14
0
0
Telephone
+853 88656560
Introduction
With Michelin starred chef Tam Kwok Fung, Pearl Dragon offers a unique menu showcasing refined provincial flavors, innovative creations as well as the finest delicacies.
continue reading
Awards and Titles
Michelin 1 Starred Restaurant (2017-24)
Opening Hours
Today
12:00 - 15:00
18:00 - 23:00
Mon - Fri
12:00 - 15:00
18:00 - 23:00
Sat - Sun
11:00 - 15:00
18:00 - 23:00
Above information is for reference only. Please check details with the restaurant.
Recommended Dishes
RELATED ARTICLES
到澳門，我們一早訂了這米芝蓮一星的中餐廳。因想試多點款式，所以叫了月龍軒主廚午宴。玥龍點心拼盤，包括醬皇野菌元貝餃，帝皇蟹小籠包，最喜歡紅米龍皇腸粉，外脆、腸粉滑又好味。蜜汁黑䐁叉燒拼金不換燒汁和牛酥，叉燒肥瘦適中，又香又有肉汁，和牛酥香脆美味。雲南靈芝花菇燉竹絲雞茶杯湯，清甜的竹絲雞湯，飲到停吾到口。沙茶鮮合桃蘆筍炒捲毛豬柳，味道香口，不錯。金瑤海皇蛋白藜麥炒絲苗，炒到粒粒飯又香又美味，連我這不食飯的也清晒。香芋雪燕蓉燉北海道鮮奶，很重的香芋味，又滑又香，甜度適中，正！最後那甜品，上菜時加埋乾冰，美侖美奐，美味又不太甜，為這餐畫上完美的句號。環境舒適，服務周到，價錢也很合理，絕對物有所值👍🏻
continue reading
難得隔離咗七日先至可以嚟到澳門🇲🇴，梗係要試吓啲米芝蓮餐廳。 聽朋友講呢度啲小菜好精緻，而且服務都係一等一，所以就來試吓。黃金周成個禮拜都full晒。所以等過晒黃金周後，人潮散去，先book到位。入到嚟已經見到氣派不凡。餐館環境優雅、靜謐。而且枱同枱枱之間距離有返咁上下，傾密偈唔怕比人聽到。餐前小食同埋歡迎茶，已經有驚喜！每上一道菜，侍應都會介紹返，上嘅茶原來係根據時節特別調佩。剛秋涼，所以佩上紅茶加玫瑰桂花，花香味特濃，入口清新醒神。第一道菜係鵝肝金錢雞。傳統金錢雞係肥豬膏加雞肝。但呢度就用咗杏包菇代替左肥膏， 用鵝肝代替雞肝，高級之餘亦好似健康啲。 呢個trip 不停咁食， 但塊鵝肝入口即溶。 個啲膽固醇，高脂，乜都唔理住！跟住就係頭盆tasting menu 精選三小品 。 可以試晒「酥炸生蠔🦪+义燒+梅子蕃茄」生蠔就唔使講一睇就知肥美， 义燒係無敵，肉嫩爆汁。 而本人係無食肉獸，梅子蕃茄就無乜comment。再嚟就係焗釀蟹蓋。 依家唔係好多地方有。 所以見到即叫。 呢度菜😋佢話用咗松葉蟹肉、瑤柱、響螺焗釀，一個字 ～好味😋🤣。 旁邊仲加咗隻炸「清水蟹仔」。雙蟹🦀️出動鮮味係口腔內爬行。 而妙齡乳鴿出場啦！定係應該講係乳齡BB 鴿呢🧐？我真係好鐘意食乳鴿， 周圍試， 但真係未試過食一隻咁幼嫩嘅。 拳頭咁大嘅隻，唔使問已經知嫩滑，而且係用南乳醃製同出面用五香粉做唔同，另一番風味。 食到呢度已經飽飽地， 但眼闊肚窄。之後仲叫咗「極品玥龍炒飯」同埋「羊肚菌上素」。 食飽飽。大滿足！ 😊以為唸住收工，驚喜再來。 餐廳送上精美點心拼盤。打咭影相📸️一流👍🏻。食品美味😋仲要服務同環境一流，真係名不虛傳的真米之蓮餐廳🍴👍🏻
continue reading
我地次次來澳門必來氹仔玥瓏軒飲茶 🍵 呢度好Grand, 服務好，點心又可按人數多而加數量，性價比高👍由行入餐廳果一秒已經係食緊環境, 好有氣派🤣🤣 又有專人serve，不用自己斟茶😌澳門buffet都較平吸引，可惜我地食量較少，貴精不貴多，所以較prefer 來呢度享受😁lunch 飲茶每人消費約$200，係香港普通飲茶都要約$100， 呢度整體性價比高，值得再來👍每次贈送甜品都不同，好有驚喜！每人叫一壼靚茶，專人serve, 係度飲茶，點心精緻賞心悅目，好有做上等人的感覺🤭
continue reading
這間玥瓏軒應該是三星譽龍軒的姊妹店，水準同樣高，雖然而家只係一星，我相信不久便能再掂星而上。去飲茶記得訂位，會有SMS和電話提醒預訂。餐廳有各式各樣既茶，每一款都各有特色，有專人幫你泡茶，可謂一種享受。價錢有貴有平，幾十蚊到幾百蚊都有環境高尚，地方舒適，卡位很大，侍應服務高水準。黎e到飲茶，同平時係嘈雜既茶樓完全唔同，係e到係一種享受，可以消磨一兩小時很容易。食物全部都係米芝蓮水準，每件點心都有佢既特色，新鮮即整。如果你想試下真正既米芝蓮中式點心，一定要試下，除左價錢比較貴之外，無得輸！
continue reading
餐廳走瑰麗氣派，以龍為主裝飾，由餐具擺設到菜單封面，都見到龍嘅蹤影。枱剛好喺落地大玻璃旁，海景就冇，但就有成個新濠影匯賭場作景，唔知食食吓會唔會食出賭癮呢？先講講佢地嘅待客之道。所有客人走入餐廳都會被帶到等候區等，然後再逐張逐張台帶位。每張枱都近乎1對1服務，只要一舉手就有服務員黎幫你，每次落菜都會介紹菜式，又自動波令你茶杯常滿，米芝蓮餐廳果然係要食埋服務😏。 點菜後，每人都會有一盤頭盤，有由玥龍軒專業茶師調配符合季節飲用嘅好茶同一口炸鮮奶。茶順口清香，配炸得香脆嘅甜鮮奶，幫你打開味蕾，準備享用之後嘅點心。最特別係盤內有一個空嘅高身杯，係用黎聞，用嗅覺品嚐香茶。講返主角點心先😏玥龍極品鮮蝦餃🦐一粒蝦餃就知道一間酒樓嘅質素。呢粒竹炭蝦餃做到作為蝦餃嘅要求：皮薄餡靚；而且蝦大隻得黎爽口。圓潤嘅蝦餃加上金箔更顯貴氣。竹笙蟹粉百花卷🦀百花卷以蝦膠製成，本身味道比較淡，淋上嘅瑤柱蟹粉可以話有畫龍點睛嘅作用，令整個百花卷鮮味提升。鮮蝦韭黃春卷🦐蝦春卷非常脆口，但並不是驚喜之作；相反小妹鍾意裝春卷嘅盤子，好似酒杯咁，令整個點心升級咗。香茜石班脆皮海龍皇腸粉🐟係腸粉皮包住石班春卷；春卷炸得香脆，並冇被腸粉皮整腍，食落比炸兩更香脆。腸粉皮夠薄夠滑，可惜石班份量比較少，唔係好食到石班。秘製魚翅灌湯餃咁多點心中小妹最鍾意嘅😍上台後先倒入湯，係你面前將睇落平平無奇嘅蒸餃變成灌湯餃。湯頭加入幾絲金華火腿，飲落清醇鮮美，並唔係一般灌湯餃個種死咸；而且餃子餡料十足，每一啖湯都可以食到餡料，真心推介👍🏻！ 金喳脆皮帶子餅酥皮幾鬆脆，味道有少少似食黃橋燒餅，但小妹覺得略為油膩。合桃流沙包第一次食加入合桃嘅奶皇流沙包，感覺幾新鮮，合桃令包多咗一份口感；奶皇香滑而且甜度適中，有驚喜！最後唔可以唔講埋佢嘅送嘅點品盤，每一粒都精緻又好食。除咗有蓮蓉酥、Macaroon，仲有杏仁豆腐兔子🐇同黑芝麻小豬🐖。小豬造型好得意，芝麻味好香濃，布丁滑得黎又有少少芝麻粒嘅口感，出奇地好食😋貴為「譽瓏軒」姊妹店，「玥龍軒」質素的確有番咁上下，味道服務都到位，米芝蓮一星的美譽並唔止係光環。另外大部份點心價錢係50-70蚊，其實比香港唔少貴價/酒店點心平，所以小妹覺得值得一試！ （唯一比較唔抵啱嘅係茶錢係每位計，而最平嘅都等於一個點心嘅價錢，比例上唔係咁值）
continue reading
You may be interested in