Read full review
2018-12-11
3177 views
去左澳門幾日都係食中菜或西餐，終於係走之前搵到時間食葡國菜啦~😋我地揀左呢間係官也街隔離地堡街既呢間波爾圖，貪佢多人推介，應該都唔會差得去邊掛。我地11點零到準備食中午，佢11點半開門，我地做左佢今日第一枱客人。入到去餐廳入面發現佢地方唔大，四四正正的擺佈，我地被安排坐係靠牆的四人枱，都幾闊落。佢既裝修都唔係新既，有D 90年代風味😂不過環境都係乾淨既，咁就冇咩所謂啦。我地見餐牌入面的套餐唔算好啱食，所以就散叫左我地想食既野 – 都係不外乎個幾樣，就係炸馬介休球、乳豬🐷焗飯，男友鍾意食蜆，所以揀左個檸檬白酒煮蜆，同埋呻左個菜，兩個人食都好夠了。先叫左飲品，男友點左個澳門啤酒試下，佢話都幾有麥味，都叫正正常常。先來左個炸馬介休球，我地兩個都好期待~ 一來我地冇食早餐，所以特別肚餓! 佢係剛剛炸好所以好熱，但食入口又唔會好油，有D似焗薯波，但又好香! 而且一咬落去D薯仔好軟熟好香，馬介休味會食入口之後出黎，唔會太濃但又會提升到個薯香味! 加上佢細細粒可以一口食，正!😍之後黎既檸檬🍋白酒煮蜆都好好! 難得唔係以忌廉去煮為主，清清地仲啱我食! 個檸檬味唔係好重，但剛好可以去左海鮮既腥味。而且蜆
我地揀左呢間係官也街隔離地堡街既呢間波爾圖，貪佢多人推介，應該都唔會差得去邊掛。我地11點零到準備食中午，佢11點半開門，我地做左佢今日第一枱客人。
入到去餐廳入面發現佢地方唔大，四四正正的擺佈，我地被安排坐係靠牆的四人枱，都幾闊落。佢既裝修都唔係新既，有D 90年代風味😂不過環境都係乾淨既，咁就冇咩所謂啦。
我地見餐牌入面的套餐唔算好啱食，所以就散叫左我地想食既野 – 都係不外乎個幾樣，就係炸馬介休球、乳豬🐷焗飯，男友鍾意食蜆，所以揀左個檸檬白酒煮蜆，同埋呻左個菜，兩個人食都好夠了。
炸馬介休球
119 views
0 likes
0 comments
先叫左飲品，男友點左個澳門啤酒試下，佢話都幾有麥味，都叫正正常常。
先來左個炸馬介休球，我地兩個都好期待~ 一來我地冇食早餐，所以特別肚餓! 佢係剛剛炸好所以好熱，但食入口又唔會好油，有D似焗薯波，但又好香! 而且一咬落去D薯仔好軟熟好香，馬介休味會食入口之後出黎，唔會太濃但又會提升到個薯香味! 加上佢細細粒可以一口食，正!😍
之後黎既檸檬🍋白酒煮蜆都好好! 難得唔係以忌廉去煮為主，清清地仲啱我食! 個檸檬味唔係好重，但剛好可以去左海鮮既腥味。而且蜆肉都洗得乾淨同幾大粒，食落除左有檸檬白酒味，個蜆肉鮮味都好出。
葡式乳豬釀飯都好食，雖然乳豬🐷係偏油左少少，但個肉質又真係幾嫩，同埋好似佢個飯就唔係太索油! 可能肉比較油，所以建議可以比例上減少D，或加多少少飯會更好。
馬介休炒西蘭花🥦都好食，兩者幾夾，如果賣相再整靚少少會更好。不過佢個味道唔錯，而且佢唔太油膩，配返個乳豬食都幾夾。
檸檬白酒煮蜆
107 views
0 likes
0 comments
西蘭花炒馬介休
93 views
0 likes
0 comments
焗乳豬釀飯
86 views
0 likes
0 comments
Post
