Video
Telephone
+853 28569494
Introduction
Mr. Ao, the founder of Lou Kei Dining, is a perfectionist on food and dining, and his objective is to serve only the best food to his customers. All these years, he has been constantly studying and innovating to create many new dishes.
continue reading
Awards and Titles
MICHELIN Bib Gourmand (2024)
Opening Hours
Today
18:00 - 05:00
Mon - Sun
18:00 - 05:00
Above information is for reference only. Please check details with the restaurant.
Recommended Dishes
RELATED ARTICLES
位於澳門筷子基的「老記粥麵」，隱藏於住宅區內，離遊客區有一定距離，想試就必須專程坐車過嚟，咁是否值得來呢？因當日只有兩個人，未能試多幾樣食物，實在有點可惜；只叫了蝦子撈麵、沖菜獅頭魚粥、發菜陳腎淡菜粥及沙薑拌蹄筋。蝦子撈麵～麵質爽滑，更滲出淡淡蛋香，可惜蝦子太乾身及唔香，如配雲吞或水餃，應該會不錯。🤔沖菜獅頭魚粥～獅子魚膠質豐富，魚骨細刺少，魚肉香滑鮮甜 ，口感有點似石斑魚；粥底完全吸收了魚肉的精華，鮮甜又好味；就為這碗粥，也值得專程過嚟。😍發菜陳腎淡菜粥～粥底綿滑帶米香，加上發菜，味道也是很不錯；可惜陳腎煮得未夠腍，有點太硬。😅沙薑拌蹄筋～蹄筋食落煙靭爽彈，骨膠原豐富，配上適量沙薑調味，滋味更好。雖然不是全部試過的也很出色，但那碗獅頭魚粥真係超級好吃，下筆這刻已想再去食了！😋#蝦子撈麵 $55#沖菜獅頭魚粥 $95#發菜陳腎淡菜粥 $60#沙薑拌蹄筋 $70#老記粥麵澳門筷子基和樂大馬路12號宏基大廈第4座H及M號舖電話：(853) 2856 9494營業時間：18:00-03:00
continue reading
哩間老記粥麵向筷子基開業廿年，做街坊生意2024年榮獲米芝連推介，絕對憑實力取勝。連的士大佬個個都讃👍🏻👍🏻無提前訂位，只像搵酒店前臺幫忙打電話去預約，然後搭車過去，竟然搞掂咗，係緣份呀🫶🏻嚟澳門玩，食水蟹粥係必須的，做得粥麵店，梗係要試埋麵啦，仲有其他大排擋小炒，好多出面搵唔到，見到個菜名就知無得輸💪🏻💪🏻💪🏻水蟹粥 （大鍋）$358鮮甜棉滑🦀、足料又新鮮😋😋😋唔係世一，但都打敗99.9% 澳門水蟹粥😌黃金蟹竹昇麵 $418用頂角膏蟹炆麵第一次食，真心推薦🫶🏻🫶🏻🫶🏻蟹膏扎實、蟹肉鮮甜、竹昇麵炆完都仲口感爽彈、唔會一pat嘢、汁醬洽到好處、惹味得嚟又唔會死鹹、除咗蟹味香濃仲帶好香蠔油味，絕對值得2擦💯薑蔥田雞煲 $123哩到嘅煲仔菜亦係超水準、田雞鮮味配勁多蔥，惹味到不得了🐸🐸🐸
continue reading
因為屋企人睇錯資料，山長水遠由氹仔嚟到食呢間老記粥麵，嚟到發現係米芝蓮推介餐廳，之後睇下食評有咩餸好食，發現大家推介嘅餸都好唔同，而個menu真係超多嘢食揀，唔知嗌咩食就隨心叫啲鍾意嘅餸試下：水蟹粥，可能係全澳門最好食嘅！粥底夠綿，蟹肉唔削多膏，好鮮甜！我見好多當地嘅街坊都叫咗！魷魚炒麵，有得揀濕炒定乾炒，我哋揀咗乾嘅，澳門啲魷魚真係好肥美，又大條又爽口彈牙，平時最驚啲硬嘅炒麵有油益味，呢度完全唔覺，麵身好爽脆，配埋個好惹味又適量嘅芡汁，真係冇得輸👍🏻生啫黃鱔煲，一上枱滋滋聲，見得到嘅鑊氣！黃鱔好鮮好香，如果大舊肉啲就仲開心～菜乾豬肺湯，呢個真係懷舊味道，菜乾豬肺味邊個都搶唔到對方，豬肺好乾淨一啲腥味都冇，係飲得出嘅心機同誠意！雜薈炒河，係好足料嘅雜薈！有鮮魷、豬雜、雞肉～籠仔膏蟹蒸糯米飯，不得了地多膏，仲要唔係剩係隻蟹好食，個飯底都超好食，個飯充滿住碎嘅薑蔥，啖啖都好惹味👍🏻👍🏻👍🏻終於都明點解啲食評個個都推介唔同嘅嘢食，因為求其嗌每一味餸都好好食🤤呢餐飯真係食得好開心，好有回憶嘅味道，係食得出嘅心機，侍應亦招呼得好好，見到街坊之間嘅交流都好有人情味，下次有機會嚟澳門都要再食！
continue reading
係Google map無意中search到呢間有4星米芝連餐廳😯想食水蟹粥 決定試吓佢！入面裝修都幾靚 古色古香Menu都好多野食 水蟹粥有得拼其他餸亦有其他小菜粉麵叫 仲要唔使加一！水蟹田雞粥(細窩) ($198)按人數可以決定揀大定細窩配埋田雞成個粥更加甜 正😋都好足料 蟹同田雞都好肉地細窩都好大兜 2-3人食都夠翅湯竹笙什菇浸花甲煲 ($128)翅味就唔係好食到😂不過個湯好飲入面有好多花甲同菇 竹笙都好爽口又係好足料嘅一煲😎椒鹽粟米 ($75)勁惹味 又係份量大好香口 食完一舊想再食多舊😋蠔仔煎蛋角 ($98)原本有d expect 好似煎蠔餅咁不過唔係😂 似菜圃蛋但入面變左蠔仔都多蠔仔 不過整體冇咩味有魚露點下會好食dOverall每樣野水準都唔錯特別係水蟹粥真係值得一試唔近旅遊區 但味道更好👍🏼
continue reading
來到這食店縱使已是深宵一時多，但食店裡仍是高朋滿座，咱們也要稍後一會才得以安排入內。🤤生劏水蟹粥 - 常常聽說到澳門也會去吃蟹粥，這次卻是小的首次，粥底煲得極綿，蟹有兩隻，肉質鮮甜，不錯。🤤海哲拼燻蹄 - 很久沒吃過的冷盤，海哲彈性十足，燻蹄爽口，放在底部的炸花生無論淨吃或佐粥吃也是很滋味。。🤤避風塘九吐魚 - 魚肉雖然炸過，但仍保持肉質嫩滑，此菜帶點辣勁呢。🤤牛腩菜 - 牛腩瘦多過肥，肉質軟淋，牛筋仍然保持質感，墊在底部的菜拌著腩汁同吃，比起下蠔油吃時更勝一籌。🤤金牌炸雲吞 - 非常酥脆，蝦子彈力很好，蘸上酸甜醬同吃更佳。🤤干燒伊麵 - 不油不膩，吃罷碟底也不會太油亮。🤤豉椒骨炒麵 - 惹味的豉汁排骨，炒麵其實是炸的，非常繃脆呢。
continue reading