亦都冇得排隊攞飛😒
係呀‼️排隊攞飛都會俾佢趕走㗎😒
好彩朋友好堅持棟喺門口冇走開~~
終於皇天不負有心人❤️
俾我哋試到呢間咁鬼寸嘅葡國菜~
仲要限時得一個鐘，真係要坐低即刻叫嘢食，把握時間⚠️
不過排都值㗎!!
對比其他著名嘅葡國菜…佢真心性價比高❤️
4
<<特色焗鴨飯>>($83)
呢個飯係最令我回味嘅🦾
飯面焗到起焦!
飯入面竟然有鴨肉粒!!
所以成個飯充滿鴨油香🥰
<<芝士薯茸馬介休焗酥皮>>($123)
估唔到呢兩個男人拳頭size嘅酥皮馬介休球係咁飽肚，咁有驚喜🤩
佢入面全部都係有明顯薯仔顆粒嘅薯蓉同埋洋蔥粒，個頂俾芝士cover晒!!
所以一落檯已經覺得佢香到爆炸💢
每一啖入口都令我覺得好滿足~
淡淡嘅馬介休味，令我想一再encore!
<<脆炸馬介休球>>($55)
幾年冇食過馬介休球喇~~
本身我鍾意食鹹魚! 所以有鹹魚味嘅我都喜歡🙃
可惜我覺得呢家嘅馬介休球唔夠濃味…
淡咗少少🤏🏻
好彩佢新鮮即炸都加番唔少分🙌🏻
<<檸檬白酒炒蜆>>($118)
朋友們盛讚嘅一味前菜~
我都覺得佢嘅蜆肉飽滿厚身，而且檸檬白酒更帶出佢嘅鮮甜💯
份量都唔少㗎~~
1
<<鹽燒沙甸魚(2條)>>($58)
魚身上面有好多蒜蓉，煎得好香口🤤
如果大條啲，厚肉啲仲正🤭
<<葡式乳豬釀飯>>($218)
我嫌佢嘅乳豬太肥，豬皮亦都煙韌難嚼😗
下面啲飯雖然炒得幾香，但略嫌炒得太乾身😅
呢個價位…我就唔會再encore🙅🏻♀️
<<麵包焗葡國雞>>($108)
雞肉唔算多，而且每嚿都好大嚿…
好似我哋一行七人就好難share喇~~
我冇食到雞，comment唔到!
但我好like個bell~ 佢外皮真係超脆!
店員幫我哋用較剪剪包嗰刻都feel到好脆👍🏻
