餐廳位於氹仔碼頭美食廣場入口直入，氹仔碼頭有充足的泊車位提供，十分方便，從停車場唔駛十分鐘就到，非常就腳。餐廳地方唔算太大，不過五臟俱全。除左一般梳化等等既私人會所必備之外，背景音樂也輕快，舒適，重有電視機不斷播放片段(客戶可自備片段播放，適合求婚及生日等驚喜)，非常睇貼！坐低冇耐，侍應首先奉上熱茶免費小食，雖然免費，但絕對份量充足。
服務方面非常細心，2~3名服務員為客人上菜及到酒，門外還有保安把守，其餐廳經理還會細心介紹每一道菜式，感覺高端大氣。
最後埋單時以為一定非常昂貴(訂餐時已知價錢，但未知是否有其他開瓶費等雜費)，原來只收餐費每位@$900左右，沒有加10%服務費及開瓶，在澳門一般私房菜都要成$1000/位，以這種服務水平真係值得!!!
