一個月前已經book左六點去食mezza9
mezza9位於澳門君悅酒店酒店3樓
未婚妻點名話一定要食既其中一間餐廳
L佛話佢係全澳門最難book既自助餐
見其他人都話佢係澳門自助餐既天花板
咁但係我一上官網就已經可以book得到
心諗邊忽難book
但原來而家睇番
如果星期六既話都要去到八月先有位
可能果時真係少人book掛
岩岩六點去到就見到要排隊入
門口寫話已經full左
但事實係入面都仲有空位
一入餐廳就見到幾個龍蝦缸
有做過功課
咁都知道mezza9同一般自助餐唔同
佢基本係做海鮮小菜放題
以熟食為主
落order即叫即整既自助餐廳
呢間餐廳就只有大陸獎
餐廳環境就大概係咁
1
位同位之間都幾迫
張二人檯都算正常size
唔會太細都叫做夠位擺
同普通自助餐唔同
佢都預設已經有隻碟擺係度for share野食用
同埋有枝水擺係度
亦都有紙巾
咁但係我地位後面就已經係熟食區
成日係我地格離左穿右插
仲要唔知點解好鍾意彈出彈入
搞到個位耐唔耐會地震
澳門餐廳仲有個特色就係地下痴痴立立
呢兩日去過大部份餐廳都有呢種情況
就算聽日食自助早餐係咁
mezza9亦都係一樣
所以環境衛生就真係好一般
無得同香港比
佢有間獨立房
入面都好似坐到幾多人
中場係飲品區
呢個算係mezz9其中一個比較特出既地方
酒呢d就要加錢既
其他果汁汽水就任飲既
仲有鮮榨橙汁同菠蘿賓治
不過最出色都係呢位水吧職員
可以係度點野飲
就算係好普通既凍檸茶凍檸水佢都真係調出黎而唔係就咁斟出黎
所以真係特別好飲
餐廳最大特色就係之前講過既海鮮小菜放題
呢個區就係即煮新鮮龍蝦
見到人面幾個師傅不停係咁切同煮
應該好熱
落單係要排隊
由一開始已經大排長龍
但其實根本無需要咁樣做
因為過完第一水之後就唔洗再排
而我就係7果水了
龍蝦就有幾種煮法
蒜茸蒸
避風塘
芝士焗
仲有炭烤同辣汁無試到
其實好快就上檯
都係十至廿分鐘左右
焗同蒸都係開邊上檯
避風塘就碎件上既
我自己就覺得蒜茸蒸最好食最入味
呢個生熟程度就岩岩好最彈口
芝士焗就就麻麻地太膩同有d鞋
避風塘係惹味既
不過會重味同較濟
除左龍蝦仲有其他炭烤熟食好似沙甸魚同雞腿
不過真係主攻龍蝦好過
另一個熟食位就係之前話我地身後果張檯
呢part炒飯炒麵就無拎過
格離燒味檔都係
係小菜放題之下呢d就變得毫無吸引力
中式燉湯就幾多料
然之後係綠色放題
1
八種煮法
轉個彎近門口果邊係第三個放題區
1
龍蝦以外既海鮮放題
有十七款海鮮
十種煮法
35
有鱔有鮑魚有扇貝
不過一個胃真係叫唔晒咁多
仲有d佢地上錯格離檯既菜式
基本淨係一round都收皮
真係明正言順既海鮮小菜放題
咁可能放題區太特出
自助餐區就顯得可有可無
燒烤食物得燒豬架
鞋什什
凍海鮮佢擺又擺得求其
1
連一件都無拎過
1
龍蝦湯同牛尾都有拎
龍蝦湯咸到要洗賢
牛尾爽口
龍蝦包就比特別
1
不過包太多肉太少
1
生牛片就唔錯幾有油香
沙律仲係唔識欣賞
係仲有個日式區既
但呢個唔入廁所係唔會發現既隱型區域
真心唔明點解個設計係咁傻的嗎
六款刺身
天婦羅
茶碗蒸
全部都係普通野
洗手間都普通啦
因為多大陸人
所以唔係幾乾淨
最後就係甜品區
就係熟食對面
有即整梳乎里pancake
不過賣相麻麻
朱古力心太軟都係即焗熱辣辣
原個蛋糕就好少
都係芝士蛋糕同tiramisu
普通蛋糕發揮
呢堆蛋糕仔就望落都覺得地
後面有水果
同埋要問先有既椰皇焦糖布甸
呢個係即場燒既
唔算大份
椰子味都無乜
不過就幾滑
mezza9無杯裝雪糕
又係問先有既軟雪糕
呢個毫無特別
唔知收收埋埋既道理
最後仲有紅豆沙
好杰身
整體就係咁多
其實就唔係話好多選擇
純粹係因為小菜放題而聞名
但其實咁樣食法都真係幾快食飽
根本無一樣野可以叫到兩round
好快就可以收皮
自助餐由六點至九點
只有三個鐘時間
亦都比香港普遍少一個鐘
但係顛到有d人七點幾八點已經走
唔明澳門人食自助餐既玩法
同埋呢
大陸人食法亦都係好與別唔同既
佢地可以一邊拎住野食一邊排隊再一邊即場食手上食物
係好痴線
我就唔係特別覺得呢間自助餐有幾出色
不過係官網book檯有tick目的係慶祝既話
佢地就會係尾段送上蛋糕
次次鬧完交到呢個環節就會開心晒
仲會有即影即有相
香港應該曾經都有呢種服務
但呢三年黎食暈咁多間酒店餐廳係一間都未試過有
埋單唔記得影單
每人819葡幣
好似只可以係官網訂位或者join酒店package先食得到
所以係完全零折扣
即係連加一每人超過九舊水
今次用銀聯碌卡
番單就大約一千七百五
平均都要875港紙一位
比起前排去麗晶仲貴
我自己就覺得唔太抵食
九舊水如果去流浮山食海鮮都可以食得好飽
質素應該仲好過呢度好多
佢小菜以外既地方都係一般無咩特別
衛生環境又差過香港普遍既五星酒店
淨係無那那會有d大陸人行過黎你個位格離嘈住晒都夠死
地下又痴立立
都係試得多香港酒店過黎澳門酒店試下
呢個價錢我就唔會再戰
仲話呢個係澳門自助餐既天花板
咁即係其他酒店都可能只係普通貨色
成日聽人講話香港幾差幾差人地外面幾好幾好
食完就真心覺得吹大左
不過服務都仲算係幾好既
入黎帶位有介紹餐廳既自助餐都算係少有
無位放袋佢都拎多張凳過黎擺野
除左有效阻隔埋班大陸佬
仲會放埋椅套都算係咁
亦都有影相服務
呢方面算做得幾好
係澳門受氣都唔少
呢度都算係咁架啦
