打死狗's Profile

好耐都冇試過自己一支公出去食飯，心血來潮想食吓串燒，經朋友介紹去咗H8既呢間梵日本燒鳥去食串燒梗係要食燒雞翼，師傅火候控制得好好，皮脆肉嫩金黃色，睇見都已經流口水問師傅有冇推介？師傅叫我試吓食雞尾，開頭我都好怕食有浸臊味，師傅說日本雞尾燒出嚟比較甘香，膽粗粗試吓，真係一試簡直難忘，完全唔覺得自己食緊雞pat pat，只可以說又脆又好食👍豚肉金菇卷，外間少見的製作，一般都係包韭菜包芫荽，金菇真係第一次見，燒完之後，師傅會落酸汁加上蔥花，不錯雞皮，外脆內嫰，口感佳雞肉棒配日本生雞蛋，將生雞蛋連醬汁攪勻用雞肉棒沾來吃，好好味👍最後來一客炭燒雞髀肉，師傅會先燒一會再淋上雞油再燒，配上柚子會朝沾來吃…Read More

之前同朋友夜晚食過串燒，聽到侍應們說他們會4月中開午市，今日經過就上咗嚟試吓，今日上黎比較清靜，大概係因為啱啱開始冇乜人知午市餐牌，暫時只得五樣選擇，聽師傅說會不定期轉新菜式，之後亦會有刺身定食、串燒定食關東煮種類都幾多，羅白、厚揚豆腐、福袋、尤魚餅都是可以推介給大家的，今日我自己選了福袋，入面有粒年糕，蠻不錯的。跟餐可以選一件關東煮，另有一碗細烏冬（有菜同埋豬肉片）和漬物，感覺都幾豐富，份量亦很足埋單$128，午市免加一…Read More

腸粉配上蔬菜同炒味道不錯，只是略嫌腸粉太軟身，若然稍為煎一下，口感可以大大提升，食到尾芽菜出水，令味道下降了芝士撈公仔麵，芝士味香濃，面頭灑上紫菜粉增加香味，不過烚麵既水浸住個麵，原因係方便客人撈還是什麼，本身麵已經無任何調味再加上太多水，整個麵就淡了，可以使用淡雞湯作為底湯，應該更能使味道陞華炸雞脾🍗加微辣，第一次吃加辣嘅炸脾，味道又真係吾錯，師傅在雞脾上應該放了麵包糠再炸，令雞脾炸出來特別香脆，切開雞脾裡面還是很juice，久違了的味道…Read More

今日悶悶地周圍行，發現左一間新開涼茶舖，個名幾得意就入去睇下，門口以白色為主，更顯得乾淨整潔，令我對佢地既產品更有信心，買咗一支祛濕茶，同埋一個桂花糕桂花糕食落去不太甜，有一種清爽既感覺，如果即買即食可能會更好味（可惜我帶住佢系街行左一個鐘🥲）呢個悶熱又潮濕嘅天氣飲祛濕茶就合時宜，飲完之後有種爽嘅感覺唯獨感覺冷氣有點不足，如果近牆既位置有張小枱延伸出來，可以放到杯涼茶，歇一歇，飲完再走就更好了。…Read More

剪完頭髮經過附近餐廳，見到餐牌上有泰式豬脾飯（圖片只供參考😩）就入去試下，先講賣相⋯輸咗，顏色正常應該深色啲吧，第一次見豬脾飯淋汁，如果係想令佢熱啲，明顯不足，今日外面23度都只有暖既溫度👎，不過豬脾做得不錯，豬皮入口即化，脾肉唸而不嚡口，份量⋯OL們應該夠食，我食完都有5成飽既狀態，碟上舖了一層菜，但係黃哂又變了味，成碟餸最敗筆既地方，令到菜面上既肉稍為變味，差👎不過，海南雞下午去已經買完，唯有等下次經過再試吧…Read More

今日下午要去灣仔攞貨攞完貨餓餓地，見到間餐廳有蛋撻食（其實我真係好鍾意食蛋撻😆）就咁俾佢吸引咗我入去，入到去睇吓餐牌見到個常餐好似幾抵食，咁就叫咗了菠蘿油配奄列，呢個組合我都係第一次見，個菠蘿油好大個，嗰片牛油好邪惡😆雞扒腸仔福字麵，雞扒都算幾大塊，用福字麵唔係間間餐廳有，其實覺得食咗公仔麵咁耐，食下福字麵其實都幾好食㗎，見到菠蘿包喺度新鮮出爐，其實已經好少餐廳自己有地方焗麵包焗蛋撻，睇來以後有多一個有質素嘅地方選擇了…Read More

前幾日同朋友去食宵夜，朋友好懷念橋底辣蟹嘅豉油王銀魚仔，既然係咁，今晚嘅宵夜就揀咗呢度了，一坐低啤酒都唔叫第一時間就叫咗個豉油王銀魚仔、一隻乳鴿同埋辣酒煮花螺呢個真係要必食（又平又抵）送酒一流👍辣酒煮花螺不會太辣，味道適中，最重要就係好入味燒乳鴿，今次呢隻味道爭咗少少，上次食到係鹹香味重啲嘅，我哋同職員反映，職員態度好好亦見到她有同老細反映，估唔到老闆即刻入廚房試，今時今日對客人的意見作出回應，絕對值得讚賞👍最後加咗個麻辣田雞煲，份量非常之多又有蘿蔔木耳，不過啲湯唔係好熱同埋田雞略為過左小小火，整體來講非常滿意…Read More

朋友因為屋企裝修的緣故，住進了181酒店，他説樓下餐廳可以一試，於是今天Lunch選了這裡開餐，眼見餐廳客人不多，選了卡座（惡夢也開始了😓）選了銀芽肉絲煎麵及凍飲，落完單凍飮很快便到，等了又等，等了20多分鐘才上桌（以客人不多的情況之下，確實很慢），賣相不錯，味道亦無問題，問題在於麵很碎麵不是用幼麵烹製，較硬身。在進食過程中，不停有啲小昆蟲咬我隻腳（可能來吃飯的男客人穿西裝，女客人穿絲襪吧）我穿短褲唯有咬我😅，我無唸過酒店有甘多野咬，看來有需要改善一下了…Read More

剛剛系附近剪完頭髮，上次經過還未開業的，今次見到自然要一試，可能生意太好，只剩下鯛清湯拉麵和小食。周圍都有鯛魚圖案廚房整潔乾淨小碟是𧐢油今次試咗鯛清湯拉麵，先飲湯，湯底好清甜有又濃郁嘅鯛魚香味，跟餐會有一碟仔嘅自家製蠔油，店員解說呢個係佢哋自己整嘅，加埋落果麵度一齊吃，會令個湯昇華，又真係好好味。麵係用粗身嘅拉麵，麵質爽口彈牙，仲有一片好好味嘅叉燒，叉燒唔會鞋口，另外有兩塊炸鯛魚皮，很脆👍，個湯配埋紫洋蔥碎，多了一份香味，還見到有𩶘魚肉叫了個拉麵以外嘅小食，今次叫咗一個煙燻蛋，好香櫻花木香味，味道一流…Read More

呢幾日都係附近做嘢，雅園都食咗幾日，今日轉一轉地方食嘢（間餐廳喺雅園樓上），晚飯時間都很多人，喺梳化位坐低咗，正當我諗緊食咩嘅時候，隔離枱上咗個晚餐好似幾正所以就叫咗老火例湯，飲落去覺得真材實料，唔似一啲茶餐廳，落好多味精，飲完勁口渴，起碼呢度飲完你都唔會覺得口渴先，抵贊涼瓜火腩很多，再加上望落去條魚應該都有七、八兩甘上下，以一個晚餐嚟計，$6、70食到咁大碟絕對超值，跟餐仲有一碗好大嘅白飯，唔夠仲可以添加，相當窩心不過梳化位坐得好唔舒服，張梳發好爛😂…Read More

今日中午唔知食乜好，同同事來到呢間泰國店食飯，朋友叫咗個船民湯邊粉，而我就吃雞喇沙米線，首先來嘅係我嘅雞喇沙米線，見到好多魚蛋豆泡，睇落去都好豐富，湯濃得來幾好飲，不過啲米線好林，好似食緊糊仔咁，差啲要用個匙羹黎食😅不過整體上來講都OK嘅賣都算OK，睇落去都好豐富，諗住應該都唔會太差，點知越食就越覺得好鹹，到最後朋友直情攞我個喇沙湯沖淡啲味黎食（我心諗有冇咸得咁誇張）可能屬於個別情況吧⋯⋯我見到隔離枱食炒金邊粉，好似都幾好味😋可以下次再試，見到有隻好大嘅蝦好吸引…Read More

不經不覺又一年了，雖然上年發生很多不快事情，但還有朋友相伴，就當是緬懷一下吧。今天舊地重遊，食物質素還是保持高水準，實屬難得厚切牛舌，依然是外焦內嫩👍雞胸軟骨卜卜脆，牛肋肉依然係咁好味，多咗油香炸豆腐入邊好滑🤤竟然有燒鴨舌，外脆內軟，加上有少少黑椒零舍惹味紫蘇雞肉棒，紫蘇控嘅朋友一定要試吓，入邊食到一粒粒嘅軟骨仲有好多紫蘇葉絲，食落口有種清爽嘅感覺👍值得一試食到最尾，叫左個紅豆年糕燒，年糕口感煙韌，配上日本紅豆十分好味😋…Read More

經過幾個月前的不快經歷，今天再次嚟到士美菲路街市對面的民華餐廳，今次不太餓只係叫咗個常餐，叫咗個雪菜肉絲麵配太陽蛋多士、凍啡杯凍啡嘅外面全部都係奶，好似好趕時間咁（可能師傅趕收工吧），不過味道OK雪菜肉絲麵正常野，不過湯略咸經過上次食咖喱牛腩飯，成個飯連埋咖喱都係微䁔嘅經驗，諗住叫太陽蛋都係穩陣啲，點知嚟到隻蛋都唔算好熱，蛋黃仲係凍嘅😤（隻蛋可能放雪櫃）其實而家疫情期間，生意已經大不如前，但是食物質素反而越來越差⋯⋯…Read More

朋友知我怕食雲吞麵嗰啲，好怕有鹼水味，佢話呢間無，所以膽粗粗嘅心態走嚟試吓，呢度呢間小店喺橫街窄巷都幾難搵，用OpenRice嘅地圖搵咗都10分鐘先搵到（屈地街行到中段轉入小徑）。叫左個牛筋丸雲吞粗面，腐乳通菜湯底清甜，麵帶點苦（可能就是鹼水味），雲吞餡料有啲少，望落去唔係用新鮮蝦，成本問題吧，腐乳通菜，菜可以切短小小就更好，腐乳醬正常野。牛筋丸有肉汁正常野，如果可以放多小小蔥，應該可以提升賣相和味道，整體來講不過不失。…Read More

今日夜左收工，去到灣仔嘅時候已經係12點幾啦，眼見都冇乜選擇，入咗呢間茶餐廳，見到有燒味飯，咁就試咗個啦三拼燒味飯（有D貪心）叉燒油雞燒鴨 賣相幾好，起碼唔會乾爭爭，叉燒好軟林，燒鴨啲皮仲有少少脆😍咬落去嗰浸油香真係好正，係夜麻麻仲有咁嘅質素真係唔錯，加杯凍奶茶都係$63，絕對超值👍佢呢度除咗燒味飯可以食之外，見到佢仲有其他小菜，價錢都唔係好貴都係$70左右，不過因為而家餐廳有座位距離，中間有擋板，所以你舉手叫侍應都未必睇得到😅…Read More