80
26
13
Level2
12
0
2013-10-29 5223 views
呢間位於十月初五街的老式茶餐廳,聽過同睇過好多網友介紹,今次都係第一次幫襯。格局的確好懷舊,咖啡色木卡位、牆上或天花板的吊扇、態度麻麻地的侍應,全部好似香港八十年代的茶餐廳,至於食物的水準就好一般啦!我叫的係南屏一丁同蜜汁菠蘿冰,朋友就叫紅豆冰加雞扒一丁,兩人仲要左份叉燒雞蛋三文治齊齊分享。*南屏一丁(23 蚊):無論中英文都唔知係乜東東,問過侍應之後,先知係叉燒火腿雞蛋出前一丁!送上來的賣相真係好一般,叉燒同火腿煎都無煎過,雞蛋又煎到爛爛地,加埋湯料又唔撈勻先送上來,感覺仲差過自己整!食落同樣好麻麻!*雞扒一丁(18 蚊):雞扒居然係炸,不過係炸到老兼硬晒,皮又厚,四粒咁大把,飛走老硬的炸皮之後,真係無乜肉食。*叉燒雞蛋三文治(15 蚊):上網見好多網友都叫呢款三文治,所以嗌來兩人分享。雞蛋夾住叉燒,蛋的分量幾多,不過整得唔夠滑,水準普通。一隻大圓杯裝菠蘿冰,咁就夠懷舊。點知只係一隻小玻璃杯,飲落唔覺有蜜汁,只係糖水加罐頭菠蘿,徙料!*紅豆冰(12 蚊):朋友唯一大讚的食物,因為佢杯紅豆冰的紅豆多到不得了,差不多有半杯咁多,而且豆好腍,以12蚊來講真係超值。埋單呢餐兩人只係80 蚊,
Read full review
呢間位於十月初五街的老式茶餐廳,聽過同睇過好多網友介紹,今次都係第一次幫襯。格局的確好懷舊,咖啡色木卡位、牆上或天花板的吊扇、態度麻麻地的侍應,全部好似香港八十年代的茶餐廳,至於食物的水準就好一般啦!
我叫的係南屏一丁同蜜汁菠蘿冰,朋友就叫紅豆冰加雞扒一丁,兩人仲要左份叉燒雞蛋三文治齊齊分享。
*南屏一丁(23 蚊):無論中英文都唔知係乜東東,問過侍應之後,先知係叉燒火腿雞蛋出前一丁!送上來的賣相真係好一般,叉燒同火腿煎都無煎過,雞蛋又煎到爛爛地,加埋湯料又唔撈勻先送上來,感覺仲差過自己整!食落同樣好麻麻!
*雞扒一丁(18 蚊):雞扒居然係炸,不過係炸到老兼硬晒,皮又厚,四粒咁大把,飛走老硬的炸皮之後,真係無乜肉食。
*叉燒雞蛋三文治(15 蚊):上網見好多網友都叫呢款三文治,所以嗌來兩人分享。雞蛋夾住叉燒,蛋的分量幾多,不過整得唔夠滑,水準普通。
雞扒一丁加紅豆冰
357 views
1 likes
0 comments
南屏一丁
295 views
0 likes
0 comments
叉燒雞蛋三文治
386 views
0 likes
0 comments
309 views
0 likes
0 comments
蛋撻
283 views
0 likes
0 comments
314 views
0 likes
0 comments
一隻大圓杯裝菠蘿冰,咁就夠懷舊。點知只係一隻小玻璃杯,飲落唔覺有蜜汁,只係糖水加罐頭菠蘿,徙料!
*紅豆冰(12 蚊):朋友唯一大讚的食物,因為佢杯紅豆冰的紅豆多到不得了,差不多有半杯咁多,而且豆好腍,以12蚊來講真係超值。
埋單呢餐兩人只係80 蚊,唔太貴,但水準真係唔得掂,差過香港好多茶餐廳,應該唔會再幫襯。
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2013-06-20
Dining Method
Dine In
Spending Per Head
$40 (Lunch)
Recommended Dishes
叉燒雞蛋三文治
蛋撻