呢間素店屬蛋奶素，大部分菜式應該可以按顧客需要作出調整，例如走蛋。呢到可以選擇食自助餐或者散叫，自助餐MOP$35，主要食中式家常小菜，亦有炒麵、紅米飯、中湯同糖水。而我哋就散叫餐牌上嘅食物，種類幾多元化，包括有中式小菜、意粉、pizza、手抓餅、餃子、壽司飯卷等，散叫亦可任食紅米飯同中湯，要自己係出面潷，當日係牛蒡紅蘿蔔湯，好足料。不足係店舖面積細，會坐得冇咁舒服。
手抓餅系列 (原味MOP$18；加豬扒MOP$10；加素腸MOP$10)
原本我哋係分別加配豬扒同素肉鬆，點知冇素肉鬆，老闆娘就建議幫我哋轉素腸。手抓餅入面包住椰菜絲、素豬扒/ 素腸、沙律醬同茄汁，好惹味。薄餅皮類似酥皮，食完成件都幾飽。
純手工東北蒸餃子 (MOP$35)
餃子嘅餡料有娃娃菜、素火腿、甘筍等，餃子醋本身有少少辣。
薑蓉炒雜菜 (MOP$38)
感覺有D似羅漢齋，材料有娃娃菜、蕃茄、西蘭花、雲耳同本菇。
素肉碎意大利粉 (MOP$68)
賣相似茶餐廳食到嘅鮮茄蛋意粉，素肉碎、雜豆等食材製成嘅茄醬鋪係意粉上，撈勻黎食，味道酸酸甜甜，意粉彈牙。
1
1
1
