了數間賣盆菜的食店，最後選擇了太興的6人盆菜，不用700蚊多少少就有6人份量的盆菜。屋企人打算6pm左右食，所以未到6點就去取盆菜，可能係第一個去取吧，不用排隊等侯就拎到了，但的確好重份量，要由家中男仕先拎得到回家。對於整個包裝都幾滿意，盆菜會有膠蓋蓋住，再用膠袋裝好，然後還有不織布袋裝住，取回家都方便，還有一盒有成2碗份量咁多的醬汁，也是另外有膠袋裝好，取回來時，醬汁都是微暖的，盆菜和醬汁都完整無缺。拿回家後，把醬汁倒入盆菜中，把裝燒雞的膠碟也取走，然後送上爐頭直接加熱10分鐘左右就可以食用，我們不清楚膠蓋是否耐高溫，所以就無加蓋。食時發現最表面的菜都是微暖，所以下次煮時最好用其他鍋的蓋子蓋好會比較好。這個盆菜實在太豐富了!鮑魚、翅、蠔豉、髮菜、花膠、燒雞、燒鴨、燒豬肉、豬手、蝦、冬菇、菜、豬皮、雲耳、蘿蔔、芋頭、丸、魚腐、腐竹，應有盡有!😋😋😋而且食物有質素，份量都好多，實際上我們只是4個人食，但食完都只是食左約一半，所以8個人食其實都可能夠!鮑魚、蝦、冬菇都好大隻，醬汁方面係用南乳醬調成的醬汁，見咁大碗（正常飯碗計，幾2碗左右份量），屋企人怕咸加多左水入去煮，最後煮完唔會過咸，我們無配飯食都食得好滋味。食完最大感想就是建設先把髮菜、翅先食，否則會跌左落啲醬汁到就難食到，咁最後就會隨醬汁倒走，太興這個盆菜真的很豐富，如果下年再有，都會考慮買。😍…Read More

屋企人帶左我去試食香港永年的2人套餐（晚餐），試完寫返食評和大家分享下先。2人套餐都有得選擇食咩菜式，我們就選擇左花膠雞煲、沙嗲牛肉粉絲煲，是日例湯係紅棗桂圓杞子燉牛尾湯、腐乳通菜。👉🏻腐乳通菜都切得好整齊，啲腐乳汁係精心調制過，唔會太過咸👍🏻❤兩煲小菜都幾大煲，我們無預料到。👉🏻花膠雞煲的材料好足料，花膠爽口彈牙，剪成小塊方便食用，而且都幾多塊添，雞肉都熟度適中，配飯好味。👉🏻沙嗲牛肉粉絲煲，入面有些燈籠椒，食落微辣，粉絲好，唔會易斷或癡到一舊咁，真正享受到一條條靚粉絲帶來的口感😋，牛肉味香，薄片易食，唔會韌，配飯都好正😘湯的味道好好飲，材料足，所以煲出來咁濃咁好飲，奶茶又香滑，加上餐具都是港式風格，用餐氣氛好好，充滿歡樂的一餐，十分感謝永年招待🙏🏻，多位店員的服務真係好好，食物又有水準，又比到大檯我們食飯，食得好舒服🌹食完野我請返屋企人睇《麥路人》😂，又係港產片，感覺成晚都是同香港有關😊#感謝招待 #好味道要分享❤…Read More

今日約左屋企人去正點心食點心，我們2個人叫左超過10碟，食到好飽😂，足足食左成粒鐘，邊食邊吹水慢慢嘆! 點心紙上真係好多款點心啊，我們都想樣樣都試下，所以就叫左咁多款啦😂，叫左份是日燉湯，都算大盅，一盎夠2個人飲，睇到湯色都知濃度夠，呢個湯有豬肉、雞腳、無花果，我們都覺得幾好飲，但唔知係咪每次會唔同。牛油果鮮蝦春卷，啖啖蝦肉彈牙好食，外皮脆身，食落牛油果本身無咩味道，但勝在配搭新穎👍🏻炸芋丸，好味啊，平時我少食炸野，但見到芋頭就想試，熱食幾好，帶少少煙韌，外脆內軟。黑毛豬肉做的燒賣，同牛肉球一樣咁大粒，真係好少見咁大粒燒賣，都係啖啖肉，好味👍🏻弓牛肉球就話係安格斯牛肉做的，食落爽口彈牙，但味道我覺得係拍得住好食的牛肉球。上圖仲有一樣係小籠包，入面湯汁多，試到有少評酒味，味道都可以。櫻花蝦腸粉好靚，上面係櫻花蝦，入面係脆身的“炸米粉”（類似）+啖啖蝦肉，食落比一般蝦腸多左層脆的口感，蝦肉夠彈，好味👍🏻不過我們掛住食，忘記了加醬汁😂。另一款蝦餃，上面有金色好靚，食落蝦肉爽彈😋😋😋最鐘意多蝦肉的蝦餃了柚子糕（凍食）我覺得食落清新，本身見點心紙上有3D榴槤布甸，我們好想食，但職員話無，所以先轉選左柚子糕。薑汁糕好正好好味，薑味道夠!👍🏻👍🏻👍🏻我們2個都喜歡食灌湯餃係我好鐘意食的一款點心，但通常都好細件，所以特登叫左2籠，點知發現呢度的餃超大粒，啖啖肉啊😮，佔左個盅有3分2吧，另外有條蟹柳和少許“粉絲”（睇落似翅果種）、仲有塊花膠。我們叫左普洱茶，都有不同茶可選的。最後張單近400蚊😂第一次食咁多點心，但食得開心，多謝正點心👍🏻…Read More

同屋企人幫襯左好多次，我們又好鐘意的將軍澳區的一間食店，差不多每個星期六/日都會有1天去，但受疫情影響而少左去，大部分時間我都是為了食芒果軟腳蟹壽司而去食，差不多次次都是叫呢個餐，而屋企人就叫另一款壽司餐，套裝有包飲品、甜品（雪米池）、沙律（但今次居然無比沙律我，比左2舊壽司我🤣）無記錯好似呢個芒果軟腳蟹壽司套餐係叫《花之戀》，平時都是星期六或日先去食，所以唔會享用到$2一件壽司的優惠，就會叫串燒、雞翼等小食。今次係星期二去食，所以就享用到優惠，叫了4件壽司（右邊果碟）。牛肉烏冬、6件芒果軟腳蟹壽司，綠色係未開的雪米滋（最初時係配啫喱的），平時係會比沙律，唔知點解今次轉左做2件玉子燒壽司。價錢其實升左價一段時間了，以前約$63，依架大約65至68蚊左右，因為係屋企人埋單，實際幾錢要睇返餐牌先知。飲品係套裝包的，有部分係可以加錢轉凍飲或特飲，杯橙汁係我的，另一杯凍檸茶係屋企人加錢換的，橙汁以前細杯啲，今次轉左大杯比我👍🏻呢款壽司套裝比我果款貴少少，約70幾蚊，但屋企人鐘意食，又是差不多次次叫呢個套餐，佢果份又配返沙律wo,右邊塊餅佢都好鐘意食，味道咸咸地又脆身。呢間店的食物質素幾好，但需要耐心等位和等佢上菜，因為差不多每次去都好多人，而且今次去，見到啲服務員完全係生面口，之前都仲有位短髮女服務員係做得最耐，唔知係咪無做了，今次去都唔見佢。不過見啲新服務員都算熟手，基本上佢地的服務態度都好。等下次再去幫襯!…Read More

2人食，埋單只是$150!之前係網上玩遊戲拎到《生命之光》的免費換領券2張，見戲院開返，即刻帶屋企人去尖沙咀睇，順便係尖沙咀食下雪糕和食埋晚餐先回程，無意中發現左呢間抵食的店!屋企人叫咗海南雞飯，我就叫咗喇沙金邊粉，另外叫咗杯椰汁珍多冰和一份甜品--椰汁沙各米。👉🏻《海南雞飯》有飯有湯，雞下面仲超多生菜，多到食唔晒，屋企人唔咪好食菜，所以我把大部分生菜用來拌喇沙湯汁食😂👉🏻《喇沙金邊粉》湯底好濃，但是鮮味不多，有小型雞肉塊、蝦、豆卜、魚蛋等配料，金邊粉係超幼身的，而且份量真係好大碗，女仔一個人一定食唔晒，而且多到可以2個女仔share食添啊！我都是分左一半左右比屋企人食😆👉🏻《椰汁沙各米》由於餐牌無甜品樣睇，出於好奇而選了呢款甜品，來到先發現係椰汁西米露，但分別在於佢底部係放左焦糖，不過我無完全混合晒來食，因為焦糖多，會勁甜，只是把少少焦糖淋上面食就好了，寧願留返部分焦糖係底，食到最後因為太甜而食剩少少。👉🏻《椰汁珍多冰》由於我學過煮泰菜，當時學整珍多冰時覺得好甜，而且啲紅紅綠綠的啫喱又唔好食，所以每次都一定唔會叫珍多冰飲，今次都是屋企人叫的。但呢杯椰汁珍多冰改變左我對珍多冰的印象，飲落去唔會太甜，而且好濃滑，因為入面加左忌廉，所以飲落濃厚左，啲啫喱係綠色的，而且整得細粒好多，飲時易吸到，食落都唔會好甜，所以覺得呢杯椰汁珍多冰改良得幾成功👍🏻❤…Read More

突然想食喇沙，所以選了土司工房，外賣自取。雖然係mtr同層，但該位置人來人往，所以都少食，咁岩早幾日係另一間店食左喇沙，所以令我想再試一試土司工房的喇沙。48蚊一碗不包飲品，為了就返同屋企人一齊用餐，刻意選後啲自取時間，但發現無論用app還是在openrice落單，啲店主都是收到單即煮，所以今次去到都是發現已經可以自取了。一打開發現啲餸排得整齊好吸引，下層就是豆腐卜和湯汁，一睇顏色都知道夠濃香和偏辣。味道好，米線就沒什麼特別，啲蝦都好彈牙。我和屋企人都覺得啲餸好多，我們仲一齊share左部分餸食，湯的份量都是多，食完發現仲剩低半碗湯汁，留返翌日煮麵食✌🏻去自取時仲無意中遇到免費派迷你酒精搓手液，拎到1枝，我當係openrice帶來的小幸運，so lucky!…Read More

試一試由前米芝蓮主廚製作的「第一叉」。我和網友抽中試食「大圍小廚」的第一叉，由前米芝蓮主廚製作的叉燒，所以就用換領券去換領試食裝，每人有半份，份量都算幾多，我今次都是幫網友領取埋，外賣返屋企。首先地點真的很方便，大圍火車站2、3分鐘就到店了，去到見到其實係一間中式酒樓，店內都差不多坐滿人，即是食物應該都有返咁上下質素先會有咁多人仲係疫情期間來幫襯啦。雖然只是外賣4份叉燒走，但都是和其他食客一樣要輪住等，都等左一陣，可能都是等左大概8-10分鐘左右，見廚師拎住4份外賣叉燒出來找樓面的店員幫手，店員都好有禮貌咁問我想分4個袋裝定係一袋裝2盒，我就叫佢分2個袋裝。每份都是用外賣的透明飯盒住，個外賣袋又剛好裝晒2盒，個尺寸真係好fit! 拎到叉燒當時係熱的，但我們打算到晚上食飯時先享用，所以放涼晒。每份叉燒都色澤好靚，放涼之後色澤依然咁靚，燶位唔多，而且大部分都是瘦叉燒!只是偶然有1、2塊肥少少，而且仲係厚切的叉燒，一塊的厚度約等於一般2塊的叉燒咁厚，食落淡淡肉好滋味! 而且味道適中，不會好咸，就咁空口食都可以! 有質素的叉燒真係好食啲!…Read More

昨天玩遊戲得到4張$25雪糕券，即共$100，發現仲可以疊加使用，所以今日就爽yy去左用券，換左快樂無限（$109），即補9蚊就試到8款雪糕😍😋😋😋超開心啊，哈蜜瓜味和香檸雪菓味呢兩款味比到驚喜我，下次有都要再叫呢2款味😍 其他的味就是藍莓、士多啤梨餅、芒果、比利時朱古力、抹茶、曲奇餅雲尼拿❤十分感恩係:平時去開都是選甜筒款，原本打算要3球雪糕（$81），點知排我前面的女人叫左快樂無限，我先留意到有呢個set,先試到咁多味🙏🏻 而雪櫃入面哈蜜瓜味個牌用左另一款牌，所以我根本無留意到有哈蜜瓜味可以選，又是咁岩前面個小朋友大叫“我要哈蜜瓜味”，我先發現有哈蜜瓜味炸🤣，所以真係好感恩，哈蜜瓜味真係好正❤🧡💛哈蜜瓜味係白色的，入面混左哈蜜瓜粒粒，但未咬到果肉，白色的雪糕已經好香哈蜜瓜味，所以我覺得佢勁就勁係呢度，真係覺得好味😋不過呢個set,建議2、3個人一齊食，食得快啲，唔會溶晒，我們2個人食，都有少少溶左。對比起甜筒3球的價錢，快樂無限set食到咁多味，份量又多咁多，又有水果，真係抵好多!但每個球會稍細少少，但都已經好抵，下次再有券，都好大機會會再選返快樂無限來食!…Read More

去左試一試 burger joys 的漢堡，佢地有3間分店分別係:1，灣仔駱克道42-50號君悅居地下E舖2，西環西營盤第一街27-29號太益樓地舖3，中環士丹利街82號地舖當天最近我的是灣仔分店，去到發現間店其實不算很大，但勝在有很多大電視播放足球節目，如果不是疫情影響，一齊係度睇下波，食下野都幾有氣氛!我當天是用換領券換取一個漢堡+一罐汽水，也幫其他人換領，即總共換了4份。漢堡約有5款可以選擇，都是跟平時買漢堡所用的餐牌是用一份，每款約80幾起至過百蚊，我選了芝士漢堡，因為是女店員推介的。由於當時佢地都有其他堂食客和外賣客，所以等了約15分鐘才拿到外賣走人，見廚房好似只得一位員工在製作食物，之後就遞出來比另一位職員包裝轉交客人，如果遇上繁忙時候，應該要等很久，而且加上係外藉人士，唔會工作效率好快，都要全程用英文溝通。不過店員推介的漢堡真係好食，我4份都換了芝士漢堡，入面也有牛肉、洋蔥、生菜、蕃茄、酸瓜，其他人食完都讚好食，份量都足夠，所以都食得飽，當然係會比一般老麥的漢堡大個，所以男仕都食得飽嘅。…Read More

首先多謝 Lee Tung Avenue的社交平台送PizzaExpress 買飲品一杯就送早餐的優惠券比我❤所以該日早餐係利東街的PizzaExpress食，選了意式早餐+格雷伯爵茶😋😋😋，如果平時飲開茶，都知佢係一壺茶上的，可以飲到幾杯，但外賣就會變左得1杯。之前係將軍澳食PizzaExpress,個蕃茄係原個，但是今次利東街呢邊，外賣之下變成一片蕃茄，呢件事就同一眾網友討論過，有些網友食開果間係半個蕃茄，睇黎係間間分店都不同，係將軍澳食係幸福啲😂。由於食的當日係政府禁堂食，我唯有一個人坐係利東街食，真係好好彩有位坐，去買餐時仲有人坐緊，其他椅都坐滿人，買完就剛好有位食早餐了，真的感恩❤!當日太陽都還可以，不算太猛，所以影出來張相有光的襯托靚啲😂不過個餐太大我都食唔晒，就咁坐係利東街食，啲麵包就打包拎走。口感與平時堂食差不多，純粹紀錄一下街頭風味😂😂😂不過一除口罩，啲人就會開始敏感，睇住我食，所以我當日都是盡快食完就閃😁仲發現一樣就是利東街搵唔到垃圾桶掉垃圾，最後拎返店度，職員幫我掉垃圾💓…Read More

疫期雖在，但喜歡享受美食的心係不變嘅，行開旺角moko想食可麗餅，就試了這款香橙芝士可麗餅，雖然第一次食，但又幾好味wo😍😋 店內環境都幾有特色和有feel, 但撞正當天政府唔比堂食，唯有打包走，都幾方便，佢地用外賣盒打包帶走，深橙色一片是類似蜜餞，蜜糖橙，食落口感特別又幾好味，但家人就覺得甜左少少，可麗餅依然軟身，入面都有加到芝士餡，所以食落淡淡芝士香味，好食到停唔到口。而不得不讚的是那些橙，食落好juicy和新鮮，而且橙衣除走晒，令口感更好👍🏻👍🏻👍🏻…Read More

第一次用網上外賣平台落單叫外賣，由於送了$100優惠給我，就決定晚餐試一試台北巷弄的「招牌黑糖牛奶沙冰綜合手工芋圓」，由於看圖片好像很細份量，所以下單時選了2碗都是2人份量，每碗$66，另外送餐費$20。下單時想他們遲些送來，結果就是很快就送到來。我們放了半小時以上才吃（因為家人要買飯比其他家人，要等家人買完飯才吃）。發現裡面都還有不少沙冰，而且很冰凍，有3色芋圓，而都幾大粒，其中一款應該落粉太多，相比起上來就煙韌一些，但都好味道，入面仲有紅豆、仙草、椰果和珍珠奶茶的珍珠。牛奶入面混了很濃的黑糖，都幾好味，但我唯一不喜歡是有沙冰，因為太冰凍了。對比上次我在觀塘吃的芋圓，其實份量相約，但價錢就觀塘那一間就抵食好多。而且沒沙冰，不會吃起來那麽冰凍。由於觀塘果間沒沙冰，可能相對芋圓份量就多一些，會吃起來飽一些。這一間的芋圓，家人吃完覺得還不夠飽，夜一啲要再食杯麵。…Read More

去做義工，一眾義工突然想吃芋圓做晚餐，所以就跟風食，他們選了半茶匙這一間，告訴我有三色綜合芋圓，在app買要$41左右，但門市買$36就可以，剛好有義工遲來就順便在門市幫手買上來，差不多大家都是吃這一款，而且可以自行再加錢加配料，彈性都幾高。一份已經有椰果、豆腐花、桃膠、仙草（涼粉），之後自選3款配料。十分豐富的一份芋圓❤芋圓的確有3款味，有抹茶味、芋頭味和另一款黃色芋圓我已經忘記是什麼味（好像是芒果味）。芋圓食落彈牙有咬口，味道都幾香，糖水入面有混奶，好好味，我加配的是紫薯泥、寒天（但當時賣完了，所以換成椰果給我）、小芋圓。怕吃不飽，所以選了小芋圓😂，但最後都夠飽😋😋😋下次有機會會再吃。…Read More