Fei Chai Man Mei Sek

睇完演唱會，同女友行返入去舊城區食宵夜~~~係<華泰>同<肥仔文>中間念左一陣，最後決定食<肥仔文>，一來排隊既人龍令我地產生好奇，二來當晚唔係甘想食點心~~

肥仔文舖仔細細，出名水蟹粥、蝦子撈麵及各式小炒，係氹仔有名食宵夜既餐廳~~當晚由於演唱會完結好多人都黎尼度食宵夜，結果我地總共等左3x分鐘先可以攝入去~~~

1

18

40

女朋友之前係外地食得太多蟹，所以當晚我地唔叫水蟹粥，改爲叫左碗生滾牛肉粥加走地雞件~~

生滾牛肉粥（加雞件)

$80

生滾牛肉粥（加雞件$35) $80- 粥底有牛肉及雞件熬煮，幾入味~~但係牛肉未夠嫩滑，雞件食左幾舊只有一舊係嫩，其餘都係"un"，睇黎係煮得過了火候~~

1

蝦子雲吞撈面

$72

蝦子雲吞撈麵 $72 - 蝦子撈麵方面比其他知名品牌麵條稍微唔夠乾身同淋左少少，差左少少爽口感，雲吞雖然大小適中，但裏面蝦仁咬落亦不夠彈牙爽口，個人認爲就甘叫蝦子撈麵仲抵食~~~

椒鹽玉米

尼個小炒係其他食物上場後，等左接近30分鐘先出現既椒鹽玉米(應該係等埋其他order一次過整) $85 - 雖然用椒鹽炒令菜式偏辣，但玉米既甜幫忙中和之餘，亦令到味道更有層次，更加惹味，同時厨師控制火候得宜，使到玉米食落唔會覺得油膩（同埋個量其實幾多下）~~~但你話佢值唔唔得你為佢等成個鐘再要成$85，甘真係見人見智~~

食完已經近凌晨3點，帶著少少失望既心情離開餐廳，返酒店休息，以繼續聼日既行程~~~