我哋去到就最鍾意搵葡國餐廳食飯，今次就試吓呢一間「葡頌苑」食晏，沿着大三巴一路行就會搵到！
唔知點解食葡菜，我覺得配紅酒好夾～
每杯都係$58。
《 葡式炒牛肉粒 $118 》
牛肉粒幾有肉味，仲會加咗啲橄欖肉，佢都幾好味，所以配埋蒜蓉多士好夾！
《 烤沙丁魚 $178 》
好鍾意食魚嘅，我嚟到食套餐都一定會嗌沙甸魚食，呢個好香，用嚟撈飯或者配多士都好正。
《 白酒蒜蓉炒蝦 $188 》
估唔到份量都幾多，原來仲有埋青口同埋魷魚，好有蒜香，蝦都大隻同埋肉質爽嫩。最鍾意葡國菜好多醬汁，佢仲加咗啲飯喺底，好惹味！
《 菜心 $70 》
因為前面幾樣餸都比較濃味，所以嗌個清清地嘅菜心食。啲菜心好新鮮，完全冇渣，好清甜～
呢間都唔錯，可以翻啅。
