檸檬車露 (Moved) New Location

位於鄭家大屋側邊，由”胡椒餅總店"行過黎大約2分鐘（150米），”胡椒餅分店”同”恆友魚蛋”都在對面。其實食過好幾次，今次特登黎再食。入鄭家大屋參觀前明明無人，一出黎就勁多人，要排大約五分鐘先有得食。金莎朱古力味＋香蕉榛子（＄40）金莎朱古力係鎮店之作，加5蚊都必點，香滑濃郁既朱古力味，食落啖啖都有金莎碎，勁脆！甜度適中，足料唔求其，勁讚！至於香蕉榛子雪榚，就勁重香蕉味，榛子粒唔夠脆。番石榴味＋莓子乳酪（＄35）番石榴味酸MAY MAY，勁開胃；莓子乳酪好滑好重奶味，莓子味唔算好重。