第N次黎海灣餐廳，基本上乜都食過，整體黎講都算係中上水平，今次同朋友特登訂個原隻葡式乳豬飯黎試，可能或多或少都有D期望，食落就覺得唔算特別好食，至於其他食物，仍然維持一貫水準。
沙律：全部菜都好新鮮
凍蝦：D蝦大大隻，味道不錯
西洋炒蜆： D蜆都算新鮮，唔錯！
1
馬介休：超好味，好香薯仔同馬介休味，唔怕太咸，炸得岩岩好，不過澳門都好難食到難食既馬介休
原隻葡式乳豬飯：炒飯味道不錯，可惜太軟而且無乜乳豬味（只不過係炒飯上面加左隻乳豬），豬皮唔夠脆，而且好硬，好似整熱左好耐先拎出黎咁，實在普通，枉我地專程去試
1
炒雜菜：普通
1
甜品：黎海灣當然千祈唔好點甜品，十次有十次中伏
！！ 今次係有人請所以先會哂冷食哂全部款式：朱古力MOUSSE同咖啡布甸太甜，雞蛋布甸太老，芒果布甸無乜芒果味，木糠布甸太硬，應該係雪左好耐（我整都好食過佢），梳乎里水汪汪（垃圾！要回水！），成盤得個椰皇大菜糕係好食
(今餐每人$250不包括甜品)
