明記牛什美食 (Moved) New Location

响三元和祥記附近經常見排長龍嘅車仔檔，今日有少少時間即管試下佢，等了約廿分鐘，其實前面得五、六個客，究其完因主要係無乜系統，因除了牛雜還有其他食品如丸類、腸仔、魚蛋、豬皮之類，有幾個客人都喺度慢慢選，拖慢晒進度。買了一盒五十元的牛雜加了辣，牛肚、牛膀、牛肺都好軟熟，唔似係急凍貨，但腸並唔係牛腸而係豬大腸，仲有啲類似豬頭肉嘅嘢，咁嘅組合第一次見。味道方面都幾濃，但加咗辣唔係食得好真，食完勁口渴，似乎味精頗重，個人覺得排廿分鐘嚟食唔值得，唔使等都可以考慮嘅。再過開嚟或會俾多次會佢至撥入我個blacklist。