2
1
0
Telephone
+853 28454204
Opening Hours
Today
11:30 - 15:00
18:00 - 22:00
Mon - Sun
11:30 - 15:00
18:00 - 22:00
Above information is for reference only. Please check details with the restaurant.
餐廳：天福台式鐵板燒 (皇朝)地址：宋玉生廣場(皇朝)柏林街218號星海豪庭金星閣地下K, L, M座相信無邊個澳門人唔識七八十年代喺天福廣場紅極一時嘅大型遊戲機中心🎮，作為大部份澳門人都去過嘅地標，台灣老闆喺6年幾前用「天福」呢個名，開咗呢間主打台式鐵板燒同台灣美食嘅餐廳——天福台式鐵板燒，希望延續澳門人嘅回憶除咗各款MOP58起嘅抵食套餐，包括全手工製餃子🥟、大碗肉燥蓋飯、鐵板等，趁住呢個秋冬季節，天福仲推出全日供應嘅冬日喜慶特選二人套餐(MOP588)同秋日精選推介二人餐(MOP348)，而我今次嚟食嘅就喺後者🍽兩個人前前後後有8款食物/甜品/飲品，呢個套餐都真喺算抵食，其中仲有幾款食物可以二選一，可以比食客按喜好有唔同嘅選擇🤓。先嚟咗個台灣小食拼盤，裡面有二人份嘅台灣香腸、花枝丸同櫻花蝦餅，即刻勾起我對上一次去台灣夜市掃街嘅回憶過咗無耐店員就送上自己煲無味精嘅老火靚湯——合掌瓜紅蘿蔔瘦肉湯同青瓜蟹籽沙律🥗，與此同時師傅就喺眼前嘅鐵板爐整緊炒緊油麥菜🥬，食落仲有陣陣蒜香🧄之後有鐵板巴西黑椒牛柳🇧🇷，喺鐵板上切粒，加上醬汁同用洋蔥爆香🧅，每啖都喺軟嫩多汁嘅牛羶香滋味🤤；食埋新鮮大隻嘅蔥花蒜香扇貝，就到招牌台式照燒汁炒麵，簡單加咗洋蔥、椰菜、紅蘿蔔炒香，配埋隻流心太陽蛋🍳，雖然簡單咗啲，但勝在夠飽肚最後食埋甜品——自家製台灣手工芋圓仙草凍同蛋香濃滑嘅天福雞蛋布丁🍮，飲埋唔洗加錢就飲到嘅台飲——珍珠奶茶同冷泡烏龍茶加蒟蒻🧋，既食到鐵板燒，又可以一嘗台式美食，真喺一舉兩得🥰
continue reading
[ 天福台式鐵板燒 ]係香港都係食日式鐵板燒為主，聖誕假期去澳門🇲🇴一日遊，搵到呢間台式鐵板燒餐廳，菜式方面幾有台灣風味。✿ 秋日精選推介二人餐 MOP$348 1） 是日餐湯 及 青瓜蟹籽沙律餐湯🥣係冬瓜蘿蔔豬骨湯，熱辣辣足料清甜。沙律🥗係芝麻醬蟹籽青瓜沙律，口感清爽。2）鐵板黑椒牛柳 (或 辣汁原隻魷魚筒）師傅先在鐵板炒熟洋蔥🧅，再加入黑椒汁炒香洋蔥。牛柳扒🐮🥩煎熟後切成一口牛，再混合在醬汁內。牛柳嫩滑多肉汁，洋蔥帶香辣黑椒汁，相當惹味。3）鐵板扇貝兩隻 師傅將連殼扇貝放在鐵板上，起肉煎熟後放上蔥及蒜蓉，扇貝肉鮮嫩多汁。4）台灣小食拼盤 (或 鐵板多春魚）台灣小食拼盤有花枝丸🍡、櫻花蝦餅及台灣香腸🌭，全部都係熱門地道小食。5）黑椒汁鐵板炒飯 (或 台式照燒汁炒麵）鐵板炒飯炒得乾爽，粒粒分明，有黑椒味道但唔會過咸。6）鐵板芽菜 (或 鐵板油麥菜）🥬銀芽及洋蔥加醬汁係鐵板上爆炒，口感爽脆。7）台式手搖飲品 (或 啤酒兩杯) 🍹🍻有多款果茶、梳打系列等台式飲品。8）台灣手工芋圓仙草凍 或 天福雞蛋布丁🍮兩款都係自家製甜品，好有台灣風味。總結🫦 今次初嘗台式鐵板燒，價錢💰較日式鐵板燒相宜，同樣有席前座位可以欣賞廚師廚藝。餐廳位於澳門金沙酒店附近，可以從口岸坐公共巴士或酒店巴士到達，交通方便。✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿天福台式鐵板燒地址：澳門柏林街218號星海豪庭金星閣地下K/L/M座電話：+853 2845 4204✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿
continue reading
因為工作關係，要嚟澳門做嘢🛳，lunch time🕜同事帶咗我哋去公司附近食台灣嘢，依間嘢除咗有定食🍱仲有鐵板燒我就點咗鹽酥雞🐓併台灣香腸🌭定食，依個定食真係好重量級，有湯，前菜，大大碗肉燥飯🍛同大大碟餸，仲包餐飲🥤唔知漏單定咩原因啦，其他同事都差唔多食完🍽我都未有得食，雖然等咗咁耐，但係條腸凍嘅🙄個鹽酥雞就新鮮炸起熱辣辣，味道呢…台灣腸現成嘢囉；鹽酥雞啲味只留於表面，雞肉就冇乜味，啲紫蘇葉都唔脆😅啲肉燥五香味好濃，都ok以我碟鹽酥雞而論，味道就普普通通啦，但價錢都幾公道，而且like佢哋個Facebook,會送一碟多春魚🐟或者菜脯蛋🥚
continue reading
You may be interested in