18
3
0
Telephone
+853 8803 7676
Introduction
Guincho a Galera is the first international branch of Michelin-starred restaurant, Fortaleza do Guincho in Portugal. Taking Portuguese fine-dining to a new level, Guincho a Galera offers authentic Portuguese cuisine where Portuguese delicacies are prepared in the most skillful and innovative style.
continue reading
Opening Hours
Today
12:00 - 14:30
18:30 - 22:30
Mon - Sun
12:00 - 14:30
18:30 - 22:30
Above information is for reference only. Please check details with the restaurant.
Signature Dishes
一行六人到這裡食午餐，訂座後每位先付MOP150 訂金。2個courses$350/3 個course$410，各適其適。香蕉麵包和葡腸麵包熱辣辣好好味，另一款啤酒麵包就比較硬身。海鮮湯伴馬介休，系一個清湯而馬介休亦都只係得一小粒，冇乜特色，真係吾推介。友人叫帶子雲吞和鮮蝦墨魚仔沙律無論賣相及味道都相當吾錯。主菜叫左威靈頓羊肉（7成）但酥皮吾夠扎實，幸好羊肉嫩口。友人叫燴牛尾，應該係拆肉後再重組，所以系冇骨嘅，香煎比目魚，個皮微微脆，魚肉帶點鹹香。甜品拼盤，楊枝甘露系室溫所以口感不佳，雪糕估計應茘枝味冇乜驚喜，伯爵茶蛋糕就比一般自助餐更差，完全似交來貨色，甜品真系好差，十分懷念之前嘅甜品車。尾段送嘅迷你葡撻都鬆化，但另外酥條及朱古力只係各有2條/粒，好像小家了一點，其實餐廳可以調整價格，就吾好好似依家咁，將價就貨。埋單MOP2464/6 位，整體來說，退步了很多很多，希望餐廳方面可以改善一下。
continue reading
位於葡京酒店內的精緻葡式高級餐廳 Guincho a Galera，係葡萄牙著名米芝蓮星級餐廳Fortaleza do Guincho首間海外分店，餐廳環境優雅，氣氛不錯。.率先睇到午市有 set lunch 提供，平日晚上有Tasting Menu，每位$580* ，當然有多款單點食物，今次剛好週末晚上過來用餐🍽 遇上週五六晚才供應的香烤套餐，兩人份 $960*，套餐展示所有菜式都有（詳情見圖九），基本上唔洗選擇。打呢篇分享文時睇官方網站，見到餐廳精選餐酒有成600幾版😱，睇介紹超過一萬七千款世界各地名酒，下次開埋枝酒更完美。▼週末香烤套餐 $960/2人 **扒墨魚仔配金菠蘿沙律蠔天婦羅配葡式辣汁牛尾清湯葡式青菜湯配葡式肉腸燒烤拼盤配烤雜菜(大蝦、鮑魚仔、北海道帶子、牛小排、春雞半隻及羊排)特色甜品兩份▼提供三款餐前麵包 ， 烘到暖笠笠的 香蕉麵包 （圖二左上），聞到勁香，超級鬆軟，建議搭配埋自家特調香蕉牛油，更加好味🤤，令人眼前一亮，我真係會為左佢再來🤩。另外麵包籃內（圖二右上）葡式腸包切開一片片，烘到香脆可口，越咬越香，旁邊啤酒硬包亦不錯，口感偏有咬口，配埋牛油🧈享用已經好好食。擔心太飽之下，每種淺嚐試試，剩低未食晒可以打包拎走。.前菜兩款 扒墨魚仔配金菠蘿沙律 和 蠔天婦羅配葡式辣汁 ，前者墨魚仔爽口，和醬汁之間有啲啲分離，但鋪底菠蘿片🍍幾香甜入味。後者的蠔天婦羅外皮炸到香脆香口，唔會油膩，一人一隻淺嚐一下。.接下來餐湯方面有 葡式青菜湯配葡式肉腸 和 牛尾清湯 ，前者葡式青菜湯屬常見款，印象中前幾次食葡式菜都有佢既踪影，每啖feel到薯蓉幼滑感，青菜湯質感濃稠，加入了葡式肉腸，味道清爽，帶點鹹香。.而 牛尾清湯 味道濃郁，入面有舊牛尾好軟腍。.作為主菜 燒烤拼盤配烤雜菜 終於上菜啦，一大盤同時裝住大蝦、鮑魚仔、北海道帶子、牛小排、羊排、半隻春雞和烤雜菜，除左春雞外，每款食材都有兩份，容易分享😌！燒烤跟四款醬汁，無記錯的話，有兩個辣醬、芥末醬和薄荷醬，個人來講唔洗蘸醬已經好味，原汁原味更好。.先講海鮮，大蝦已經剝好殼，肉質彈牙，鮑魚有咬口但唔怕韌，帶子肉質細嫩。雖則話海鮮味道不錯，但同場相比下，肉類方面做得更優秀，牛羊肉切開後粉嫩的顏色🤤，牛小排大約五成熟到，肉質軟嫩，羊架亦同樣嫩身，烤羊架的羊膻味較少，熟的程度亦剛好，如果對以上肉類生熟程度有個人要求的話，記得提早講比服務員知，因為落單時無問到要幾成熟架～烤香雞份量不大，肉質唔怕老，但會比牛羊肉遜色少少。.是日特色甜品每人一件藍莓芝士蛋糕，仲送一份甜點拼盤，粒朱古力都好正👍。成個套餐份量剛剛好，差不多八九成飽，綜合食物味道、環境氣氛以及服務來講，十分之高質，真心有驚喜，希望有更多人認識到佢。.推薦生日/ 紀念日/ 節日等慶祝活動，朋友聚餐都係一個不錯的選擇。兩個人慶祝的話推薦圖中呢個套餐，唔需要花時間揀餐點，好好享受當下浪漫氣氛，而且可以提早預約窗邊座位，個人覺得氣氛好好🥰！_⭐️ 週五晚及週六提供的《週末香烤套餐》**⭐️ 需加一服務費*
continue reading
餓鳥.....有話兒：「聽說葡京酒店有間慢食的葡國餐廳Set Lunch性價比很高，餓鳥一於來葡一葡🤩」-這次我們點了三個Set Lunch，一個是3 courses set，兩個2 courses set，點完餐就來了個餐前麵包🥯，特別要說一下這裡的麵包真的會讓餓鳥想要再次光臨😋又鹹又脆的《葡腸包》和鬆鬆軟軟的《香蕉麵包》，淡淡的香蕉味再搽上香蕉牛油一起吃簡直是絕配😍前菜：《鴨肝伴無花果配葡國砵酒汁》鴨肝煎得剛剛好，表皮脆酥，內裡半生熟，質感順滑，口感好Q彈，配搭的砵酒汁中和了鴨肝的膩感😆《帶子薄片配馬介休沙律》配搭清新，一片片又薄身又鮮味的帶子片配上一絲絲又鹹鹹的馬介休，令鮮味提升之餘又能豐富味道😜湯：《牛肉清湯配牛尾雲吞》包着牛尾餡的雲吞配上濃縮的牛肉清湯，簡直牛味集於一身😝主菜：《T骨羊扒配茄瓜及雜菜》羊扒肉質鮮嫩不過老，吃每一口都飄逸着陣陣羊臊味，配上黑椒汁令味道更突出😚《葡式辣汁燴黑毛豬》肉質同樣細嫩，一咬已經化開，配搭的葡式辣汁雖然不辣，但剛好不膩口🤤《桂花魚配生姜海鮮汁》肉質嫩滑鮮美，但海鮮汁就吃不出姜的味道來，可能單純用姜來消除海鮮的腥味🧐最後，當然要繼續去滿足餓鳥另一個胃啦，雖然沒有了手推甜品車環節，但《焦糖布丁》和《迷你葡撻》的表現也不過不失，啖啖的蛋味布丁口感幼滑，加上微焦表面的砂糖令味道更甜蜜🥰而一口葡撻亦不遜色，外皮酥脆可口，內裡creamy軟滑，令餓鳥一口一口地吃不停🤣-餓鳥特別要讚美一下，環境優靜舒適，服務很到位👍🏻由從不缺水的水杯，到上每一道菜都介紹清楚和推薦吃法配搭，令餓鳥置身於貼心而又親切的服務當中☺️-✨餓鳥點餐✨ 中午套餐 - 2 courses ($310) :鴨肝伴無花果配葡國砵酒汁T骨羊扒配茄瓜及雜菜中午套餐 - 2 courses ($310) :帶子薄片配馬介休沙律葡式辣汁燴黑毛豬中午套餐 - 3 courses ($380) :鴨肝伴無花果配葡國砵酒汁牛肉清湯配牛尾雲吞桂花魚配生姜海鮮汁-💥另加收10%服務費喔
continue reading
葡萄餐廳嘅食物，環境，服務都好好，基本上一星期會去1-2次，lunch set都好抵食今日嘅餐前小食係炸馬介休，又脆又熱，好好食。餐包有香蕉麵包，葡式臘腸包同啤酒麵包。好熱辣辣，好香架！配埋佢地嘅牛油一齊食真係好正！葡式青菜湯，一邊飲一邊食到佢啲菜，唔會太咸啱啱好酥炸馬介休，馬介休嘅肉質都幾彈牙，外層嘅皮都好脆，配埋個汁都好食豬柳都ok好食！但同馬介休比都係馬介休比較出色甜品以澳門酒店餐廳嚟講算出色，唔會太甜，慕絲都好滑，有時候啲新甜品會有驚喜環境同服務都好正架！除咗某位黑面嘅女服務員，其他人都好好，好有禮貌，會熱情有禮咁招待你總括而言，葡國餐廳非常值得光顧，極度推薦
continue reading
終於有時間po好耐之前十週年紀念日食嘅嘢😂 紀念咗咁多年，本身都係諗住搵間餐廳食下野行吓街象徵式紀念下，但又覺得十年要做啲唔同嘅嘢😆 點知男朋友話不如去澳門跳bungee jump😳 好搞笑，估佢唔到，咁去得就緊係搵間靚餐廳食吓😋 本身想去天巢，冇窗口位放棄咗，留番下次😂 呢間之前都食過一次，環境好舒服，侍應仲會着埋葡國服裝，好有葡國風味🤗 佢啲前菜好精緻，無花果脆皮同八爪魚都用上唔同嘅伴菜同醬汁點綴，令到簡單嘅菜式味道豐富啲💕 湯嘅賣相係普通咗啲，但味道濃郁👍🏻，同埋包竟然可以熱到出住煙上枱，牛油香滑，香腸包外脆內軟，包來講算係數一數二🤣主菜一個係燒春雞，估唔到係會用好多泡咁上菜，幾得意👀 另外就叫咗焗馬介休傳統葡國菜，味道口感都控制得好好😋最後有甜品車😍，主要揀咗啲冇咁甜嘅甜品，雪芭同埋木糠布甸，有幫手寫咗字，但認真手字有啲醜😂 差啲唔記得仲有蛋撻同埋芝士，飽到痴咗線🤰🏻 真係要慢慢食，享受埋個舒服環境🥰兩人大概MOP$900
continue reading
You may be interested in