4
3
1
Telephone
+853 28596336
Opening Hours
Today
12:00 - 15:00
18:00 - 22:00
Mon - Sun
12:00 - 15:00
18:00 - 22:00
Above information is for reference only. Please check details with the restaurant.
去澳門當然要食番一餐葡國菜 咁先夠風味 澳葡坊係位於大三巴旅遊區附近既一間葡國菜餐廳餐廳主打懷舊風 裝修帶d復古既感覺 放置左好多店主收藏既葡萄牙懷舊擺設 今次叫既野食如下：1.白酒香草蝸牛仔 🐌 💰42小/ 68大呢款菜式用左白酒，洋蔥，紅菜頭，蒜，香草等去烹調，有d似食緊法式焗田螺既感覺 雖然有提供牙籤方便食用 但係蝸牛比較細隻同埋軟身 輕輕用咀一吸其實已經食到 好開胃2.薯絲馬介休 🥔💰148薯絲炸到一條條 配上馬介休，蛋同埋洋蔥 食落好香口 薯絲炸到好脆 好似食緊平時薯條零食咁 口感都幾特別 夾埋一齊食帶少鹹 可以配埋麵包一齊食 適合重口味既朋友仔 3.燴牛脷 配薯蓉 🐮💰178牛脷煮到好淋 岩岩好 有入口即溶既感覺 配醬有d酸酸甜甜既味 同薯蓉一齊食既味道都幾夾4.焗鴨飯 🦆💰158 鴨肉得幾片 建議可以再多d🤭 食落好似臘腸既感覺 飯就好普通 似平時食嘅糯米飯咁呢個飯需時約15-20分鐘，所以建議大家一開頭就叫定 因為上餐時間都比較耐 5.焗葡國雞 🐥💰148味道同不嬲食到嘅葡國雞味道差唔多 好濃椰汁香 雞都係滑既 6.白酒 🍾🥂餐牌上面嘅酒名都係葡萄牙文 所以就隨意叫咗職員介紹一支 帶少酸 果香 裝飾很特別 店員會將酒放落古代既痰罐到🤪 十分可愛總結餐廳味道尚算可以 但係上菜時間有待改善 一道菜都要等10至15分鐘 本身好肚餓既我地 一道道菜咁等 未食到最尾都消化到飽曬 想感受下葡國嘅風味 可以去試吓呢間餐廳澳葡坊 (新馬路) 💁🏼♀️📍新馬路板樟堂巷7號地舖
continue reading
澳門朋友介紹我嚟食，新馬路行入去大三巴方向嘅巷仔就會搵到佢，部份特別嘅菜式係要預訂‼️我就特登訂咗釀蟹蓋配迷你多士$188，呢個真係好值得嗌，不過係冷盤嚟，未必個個啱食，佢搽落多士/就咁食我都覺得好正，我一人食咗半隻😋 不過唔知係咪因為星期六黎，啲小食好多都無！乳豬角無、千層牛肉酥無🥲、最後諗住叫炸八爪魚鬚$88，經理同我講有預訂菜式嘅烤焗八爪魚(份)$268🐙，我要咗，不過我對呢個決定好後悔，因為我真心覺得難食、無味、淋patpat，好奇怪😫 仲要呢個價🥸 之後就係薯絲馬介休 $148🍟 ，貪得意唔叫馬介休球($10/粒) ，但同樣係後悔之作，澳門朋友都話未試過咁樣食，係特別，但唔算好食。佢係有好細條嘅炸薯條圍邊，中間就係馬介休，無乜特別，亦無乜味🤣 燴黑毛豬面頰 $188 🐷- 之前係嘉里酒店紅糖食過和牛面頰，今次食豬🐷 以為都係面豬登，口感會差唔多，但肉質口感就好大分別，今次係偏淋，口感就麻麻，但味道都幾好，特別係加埋佢伴碟嘅薯蓉。 海鮮燴飯 $238 - 我覺得唔係好夠味，但整得都唔差，亦都足料🦑🦐 今次3個人食咗$1133，最伏係經理介紹個個烤焗八爪魚，如果唔叫個個，成餐性價比都幾高，亦都夠飽嘅，如果識得嗌，呢度啲菜式特別得黎都唔錯！
continue reading
話說前晚吃完海x餐廳的美味葡菜後，覺得很滿意，今晚平安夜，我們訂了這家人氣相對較低的葡國餐廳。它座落在人流相對較少的小巷中，稍一不留神，經過了都不會發現它的存在。是晚平安夜餐廳人流比預期的少，大約9成滿座，餐廳不是太大，但由於座位數目不是太多，所以檯與檯間的距離相對較寬，私隱度較高。店內侍應都是說英語的，下單點菜時要注意哦！她們服務態度很好，都面帶笑容，這點不錯。餐廳裝潢富情調，坐得舒適。今次點了海鮮燴飯、辣汁蒜蓉蝦、蒜蓉牛肉粒和燒牛肋肉配葡腸煎蛋。點菜後來了餐包，餐包是凍的，很韌。海鮮燴飯份量兩人食剛好，有青口、蝦和蜆肉等配料，燴飯一般，海鮮鮮味沒有很突出，只有一點蕃茄醬味道，而飯的整體調味偏重，有點鹹，忍不住要喝掉一大杯水。辣汁蒜蓉蝦全晚最美味，辣度是非一般的辣，所以不吃辣人士不要點，蝦肉爽彈，辣汁蝦味很濃，沾麵包一流!蒜蓉牛肉粒沒蒜蓉味，牛肉粒很嫩但完全沒牛味，醬汁有點酸味，味道有點奇怪，整體麻麻，可以不試。燒牛肋肉配葡腸煎蛋牛肋肉不韌，但同樣沒牛味，調味都偏淡，葡腸煎蛋，上面有一堆蔬菜絲，蛋上舖有幾片葡國腸，煎蛋中央有薯仔片，葡腸味道有點鹹，有點像我們的臘腸，加上富中式味道的炒蔬菜絲和醬汁，很有中菜的影子，個人麻麻。是次感覺除了辣汁蒜蓉蝦外，其他的味道都是麻麻，有點浪費金錢的感覺，下次不會再來了。
continue reading
澳葡坊位於澳門新馬路-議事亭前地附近，黃枝記對面嘅板樟堂巷，走入巷內已經感受寧靜優雅氣息。餐廳主打澳葡懷舊風，有店主大量珍藏，猶如葡萄牙博物館，好典雅，食飯之餘，靜靜享受葡式風味。餐包係澳門特產豬仔包，熱辣辣，外脆內軟，令人不其然就全部食完。來一瓶葡式果汁同汽水，汽水會比較淡易入口，果汁太濃，要加水中和濃味。炸沙丁魚 ~ 平日多試多春魚，今日初試炸沙丁魚，連魚頭都唔腥，香脆可口，必定要試。蒜香蝦 ~ 蝦新鮮彈牙，擺盤精明，蝦殼已經處理，所以方便入口，配上香濃蒜泥，一試難忘。馬介休炒椰菜 ~ 清淡椰菜配上馬介休，絕對將椰菜鮮味提升，又能食到馬介休味道。海鮮燴飯 ~ 原來這個燴飯，汁多似湯，但第一啖就食到海鮮同蕃茄濃郁香味，加上新鮮芫荽，充滿味覺享受，飯粒粒粒分明，唔會糊埋一齊，而且海鮮好足料，青口，蜆，魷魚，啖啖海鮮啖啖飯，好滿足。薯絲馬介休 ~ 將薯切成絲，炸到一條條，配上馬介休，蛋同洋蔥，充滿蛋同馬介休香味，好香口。不過略微有點鹹，應該可以再調整下味道。木糠布甸 ~ 這個木糠布甸充滿無限驚喜，一刀切下已感覺同一般唔同，佢係比較硬身，唔會鬆散，如雪糕般，放入口等佢溶的感覺好舒服，而又有口感，好鍾意，絕對係夏天最啱食甜品。至於價錢方面，我覺得價格口理，而且最重要係服務態度超級好，店員係好細微事情都留意到，下次去澳門玩，可以去試下。澳葡坊新馬路板樟堂巷7號地舖
continue reading
嚟澳門旅遊喺6-7年前嚟過一次，而嚟澳門賭錢就嚟過好幾次，但喺澳門食葡國菜就真喺未食過，所以今次嚟到「澳葡坊Portucao」食葡菜。白酒檸汁煮蜆 $162.8淨喺個量已經完勝香港好多餐廳，百幾蚊有咁多蜆，香港已經搵唔到。仲要粒粒都有肉，仲要無死蜆👍👍；對比起喺香港食到嘅，一喺得殻無肉，一喺死蜆😵😵。可惜嘅喺味道比較咸，唔知葡菜喺咪偏重口味，但喺有香菜同青菜做配料，可以解到小小咸味。推薦大家試下。薯絲馬介休 $184.8薯絲係炸過，馬介休碎又煎香過，成碟野都係脆口野。頭幾啖會好過癮，但再食落去就覺得好油好膩，如果加落沙律菜食，可能會更加好。非州雞 $162.8呢款菜喺辣嘅（正確嚟講對於唔食得辣嘅人嚟講喺好辣），呢款辣喺好深濃郁嘅。一小啖已經食得出有好多調味粉，而辣粉好似多到未混合晒，會喺你口入面先會混埋口水咁。雖然肉質喺鮮嫩同軟熟，但睇返價錢，真心覺得貴🤦🏻♂️🤦🏻♂️。價錢：7/10（雖然每款菜嘅量都好多，但喺定價都喺貴）服舒：8/10（其實佢地服務已經超好啦，不過好多野要親口問先有，例如要杯水同埋餐前包）
continue reading
You may be interested in