Read full review
2022-05-26
3285 views
偶然放假想食下自助餐，同事大力向我推薦「皇冠假日酒店」內 藍灣餐廳 生蠔自助晚餐，雖然整體不算特別多款式選擇，勝在有生蠔任食，而且做折有優惠，平日晚上買四送一之下每人二百多，計番性價比還不錯，個自助餐深得一班姨姨們的歡心😆！至於抵唔抵食睇個人點睇，多一間比大家參考下，以下簡單分享每個區野食啦～~~~~~~~~~~~~~~~~~~~~~~~~~新鮮生蠔自助晚餐**星期一至四 成人＄318* / 小童 $188*星期五至日 成人 $398* / 小童 $208*~~~~~~~~~~~~~~~~~~~~~~~~~前菜款式比想像中多選擇，有沙律菜、雜果沙律、手撕雞、越南春卷、火腿等十多款。冷盤海鮮得青口和蝦，蝦爽口，青口不過不失，等即場燒的更好。.全場重點 即開生蠔 每人每次限三隻，有少少金屬味，食左十幾隻！旁邊日式區（刺身、壽司、中華沙律和蕎麥麵等），當中三文魚刺身也是每人限幾塊，的確比另外兩款刺身好食。.約十幾款的主食和熟食菜，肉食唔少得燒味以及牛扒，無太多記憶點，印象牛扒有啲韌，但值得分享的即整 #羊架 ，肉質嫩而香口，一人解決左四五塊😋！平時在自助餐中較少食即煮麵食區，今次都試一試，水
偶然放假想食下自助餐，同事大力向我推薦「皇冠假日酒店」內 藍灣餐廳 生蠔自助晚餐，雖然整體不算特別多款式選擇，勝在有生蠔任食，而且做折有優惠，平日晚上買四送一之下每人二百多，計番性價比還不錯，個自助餐深得一班姨姨們的歡心😆！至於抵唔抵食睇個人點睇，多一間比大家參考下，以下簡單分享每個區野食啦～~~~~~~~~~~~~~~~~~~~~~~~~~
新鮮生蠔自助晚餐**
星期一至四 成人＄318* / 小童 $188*
星期五至日 成人 $398* / 小童 $208*
~~~~~~~~~~~~~~~~~~~~~~~~~
前菜款式比想像中多選擇，有沙律菜、雜果沙律、手撕雞、越南春卷、火腿等十多款。冷盤海鮮得青口和蝦，蝦爽口，青口不過不失，等即場燒的更好。
.
全場重點 即開生蠔 每人每次限三隻，有少少金屬味，食左十幾隻！旁邊日式區（刺身、壽司、中華沙律和蕎麥麵等），當中三文魚刺身也是每人限幾塊，的確比另外兩款刺身好食。
.
約十幾款的主食和熟食菜，肉食唔少得燒味以及牛扒，無太多記憶點，印象牛扒有啲韌，但值得分享的即整 #羊架 ，肉質嫩而香口，一人解決左四五塊😋！平時在自助餐中較少食即煮麵食區，今次都試一試，水餃雲吞味道又不錯喎，可能指定一碗要標配幾粒，想試真係搵人一齊分享下。
.
每輪廚師亦會即場燒不同的海鮮，當晚係蒜蓉青口、蒜蓉扇貝、芝士生蠔、燒大蝦等，可能需要排隊等新鮮出爐，⚠️唔好一開始急住食太飽，扇貝大蝦個啲差不多後面七點多八點先出。
.
甜品約十款左右，以慕絲蛋糕、海綿蛋糕、布丁、泡芙等為主，款款試一件，個人口味覺得斑斕蛋糕和焦糖布丁可回頭，而中式糖水綠豆沙不算太甜，感覺一試無妨，五款口味杯裝雪糕，好耐無食過雀巢牌子雪糕，真係食埋雪糕做飯後甜品就滿足晒。
.
湯品分別係蟲草花燉雞湯和南瓜濃湯兩款，飲品方面主要有西柚汁、茶飲、咖啡、汽水、瓶裝果汁和啤酒等。
.
另外提供幾款麵包、生果、軟糖等等。_
⭐️ 五月優惠 五人同行 一人免費**
⭐️ 澳門身分證可享85折優惠**
⭐️ 需加一服務費*
Post
